ليش بتدافعوا عنها ؟

[&نسيم الروح&]

هلا السؤال ما اله بس الف جواب لا اله اكتر من مليون جواب

لما تسالي لشخص متلنا ما شفناها ما عرفناها الا خريطه وقضيه لازم تسالونا واحنا بالمدارس

لما كانت امي بالمدرسه اخدوا القضيه كتاب ومع السنين صارت وحده بكتاب وشوي شوي صارت درس واحد

مش مهم بالعربي ما بيجي منه سؤال يعني الطلاب اصلا ما بئربوا عليه

وهلا يمكن انلغى

اما حبها غير ولك احنا رضعنا حبها لا ومو بس هيك

رح احكي عن حالي ويمكن اغلب الفلسطينيه الي بره متلي انا من اول يوم وعيت على الدنيا وانا بحكي فلسطين رح اروحها رح اشوفها

اتفرج على صور جدودي وبيوتهم واحكي رح اعيش فيها واشوفها

كنت اعد مع ام بابا واسمع القصص كل القصص وتوفت وما كملتلي قصصها وجدي نفس الشي خليته يحكيلي ئد ما يئدر عنها

بتخيلها بحلم فيها بشوف اني ماشيه فيها ولما سمعت عن المنتدى وشفته ما كزبت خبر وسجلت في صار حلمي اكبر وبدافع عنها اكتر يعني ازا سمعت واحد بحكي شي او بجيب سيره بالعاطل امسح الاراضي في حتى لو ما بعرفه وازا بعرفه كانت تزيد

ياما صارت بيني وبين بنات المدارس مشاكل ونروح الاداره ويطلبوا ولي امري لمجرد انحكى فيها كلمه

بحس فيها بعيش احلام فيها باستقرارها بحياتها يخضررتها بجمالها بسحرها من شمالها لجنوبها

ولسه عندي حلم والحلم ئريب انا بعرف انه ئريب ليش لا وانا بدي هاد الشي من زمان

والي بصيبها بصيبنا بتبقى فلسطين امنا الحنونه الي نفسها ولادها يكونوا فيها

انا بكره الفلسطيني الي بغير اسمه عشان خايف ينحكى فلسطيني

ولا الي بحكي انا ما بعرفها ليش احبها ليش اعيش على امل تحريرها وهي ببساطه مو بلدي انا فلسطيني بس هي مو بلادي

عارفين كيف بسير هاد الشي لما واحد ما يهتم بشو بسير فيها لما يحكي بستاهلوا حدا حكالهم يقاوموا طبعا هون مو منها وما بعرفوا شو يعني بلد هي روح وحياه

انا عندي كلام كتييييييير كتييييييير عنها عندي اسباب عندي اشياء وكلام عنها مع اني ما شفتها كيف لو شفتها كيف لو عشت فيها

بتعرفوا الله كريم