~[أوكـــي و أخٌ ـواتهـا ]~ ..

[بنت فلسطين المجروحة]

السلام عليكم ورحمة الله وبركاته

( أوكي ) وأخواتها ..

هذا ليس بابًا جديدًا من أبواب النحو
ولكنه فصل محزن من فصول تهاون بعض أبنائنا بلغتهم الأصيلة
من الشباب والمراهقين الذين استبدلوا ببعض مفرداتها الراقية ألفاظا أعجمية
في مخاطباتهم اليومية وأحاديثهم الجانبية
يرددونها غيرَ واعين بما تكرّسه فيهم من التبعية العمياء ..



( أوكي ) ترددها وقلبـك يطـربُ ** وتلوكُ من ( أخواتها ) مـا يُجلَـبُ

فتقول : ( يَسْ ) مترنمًا بجوابهـا ** وبـ( نُو) ترد القولَ إذ لا ترغـبُ

وتعدّ ( وَنْ ) مستغنيًا عن ( واحدٍ ) ** وبـ( تُو) تثنّي العدّ حين تُحسِّـبُ

تصف الجديد ( نيو) و( أُولْدَ) قديمَه ** و(بْليزَ) تستجدي بها مـن تطلـبُ

وإذا تودعنا فـ( بـايُ ) وداعُنـا ** وتصيح (ولكمْ -هايَ) حين ترحـبُ

مهلا بُنـيّّ .. فمستعـارُ حديثِكـم ** عبثٌ ..وعُجْمَـةُ لفظِـه لا تُعـرَبُ

تدعو أخـاك اليعربـيّ كـأعجـمٍ ** مستعرضًـا برطانـةٍ تتقـلـبُ !!

تستبـدل الأدنـى بخيـر كلامِنـا ** وكـأنّ زامـرَ حيِّنـا لا يُطـرِبُ !!

أنـعـدّ ذاك هزيـمـةً نفسـيـةً ** أم أنّه شغـبٌ .. فـلا نستغـربُ ؟

مهلا أخي في الضّاد يا ابن عروبتي ** إن الفصاحـةَ واجـبٌ بـك يُنـدَبُ

حسْبُ العروبةِ أن تخـاذلَ قومُهـا ** فلنحتفـظْ منهـا بلفـظٍ يَـعْـذُبُ

للشاعر : محمد بن عبد الله العود ..


شو رأيكم بهالحكي ؟

وهل صحيح انه استخدام هالكلمات باثر عثاقفتنا ؟ ولاي مدى بأثر؟

ولا بتشوفوا انها مبالغة ؟
بانتظار تفاعلكم

[الحان الحرية]

هوهالكلمات فعلا ً مأثرة ع ثقافتنا ..

واللهـ صرت احكيها لا اراديا ً ..

ما بنتبههلها كتير

بس يا ست عجينة يا ويلك ازا بتحكيلي اوكي أو كلمة هيك ولا هيك مرة تانية :p

يسلمو ع الطرح الحلو =)

[بنت فلسطين المجروحة]

هههههههههههههه

ومين حكى اني مابحكيها :9

بس هالكلام فعلا باثر عثقافتنا

شو رايك ياقمر

[الرمشـ الحساسـ]

شفشفشفشفشف شوفو مين جاي يحكي

مس عجينـــــــــــة <<مس انجليزية

انتي ام الحكي هاد ,, دايما ( اوكي , بليز , يس , نو )

هههههههههههههههههههههههههههه بمزح,,

بجد مأثرة كتيــــــــــر ع العربية تبعتنا,, بس بتطلع لا ارادي ع رأي لحونة هههههههههههههه

احنا بالمدرسة بما انو الارقام عنا صارت بالانجلش تنكتب ف غالبا لما نحكي رقم

منحكي مثلا 1.257 واحد بوينت تو فايف سبعة

ههههههههههههه نص عربي نص انجليزي ,, عشان ما نزعل الطرفين كووووووول

انا عارفة بعين الله عجيييييييينتي,,

ع فكرة موضوع مهم جدا جدا جدا ولازم يوقف عند حدو ههههههههههههههههههههههه

وعجبوني البيتين تبعون محمد العود

يسلمووووووو حبيبتييييييييي عجنجن

يعطيكي ألف عافية عالطرح الغيـــــــر شكل,,

[بنت فلسطين المجروحة]

المشاركة الأصلية كتبت بواسطة الرمشـ الحساسـ شفشفشفشفشف شوفو مين جاي يحكي

المشاركة الأصلية كتبت بواسطة الرمشـ الحساسـ
مس عجينـــــــــــة <<مس انجليزية

انتي ام الحكي هاد ,, دايما ( اوكي , بليز , يس , نو )

هههههههههههههههههههههههههههه بمزح,,

بجد مأثرة كتيــــــــــر ع العربية تبعتنا,, بس بتطلع لا ارادي ع رأي لحونة هههههههههههههه

احنا بالمدرسة بما انو الارقام عنا صارت بالانجلش تنكتب ف غالبا لما نحكي رقم

منحكي مثلا 1.257 واحد بوينت تو فايف سبعة

ههههههههههههه نص عربي نص انجليزي ,, عشان ما نزعل الطرفين كووووووول

انا عارفة بعين الله عجيييييييينتي,,

ع فكرة موضوع مهم جدا جدا جدا ولازم يوقف عند حدو ههههههههههههههههههههههه

وعجبوني البيتين تبعون محمد العود

يسلمووووووو حبيبتييييييييي عجنجن

يعطيكي ألف عافية عالطرح الغيـــــــر شكل,,

هههههههههههههههههه


ولك انا ماحكيت اني ما بحكي ههههههههههههههههههه


يوه منك الها

ههههههههههههههههههههههه


بس عجبتني مااانزعل الطرفين


كووووووول احلى رموش << بعرفش شو كول بالعربي

نورتي

[القلب الطيب]

هههههههه

مشكلتنا احنا العرب ما بننقل من الغرب غير الحاجات الفاضية

لو اسمعنا انه امريكي ابتكر مثلا شيء جديد يخدم بلده فيها و رأينا امريكيا صبغ شعره باللون الازرق

بتلاقي من العرب صابغين شعورهم اما المبتكر بيطنشوه^ـ^

وبعدين مش غلط الواحد يزيد من ثقافته ويتعلم يس ونو و اوكي ونايس ههههههههه

يسلمو اختي على مجهودك الحلو

ربنا يحفظك

[،،عـيـون الوجـد،،]

برأيي انها تأثر على ثقافتنا بشكل كبير
لانه اذا استخدمنا هالالفاظ تكبر شوي شوي لحتى يكون نص كلامنا اعجمي وبكذا راح نبتعد عن لغتنا الاصليه اللي هي لغة القرآن ويقل معرفتنا فيه وفي فهم مفرداته والله احكي عن نفسي اذا ذهبت للقرآءة في امهات الكتب العربية بعض الكلمات تمر علي لا افهمها وما ذلك الا لابتعادنا عن لغتنا الام وتأثير الاستعمار علينا وانتشار اللهجات العامية
واحكي الصراحه انا مابحب اني استخدمها أو اكتبها برأيي انه الانسان اللي يكثر من استخدامها على قولة الشاعر هزيمه نفسيه وتبعية للغرب طبعا مو كل الناس كذا بس بعض الناس تأثرت باللي حواليها

ولو نضع حمله بالمنتدى لنمحو هذه الكلمات من قاموسنا وتعاونا على ذلك وليس قاصرا هذا على المنتدى ليمتد ذلك الى العالم المحيط بنا نرجوا ان نكون فعلنا شيء يسير لاحياء لغتنا العربية الحبيبة


وذلك ليس يمنعنا من تعلم لغاتهم لكن لا نستخدمها وندخلها العربية

//

ابيات الشاعر عجبتني وخصوصا اخر بيتين

طرح مهم بطريقه رائعة وموضوع مميز كعادت صاحبة الموضوع

لا حرمنا الله تميزها

دمت بحفظ الله ورعايته غاليتي

[مآهينآز]

شو رأيكم بهالحكي ؟

إذا بتقصدى الابيات ,,
كتير روعة عن جد كتير مؤثرة
//
وإذا بتقصدى الموضوع نفسه
فبرأيي أنو إذا ذهبنا إلى الاصل
فالأصل ان اللغة العربية علاوة على انها لغة ديانتنا الديانة الاسلامية
فأنها ايضا لغة عالمية
قال تعالى (إنا أنزلناه قرأنا عربياّّ)
و (وما أرسلناك إلا كافة للناس)
والاصل من ذلك ان الاعاجم (الغرب-الاجانب) هم الذين يتعلمون لغتنا العربية
بمعنى انه لابد ان تكون لغتنا على رأس اللغات
,,
وليس معنى ما اقصد اننا لا نتعلم اللغات الاخرى
ولكن نتعلمها دون ان نستخدمها ونخلطها بداخل لغتنا العريقة
,,
ولكن الان للأســـف انقلب الأمر

وهل صحيح انه استخدام هالكلمات باثر عثاقفتنا ؟

طبعاّّ بتأثر ,, وللأســـــف تأثير سلبى للغاية

ولاي مدى بأثر؟

حبيبتى ,, المشكلة ليست فى هذه الكلمات فقط
أصبحت الان لغتنا العربية نفسها تحوى خليط من اللغات الأجنبية
حتى ان المرء لا يستطيع ان يفرق بين ما هو من اصل عربى ,, او غيره
,,
فهناك كلمات فى اللغة العربية نرددها على انها عربية
ونحن لا نعلم أصلها فمثلاّ
بخت: كلمة فارسيه (تعني الحظ)
بس: كلمة فارسيه (تستعمل للإسكات)
وقيسى على ذلك الكثير والكثير
ومثلا كلمة قرطاس : كلمة يونانية(بمعنى الورق) ،، وتجدين البعض يستخدمها
على انه يجيد التحدث بالفصحى

وهنا تكمن الخطورة ,,
فقد يأتى اليوم الذى تصبح فيه (يس ونو وباى وغيرها من الكلمات)
كلمات من التراث العربى واللغة العربية
وهذا مجرد رأى

//
وبالنهاية بتأسف كتير حبيبتى عجينه
بعرف انو طولت عليكى
بس والله موضوعك كتير مميز
,,,
لا تحرمينا ابداعك يا قمر
والله يعنا ويعين الكل
ونرجع نستخدم اصل اللغة العربية
أرق تحية

[&نسيم الروح&]

ههههههههههههههههههههه

ولك مين ما بحكيها صارت تقافه الاوكي اهم من تقافه الطيب والحاضر

ولك انا ئبل ما اجى على كندا كنت امشي بالمول بعمان احس حالي ماشيه ببلد مو عربي

ولك واحد بدوي بحكي لصاحبه اتس نط فوني ههههههههههههه

ولك صارت نط نط من الشباك ههههههههههههههههههههههههه

سيبك من هاد الحكي لانه ما رح يتغير الي صاير الا ازا بدنا احنا نغيره وهاد بطل هدف

[Maram .. ~]

مم هوا أكيد بيأثر على لغتنا ,,

مش بس هيكـ ,, كمان الحكي باللغهـ العاميهـ < شوف مين بحكي ولا كإني عم بحكي بالعاميهـ

يعني بصراحهـ أنا ما بعرف أحكي كلمين ع بعض بالفصحى ,, بتلاقيني بتأتئ و مش عارفهـ أنطقهم أصلا ,,

و أكيد في كتير متلي ,,

و هاد ما رح يتغير إلا إدا إحنا وعينا و صرنا تحكي بالفحى بدال العميهـ ,, و هاد أكيد بعد ما نتعلم كيف نحكيها ,, و نصير ندرب حالنا بالبيت و بالشغل و بالمدرسهـ ,, بكـل مكان !!

يعني حتى بالمدارس ,, و بالأخص بحصص العربي ,, المفروض إنو يكون فرض إنو نحكي فصحى ,,

بس بتلاقي إنو حتى المعلمهـ نفسـها بتحكي عاميهـ ,,



موضوع معقد ومهــم ,,

و ادا ضل الحال هيكـ ,, بتيجي بعد 10 و 15 سنهـ بتلاقي العالم نسي انو كان في إشي إسمو اللغة العربيهـ ,,

اللهـ يعيننا يا رب !!

بعرف إني طلعت برهـ الموضوع ,, فسامحيني سمكتي

موضوع كتير مهم و حلوو ,,

يعطيكي الف عافيهـ ع الطرح ,,

و ادعيلي إني أصير أحكي فصحهـ ^^

بالتوفيق =]