:: عنجد مشكلة ::

[نور الهدى]

السلام عليكم و رحمة الله و بركاته

حبيت أطرح هون مشكلة بواجهها .. ما بعرف ازا انتو مريتوا بهيك موقف او لا

مشكلتي

و يمكن بعض الاخوات اللي بعرفوني منيح هون حيستغربوا

اني لما بحكي في موضوع مع اي شخص .. بصير وجهي احمر !!

مش على طول يعني .. بس مثلا لما اطرح رأيي و بكون معي حق .. بيحمر وجهي

لو حدا غريب حكى معي .. كمان بحمر على طول

اما مع الاساتذة فحدث ولا حرج .. خصوصي لما اجاوب على سؤال .. او لما يطلبوا مني اقرأ نص

و حتى مع اهلي .. و كأبسط مثال .. اليوم كنت قاعدة معاهم و كنا بنحكي بموضوع عادي .. لما بلشت اطرح آرائي على طول صار وجهي احمر !!

بجد .. ما عمري ترددت في الحكي او في طرح آرائي و ان كانت ما بتعجب الغير .. لكن لازم تكون مرفقة بنكهة احمرار الوجه

مش عارفة شو اعمل بجد .. هالشي زاعجني كتير .. و بدي اعرف ازا انتوا كمان واجهتوا هيك مشكلة او لا

و ازا عندكم حلول ما تبخلوا علي

بانتظاركم

[بقـ..ــايـ..ـا إنسـ..ـانـ]

ههههههههههههههههههـ ،،

بدك الصراحة واللهـ انا متلك كمان انا متلا ما احكي مع المدير او شي مسئول بصير وجهي احمر هههههههههههههههههــ

حتى مرة من المرات واحد من الشباب لاحظ علي لما صار وجهي احمر هههههههههههههههـ ،،

ما باعرف ليش هيك باصير معي جد واللهـ !!

يا ريت الي عندو حل يساعدنا ،،

بوقتها اجى الموضوع خيتوو هههههههههههههـ ،،

ما قصرتي ،،

الف عافية ،،

سلام ^^

[نور الهدى]

المشاركة الأصلية كتبت بواسطة :: محمد ::

ههههههههههههههههههـ ،،

بدك الصراحة واللهـ انا متلك كمان انا متلا ما احكي مع المدير او شي مسئول بصير وجهي احمر هههههههههههههههههــ

حتى مرة من المرات واحد من الشباب لاحظ علي لما صار وجهي احمر هههههههههههههههـ ،،

ما باعرف ليش هيك باصير معي جد واللهـ !!

يا ريت الي عندو حل يساعدنا ،،

بوقتها اجى الموضوع خيتوو هههههههههههههـ ،،

ما قصرتي ،،

الف عافية ،،

سلام ^^

هههههههههههههه

بجد المشكلة بتتعقد اكتر لما غيرك يلاحظ عليك الاحمرار .. و يصير يتطلع فيك و يحكيلك : وشك صار احمر !! << شكرا ع التنبيه ما كنت ملاحظ/ـة !

يالله ان شاء الله يساعدونا الاعضاء ..

نورت اخي :)

[فدائية فلسطين]

انا اختي تعاني من نفس المشكلة بس في العلم بيحكي انوا خلايا عصبية في الوجه عند الانسان بتخليه يصير احمر الوجنتين ...
بس والله علشان الحل للحين ما بعرفه ...
اذا عرفته رح اكتبه ..

[نور الهدى]

المشاركة الأصلية كتبت بواسطة فدائية فلسطين انا اختي تعاني من نفس المشكلة بس في العلم بيحكي انوا خلايا عصبية في الوجه عند الانسان بتخليه يصير احمر الوجنتين ...
بس والله علشان الحل للحين ما بعرفه ...
اذا عرفته رح اكتبه ..

الله يعينها يا رب ..

أشكرك اختي على مرورك :)

نورتي

[بقـ..ــايـ..ـا إنسـ..ـانـ]

المشاركة الأصلية كتبت بواسطة نور الهدى هههههههههههههه

بجد المشكلة بتتعقد اكتر لما غيرك يلاحظ عليك الاحمرار .. و يصير يتطلع فيك و يحكيلك : وشك صار احمر !! << شكرا ع التنبيه ما كنت ملاحظ/ـة !

يالله ان شاء الله يساعدونا الاعضاء ..

نورت اخي :)

بدك الصراحة خيتوو اوقات المدير نفسهـ بصير وجه احمر لما يحكي مع حدا يعني الحمد الي اكبر منا كمان

وقت ما يحكي مع حدا بتلاقي وجه احمرررر ،،

يعني ما باعرف انتي ليش زعلانة مع انوو هادي شغلة الاحمرار عادية عند الكل ههههـ ،،

يلا بعين اللهـ نستنى الجواب شو ورانا ،،

سامحيني ع الاطالة والدخول غير المباشر ههههههـ ،،

سلام.

[نور الهدى]

المشاركة الأصلية كتبت بواسطة :: محمد ::

بدك الصراحة خيتوو اوقات المدير نفسهـ بصير وجه احمر لما يحكي مع حدا يعني الحمد الي اكبر منا كمان

وقت ما يحكي مع حدا بتلاقي وجه احمرررر ،،

يعني ما باعرف انتي ليش زعلانة مع انوو هادي شغلة الاحمرار عادية عند الكل ههههـ ،،

يلا بعين اللهـ نستنى الجواب شو ورانا ،،

سامحيني ع الاطالة والدخول غير المباشر ههههههـ ،،

سلام.

مممم

لا شغلة الاحمرار مش عادية .. ع الاقل في المجتمع اللي انا عايشة فيه

الشخص اللي بكون يحكي معك و وشه احمر بعطي اطباع على انه شخص خجول و منطوي .. و بالتالي مش واثق من نفسه .. و هون شغلة الثقة بالنفس ضرورية جدا .. في كل المجالات سواء بالعمل او الدراسة او غيره ..

انا فعلا بحس باحراج لما بصير وشي احمر .. و بحس انه حرارتي ارتفعت .. بجد ما بكون مرتاحة .. و يمكن بنسى نص الحكي اللي بدي احكيه

ما بعرف يمكن انت شايف انها شغلة عادية .. بس عنجد هالشغلة بتزعجني كتير ..

و بعدين انت ما طولت ولا شي ^^

بتنور بأي وقت خيو :)

و على قولتك .. هينا بنستنى الاجابة ..

[&نسيم الروح&]

نور االهدى ومحمد معلش وعادي

انا لما احكي بسير وشي احمر بس من الخجل ومو دايم "اصلا انا ما بستحي"

بس ازا كنت بدي احكي شي وما بدي اقطع كلامي فبحكي على نفس واحد لانه انا عندي مشكله اكبر ازا سكتت لحزه بطير الموضوع حتى لو كان مهم جدا

فبحب احكي مره وحده وعلى نفس واحد وهاد هو السبب

اما هادي المشكله ما الها حل كانت تصيبني وانا بالمدرسه لما ما اعرف اجاوب على شي

على العموم لكل شي في حل وخليكم بحمايه حالكم بتروح واحكيلك حل

حسي انه بتحكي مع حالك او مع حدا متل اكنه حالك ومع الوئت بتروح

وكمان لما تحكي ما تتطلعي بالشخص هاد بالاول بعدين خلص كل شي بنحل بس انه ما تتطلعي بوجه الي بتحاكي ما اطولي على هاد الشي لانه اله دلالات تانيه متل الكزب وعدم التقه

[Maram .. ~]

انا أختي هيـــكــ ,,

بنكــون بنحكــي بموضــوع ولا فجــأهـ بطلع عليهــا بلاقي وشهــا أحمر ع وردي ,,

شكــلها بكون حلو p=

ههههههه

اللهـ يعينكــو ,, الحمد للهـ أنا سمرهـ فما ببين علي

^^

ادا لقيت أي حل ان شا الله رح أحكيهـ ,,

بالتوفيق =]

[الطالب المجتهد]

يمكن فقر دم عندك ههههههههههههههههههه بعيد الشر