| الإهداءات |
|
|||||||
 |
|
|
أدوات الموضوع | انواع عرض الموضوع |
| الإهداءات |
|
|||||||
|
|
|
أدوات الموضوع | انواع عرض الموضوع |
07-06-2009, 12:42 PM
|
#11 | |||||
|
..{ مديـــرة عــــامة }..
»• عبق فلسطيني اصيل •« 
قوة السمعة: 50
  |
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
النسبة لموقف حماس من الدولة اللي على حدود 67 أنه ياخدوا أدنى قرار ممكن يكون فيو تنازل عن وقف إسلامي .. ولو صار هالـشي .. نحن رح نكون أول نآس توقف بوجههـم .. وكونهم من حمآة الأرض .. مش معناها إنهم يوصلوا لوقت يصير من صلاحياتهم التنازل عن حبة رمل وحده ! هالكلام مفروغ منه ! .. لكن فعلا يا نـور .. همي حكوا لو صاروا دولتين .. فهـمي مش رح يعترفوا بإسرائيل كدولة .. وقالوا أنه مش من الضروري ، وجود الحدود ، أنه همي يعترفوا بالدولة الي جنبهم .. وسمعت هالكلام من خالد مشعل ، ووقتهـا أعطى مثل لدولتين .. نسيت شو همي .. يعني بالنهـاي مش رح يعترفوا فيها بس هي طريق .. لتحصيل الحقوق تدريجيا لكن الكلام الصحيح كمـان الي حكيتيه انه إسرائيل .. مش رح ترضى بهالشي .. وانتي وانا وأكيد حماس عارفه انه إسرائيل مش رح ترضى فإذا الحال رح يضل متل ما هـو .. ! وبجميع الأحوال بتكون حماس ما تنازلت بإذن الله .. غير هيك يا نـور الحمدلله انتي وأنـا من المسلمين الحريصين على أصغر حبة رمل من أرضنا الإسلامية .. وأكيد حمـآس .. بقادتها .. ومشايخهـا وعلمائهـا مش رح يكون اقل حرصا ً مني ومنك يا نـور .. وحماس فيها من المشايخ والعلماء .. اللي لو كآنت هالخطوة فيهـا مخالفه شرعيه .. لمـا سمحوا فيهـا ,, وعلى رأسهم الياسين الله يرحمه وكذلك العالم الجليل ، الشيخ نزار ريّان .. كمان الله يرحمـه .. الطريق واضح، هاي فكرة حمآس .. بدون إعتراف .. بالمقابل إسرائيل ما بترضى شي طبيعي .. يعني التمسك بالثوابت المهم يبقى قائم ، إي هي إسرائيل مع اللي قبلانين يعطوها باقي الأرض على طبق من ذهب .. مش قبلانه تسآوي إلهم دوله ، رح تقبل مقابل أنه يبقى الحق للطرف الآخر استرجاع باقي الأرض ؟! طبعا لاء ,, وأكيد حمآس واعيه لهالشي يا نـور .. بس هو نوع من المرونه السياسيه .. الي بيتخللهـا عدم التنازل عن الحقوق ... سواء هالشـي أرضى الطرف الآخر أم لم يرضيه = النتيجه واحده ! ويوم الي حمآس أو غيرهـا .. رح تقبل تتنازل عن حق واحد من حقوقنا المقدسة .. الشعب كلو رح يلفظهـا .. وربنا بعوضنآ بغيرهـا .. والله يقويهم ويثبتهم على الحق .. وإن كآنت هالخطوة فيهـا أي حرمة شرعيه ,, نسأل الله أن يلهمهم بالتراجع عنهـا ولكن مع وضوح حمـاس في هذا الطلب .. كبآر علمـاء الأمه لم ينكروه عليهـا .. لأنه ما في تنازل عن الحقوق بإذن الله .. نقطه أخيره أنا فوق لما وضحت هاي النقطه ،، وضحتها مش بس من باب توضيح وجهة نظر حماس لهالخطوة .. لا بس رد على كلام اليهوديه الي حكت أنه حماس بلشت تتراجع .. كانت تطالب بكل الأراضي .. وهلأ بدها بس بحدود الـ 67 .. وتناست باقي الشرط .. وهالكلام أبدا مش صحيح ، هذا الكلام من أول ما اجت حماس وهي تحكي فيه ، وعلى رأسهـا الشيخ أحمد ياسين .. يعني هذا الموقف قديم .. وليس طارئ على حركة حمـاس .. وما فيه اي تراجع ،، متل ما عميحاولو يظهرو حماس إنهـا بلشت تضعف لكن هيهـات .. حمـاس طول ما هي متمسكه بشرع ربنا بعمرهـا ما بتضعف بإذن الله وربنا يثبتهم ... وآسفه كتير عالإطاله .gif "النسبة لموقف حماس من الدولة اللي على حدود 67")
|
|||||
|
||||||
| اقتباس المشاركة |
|
07-06-2009, 12:50 PM
|
#12 | |||||
|
..{ مديـــرة عــــامة }..
»• عبق فلسطيني اصيل •«
قوة السمعة: 50
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
عني هذا حكت فيه منظمة التحرير من 1974 هذا الكلام إنت قرأته فوق من فم إنسانه يهوديه وافق هواها أن تضع حماس في صورة التراجع .. والإنجرار نحو الضعف شيئا ً فـ شيئا ً .. وهذا الكلام غير صحيح أبدا ً .. أولا وضحت بكلامي فوق أنه حمآس هالشرط عندهـا .. من أول وليس بجديد .. وهو إقامة دولة مؤقته مع هدنه طويلة الأمد .. بدون الإعتراف بإسرائيل .. تتحضر المقاومة خلالهـا لإسترجآع باقي الأراضي .. وهذا الفرق بين الي حكته منظمة التحرير يا أخي .. وبين الي بتحكي فيه حماس .. منظمة التحرير قبلت بتقديم 34 أرض فلسطين لليهود .. مقابل دولة فلسطينية وانتهى الأمر .. وهذا ما هو حاصل .. ومع ذلك لم يعطوهم شيء ! بالعكس الإستيطان في تزايد .. لكن حمـاس .. شورطهـا واضحه .. ومختلفه تماما ً .. ! وإسرائيل لا رح ترضى لا بهـاي .. ولا بهـاي .. لكن الفرق .. أنه فريق تمسك بالحقوق رغم كل شي .. وفريق قدم حق المسلمين .. على طبق من ذهب لأعداء المسلمين ! والمساواة بينهم ظلم ،فاحذر يا أخي .. لذلك بعد كلامي هذا .. راجع أخر جملتين من ردك ^^ أهلا وسهلا |
|||||
|
|
||||||
| اقتباس المشاركة |
|
07-06-2009, 01:11 PM
|
#13 | |
|
I ♥ PALESTINE
قوة السمعة: 60
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
لك يسلم تمها خيتي دموع
واصابيعها يلي خطت هيك ابداع : ماشاء الله عليكي اختي كلامك مية بالمية وانا معاكي بكل حرف حكيتيه : من الصبح وانا بنتضر انك تيجي تردي عليهم :( : وفعلا لو حماس فكرت انها تتخلى عن حبة رمل ف كلنا راح نوقف بضدها .. وهي عارفة هاد الشي ومو هامها امرنا ابدا ... لو كان بيمس بالشريعة ثم الثوابت .. لكن هامها امر الله تعالى ثم حق الاراضي الفلسطينية وحق كيان فلسطيني موحد وعاصمته القدس الشريف : اما بالنسبة لحركة التحرير فيا خيتي دموع الرحيل .. بدي انوهـ ع هـ النقطة هما فكروا انهم يحلوها متل ما الاخ خالد مشعل ( والله أعلم ) هلأ عم بفكر ومتل ما انتي حكيتي اخت دموع الرحيل انه نوافق ع شيئ معين .. بعدين بنكمل مشوار التحرير المهم نوصل لاي نقطة : متل ما حركة التحرير سوت وافقت ع انها تعطي اسرائيل من الارض لانها انهرت .. وتعبت : ورضيت بربع للفلسطينين : وقالت بعدين بنكمل المشوار وهيهات هيهات ع بعدين : لكن هاد ما بدنا ياه منكم يا حماس اوعكوا توقعوا بغلط غيركم املنا في الله ثم فيكم كبير : اصروا ع شروطكم وخسأ ثم خسأ ثم خسأ يلي بيحكي انه حماس تعبت لا والله وان تنصروا الله ينصركم ويثبت اقدامكم فقط استمروا على منهجكم الاسلامي : واعلموا ان شجرة الظلم لن تثمر : وان الله يمهل ولا يهمل : هذا والله اعلم والسلام عليكم ورحمة الله وبركاته |
|
|
|
||
| اقتباس المشاركة |
|
07-06-2009, 01:28 PM
|
#14 | |||||
|
..{ مديـــرة عــــامة }..
»• عبق فلسطيني اصيل •«
قوة السمعة: 50
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
تسلم أخي تحدوه
المشكله بفتح هو اتفاق أوسلو الي خرب فتح .. وخرب القضية كلهـا .. وفعلا ان شاء الله حماس ما بتوقع باللي وقعت فيه فتح وما تنسى يا أخي أنه القائم على باطل .. خاتمته باطله .. وفتح للأسف ما قامت على أسس دينيه ،، ونحن قضيتنا دينيه بحت .. وهذا الذي يميز حمـاس .. أنها والحمدلله قامت على أساس التمسك بشرع الله ، وإن شاء الله بقوة وعدل الإسلام ستنتصر .. وهذا فرق مهم ، بين فتح وحماس ( طبعا كلو بتوفيق من الله تعالى ) وبيلعب دور كبير .. في استحضار القوة للتمسك بالحق .. لأنه قضيتنا والثبات عليها بدها عزم جبال .. يستمد من قوة الإيمآن بالله تعالى .. غير هيـك .. فالإنزلاق وارد .. ونسأل الله تعالى أن يثبت حماس على ما فيه رضاه عنهـم .. وعن الأمة كلهـا وأن يهدي أبناء فتح الى الطريق الي بيرضالهم ياه .. وأن يطهر أرضنا من كل خائن وعميل .. |
|||||
|
|
||||||
| اقتباس المشاركة |
|
07-07-2009, 09:38 AM
|
#15 | |
|
قوة السمعة: 0
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
المشاركة الأصلية كتبت بواسطة .:.!دموع الرحيل!.:. احنا بنتخوت على بعض؟ يعني هو الموضوع انو ما بدنا بس نلفظ بالاعتراف؟؟ ولو كان الاعتراف ضمني وتحصيل حاصل؟؟ اولا موضوع الاعتراف موضوع قديم مش جديد من وقت ما وافقت حماس انها تدخل الانتخابات لأن الانتخابات هي انتخابات المجلس التشريعي للسلطة الوطنية الفلسطينية الممنبثقة عن اوسلو واللي بتعترف اعتراف صريح بحق اسرائي في الوجود وبتعترف فيهم كدولة . وانا اذا شاركت بأي شي معترف بأسرائيل بكون اعترفت . هذا اولا والشي الثاني اللي اهم اسرائي كواقع موجودة او لا؟ واعترافنا بوجودهم او ان ما اعترفنا شو بيغير؟ هي مجرد شعارات بيسوقوا الناس فيها زي الغنم . دائما لازم ينشال التركيز عن بؤرة الصراع الصراع مع اليهود ، مرة لموضوع الاعتراف ومرة لموضوع الخيانات ، ومرة لموضوع التسليم ، ومرة للشيشان ومرة للافغان . لازم تتركز جهودنا على تحرير الارض، وخليني اخالف الجميع هون ، وبيجوز انطرد من عندكم بس مين حكى انهم حماة الارض؟ خلص ما ضل في مقاومين ؟ ما ضل في مناضلين ، وان قسنا بالعمر الزمني لأشخاص مش لحركات ، ففي اقدم بكثير ، وان اختلفوا مع حماس بالنهج او وجهة النظر صفوا مش مقاومين مقاومين ونص ، وفي فصائل في غزة ، بتقاتل تحت لواء كتائب شهداء الاقصى مش مدعومة فعليا من الكتائب ولكنها ما بتتوافق مع حماس ، هذول الناس نزيل عنهم الصفة القتالية بالمناسبة حماس لو ضلت حركة مقاومة كان ضل الها احترام وجماهيرية اكبر ، كان كسبت كل الجماهير ، بس بالمعترك السياسي ما حيطولوا شي لجهلهم بألالعاب السياسية والدهاء السياسي ، السياسة بدون مبادئ ، واظن كلكم بتعرفوا عن نهج امريكا الجديد في محاورة الاسلامين وين ما كانوا . |
|
| اقتباس المشاركة |
|
07-07-2009, 09:56 AM
|
#16 | |
|
قوة السمعة: 0
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
المشاركة الأصلية كتبت بواسطة .:.!دموع الرحيل!.:. شكلنا بدنا نحكي بأبجديات اول شي هذا واقع واذا بتقيسي شو اللي كان مرفوض من حماس وشو اللي تم الموافقة عليه في النظام الداخلي للحركة ما كان في تحرير اصلا في البرنامج السياسي وكان اقامة الدولة على كامل التراب الوطني الفلسطيني وتعدل ب 1996 ، وصار على دولتين ، واقرأي جيدا الموضوع. الموضوع اللي اهم من هيك ، من قال انو فتح مشان تعبت وانهارت قبلت بالحل السلمي؟ من وين بتجيبوا هالكلام ، ومين قال انها اعطت 3/4 فلسطين للبهود؟ وأظن بدكم توصموا ختيارنا الله يرحمه بالتزاطؤ والخيانة ؟؟ نبلش بنقطة نقطة اول شي ، اوسلو كانت وسيلة مش غاية ، واذا بدنا نحاكم اي مرحلة فلازم نحاكمها بعقلية زمنها مش بعقلية زمنا . اول شي تم طرد الفلسطينين من عام ب ايلول 1971 ، وكان في استعانة من قبل الاردن باسرائيل لطرد الفلسطنين ، وبعدين من بيروت ، كمان استعانة من قبل لبنان باليهود ، واغتيال ابو جهاد الله برحمه في تونس ، 1987 كان قائد العملية أيهود باراك ، كانت رسالة من التوانسة انو اذا ما طلعتوا رح نستعين باليهود لأخراجكم مشان هيك حكى درويش ، ولم نجد ارضا نصوب فوقها دمنا ، وكان قبل تونس ولا عاصمة عربية قبلت بالمقاومة في بلدها . وضلت في البحر فترة منيحة . هلا الشي الأهم ، كان نهج فتح / منظمة التحرير/ الختيار، الحفاظ على القرار الوطني الفلسطيني المستقل ، وقدر يبرز هوية الفلسطنين ، ويكونوا جزء من المعادلة ، ولكن بعد 1988 كان في توجه لأنهاء الصراع ، وكان الهدف استثناء الفلسطنين والاردن تفاوض عن الفلسطنين ، يعني كان الموضوع تحصيل حاصل رضينا او ما رضينا ، واما بنكون جزء من المعادلة او لا، زي ما حكيت عن موضوع الاعتراف قبل ، ومع انهم حاولوا استبعاد الختيار الا انه اقحم حاله بطريقة كثير رائعة ورجع قواعد اللعبة لعنده ، ولو كان سلم زي ما بتحكو ما مات موتته هاي اولا ، ثانيا بشهادة كلينتون واقرأي مذكراته ، حكالو you must realized you are not salah aldin وما رضي يوقع ، واللي قلته قبل الحنكة السياسية اللي كان يتمتع فيها الختيار مش موجودة عند حدا ، بدكم تمجدوا حماس اوكي براحتكم واكثر بس بدون ما يكون في اساءة وتجريح . وبالمناسبة في فترة الهدنة كان في دوريات مشتركة في غزة ما بين حماس واسرائيل يعني بعدين في زمن القيادات اللي بتفهم ومن ضمنها احمد ياسين والرنتيسي ما صار خلاف لهذا الحد يوصل لدرجة اقتتال فلسطني ، ولو افترضنا انو فتح بنت حرام وزبالة وكل الصفات السيئة فيها ، حماس كانت اسوأ وما فرجتنا الوجه الاسلامي في التعامل . وبالاخر احنا انتفرج على نتائج مع على شعارات ولا بنمجد اشخاص ، ولا كنتوا تسبوا على ختيارنا لما يسلم على كلينتون ، بس لما خالد مشعل يمدح اوباما بيصير سياسة؟ |
|
| اقتباس المشاركة |
|
07-07-2009, 10:10 AM
|
#17 | |
|
قوة السمعة: 0
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
المشاركة الأصلية كتبت بواسطة .:.!دموع الرحيل!.:. بجد يبدو ان التفكير العميق بيوصلنا لمرحلة انو نحكي اي شي فتح ما قامت على باطل، واذا بدنا نناقش التيارات بهاي الطريقة خلينا نبدى من الاول ليش نشأت الاخوان المسلمين وكيف ومين دعمها ولهلا شو سر تواجدها ببريطانيا والتصريح بوجودها بالعالم العربي اولا اميركا غذت التيار الاخواني بمصر ممثلا بسيد قطب لأن كان في صراع بين الاشتراكية السوفيتية وبيمثلها جمال عبد الناصر والرأسمالية اللي ما كان في حد بيمثلها وقتها ، واميركا غذتهم حتى يلوعوا النظام المصري ويجابهوا المد الناصري ، مشان هيك كان عداء منقطع النظير ، ما كان عداء للأسلام زي ما بيصوروا الموضوع كان عداء للتدخل الامريكي ، وفي الاردن الملك حسن اجبتاهم ورعاهم لأن في التيار الامريكي ، وكان بدو يوقف المد الناصري في المنطقة ، وفي اخر خطاباته حكى انو يدين للأخوان المسلمين بالحفاظ على الامن في البلاد ، وبتكفيكم هاي مشان نحكي عن حق وباطل ، يعني متلهم متل المخابرات . ثاني شي ما ننسى انو ابوعمار وابو جهاد اخونجية بالاساس ، واذا كنتي تبجهلي هالمعلومة ما بعرف هيها عندك. اجو مجموعة من الشباب شافوا في على الساحة قوميين ، واسلامين ، واشتراكيين ، وتيارات لا تعد ولا تحصى ، فكانت وجهتهم تحرير فلسطين وتوحيد الصفوف ، وكان اولى حسب ما عمل نور الدين زنكي قبل بأنو وحد الصفوف ، وكانت الفكرة الاساس انو اللي مخلص بنيته للقتال او الجهاد اهلا وسهلا فيه . لاحظي انا ما بحكي عن فتح حاليا كممارسة انا بحكي عن فتح الفكرة وكيف نشأت ، طبعا وأبو عمار الله يرحمه وظف فتح للقضية بالطريقة اللي رأها مناسبة . وهذا كله باطل؟؟؟ يعني انتي اللي بتدخلي النار وبتتدخلي الجنة؟؟ هلا خلينا نرجع لحماس ، حماس كانت جزء من الاخوان المسلمين واجا الرنتيسي اللي وضع المقاومة جزء اساسي فيها لخصوصية وضعها ، لان الفكر الاخواني _ نفسه اللي سبب خروج فتح عن خطه _ كان يرفض المقاومة المسلحة . فخلينا نحكي بوقائع بلا ما نحكي بتهجم اذا امكن حكيتلك قبل مجدوا حماس زي ما بدكم ولو صرت اكره كل الفصائل ، ومش عارف كيف مش شايقين انو الفصائل اصبحت منتمية للفصيل وبتدافع عنه اكثر من دفاعها عن فلسطين وحبها الو ، واحنا قاعدين بنحكي على فتح وحماس ، ومين احسن اكيد ولا واحد منهم احسن ، طول وهم بيطخطخوا على بعض ، ولاحظي انا بحكي على القيادة السياسية اللي بتوجه هذا الحكي مش على الكوادر ، بس يخافوا الله بالناس اللي بتموت . |
|
| اقتباس المشاركة |
|
07-07-2009, 10:54 AM
|
#18 | |||||
|
..{ مديـــرة عــــامة }..
»• عبق فلسطيني اصيل •«
قوة السمعة: 50
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
أوف أوف أوف ..
من الآخر .. وبدون ما تعب حالي .. كلامك أظهـر لأي فكر تنتمي يا أخـي وواضح أنك متابع أمور .. وغابت عنك أمور أخرى .. إذا حمـاس الي دافعت عن غزة بالحرب الأخيره .. الي استشهد منهـا خيرة قادتهـا صيام والريان .. وقدمت من قبل خيرة جندهـا .. اتخلت عن المقاومة .. ؟؟!! فإذا .. أنت يا أخي ظالم .. ونظرتك للأمور من منظور الخنوع .. أنا آسفه بدك تعتبره تهجم اعتبره .. بس هاي الحقيقه .. ولعلمك .. مش غلط ابدا الدخول بالسياسه .. طول عمرو ديننـآ .. لا يفصل الدين عن السياسه .. وحماس ماشيه فيـنآ على هالخطى .. بعدين اذا حماس ما فرجت الوجه الإسلامي .. ؟ لكن شو أظهرت .. كل هالتحول بـ غزة .. ولسه مش عاجبكم .. ههههه والله يا أخـي .. غابت عنك أمور كثيره .. وبصراحه الرد عليك بدو مجلدآت .. مش رد وتنين .. بس للأسف . . والله في عقول اتلوثت والقضيه عندهم صارت لا شيء .. من وقت مآ ( الختيآر ) وقع أوسلو .. ( الوسيله ) .. إذا انت مش شايف الواقع .. أنـه حماس رغم كل شي بقيت حركة مقاومة وإذا وصلت فيك الأمور لإتهـام الإخوان المسلمين .. فلا ضير على بآقي الكلام .. قادره أرد على كل كـلامك .. بس متل ما حكيـت الرد عليك بدو وقـت طويل ، لأنه الأساسيآت مش موجوده .. لو صآر معي وقت رح أرجع وارد .,. لكن لا أقول .. إلا الله يهديـنـا جميعا .. ويجعلنـا من محبين جنده في الأرض .. |
|||||
|
|
||||||
| اقتباس المشاركة |
|
07-07-2009, 10:58 AM
|
#19 | |||||
|
..{ مديـــرة عــــامة }..
»• عبق فلسطيني اصيل •«
قوة السمعة: 50
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
ولاحظي انا بحكي على القيادة السياسية اللي بتوجه هذا الحكي مش على الكوادر ، بس يخافوا الله بالناس اللي بتموت . وتناسيت أنهم يستشهدون في المقدمة .. كالريان وصيام في الآونة والأخيره وتناسيت أن أبنائهم يستشهدون .. كالزهـآر الذي قدم اثنين من أولاده .. شهداء .. وتناسيت أن أبنآء قادة حماس كلهم من جنود المقاومة .. أي أنهم يقدمون أنفسهم وفلذات أكبادهم .. وبعدها بتيجي لتقول يخافوا الله بالناس الي بتموت .. ألم اقل لك علمت شيئا ً وغابت عنك أشياء ُ يا أخي انت اتقي الله .. وأعرف تفرق بين الحق والباطل .. قادة حماس وابنائها وين .. وقادة فتح وابنائهم وين .. وانت عمتحطهم في كفة متساوية الله يهدينا جميعا |
|||||
|
|
||||||
| اقتباس المشاركة |
|
07-07-2009, 12:16 PM
|
#20 | |
|
I ♥ AQSA
قوة السمعة: 9
|
رد: امريكيا واسرائيل .. عم بتساعد غزة .. للإنتصار على اسرائيل وامريكا .. شوف بنفسك
بتلاقي المسلمين امنوله اذآ حكآآمنآآ يسري الذل والتبعية في دمآئهمـ .. أحنآآ شو بايدنآآ ..!! أمممـ .. وبرأيي يعني الشخصي البحت .. بعرفش ليهـ مرتآحة لهآد أوبآمآ ..! يمكن لأنو بيلعبهآآ صحـ 3= ..] عمومــاً شكــراً أخي تحدوهـ ع الطرحـ  ..بـآرك الله فيك ووفقك لمآ يحبهـ ويرضآهـ =) ..~ْ |
|
|
|
||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
