إِعتِذَآآرْ لِكُل البَـــنَــــآآت

[ღ حورية فلسطين ღ]

كيفكم ..

شو اخباركم ..


نفوت بالموضوع على طول بلاش الف وادور عشان ما تفكروه مقلب

بطلت المقالب من زمان انا بطلت حدا يصدقني

هالمرة الموضوع فعلا جدي

لأني عن جد ما بحب حدا يزعل مني

هالموضوع سببلي ازمة نفسية بجد

بس والله غصبن عني

كتير من البنات اذا ماكانو كلهم زعلانين مني

والسبب !!

بطنشهم لما يحكو معي عالمسنجر

بس والله مو حكاية بطنشكم

بس عن جد حاولو تلتمسولي العذر

اكتر من بنت صارت مسمعيتني كلام بسبب الطناش

واكتر من بنت زعلت مني بسبب الطناش

حتى من كتر ما فقدو الأمل مني صارو يشكو لوردتي علي

اجتني نونتي بهدلتني بتحكيلي صار واصلني الف شكوى عليكي بسبب طناشك للبنات

وبحكو انك اتغيرتي عليهم وبطلتي تحكي معهم وبحكو معك بتنطشيهم وما بتردي عليهم

انا هون رح احكيلكم ظروفي ورح احكيلكم شو اللي بصير معي

عشان تعرفو عن جد إني ما بطنشكم بس ما بقدر ارد عليكم

اول شي .. طول يومي بالدوام والكل عارف اكتر وقت بفوت فيه بالليل بعد ما ارجع من دوامي

والله ما بكون فاضية يعني يادوب ارجع افتح إيميلي بنطولي عشرطعشر شخص يحكو معي لأنه بكون طول اليوم مو فايتة والكل قاعد بستنا بحضرة جنابي وبعرفو انه مافي غير هالوقت يحكو معي فيه فبنطولي

انا بهالطريقة ما بعرف احكي مع حدا وبنفس الوقت بكون مشغولة بميت شغلة

والله حتى اكتر الشغل بدوامي صرت اخليه للبيت لأني ما بلحق اعمله هناك وحضرة جنابه المدير بتكل علي بكتير شغلات لأني انا إيده اليمين الله يحفظني فعنجد بكون مشغولة

وانا من النوع اللي اذا عملت شغلة بحب اركز فيها وما بتطلع بشي تاني بالمرة

هاد شي

الشي التاني اللي ما بتعرفوه

انو انا طحشة .. لا بس هاي بتعرفوها من زمان ههههههههه

لا عن جد بعمل عملة بتقهر وما حدا بعرفها غير نونتي ودايما بتبهدلني عليها

وخايفة احكيلكم عليها تصيرو تبهدلوني انتو كمان

بس رح احكيها حتى لو على قطع رقبتي عشان تعرفو انه انا ما بكون قاصدة اطنشكم

بترك المسنجر مفتوح هيك وبروح

حتى ما بتعب حالي وبحط الحالة بالخارج

بتركه متصل وبروح

يا بطلع من البيت

يا بروح عالشغل

يا بنام

يا بروح باكل

وانتو بتحكو معي وبتفكروني موجودة وبطنشكم بس عن جد انا ما بكون موجودة

مش عارفة كيف احكي وكيف ابرر

بس عن جد بعتذر منكم والله مو قاصدة اطنشكم

وما بحب حدا منكم يزعل مني

والله ما بهون علي زعلكم

حاسة البنات كلهم مو طايقيني حتى في بعضهم حزفوني بسبب الحركات البايخة اللي عم بعملها وبدهم يعملو فيني هيك

بس والله بدون قصد ما ابيخكم كيف بهون عليكم تزعلو من حرحورتكم

عن جد انتو بايخات

والحق علي اللي عبرتكم واعتذرتلكم ههههههههههههههههه

معلش انا بكحل وبعمي بنفس الوقت

اعتذار خاص لـــ

امل & هيا

لأنهم واجهوني بالحقيقة ^_^

لمور & عين فلسطين

لأني امبارح عن جد حسيتهم زعلو لأنهم وهما بحكو انشغلت وبطلت ارد عليهم وضلو ينادو علي وما انتبهت الا من بعد ما زعلو وطلعو

وطبعا اعتذاري لكل البنات اللي زعلانين مني بسبب طحاشتي

وبدكم تبهدلوني بهدلوني انا راضية بس لا تزعلو مني


وهي حبة مسك حلوان الصلحة

[أســـآمـة]

ههههههههـــ

بعينـــ الله~ْ

[haboosh]

ههههههه

ابعتيلبيايميلك و شوفي كيف ماااااااااااااا بزعجك...

[عزيز النفس]

شئ ظريف :)


بيعن الله اعذروها يابنات ,,, :)

[[ Islam ]]

ههههههههههههههههههههههههههههههههههه ههههه

ولي السمايلات بجننوا

بدي اياهم :@

[εïз ملآكـ εïз]

ههههههههههههههه يعني بجد ما بعرف شو ارد

اضحك و اموت ضحك و لآ ابهدلكـ ع عملآتكـ ؟

اعتزآركـ غير شكلـ كالعــآدهـ و الموضوع كلو غير شكل لوول

ان شا الله بقبلوهـ منكـ

و لآ يهمكـ اكيد ما بهونـ عليهم يضلوا زعلآنين

[limar]

هههههههههههههههههههه

يييييييييي ولي والله ما زعلت انا بس اتطريت اطلع

بعرفك طحشة واتعودت عليكي

الله يعينك حبيبتي بعرف بتتعبي والله

ما يهمك ما بزعل من سنوء انا

تسلميلي حبيبتي

والله مبارح تلفونك فرحني انتي وليال

ما يحرمني منكم حبيباتي

[أميـرة فلسطين]

اول ما شفت عنوان الموضوع بالشريط فوق فكرت الموضوع لـ Hinata


وعلى كل حال اعتذارك مش مقبول :"( يا ما بترد قال يا بدها 100 سنة تترد !

انا لاحظت عليكي بس ما حكيت ,,,,,

طيري ولي !! ازا مش فاضيه ليش بتفتحي المسن أو خليكي اوف لاين احسن !

أطلعي من راسي عاد :( قال الواحد بدو يحكي معها ومشتقلها قال :(

اما عالم ياربي :(

[haya-jor]

ههههههههههههههههههههههههههههههههههه هه

حر حر .. منزله موضوع اعتذار حلوووه والله
يا حبيبتي يا هبوووله انتي, مين زعلان منك ؟؟

المشكله انو الواحد بعرف انك مشغوووله وبيزي بس ما بقدر يقاوم ما يحكي معك
انا بالنسبه الي لو اي حدا يضربها طناش معي ببلوكو وبنسى امرو لكن انتي غير شكل
وحياة الله بعرف انو انتي مو قصدك طنشي لكن هيك بصير معك مشغوووله وبيزي والله اعلم بحالتك
حصل خير يا شحروره .... الله لا يجب الزعل بينا ولا الطناش يااااااارب

هي ورده الك دليل على عدم وجود اي نتفه من شي اسمو زعل ... اصلن يا حرحر بكفي نورك في المسن

[أميـرة فلسطين]