السياسة...الخط الاحمر ممنوع الاقتراب منه

[نداء الوطن]

بدايه ينصر دينك على هالموضوع
والله امك وامي شكلهم من نفس الطينه

انا من الناس اللي اتمنى انه اكون سياسيه لسبب واحد لانه انا هلا ممنوعه احكي بالسياسه لسببين
الاول اني بنت وبنخاف علي من اي شي
والثاني اني صغيرة وما بصير احكي بهالامور لاني ما بفهم فيها
بس مين اللي حكى انه احنا ما بنفهم بالسياسه
انا برايي انه لازم يكون عنا تثقيف بالسياسه من خلال المدارس والمنهاج
بس اذا بدهم ينزلوا هيك منهاج على المدارس اكيد ما راح يكون محايد
وهون تكمن الماساه الحقيقيه بمعنى السياسيه
وكمان اي رئيس او مسؤول بالاصل كان انسانمثله مثل بقيه الشعب
وكيف صار مسموح له يحيك بالسياسه
ولما اخد هالمنصب شو عرفهم انه بكون سياسي مناسب
عشان هيك كثير من السياسيين اللي عنا ماشيين عكس المقوله ضع الرجل المناسب في المكان المناسب
واللي بمنعنا نحكي بالسياسه اكيد ما بعرف شو معنى ديمقراطيه لانه الديمقراطيه بتسمح لكل شخص بالتعبير عن وجه نظره
واحنا هون ممنوعين نحكي شي والخط الاحمر ما هو خط وانما جدار احمر ممنوع نتخطاه لاسباب مجهوله
وكمان الله بحكي اعقل وتوكل يعني مش كل شي لازم نسلمه للقدر
واحنا الفلسطينيين معروف عنا شعب ديمقراطي وما بحكي الا االللي بداخله
بس ليش لحد امور معينه بالسياسه ممنوعين نحكي فيها؟؟
واذا احنا ممنوع نحكي بالسياسه لانه مش من اهلها لشو في تخصص في الجامعات اسمه علوم سياسيه وليش احناما نخلي هالتخصص من التخصصات الرائعه عنا
انه يكون عنا تغذيه راجعه عن هالدراسات قبل ما ندخلها
ويكون النا نصيب ونبدي ولو جزء بسيط من ارائنا في مجالات مختلفه نم السياسه
لانه اذا كان عنا اعتقادات خطا ممكن لما نعرضها الاشخاص الثانيين يقدروا يصححوا النا اخطائنا وما نوقع باي لبس
مشكورة الف شكر حبيبتي على الطرح الرائع