لكل غزاويين المنتدى .بدي جواب وضح وصريح

[دموع الغربة واشواق العودة]

بســــــــــ الله الرحمن الرحيم ــــــــــــم
كيــــــــفكم يا حلويــــــــــن
بخـــــــ يااارب ــــــير
بعد اذن اموناااااا ...
****************************
قبل فترة اختنا اموووونا
نزلت موضوع اريد الجنسية ....اصلي فلسطيني
هادا الموضوع كان خاص بالغزاويين
بس للأسف الغزاويين هربووووو
من قول الحقيقة
لييييييش
ماما زيزي مش رح تاكلكم
الموضوع بيحكي عن طفل فلسطيني (غزاوي)
شهد حرب غزة الاخيرة
واجا المذيع وصار يحكي معو ويسألو
والطفل على كل سؤال يرد:
اريد الجنسية القطرية
ليييييييش لهدرجة انتو بدكمش فلسطين وغزة
لهدرجة مستغنين عنها
اكيد هادا الكلام مش من عند طفل عمر ست سبع سنين
اكيد من اهلو الي طوول النهار بيحكو هادا الكلام قدامو
والله حراااااام احنا المغتربين يلا يلا
الواحد يقدر يربي ابنو على الوطن مع كل الاغرآت الي حوله
بس بيضل مقاوم
انتو الي جوا الي كل اشي بأيدكم ما قدرتو تربو ولادكو على
حب الوطن
مش معقولة .....
ارجووووكم يااااا غزاويين المنتدى جواب واضح وصريح
هل انتو عنجد بدكو اي جنسية تانية عشان تخلصو من فلسطين
ارجووووووكو ردو
ازا بدكم تعيشو برا عن جد اطلعو
واحنا بنحل محلكم ...ياااااريت جواااااب
اخواني المغتربين الكو حق الاجابة
انا لو بأيدي اروحها سدقوني شوووو ماصار مش رح تقدر اقوى قوة في الكون
تطلعني منها ..منايا تقفل المعابر وانا جواتها ..بل احسن ياريت يطخوني
فيها وارتاح ..يااااريت ادعولي
معلش ما بقدر اطول بالموضوع
كل الاعضاء الهم حق الاجابة
وكمان : انا هون بحكيش عن كل الغزاوية
اصلا لفظ الغزاوية لا يعجبني ابدا
لأنو احنا فلسطنية وبسسسسس
ما بحب هاي الانقسامات
لكم مني ارقى سلالالالالالام

[أســـآمـة]

هل انتو عنجد بدكو اي جنسية تانية عشان تخلصو من فلسطين؟

أختي أنا متأكد أن هناك فئه من الناس ما بدها غزة و ما بدها تعيش فيها و هم من أبناء غزة يعني ميش فارقه معهم لو قلتيلهم أنا بسكنك بره و بشفلكو شغل حتلاقي ناس كتيير طلعو من غزة لانو ما عاجبهم الوضع و ما في عندهم لا ضمير ولا دين يعني بتخلو عن وطنهم مقابل شوية فلووس..

أما الفئه الأكبر بالتأكيد ولا عمرها بتطلع و لو كل اغراءات الدنيا..

["الزعيم"]

شو جنسية تانية وهالهبل

والله لو كل جنسيات العالم ما بطلع من غزة

لأنه روحي معلقة بغزة


هاد الكلام مش صحيح نهائيا

في ناس مش متحملة اها تبقى يغزة وهاي الناس ما في منها خير

شكرا الك

تحياتي

[دموع الغربة واشواق العودة]

المشاركة الأصلية كتبت بواسطة !فجر الإسلام! هل انتو عنجد بدكو اي جنسية تانية عشان تخلصو من فلسطين؟

أختي أنا متأكد أن هناك فئه من الناس ما بدها غزة و ما بدها تعيش فيها و هم من أبناء غزة يعني ميش فارقه معهم لو قلتيلهم أنا بسكنك بره و بشفلكو شغل حتلاقي ناس كتيير طلعو من غزة لانو ما عاجبهم الوضع و ما في عندهم لا ضمير ولا دين يعني بتخلو عن وطنهم مقابل شوية فلووس..

أما الفئه الأكبر بالتأكيد ولا عمرها بتطلع و لو كل اغراءات الدنيا..

آآآآآآآآآآآآآىخ يا اختي آآآآآآآآآآآخ في احد بيصحلو يعيش بفلسطين وبيقول لا ..المجنون اكيد
انا ادفع عمري كلو عشان اشم ريحة ترابها ..هدول الناس ما عندهم ضمير ولا دين ..وما عندهم حس الوحدة الوطنية ...بس للأسف انا شفت فئة كبيرة من الناس بدها تطلع من فلسطين منووووورة اختي

[أســـآمـة]

المشاركة الأصلية كتبت بواسطة دموع الغربة واشواق العودة

آآآآآآآآآآآآآىخ يا اختي آآآآآآآآآآآخ في احد بيصحلو يعيش بفلسطين وبيقول لا ..المجنون اكيد
انا ادفع عمري كلو عشان اشم ريحة ترابها ..هدول الناس ما عندهم ضمير ولا دين ..وما عندهم حس الوحدة الوطنية ...بس للأسف انا شفت فئة كبيرة من الناس بدها تطلع من فلسطين منووووورة اختي

صحيح كلامك المفرووض ما حد يفرط بحبة رمله من فلسطين

مع العلم اني شاب يعني أخ مو أخت

[حمساوي الحرية]

ياريت لو معي جنسية فلسطينية

ياريت .....

بكفي انك فلسطيني وانا كلي فخر بأني فلسطيني .....

موضوع مهم جدا اخواني واخواتي ....

[[ Islam ]]

لأ طبعاً ،، ولو على موتي ما بتخلى عن جنسيتي ..!

بعرف كتير ناس من الفئة اللي حكيتي عنها ,,

في منهم هاجروا لبرة ,,, وفي بستنوا المعبر ليفتح عشان يهاجروا ..!

من دون كترة حكي وباختصار هاي الفئة ما عندها إيمان بربنا ومش فاهمة شو معنى الرضى بقضاء الله وقدره ..!

أو ممكن تكون فاهمة بس بتستهبل !!

فلسطين ما بتتشرف فيهم =)

[اسيرة حب فلسطين]

مين المجنون اللي بتخلى عن الجنسية الفلسطينية
انا مستعدة اضحي بكل حياتي ومستقبلي وطموحاتي بس اعيش بفلسطين انا خليلية بس دايما بحكي لأمي تدعيلي اعيش بغزة

[sweet soul]

انا مش غزاويه بس بدي اجاوب لانو هدول الناس مش بس بغزه بكل مكان حتى المغتربين في هيك وانا بعرف كتير منهم

برة يعيشو او يدرسو بكندا او ايطاليا او اي بلد اوروبي 4 سنين لياخدو الجنسيه !!

اما بالنسبه للي بغزه برايي انهم اكتريتهم الشباب من الزروف الي مروا فيها والاوضاع هيك صارو من الضغط ..بس مابزن واحدفي قلبه حب لبلدو وبتمنى هيك .. ولو هاجر اكيد هيرجع يمكن بس يحسن الوضع مش انو تخلى عن بلدو ومابدو الجنسيه .. انا بحلم اروح ولو سانيه لغزه اوي اي مكان بفلسطين .. وبحسد اي حدا عايش هناك !!

يسلمو حبوبتي ^^

[قسامي غزة]

موضوع جميل ويستحق الننقاش
طبعا بالنسبة الي ما بروح من فلسطين ولا بفكر اني اسيبها
لانوا ما في بلد احلي من غزة
مع انها محاصرة واليهود عنا
بس اكيد ما بفكر ولا يوم اني اتخلي عنها
ما في احلي منها غزتنا
اما بالنسبة للناس الي بحكوا بدهم يطلعوا منها
وما بدهم فلسطين
خليهم يسافروا او يهاجروا منها حتي غزة ما بدها اياهم
بس في ناس متمسكين بغزة بس مشكلتهم
انهم ما بيشتغلوا او ما في الهم مصدر رزق او عيش
يعني هوا يفكر بمصلحتوا وحتي يكون حياته
بس انا ما بفكر اسيب غزة ولا يوم
وان شاء الله ييجي علينا يوم وكل المغتربين يكونوا بينا
ونفرح بيهم وهما معانا في فلسطين
مشكورة اختي علي موضوعكـ