:. ماذا تستشف من شخصية الاعضاء .:

[εïз ملآكـ εïз]

السلآم عليكم و الرحمهـ

كيفكم ..؟؟ نــآآيس نــآآيس الموضوع

هلئ بدي احكي عن كل الي لآحظت شخصياتهم و لفتوا انتبــآآهي :

اول شي بنبدا بوردة :

عســـل هالصبية كلهــآآ دلع .. رقة .. انوثة .. و برآءة يعني انا عمري 14 و بحسها ادي بالزبط بس احكي معها ههههههههههه

بموت ضحك بس احكي معها .. زوووء من رآسها لاجريها .. غــآآلية و بتدخل القلب عطوول .. و كل كلآمها مئروط و معووج ع راي رمووش مو بس هيا و اختها لولي كمان لووول .. فديتها .. الله يحفظها

الحـــآآن :

من زمآآن هالبنت لآفتة انتباهي .. كنت احسها رقيقة و بسيطة .. و هيا فعلآ هيك .. دمهــآآ خفيف فوق ما الكل بتصور

ما اجتني الفرصة اعرفها منيح بس بجد عطول حبيتها و اول ما سمعت سوتها فز البي من مطرحو ( مش تسدقي حالك خخخخخخخ ) .. الله يحفظها

الرمش الحساس :

بس اشوف مشاركاتها بحس المنتدى ضجة .. كلها حركة و فرفشة .. جو من الضحك بتنشر بكل المنتدى

ما بتروء و لآ بتهدا حتى بالمسن .. ابدا ما بصدعها راسها ولا بتتعب هههههههه بعيد الشر عنها ..

بتحب تعطي كفوف كتير للعلم بس .. عسل عسل اصلا من اول ما شفتها بالمنتدى لفتت انتباهي صعب ابدا ما تلآحظها ..

الله يحفظها ..

دموع الرحيل :

شمعة بتضوي ادب و اخلآق و هدوء و روقاان .. زوووء و بتنحب بسرعة بجد ..

كتير كتير بحب اسلوبها الا لمن نيجي نحكي بالسياسة بخاف منها هههههههههه ... بتحس ردودها هجوم بهداك الوقت لكن بالاوقات التانية بتلآقيها كلها رقة ..

حبابة كتير و اول توقيع اجاني كان منها .. حسيتها فاهمة شخصيتي و شو بحب انا فكان توقيع اجمل ما يمكن بصرآحهـ ..

وطنية لابعد الحدود .. بخجل من حالي بس اشوفها اديش بتهتم و انا بفكر حالي مهتمة ببلدي

بجد بشوفها قدوة لكل الصبايا .. الله يحفظها

حرحورة :

بحسها نفس رموش و اقرب بشخصيتها لعجينة .. ما بسدق لهلئ انو هيا ازغر من وردة ..

حبابة و كلآمها كتير بضحكني بس هالبنت بتخوفني ما بعرف ليش بجد ههههههههههههه ..

ممممم اوقات بحسها بتكرهني .. بس بعدين بحس حالي غلطانة .. مشاركاتها كلها حياة ما بعرف اشرحلكم كيف

مواضيعها كتير حلوين مو عطول بتابعهم بصراحة بس بلفتوا انتباهي .. عسووولة و اكيد الي بعرفها بحبها.. الله يحفظها

عجينة :

زوء بكل شي .. كتير بحب اشوف تصاميمها .. شعلة ابداع بحسها

دريسة بقولوا عنها بس انا ما لآحظت هالشي ,, حبابة .. ما بعرفها منيح بس كتير بحب وجودها بالمنتدى

الها بصمة وين ما بتروح .. ان شا الله بنتعرف عليها منيح مع الوقت .. الله يحفظها

بلو جيرل :

كل ما اشوف ردودها بحسها صحبيتي بشك هيا مسجلة و انا ما بعرف ؟؟ كتير كتير شخصيتها بتشبه رفيقتي

فهمانة .. بس بحسها حزينة عطول .. بحب كيف انو كل رد الها لازم تلاقي كلآم مكتوب غلط ههههههههه

رايقة و بنفس الوقت بتحب الحركة .. انا بجد حبيتها .. و زعلت بس بطلت اشوفها كتير بالمنتدى ..

الله يحفظها ..

غزآوية :

ما كنت بعرفها منيح الا هالشهر الاخير .. بحسها انيقة بكل شي .. انوثية و عسولة ..

عطول بتعرف انو هاد ردها من تنسيقو و ترتيبو قبل ما تشوف اسم العضو ..

دخلت البي بصرآحهـ .. كنت افكرها اكبر من 18 ..

ما بعرف , احكي عنها كمان .. الله يحفظها هيا و اخوها ..

بنك روز :

يعني بجد بحس حالي مشرشحة بمواضيعي بس اشوف مواضيعها هههههههههه .. كل شي فيها مرتب .. رآقي

انيق .. بتشجعك لتكمل و تقرا مواضيعها من كل شي بتحطو .. الوان صور و غيرو ..

هـــآآدية بس الها بصمة .. بحسها ما بتحب الازعاج ..

و بجد بحسها حلوة كتير ^_^ الله يحفظها ..

بنت الشـــآآم :

مع انو ما طولت القعدة بالمنتدى ,, بس من اول مشاركات الها لفتت انتباهي .. بتاخد ع الجو عطول ..

رآآيقة لابعد الحدود .. بحب حكياتها كتيييير هههههههههههه .. عسووووولة .. و محبة للسلآم ع راي عشوقة

بنبسط بس اشوف ردودها باي مكان ..

ما شفلتها مواضيع الا موضوع سوريا ..


دخلت البي عطول و الله .. حابة اتعرف عليها اكتر ^_^ .. الله يحفظها

ارآبيان جيرل :

انا بحسها كبيرة بس ما بعرف كم عمرها بعطيها 19 سنة .. ما كنت كتير احبها .. بس لقيت حالي ظآلماها ..

ما في شي فيها بخليك تكرهها او تفكر تحقد عليها ..

حبابة و الله ..

عسولة و امورة .. ما بعرفها منيح

بس بحسها بريئة .. الله يحفظها

عشوووووقة :

انا بكل صرآحهـ بالبداية ما كنت استلطفها كتير .. بسبب جرئتها .. كنت احسها بتجرح بالناس و ما بتهتم ..

مع الوقت شفت وجه تاني الها .. بحب كيف انو الي بالبها ع لسانها .. انا بحب الناس الصريحين و هيا منهم

ردودها مرتبة و ما بدل الا انها نفسها مرتبة .. بحسها دريسة متل عجينة عطول عليها امتحانات و عطول بتجيب علامات كاملة ^_^

بحب كل شي بتعلق فيها .. للامانة هالبنت غالية علي ما بعرف ليش

الله يحفظها ..

اسرآء :

بحسها هيا و نانا توام كتير بتشبهها بردودها و بشخصيتها ..

بحس حالي صبي حدها ههههههههه .. لانها كتير انوثية و كتير هادية و كتير رقيقة و هالشي ملفت و حلو فيها

انا بحسها حلوة متل ما مبين عليها بالمنتدى ..

حبــآآبة و صعب الواحد يفكر ما يستلطفهــآآ

الله يحفظها لاهلها ..

حنوو و امــآآني :هـــآآديات و حبابات .. ما بعرفهم منيح برضو

بس بحب وجودهم بكل مطرح ..

زعلت بس شفتهم افترقوا ,,

بتمنالهم التوفيق ..

و الله يحفظهم لاهلهم

توين و فرآشة :

جديد عرفت انهم توام و جديد عرفت انهم خوآت امــآآني

عسل عسل ما شا الله عليهم ,,

لفتوا انتباهي ..

رآقيات و فاهمات و عــآآقلآت ..

حبيتهم بجد ..

الله يحفظهم لالهم

___________________________________ _

خلصنا من اول فوج ع راي عشوقة

يسلمو لكل الي زكروني مبسوطة ع حــآآلي من كلآمكم و كبر رآسي هلئ هع هع ^_^

تسلمولي ..

[Arabian girl]

ارآبيان جيرل :

انا بحسها كبيرة بس ما بعرف كم عمرها بعطيها 19 سنة .. ما كنت كتير احبها .. بس لقيت حالي ظآلماها ..

ما في شي فيها بخليك تكرهها او تفكر تحقد عليها ..

حبابة و الله ..

عسولة و امورة .. ما بعرفها منيح

بس بحسها بريئة .. الله يحفظها

تسلميلي حبيبتي يا عسولة انتي

[εïз ملآكـ εïз]

الفوج الـتــآآني الي هما الشبــآآب ..

بنبدا بمحمود :

من اول ما فتت المنتدى و انا بكن لالو احترآم كبير بجد .. بحس الو هيبة هون .. ما بتحس انو زغير هالاد فكرتو اكبر انا ..

بفهم .. و عــآآقل و رآكز مو طــآآيش متل اكتر الشباب بعمرو ..

بحسو برضو متل نانا و انهم متفاهمين و ع نفس الصفحة ..

بفرض احترامو ع الكل ..

بحب ردودو ..

بحسو غــآآمض .. نفسي افهمو بس مو قادرة .. الله يحفظو ..

ابو نور :

هالانسان بجد رآقي .. انبسطت بس اهدآني توقيع كتير حبيتو ..

الو معزة ما بعرف ليش بجد ..

فهمــآآن بتحسو اكبر من عمرو بكتييييير انا كل فكري انو بالعشرينات ..

وجودو حلو كتير بنتمنالو الرجعة بالسلآمة و ان شا الله ما تطول الغيبة

ابو شــآآدي :

انا ما كنت بعرف انو اخوه لابو نور الا من رد لحرحورة .. ردودو كلها ضحك و فرفشة ..

ضجة متل رموش لوول .. اشتالنا لوجودو و لهلئ ما بعرف شو سبب غيبتو ..

ان شا الله يرجعنا عطول ..

الو بصمة بكل مكان و بحسو عــآآقل ..

كنت اخاف منو قبل بس هلئ لآء ^^ الله يحفظو ..

القلب الطيب :

استغربت من الكل كيف كاتبين انو انطباعهم الاول عنو انو مغرور .. بالعكس كتير هــآآدي هالانســآآن ..

كتير رآقي بحكياتو ..

ما فيك غير انك تتعامل معو بالمنيح لانو هوآ هيك بعاملك

محترم ..

الله يحفظو ,,

عزيز النفس :

ما بعرفو منيح .. تدايقت بس عرفت انو اعتزل النت ..

ما اجتني الفرصة افهمو و اخد انطباع عنو .. لكن الي بعرفو انو هوا و القلب رفقة ..

هـــآآدي و عـــآآقل ,,

وجودو كان حلو

الله يزكرو بالخير و يحفظو

ايــآآد :

هالانسان برضو الو معزة متل ابو نور .. سببها علمي علمكم هههههههههه .. رآقي و الكلمات قليلة بحقو

وجودو رآئع بهالمنتدى ..

بعرف انو بمر بوقت صعبة هالايام الله يفرج عنو و يكون بعونو

كتير بحسو متل اخوي الكبير لانو بشبهو بالتصرفات و برضو بالشكل ^^

الله يخليه لخوآتو و يحفظو ..

السيف عدي :

انا مو مقتنعة انو عمرو 27 .. اكتر شي بحسو 24 ..

كلو حركة .. بحسو شوي بزغر بحــآآلو ( لآ تفهمها غلط ) ..

شيك متل ما بقولوا هوآ و بهتم بالموضة ..

كتير كانت ردودو تشجعني لمن يقلي زوئي رهيب و غيرو ^_^

بتمنى يطل اكتر لانو خفت طلآتو ..

الله يحفظو ..

فــآآرس الوطن :

مبين عليه بحب ههههههههههه و هالشي وآضح وضوح الشمس ..

يحسو تغير كتير هالشهر الاخير ..

الله بكون بعونو بحسو متعزب عطول ..

لفت انتباهي ببدآية وجودي بالمنتدى ..

ما شفت عليه شي سلبي ابدا

وجودو حلو ..

الله يحفظو ..

بس شي محيرني بدي اعرف شو بدرس بالجامعة ؟؟

مؤيد :

محتررم .. اول انطباع ثبت برآسي عنو .. بحسو كتير متل محمود ..

عــآآقل بفهم .. متل نانا بالمواضيع السياسية .. هجوم بحس ردودو هههههههههه

بس بجد رآقي و بكل مطرح الو بصمة ..

الو رهبة ..

بخــآآف منو نتوفة مو كتير ^_^

الله يحفظو و بتمنى يرجعلنا ..

فتى الانبار :

ما احتكيت فيه ما عرفتو منيح

بس من مواضيعو و حكي وردة عنو ..

زوء كتير
..

رآئع بابسط الكلمات ..

الله يوفقو بدرآستو و يرجعلنا عن قريب

ع فكرة الحكي العرآقي تبعو كتير حلو عليه ^_^

الله يحفظو ..

و بــــث ^_^

[ايــاد]

ايــآآد :

هالانسان برضو الو معزة متل ابو نور .. سببها علمي علمكم هههههههههه .. رآقي و الكلمات قليلة بحقو

وجودو رآئع بهالمنتدى ..

بعرف انو بمر بوقت صعبة هالايام الله يفرج عنو و يكون بعونو

كتير بحسو متل اخوي الكبير لانو بشبهو بالتصرفات و برضو بالشكل ^^

الله يخليه لخوآتو و يحفظو

الله يجبر بخاطركـ ويرضى عنكـ

روحي الاهـي ينولكـ الي ببالك يـآآآآآآآآ رب ....


يسلمو

:)

[همسة وفاء]

انابدي احكي عن الاعضاء اللي شفت مواضيعهم في المنتدي بس ولاحد بعرف والحمدلله مابحب اتعرف انا بالمنتديات
المهــم
اخي دموع القهر طبعامن خلال مواضيعة وردودة وكلهم هيك اه
هوشب طيب ومواضيعة حلوة كتيربس ردودة ئليلة وهومابحب ازعل حد
اخي فارس الوطن ماشاءالله علية اووووشاطربالمدرسة كتيرهههه ان شاءالله اجيبها بتوجيعي متلة وهوبفهم علي الطاير
اخي اياد هوبحب اجادل كتيروهومبدأة صح وبحب يبين للواحد الصح والخطأومتعصب لحركتة متلي يعني بحب اجادل الفتحاوية كتيييير ههه
اخي امجد هوشب طيب كتير بس مبدأةغلط بحسة مابعرف ليش اوبالاحري تفكيرة غلط
اخي السيف عدي راكز وردودة جامدة وئليلة وبحب احكيلة اسفة بس علي شو افهمهالحالك
اخي فلسطيني هوبريم كتيرشكلة بس طيب وبحب يشوف حالة ههههه ومواضيعة حلوة
اختي دموع الرحيل بنت بتعجبني كتير كتيركتير رائعة
اختي ميرا بنت متل العسل وذوء وطيوبة
اختي ملاك ذووووء
اختي عاشقة الشجاعية الصراحة انامابحبهاكتير(الئلب ومايريد)بس هي طيوبة مبين عليها
وهيا بنت امورة وطيبة
وروان ورولا هادول البنتن متل العسل والتنين اطيب من بعض ماشاءالله عليهم
وطبعاحبيتي رحيق صحبيتي كتيرمن زمان هاي البنت بعرفهاشخصيا ماشاءالله عليها م جميعة
اظن بكفي^^
اختكم:هموووسة

[εïз ملآكـ εïз]

حبيت اضيف كم كلمة عن كم عضو ما زكرتهم ..

بـــينو ::
اول ما دخلت المنتدى عجبني نكها ( قرفانة حالي ) قلت هالبنت جريئة لتقعد بالنت بهالنك ههههههههههههه

بس الله هداها و غيرتو ..

آدآمية كتير بحسها ..

ما بلمحها كتير يعني يا دوب ..

بس بجد الوآحد ما بقدر الا يقدرها و ما بشوف منها الا كل خير

هالفترة الاخيرة اكتشفت انها مو جدية عطول و بتضحك و بتنكت ^_^

حبيتها ^_^

الله يحفظهــآآ ..

دقدوقة ::

غيرت نكها عن جديد لهلئ مو حــآآفظآه بس كنت بفضل القديم احلى عليها

كتير بحسها متل عجيبة و فلسطينية و الرآس مرفوع

هيا و زركــآآ كنت الاقيهم بتفاعلوا كتير مع بعض

عسولة ما شا الله عليها جد حبيتها

و هيا من اول الناس الي لفتوا انتباهي

غابت و ما عدنا شفناها فجد زعلت

ما بعرف شو احكي عنها اكتر لانو بجد ما اجتني الفرصة احتك معهــآآ .. الله يحفظها

فلسطينية و الرآس مرفوع :

كلها اكشن هالبنت ..

عطول بشوفها بتضحك الله يديم الفرحة عليها

حبيتها من تفاعلها مع الكل

بس برضو خفت طلآتها ..

الله يحفظها و ان شا الله بتطل اكتر

_____________________________

حاسة حالي بكتب موضوع تعبير هههههههههههه

يلآ عبروني و اشكروني ع الكلآم تعبت و انا بكتب !!

[السيف عدي]

يسلمو ..ملاك وهمسة وفاء وللكل .. عنجد كلماتكم كتير كتير رائعة ..

الي رجعة .. ^_^ ..

[السيف عدي]

يسلمو ..ملاك وهمسة وفاء وللكل .. عنجد كلماتكم كتير كتير رائعة ..

الي رجعة .. ^_^ ..

[بقـ..ــايـ..ـا إنسـ..ـانـ]

شكرا همسة وشكرا الاماني الفلسطينة على الكلام الحلووووووووو

الله يسعدكم^_^

[فلسطينيه والراس مرفوع]

فلسطينية و الرآس مرفوع :

كلها اكشن هالبنت ..

عطول بشوفها بتضحك الله يديم الفرحة عليها

حبيتها من تفاعلها مع الكل

بس برضو خفت طلآتها ..

الله يحفظها و ان شا الله بتطل اكتر

_____________________________

تؤبريني يا ملووووووكي

فعلا بطلت افوووت

راجعة استشفك شف