شائعات عن إبعاد عمرو خالد

[السيف عدي]

المشاركة الأصلية كتبت بواسطة limar حقيقة اسلوب عمرو خالد تحديدا غير مقنع

يعني بس اسمعو بيدعي او بيحكي بامور الدين واشوف خشوعو

ما بيقنعني

يعني ما بحسو خاشع

بيمسل الخشوع


بينما غيرو كتير بحس الخشوع واضح مو تمسيل ابدا

صراحة الفترة الاخيرة صار موضوع عمرو خالد شهرة اكتر من انو يكون داعية

مكن ئدر يحرك المسلمين بطريئتو

ئدر يعمل شي او ياسر على الشباب

بس شفت بعيني اقتداءالشباب بشخص عمرو خالد

مو بكلامو ومواضيعو

يعني الناس صارت تحضر عمرو خالد لشخص عمرو خالد

مو لتسمع مواضيع عمرو خالد

خصوصي البنات من هالناحية وشفت بعيني

انا ابدا مو مع هيك شخصيات تجذب الناس لشخصها تت عنوان داعية

مواضيع الدين نفسها ان حكاها عمرو خالد او غيرو

ما بختلف انو في اسلوب منفر للدين وفي اسلوب بيسهل الدين

بس انو يصير الدين هدف للشهرة باعتقادي غلط كبير هيك

الله ادرى بالنوايا

وبرجع بحكي ما بيطلعلي احكم عليه

مجرد راي بس

ومشكور مرة تانية

هلأ نمط الدعاة الاعلاميين الجديد أثر فيه الاعلام بشكل واضح

وصار يعتمد على ( اللوك ) والابهار مع فراغ كبير في المضمون او على القليلة المضمون

من ناحية المنهج في الفقهة والاحكام وحفظ القران والسنة للداعي ما بتناسب مع الضجة الاعلامية

والمبالغ اللي بتنصرف على الداعيه في برامجو ومواقع السايت تبتعتو . بحسها فيها نوع من البزنس ..

انا كنت بحكي مع ماما في نفس الموضوع وقلتلها الدعاة الجداد بحسهم بوب والهم معجبين.

انا ما بدي اشبه الداعيه بالفنان لانو غلط وحرام بس سلوك الداعية الاعلامي صار مشابه تماما

للفنانين. صار فيه شركات بتعمل رعايه لئلهم وبتصرف على برامجهم وبتزبط الديكور وطريقة لبسهم ..

مثال .. مصطفى حسني .. مش معقول كيف ديكور برنامجو وطريقة لبسو .. بحسو جاي يغني مش يحكي

في الدين .. وللاسف ما عندو معلومات نهائيا عن الدين مش دارس اخد الشغلة بزنس وبدو يصير عندو

معجبين ومعجبات متل الفنانين ولاعبين الكورة. حتى لاحظي الدعايات اللي بحطوها في برنامجو كلها

دعايات للبنات لانهم عارفين انو الشريحة الاكبر اللي بتابع البرنامج هي من البنات وفي سن 14-25.

ولانهم عارفين منيح تأثير مصطفى عليهم. يعني القصة صار فيها بزنس ودعاية واعلام وبطلت دين نقي.

سوري اني طولت ..