هل يحق لك اهانة رئيسك

[.:.!دموع الرحيل!.:.]

أولا يا حبيبتي ..

عباس مش رئيسنا ..

وما بشرف كل فلسطيني .. أنه يحكي عن هالعميل رئيس ..

يا أختي الي باع أرضي .. ما بييسوى ذرة تراب بنظري :) حتى ذرة التراب بأرضي الإسلامية ..

بتسوى أكتر منه بكتير

فكيف بدك ياني اعترف فيه كرئيس لإلي !

الدعـاء أنه الله يخلصنا منه .. بتعتبريه دعاء لهالأمة أنه ربنـا يطهرها

من هالعملااء ..

لأنه لما نخلص منهم .. رح نكون اقتربنا من العودة أكتر وأكتر



ونحن لا يهمنا تحقيق حلم أبو عمـار .. لأنه ابو عمار قبل ببيع جزء كبير من أرضنا الحببية ..

لذلك حلمنـا أكبر من هيك بكتيير ..

حلمنـا انه نحقق أهدافنا الإسلامية .. ونرجع كل فلسطين .. بكل شبر وندر فيها

ونقيم عليها خلافه إسلامية .. مثل ما أرادها رسولنا عليه الصلاة والسلام ..

وما بنحترم إلا الي ماشيين على نهج الإسلام والرسول الحبيب ..

ولا يستحق منـا أي ذرة إحترام كل من وضع يده بيد الصهاينه على أساس بيع جزء من ارضنا الحببية ..

وبالمقابل .. الي ضحى بنفسه عشان ديننا .. وأرضنا وقضيتنا ..

مستعدين نفديه بأرواحنـا طول ما هو على الحق :)

وواضح طبعا .. مين أهل الحق .. ومين اهل الذل والهوان

[دموع الغربة واشواق العودة]

المشاركة الأصلية كتبت بواسطة ليـــــــــــــال مابدي احكي كتير

يمكن ما بيجوز نسب لانو هالشي بينقص من احترامنا امام الاخرين

بس الاكيد انو من حقنا ندعي على يلي بنشوفه ظالم ومفتري

وربي يصلح الحال

وشكرا

شكراااااااااااااااااااااااا على مرورك ...وانا بحترم اكيد رأيك ...شكرااااااااااااااا

[دموع الغربة واشواق العودة]

المشاركة الأصلية كتبت بواسطة haya-jor مرااااااااااااحب يا عسووله
هلأ موضوعك مميز كتير
ازا بدنا نحكي بشكل عام انا بشوف انو ما بحق للأي مواطن يهين رئيسو بشرط انو يكون متفرلو الامان والاستقرار واقل مستوى ممكن يعيش في البني آدم ومو شرط الديناه يعني مو شرط يكون الرئيسمسلم عشان احترمو
(( يعني الملك عبدالله ملك الأردن مو مقصر شي مع شعبو ابد )) بس موافقوا الي خارج نطاق البلد بتخزي لكن هاد ! وغير تطبيعو مع اسرائيل وتعاونوا الي واضح وضوح الشمس وطبعاً الي بعملو للشعب ما بيغفر مواقفوا ... بس انا لما احكي كأردنيه ما بقدر اقول عنو انو مقصر بس مع هيك في تغيب للشعب وهاد شي من عدم الاحترام فصعب يكون في احترام من الشعب للرئيس الي هيك

اما بالنسبه لعباس ... يا سلام شو بحبحو هاد
او شي هاد مو مسلم اصولوا بهائيه !! يعني هادي رقم واحد
تاني شي التشتت والحاله المأسويه الي عايشه الشعب منه
والمستوى الاقتصادي والاجتماعي ومن كل النواحي البلد رجعت لوره
التعصبات بين حماس وفتح وغيروووو
انا مهما ما احكي ما رح اوفي او اعبر عن المأساه الي عايشه الشعب الفلسطيني بفلسطني

وهاااد كلوو بكفي انو ما يكون في ذرة احترام لهيك رئيس
عيلة هاد الرئيس عايشين احلى عيشه وبغددين وكلهم عندهم جوازات كنديه ووضعم فووووق الريح وبالماقبل شوفي كيف وضع الفلسطينه وهوون بتقدري تحكمي ازا بنقدر نهين هيك رئيس ولا لأ


هيووووش

حبيبتي ....مشكوووووووووووووورة ياعسل ...بس يمكن مش رح تفهمينا لأنك مش فلسطنية ((بصراحة
انا بالصيف رحت على الاردن وكتير كانو معلقين بالشوارع صور الملك وهما كتيييييييييير بحبو ))
بس والله بعرف انو مش موفر عيشة كويسة لأي فلسطيني بس احنا هيك عم بنوري للعالم انا انسينا قضيتنا ...هو كمان نسي القضية يعني هو غلطان واحنا غلطنين ....ياريت تتفهميني
وسؤالي الك بصراحة صح احنا بينا للعالم انا نسينا الجهاد ؟؟؟؟
ومشكورة يا عسل على المرور

[دموع الغربة واشواق العودة]

المشاركة الأصلية كتبت بواسطة .:.!دموع الرحيل!.:. أولا يا حبيبتي ..

عباس مش رئيسنا ..

وما بشرف كل فلسطيني .. أنه يحكي عن هالعميل رئيس ..

يا أختي الي باع أرضي .. ما بييسوى ذرة تراب بنظري :) حتى ذرة التراب بأرضي الإسلامية ..

بتسوى أكتر منه بكتير

فكيف بدك ياني اعترف فيه كرئيس لإلي !

الدعـاء أنه الله يخلصنا منه .. بتعتبريه دعاء لهالأمة أنه ربنـا يطهرها

من هالعملااء ..

لأنه لما نخلص منهم .. رح نكون اقتربنا من العودة أكتر وأكتر



ونحن لا يهمنا تحقيق حلم أبو عمـار .. لأنه ابو عمار قبل ببيع جزء كبير من أرضنا الحببية ..

لذلك حلمنـا أكبر من هيك بكتيير ..

حلمنـا انه نحقق أهدافنا الإسلامية .. ونرجع كل فلسطين .. بكل شبر وندر فيها

ونقيم عليها خلافه إسلامية .. مثل ما أرادها رسولنا عليه الصلاة والسلام ..

وما بنحترم إلا الي ماشيين على نهج الإسلام والرسول الحبيب ..

ولا يستحق منـا أي ذرة إحترام كل من وضع يده بيد الصهاينه على أساس بيع جزء من ارضنا الحببية ..

وبالمقابل .. الي ضحى بنفسه عشان ديننا .. وأرضنا وقضيتنا ..

مستعدين نفديه بأرواحنـا طول ما هو على الحق :)

وواضح طبعا .. مين أهل الحق .. ومين اهل الذل والهوان

كتييييييييييييييير شكرا على مرورك ...
بس بعرف انو مش رح يكون رئيسنا ...بس والله لو بنشرب ميه البحر ...بعدين انا ليش اكسب حالي سيئات من ورى واحد مابهتملي
وتاني شي والي خلاني اعصب عليكي
انو كل الشعب الفلسطيني كان مستعد يفدي ابو عمار بروحو ....وهو ماحط ايدو بأيد حدا وماباع
اي حبة من تراب فلسطين ....هو قبل بجزء من السلام وصارلنا حكم ذاتي
وعشنا كم سنة مرتاحين ....ورجعنا دخلنا وطنا
بصرااااحة انا مابسمحلك تحكي عن ابو عمارهيك

[دموع الغربة واشواق العودة]

يلا يا اعضا ءشو وين رحتو بدي اشوف التفاعل الكيماوي العنيف المتفجر ....انا عم استنى رد ...((والله بعدين بزعل ))

[Arabian girl]

انا مع دموع الرحيل بكل كلمة

[دموع الغربة واشواق العودة]

المشاركة الأصلية كتبت بواسطة Arabian girl انا مع دموع الرحيل بكل كلمة

عن جد انتو هيك عم تزعلو وتجرحو كل الفلسطنين ...اختي ...دموع الرحيل حكت مابيهمها
تحقيق حلم ياسر عرفات وهي كمان اهانتو .....انتي مهعاها ..ولا لأ..؟؟؟
انتي مش رح تقدري الاشي الي عملو ابو عمار لأنك مش فلسطنية ...مشكورة

[بقـ..ــايـ..ـا إنسـ..ـانـ]

ايش فيكم قلبتوها زعل يعني يا دموع الغربة لو حكينا من هون لمية سنة في احد رايح يرد لا

منورة اختي المنتدى ^_^

[haya-jor]

المشاركة الأصلية كتبت بواسطة دموع الغربة واشواق العودة

حبيبتي ....مشكوووووووووووووورة ياعسل ...بس يمكن مش رح تفهمينا لأنك مش فلسطنية ((بصراحة
انا بالصيف رحت على الاردن وكتير كانو معلقين بالشوارع صور الملك وهما كتيييييييييير بحبو ))
بس والله بعرف انو مش موفر عيشة كويسة لأي فلسطيني بس احنا هيك عم بنوري للعالم انا انسينا قضيتنا ...هو كمان نسي القضية يعني هو غلطان واحنا غلطنين ....ياريت تتفهميني
وسؤالي الك بصراحة صح احنا بينا للعالم انا نسينا الجهاد ؟؟؟؟
ومشكورة يا عسل على المرور

حبيبتي ... بدي اقلك الأردنين مو بس بحبو الملك عبدالله لا بعبدو
اقلك ليش هلأ انا كمواطنه اردنيه من عائله اردنية الأصل وجذوري اردنيه
كل شي متوفر الي ( الجمعات - الوضائف - الامتيازات - واالاهم الامان )
وعلى فكره كلامك صح انو الفلسطينيه بالأردن مو موفرلهم شي ولا في شي سهل عليهم هاد شي معرووف ... ( وبصراحه انا بتضايق منو لأنو كلنا واحد انا امي فلسطينيه فكتير بنزعج لما يكون في خيار وفقوس بالهقصه هاي )

وبالنسبه لسؤالك !! للأسف اه يالله شو بحزن لما يصير في نقاشات بين اهلي ناس فلسطينيه وناس اردنيه ويقعدوا يقولوا (( انو جهاد الي بتجهادوا انتوا قاعدين بتضبحوا ببعض )) وبقولوا انو الفلسطينيه والعراقين خليهم بالأول يحب بعض عشان الناس تحبهم او حتى يقدروا يواجه العدو والي يقعد يقول انا كيف بدي ادافع او حتى اساعد فلسطيني ازا هو عندو استعداد يدبح ابن بلدو الي هو ويا عايشين بمأساه واحده
والي بقهرني اكتر انو لما يتساوا العراقي مع الفلسطيني مع احترامي للعراقي
لكن هلأ معقوول كره الفلسطينيه لبعض بتشبه بكره السنه والشيعه
المهم اختي بأختصار الي بصير بفلسطين شوه ماضيها ودنس عظمة الجهاد والنضال الفلسطيني



تسلمي يااا عسوووووله

[عين فلسطين]

انا عن نفسي ما بحب لا حماس ولا فتح
بس الفريقين غلطانين
والمفروض انو ما حد يسب على حد
لانهم يعكسو صورة الفسطينية
يعني لو فتحاوي وحمساوي تقابلو في برنامج
وقد هاد يسب هداك وهداك يرد عليه
والله صارت مصخرة مو رئاسة
انا ما بحب السب بين الفلشطينية
لانو هيكون سب حزبي