محمود درويش .. قنبلة المنتدى الشبه حصرية

[أنين]

حكيت قبل ., وبرجع بحكي

الله يففرله .,

[عبد الصمد الراوي]

المشاركة الأصلية كتبت بواسطة dont ask why بصراحه

انا ماعمري قريت اشعارو

بس ممكن ناخد الاشيا الي كاتبها من منظور تاني

غير التكفير او الظلال

هاد في النهايه شاعر والشعراء عادتا بستخدمو الفاظ معينه بدلالات مختلفه عن الي احنا بنفهمو بمجرد القراه بدون التفكير والتمعن


بتوقع لو اخدنا وحده من هاي القصائده وقريناها كامله رح تتغير نظرتنا للمعنى الي تم اخدو منها ورح نفهمو بطريقه مختلفه



في النهايه هاد رأيي

وشكرا خيي

اخي الغالي ليث انا ما احكي عن انو فينا نفهم خطأ

يعني اذا الكلام الي كتبتو بالموضوع طلع صحيح يعني كارثة

والله صحيح

يجوز اخي ما قريت كم هي عدد الادلة

يعني الشاعر شو مافي غير هذه الطريقة يشعرنا فيها كلها سب وشتايم على الانبياء اذا كان هذا يطلع الشعر بتاعو حلو بلا شعر بلا حكي

شو قلت اخي

[عبد الصمد الراوي]

المشاركة الأصلية كتبت بواسطة عامر محمد اخوي يا ابن الانبار

الكلام مش موجه الك

قلتلك بالبداية هاد اقتباس لموضوع اخر في المنتدى كان بكفر محمود درويش

مثل كثير ناس قاعدين بكفره

انا ما قصدتك

وكمل باقي ردي وبتفهم كلامي

اخي كلامك للاسف لم يشفي غليلي

شو اقرأ باقي ردك

ثاني شيء لماذا تربط هيك مواضيع مع موضوع قلتلك انو لازم ما تخلي اقتباس الاتعرف شو الموضوع

موضوعي يختلف 180 درجة عن اقتباسك

يعني انته مستهل الاقتباس بشغلة التكفير والى ذلك من الاشياء

ارجوا ربط الاقتباس مع موضوعي

كل الود

[عبد الصمد الراوي]

حكيت قبل ., وبرجع بحكي

الله يففرله .,

وليش معصبة انين هدي ثم روقي

الله يبارك فيكي

شو بلاكم ما بدكم تتحاورو

اني مو جايب الموضوع لحتى تعصبوا

اني جبت شيء وقلت بدي ادة على صحة او عدم صحة هذا الموضوع

لحد الان لم يأت احد بشيء

[Dont Ask Why]

اخي الغالي ليث انا ما احكي عن انو فينا نفهم خطأ

يعني اذا الكلام الي كتبتو بالموضوع طلع صحيح يعني كارثة

والله صحيح

يجوز اخي ما قريت كم هي عدد الادلة

يعني الشاعر شو مافي غير هذه الطريقة يشعرنا فيها كلها سب وشتايم على الانبياء اذا كان هذا يطلع الشعر بتاعو حلو بلا شعر بلا حكي

شو قلت اخي

وانا معك بس الشعب الفلسطيني بعتبرو حامل لواء الثوره وسيد القضيه ( كرمال هيك بحاول لأيلو تبرير ع الحكي والادله المكتوبه )


في النهايه انا بشوفو شاعر فاشل وشعرو مو حلو ( ماقريت غير قصيده بعد ماشفت الموضوع ) وهو ازا سب الانبيا ولا ماسبهم فمابيستحق انو يتسما شاعر



وثانكس مره تانيه :)

[مؤيد]

أنا مش عارف بصراحة انتو بتتهبلو والا شو ...

كل هذا الكفر اللي تلفظ به شاعركم وما هو بشاعر ولسه بتدافعو عنو ؟؟؟ ...

يبدو انو محمود درويش احب عندكم واغلى من ربكم ...

والكفر لا يبرر ، وما حدا يتشاطر ويحاول يبرر كلام الكفر اللي تلفظ فيه محمود درويش ..

قال شو بتحكو انو هو كتب كلام كفر بس مش قصدو كفر ، ههههه ، لا صراحة فنانين انتو ... يعني هلأ هو ما لقي غير هالكلام المنحط عشان يقوله ويحطه في شعره ؟؟

ما تضحكو على حالكم واستحو على حالكم وأي حدا بيتطاول على اسلامنا مستواه بصير الحضيض مين ما كان ومين ما ناضل ...

بكفي قلب الباطل حق ...

[خيـرَ أُمـة]

السلام عليكم ...

القضية ليست قضية درويش او غيره من الموتى بقدر ما انها قضية جيل يبحث عن قدوة ولا نريد له أن يرى في درويش قدوة ... المحبة احيانا تجعل المحب يأخذ سيئات وحستان من يحب وهذا ما لا نريده من محبي درويش .. لا نريد أن يصل بهم الى اخذ كل ما كتبه درويش ..

الأفضل ان نكون انتقائيين .. نأخذ الحسن وننبذ القبيح ولا نذوب بالشخصية ...

الرسول عليه الصلاة والسلام قال ..انما بعثت لأتمم مكارم الأخلاق ... أي انه أقر وأكد على الأخلاقيات التي كانت بالجاهلية .. وفي المقابل نبذ ورفض الأخلاق والتصرفات السيئة التي كانت لدى العرب في الجاهلية ...

من هذا المنطلق ارى ان ناخذ الحسن ونترك القبيح مع الاشارة الى العثرات و وذكر اخطاء الشاعر وعثراته لا من اجل النقد وانما من اجل التوعية ...

والله أعلم ..

أخوكم

[مؤيد]

المشاركة الأصلية كتبت بواسطة خيـرَ أُمـة

وذكر اخطاء الشاعر وعثراته لا من اجل النقد وانما من اجل التوعية ...

100%
فهدفي ليس الذم وانما التوعية ، لإنه كما قال رسول الله صلى الله عليه وسلم :(( المرء يحشر مع من أحب )) ...

لأنه يحزنني ان نقدس هكذا نماذج ونتخذها قدوة ، بينما ننسى صحابة رسول الله والنماذج الإسلامية الطيبة على مدار التاريخ ... تماما كالذي يقدس جيفارا الشيوعي ويحمل فكره وافكاره ويدافع عنها رامياً كل الإسلام وفكره عرض الحائط ، وكأن تاريخنا الإسلامي يخلو من الأبطال ...

فكل مسلم ناصر جهة او فرد فهو اما معه في الجنة او معه في النار ...

ولا اعنقد ان من يتطاول على الإسلام وعلى الله سيكون في الجنة ، الا اذا في اح يثبت العكس ...

[.. ليآل ~]

بغض النظر عنه وعن شعره

ليش نحنا بننتظر الواحد يموت حتى نبدأ نحارب فيه ونظهر عيوبه

ايش لما هو يصير في دار الحق بنصير نصنف تصرفاته


ليش في المدارس كانوا يحفظونا اشعاره ويحكونلنا انه صوت فلسطين وشاعر القضيه

ولما مات صار كافر شيوعي


انا كتير بحب الشعر وفيه بعض القصائد لمحمود درويش بتعجبني

لكن انا بطبيعتي بحب الشعر القديم مش الشعر الحر

لهيك ماعندي شموليه لشعره

الله يخليكم يامشرفين القسم تغلقوا الموضوع مع احترامي الك يافتى الانبار

نحنا في شهر فضيل وحرام نخوض في اعراض الناس وناكل لحومهم

وتذكر دوما انه كما تكون يولى عليك

وعلى مايبدو ان النقاش سياخذ منحنيات اخرى

الله يرحم محمود اذا كان ممن تجوز على روحهم الرحمه

كل احترامي لكم

[لولو اليبناوية]

محمود درويش....

بصراحة هاد الكاتب كتاباتو رائعة جدا...

بس عنجد سبحان الله...انا قبل ما يموت ما قرأت شي كفر واضح الو

وما كنت اعرف عنو انو هيك...بس مع هيك كنت لما اجي اقرأ كتاباتو

كنت احس انو فيها كفر...يعني مثلا يروح يمدح جمال الطبيعة كأنها خلقت نفسها

مش كأنو في اله خالقها !!

يعني الشي الاخطر انو يجي واحد قليل دين ويتأثر بكتاباتو ..او الجيل الزغير

مرة على مرة بالاشعور ...

ممم بصراحة يا جماعة كتير بسمع انو والله هاد شاعر لازم ما نلغي او ننسى روعة كتابوتو

وتميزها ...او انو فينا نستفيد من الشي المنيح فيها ونبعد عن الكفر فيها...

بس انا عن رأيي : انو في شعراء كتير بهالدنيا اولى انا نذكرهم

وبنفس الوقت ما فينا نلغي الشي المنيح الي عملو في الادب العربي الحديث ....

و كمان برضو ما فينا نتغاظى عن كفرو الفظيع!

*__*....

يعني انا تخصصي لغة عربية سرت عاملالو بحثين بمادتين وانا ما عارفة هاد الحكي...

هلأ بعد ما عرفت : امبارح استلمت ملزمة بمادة الي ( النقد ) فيها كتابات الو...

عنجد سرت اطلع فيها...تغيرت نظرتي الو عن قبل لما كنت اشوف انو نابغة زمانو...

يعني لما تكوني تفكري انو هاد البني ادم مافي بذكاؤو وابداعو وحسو العالي بالطبيعة والجمادات...

و بعديها تكتشفي انو هاد البني ادم والله

اقل شعور بالفطرة الله اعطانا اياه ( الي هوي الاحساس بوجودو )

ما عندو اياه من اصلو...كيف راح نسير نظرتنا الو؟؟؟ اكيد راح تتغير كليا

وفعلا القضية قضية جيل بحالو مش شخص ولا شخصين

ويسلمو الك كتير فتى الانبار ^^