شو اعمل بهيك حالة؟؟!!

[اجمل احساس]

موضوع كتير مأثر عليا ومش عارفة كيف أحله


ويا ريت تساعدوني فيه قدر استطاعتكم...




هلأ كل واحد عاقل بوصل لمرحلة بعرف الصح والغلط بغض النظر عن الترباية لأنه يمكن يتأثر بمعتقدات هي بوجهة نظره أصح من اللي بطبقها بحياته...



هلأ صرت تعرف شو الغلط و شو الصح...لهنا كل اشي حلو




بس المشكلة لما تعمل الغلط وتكون تعرف أنه غلط ولكن ما بتقدر تصلحه


أما ضعف منك أو العوامل المؤثرة حوالك بتمنعك


شو الحل بهادي النقطة؟!


وأنا هنا بدي أركز بنقطة الضعف لأنه مشكلتها أكبر




يعني أعطي بعض الأمثلة اللي بتصير بحياة أي شخص



مثلا.. وقت الصلاة الواحد بسمع الأدان و بطنش أو بكسل و يمكن يروح بعد بفترة و يمكن ما يروح بالأصل


وشغلة الدراسة...بتلاقي الشخص عليه بلاوي زراقاء و لكن بضيع و قته بالحكي الفاضي و النت و الشباب و هكذا


وكذلك الشغل..بتلاقية بكوم شغل للأخير لغاية ما يتنزنق بالوقت




وكتير من الأمثلة بس يمكن هادي أكثرها أنتشارا






للعلم بكون عارفة عواقب كل اللي بصير و لكن بضل يعيد و يزيد نفس العادات السيئة وما بطور بحاله


أنا كتير متضايقة من حالي من هادي العادة أنه بعمل شغلات بعرف عواقبها لكن ما بحرم


بس بعمله بدون خوف شو أعمل قولتكم بهيك حاله؟دبروني

[سعودي]

أولا نفس المشكلة بس تصدقين أنا احس بلذة لما اخلص الشغل بعد ضغط نفسي صعب .. ما ادري ليش ؟؟؟ واحد من الشباب يقول أبرد من اعصابك ما شفت بحياتي قلت له ولا عمرك راح تشوف << وش تبينا نسوي لك ...

والى الآن أدور على الحل ؟؟
عوافي بس حبيت اشاركك بالموضوع

سلطان

[أسيرة الجراح]

حبيبتي اجمل احساس
كلنا منمر بهيك مواقف صعبة
بس بتوقع انو بءدر ساعدك
اول شي:
كتري من الصلة بربك وهادا الأهم فالله - عزوجل - ما بترك حدا كتري دعاء وصلاة
تانيا:
اكتبي ع ورءة الأشياء اللي لازم تسويها والأشياء اللي حرام تسويها خلي الهدف إدامك والغلط كمان لانو اللي بعيش هيك بدون هدف ما بءدر يوصلو وكمان بحفزك لمزيد من العمل والإنجاز
( هاي كانت نصيحة أبلة الله يجزيها الخير )
تالتا:
اعرفي انو المصر ع لى الصغائر بحولها لكبائر فقال الرسول الكريم: " لا صغيرة مع إصرار ولا كبيرة مع استغفار " , " ويل للمصرين الذين يصرون ع لى ما فعلو وهم يعلمون" ومع هيك مش يعني الباب مسكر
ابدا الدعاء الدعاء الدعاء وثم الاكثار من الاستغفار
اعتراف؟؟؟
بتزكلر مرة وانا صغيرة كنت ما اصلي وعشان عاقب حالي كنت ساوي جدول وحط في الصلوات اللي ما صليتهن وكنت مع كل صلاة احرم حالي من شي او اتبرع في مبلغ من المال من مصروفي هههههههه

شكرا بتمنى كون أفدتك

[.. ليآل ~]

هالاشيا بتصير لعده اسباب اهمها

ضعف الايمان وقله الاهتمام والامبالاه

يعني الواحد متل مابيقولوا بيكون شايف العمى وبيتعامى

بيستحلي الراحه وبحاول يكسب اكبر وقت وهو بدون مسؤوليه

مع انه عارف انه حينضغط ويتعب

والعلاج بتصور بيكون بتقسيم الوقت والالتزام فيه



شكرا على الموضوع

[&نسيم الروح&]

هاد اشي عادي بس هلا الواحد شو ما كان ضعيف بيجي يوم لازم يكون ئوي ويختار بمعنى او متال

هلا البنت الي عندها حبيب من ورا اهلها وبتحاكي وبتروح وبتيجي معه هي 100% لا مليون الميه عارفه انه غلط بس عواطفها مسيطره عليها وعلى عئلها وتفكيرها وبدون خوف بعرف بنت كانت تسافر من بلد لبلد "بما انه كان مسموحلها ومعطيها ابوها الثقه" هاد مو شجاعه لا

لانه الشيطان بزينلنا الحرام دايما متلا الصلاه لما نتركها بضل الشطيان يكسل فينا يكسل فينا لحد ما تروح علينا بحكيلنا خلص مو مهم بتصليها مع الي وراها وبتروح وبمر اسبوع وشهر وهو بزينلنا ياها

هاد ازا كان حرام لانه مو كل غلط حرام ممكن ما يكون حرام بس غلط بالنسبه للعادات والتقاليد

اما سبب الضعف مستحيل الائي سبب لانه شي هيك ما اله سبب الا انه ضعف

انا كنت بدي اكتب كمان اشياء

بس التهيت وراح كل الحكي نسيته

على العموم موضوع مهم كتير للنقاش وهلا ميرسي الك

[ابن الخليل]

أول اشي السلام عليكم

بعدين القصة اللي بتصير معك , بتصير مع كل واحد فينا , يعني كتير مرات بيجي الواحد بدو يعمل غلط , و عارف انو غلط و لأ و مش بس هيك يتلاقيه عارف عواقبه , لكن بعد كل هادا بوقع في الغلط, طيب ليييييش؟

السبب انه انه النفس بطبيعنها أمارة بالسوء , عشان هيك , بتلاقي نفسك بتشجعك تضيع الصلاة أو تأخرها , انتا او انتي بدك تروح على الصلاة بس في شغلة بتحكيلك يا زلمة اقعد شوي هي الدنيا طايرة, و في أمثلة كتير غير هيك.

طيب شو اسوي , اضلني مستسلم لنفسي, طيب ما انا اذا ضليت مستسلم لنفسي , و كل اشي بدها ياه بسوي الها , راح اصير العن الحيوانات حاشكم, و برضو اذا بدي ما اغلط طول عمري ببطل بني أدم بصير ملاك, طيب ايش الحل.

احنا الناس ربنا خلقنا هيك , عندنا نفس بتضلها توز على الشر, فربنا عشان يرحمنا انزللنا الدين الاسلامي, عشان يهذب النفس , فالدين بعطيك زي نظام تحكم في نفسك, الواحد مثلا بحكيلك بلا دراسة بلا هم اقعد عل النت و سبيك , بيجي الدين بحكيلك اذا ما دؤست راح تغضب امك و ابوك و اذا رسبت و ما كملت تعليمك بايش بدك تخدم الاسلام, و في امثلة كتير زي هيك.

بس الا ما يرجع الواحد و يغلط و هاي ما الها حل الا اني استغفر ربي و ارجع انوي اني ما ارجع للغلط, و الحياة هي النهاية هيك , لازم تعاند نفسك شوي عشان توصل للي بدك اياه

و برضو هاد ما بمنع انو انهو الواحد يرفه عن نفسو شوية بالحلال طبعا

في ناس راح تحكيلك انتي عاملي فيها شيخ و جاي تحكيلي الدين , بس المسألة مش مسألة شيخ و مش شيخ المسألة هي انو اشي في الدنيا اعرضوا على القرأن والسنة بتلاقيلو الحل المزبزط