عيد الأم // بين الحلال والحرام

[بنت فلسطين المجروحة]

السلام عليكم ورحمة الله وبركاته


بتعرفوا اليوم يقال انه عيد الام عند غير المسلمين

واتفاجات انه اغلب اعضاءانا الكرام محتفلين بيه سواء بكلمة او بهدية لامهاتهم

فحبيت اطرح هالموضوع

يعني اظن اغلبنا اخدنا بالمدرسة بحصص التربية الاسلامية

عن انه مافي للمسلمين غير عيدين بحتفلوا فيهن

عيد الفطر وعيد الاضحى

فعاي اساس بنضيف عيد الام ؟

مع انه ربنا قال في كتابه انه دينا كامل شامل يعني مو بحاجة لهالعيد

و احنا فعلا مو بحاجة لانه الله امرنا انه نجعل كل ايام السنة عيد لامهاتنا

نعربلهم عن حبنا دايما

نهديهم هدايا دايما

فليش احنا بنخالف تعاليم دينا // وبنعلم اللي بعملوه غير المسلمين ؟

ولا صرنا على درجة من البعد الديني مابهمنا الحلال والحرام ؟

ومن اي باب بنحتفل بيه ؟ من باب التقليد؟ و لا بس لانه بدنا نعبر عن حبنا لامهاتنا ؟

وان كان تعبير عن حبنا ،، فليش من بين كل ايام السنة اخترنا يوم 21 مارس مع انه حرام الاحتفال بهاليوم عشان مانقلد غير المسلمين


وهي فتوى من شيوخنا حتى الموضوع مايكون راي شخصي

الشيخ محمد صالح العثيمين رحمه الله

السؤال :
عن حكم الاحتفال بما يسمى عيد الأم؟
الجواب :
إن كل الأعياد التي تخالف الأعياد الشرعية كلها أعياد بدع حادثة لم تكن معروفة في عهد السلف الصالح وربما يكون منشؤها من غير المسلمين أيضًا، فيكون فيها مع البدعة مشابهة أعداء الله سبحانه وتعالى ، والأعياد الشرعية معروفة عند أهل الإسلام؛ وهي عيد الفطر، وعيد الأضحى، وعيد الأسبوع "يوم الجمعة" وليس في الإسلام أعياد سوى هذه الأعياد الثلاثة، وكل أعياد أحدثت سوى ذلك فإنها مردودة على محدثيها وباطلة في شريعة الله سبحانه وتعالى لقول النبي صلى الله عليه وسلم : ((من أحدث في أمرنا هذا ما ليس منه فهو ردٌّ)). أي مردود عليه غير مقبول عند الله وفي لفظ ((من عمل عملاً ليس عليه أمرنا فهو ردٌّ)).
وإذا تبين ذلك فإنه لا يجوز في العيد الذي ذكر في السؤال والمسمى عيد الأم، لا يجوز فيه إحداث شئ من شعائر العيد؛ كإظهار الفرح والسرور، وتقديم الهدايا وما أشبه ذلك، والواجب على المسلم أن يعتز بدينه ويفتخر به وأن يقتصر على ما حده الله تعالى ورسوله صلى الله عليه وسلم في هذا الدين القيم الذي ارتضاه الله تعالى لعباده فلا يزيد فيه ولا ينقص منه، والذي ينبغي للمسلم أيضًا ألا يكون إمَّعَةَّ يتبع كل ناعق بل ينبغي أن يُكوِّن شخصيته بمقتضى شريعة الله تعالى حتى يكون متبوعًا لا تابعًا، وحتى يكون أسوة لا متأسيًا؛ لأن شريعة الله والحمد لله كاملة من جميع الوجوه كما قال الله تعالى: {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإسْلامَ دِيناً} [المائدة:3]. والأم أحقُّ من أن يحتفى بها يومًا واحدًا في السنة، بل الأم لها الحق على أولادها أن يرعوها، وأن يعتنوا بها، وأن يقوموا بطاعتها في غير معصية الله عز وجل في كل زمان ومكان.

وهي كمان حكم

السؤال: ما حكم أني اشتريت هدية لوالدة زوجي ولكن بنية أن أنال رضاها وحبها، وليس للاحتفال بعيد الأم، بحيث أود تقديمها لها بعد عيد الأم بيومين مثلا. وأنا اعلم أنه بدعة ولكن والدة زوجي لا تعلم هذه الأشياء، فقررت أن أشتري لها حتى لا تعتقد أني مهملة في هذا الحق من جهتي.

المفتي: سعيد عبدالعظيم
الإجابة: عيد الأم من جملة الأعياد البدعية، والواجب إمرار هذا اليوم كسائر الأيام دون استحداث لشيء زائد. فمن كانت عادته التهادي وأكل اللحم والحلوى في غير ذلك من الأيام فلا حرج أن يكون يوم 21 مارس مثله مثل باقي الأيام. و إلا، فالأعياد توقيفية تؤخذ دون زيادة ودون نقصان وربنا قد كفانا وأغنانا وقال {اليوم أكملت لكم دينكم وأتممت عليكم نعمتي ورضيت لكم الإسلام دينًا}ً فلا حاجة لنا لأن نتشبه بغيرنا, ولو عملنا بدين الله لكانت كل لحظة أشبه بالعيد بالنسبة للأمهات, والبر بالأم ومعرفة حقها يُرجع فيه للكتاب والسنة ولا يجوز أن يقتصر على يوم في العام؛ بل لا يقتصر على حياتها ويتعدى ذلك إلى ما بعد وفاتها، كالترحم عليها وإنفاذ وصيتها وصلة رحمها وأصدقائها والاستغفار لها. وكذلك الصدقة والدعاء لها. ومن مات وعليه صيام صام عنه وليه، وفي الحديث "حج عن أبيك واعتمر" والأم لها ثلاثة أضعاف ما للأب من البر. والتهادي من أسباب جلب المحبة وهو لا يقتصر على يوم في العام أو بعد يوم 21 مارس بيوم أو يومين فالسنة كلها تصلح محلا لتقديم الهدية، وإدخال السرور على نفوس الآخرين ما وسعنا الأمر.
و الله أعلم.

الشكر موصول لالحان الحرية على الصورة المستخدمة ،، جزاك الله خيرا

مع ودي

بنت فلسطين~

[الحان الحرية]

محجوز =)

[بنت فلسطين المجروحة]

المشاركة الأصلية كتبت بواسطة الحان الحرية محجوز =)

باستناكي

[limar]

هلاء هو صحيح مافي عيد غير العيدين

بس ممكن نعتبرو يوم الام

من احنا وصغار كنا انضل نجمع من مصروفنا لنجيب لماما هدية

وتفرح فيها لو كانت بسيطة

لو انو عطول لازم نتزكرها

بس خلص هاليوم صار عند الام مميز حتى بالنسبة الها

ما راح نسميه عيد

يوم الام ممكن

ولا بعتبرو تشبه

ايا شي ممكن يفرح امي ليش ما اعملو

انا عني جبتهلها هدية وفوق الهدية بيضة مسلوئة

فرحت بالبيضة كتير

تشيس

[بنت فلسطين المجروحة]

المشاركة الأصلية كتبت بواسطة limar هلاء هو صحيح مافي عيد غير العيدين

المشاركة الأصلية كتبت بواسطة limar
بس ممكن نعتبرو يوم الام

من احنا وصغار كنا انضل نجمع من مصروفنا لنجيب لماما هدية

وتفرح فيها لو كانت بسيطة

لو انو عطول لازم نتزكرها

بس خلص هاليوم صار عند الام مميز حتى بالنسبة الها

ما راح نسميه عيد

يوم الام ممكن

ولا بعتبرو تشبه

ايا شي ممكن يفرح امي ليش ما اعملو

انا عني جبتهلها هدية وفوق الهدية بيضة مسلوئة

فرحت بالبيضة كتير

تشيس

iههههههههههههههههههههههه


شف الطحشة،، هاتي البيضة ولي


طيب ارجعي جاوبي عاسئلتي


اشمعنا هاليوم من بين كل الايام


طيب واعرفتي انه حرام


مش اول انه نتبع دينا ؟ ونقول سمعنا واطعنا لرب العالمين ؟

ونهديها هدايا ونعبرلها عن حبنا طول السنة ؟


ولا زي ماحكيت ،، صرنا من البعد الديني مايهمنا الحلال والحرام ؟

[بنت فلسطين المجروحة]

الذين يشاهدون محتوى الموضوع الآن : 4 ( الأعضاء 4 والزوار 0)

‏بنت فلسطين المجروحة, ‏"بنت الأمارات", ‏السيف عدي+, ‏limar, twin , أنين


منورين

^^

[limar]

رجعت ولي لا تعصبي

حساسة انا



فليش احنا بنخالف تعاليم دينا // وبنعلم اللي بعملوه غير المسلمين ؟

لا سمح الله شو نخالف هاي هلاء كمان بدينا مسموح ناخد الشي المفيد مزبوط او لا

انا مو مع انو نعتبرو عيد

متل ما ئلتلك لازم نرضي امهاتنا بكل وئت

بس بالنسبة لكل الامهات

صار هاليوم مميز وبتستنى لتشوف ولادها شو ممكن يفاجئوها

وهالشي بناخد من خلالو رضاها

في ناس ما بتعرف تعبر امون عن الي بداخلها حتى لاقرب الناس الها

وبيستغلو هادا اليوم

اكيد طريقتهم غلط

بس هالشي ممكن يحسس الام بغلاوتها عند ابنها

لا سمح الله اكيد ما منخالف تعاليم دينا

بس متل ما حرام ناخد اشيا من عندهم بتضر الاسلام كمان حلال ناخد الاشيا الي ممكن تفيدنا

فرحة امي وانا بهديها ما بنساها

لو كانت هدية بسيطة او حتى مجرد ورئة راح تفرح فيها

وتحكيلي بعدها الله يرضى عليكي

وعطول بحب اسمعها هالكلمة

زيادة الخير خيرين


ولا صرنا على درجة من البعد الديني مابهمنا الحلال والحرام ؟

لا مو بعد ديني ولا انو ما منفرء بين الحالا والحرام

ئلتلك ما بعتبرو عيد

يوم من الايام الي ممكن نعبر فيه

وئلت كمان انو مناخد الشي المنيح والمفيد من الغرب وحلال هالشي

والمفيد بالموضوع الشعور الي منعطيه لامهاتنا لما نهديهم


ومن اي باب بنحتفل بيه ؟ من باب التقليد؟ و لا بس لانه بدنا نعبر عن حبنا لامهاتنا ؟

لا اكيد مو من باب التقليد

لو من باب التقليد كان قلدنا اشيا اكتر واكبر من هيك بكتير

من باب تعبير وكلمة حلوة بتفرح امنا ولو انو المفروض كل يوم

بس بهاليوم نكهتو غير


وان كان تعبير عن حبنا ،، فليش من بين كل ايام السنة اخترنا يوم 21 مارس مع انه حرام الاحتفال بهاليوم عشان مانقلد غير المسلمين


اكيد لازم كل يوم وهيك دينا انو لازم نرضيهم طول الوئت

بس بئلك انو حلص بهاليوم صارت الام تستنى تشوف اولادها شو ممكن يعملولها

راح يكون مميز بالنسبة الها


الي رجعة ازا خطرلي شي احكيه

يعطيكي العافية ولي

[بنت فلسطين المجروحة]

رجعت ولي لا تعصبي

حساسة انا

ههههههههه مو معصبة ،، بس هاتي البيضة

فليش احنا بنخالف تعاليم دينا // وبنعلم اللي بعملوه غير المسلمين ؟

لا سمح الله شو نخالف هاي هلاء كمان بدينا مسموح ناخد الشي المفيد مزبوط او لا

انا مو مع انو نعتبرو عيد

متل ما ئلتلك لازم نرضي امهاتنا بكل وئت

بس بالنسبة لكل الامهات

صار هاليوم مميز وبتستنى لتشوف ولادها شو ممكن يفاجئوها

وهالشي بناخد من خلالو رضاها

في ناس ما بتعرف تعبر امون عن الي بداخلها حتى لاقرب الناس الها

وبيسغلو هادا اليوم

اكيد طريقتهم غلط

بس هالشي ممكن يحسس الام بغلاوتها عند ابنها

لا سمح الله اكيد ما منخالف تعاليم دينا

بس متل ما حرام ناخد اشيا من عندهم بتضر الاسلام كمان حلال ناخد الاشيا الي ممكن تفيدنا

فرحة امي وانا بهديها ما بنساها

لو كانت هدية بسيطة او حتى مجرد ورئة راح تفرح فيها

وتحكيلي بعدها الله يرضى عليكي

وعطول بحب اسمعها هالكلمة

زيادة الخير خيرين

كيف مو مخالفة للشرع ،، لما دينا يحكي حرام واحنا نخالف ،،معناها مخالفة ولا لأ ؟

حكيك انه الامهات بستنوه هادا مش عذر او سبب ومش صحيح ،، هي امي مااستنته ولا اشي

وحتى لو استنته امي انا ممكن اعودها ،، ليش ماعنا الايمان الكافي ليوقفنا عن رغباتنا ،، ويخلينا نكون عالنهج الصحيح ،،، انا ممكن احكي لامي انه هاليو م حرام و اوعدها اني اهعيشها كل السنة عيد ،، ومش لازم كل مرة هدية مرة هدية مرة بطاقة ،، وياليمار ان كان عمراضاة امك ،، فاتاكدي في مليون طريقة لحتى نفرح امهاتنا هتحكيلي ليش مااخد هالطريقة ؟ هقلك عشان احنا مسلمين وواجب علينا نتبع امر رب العالمين وطالما في بدايل فمااهونها وبنكسب رضى الام ورضى الله ،، مش اكسب رضى امي واخالف شرع ربي ^^

يعني هو عنا قاعدة في الاسلام ،، الضرورات تبيح المحظورات وطالما هاي مش ضرورة وعنا كل ايام السنة فماالنا اي حق نعايد امهاتنا بيها

عالطريق الصح ؟

بعدين صدقيني هيك هتكون هدية متوقعة لو عقولتك بتستناه ،، لكن باي يوم عادي تيجيها منك هدية

راح يكون طعمها احلى واحلى وراح تبين انك متذكراها طول السنة بهديا ،، مش اجا عيد الام ليذكرك

انك تهديها هدية

ولا صرنا على درجة من البعد الديني مابهمنا الحلال والحرام ؟

لا مو بعد ديني ولا انو ما منفرء بين الحالا والحرام

ئلتلن ما بعتبرو عيد

يوم من الايام الي ممكن نعبر فيه

وئلت كمان انو مناخد الشي المنيح والمفيد من الغرب وحلال هالشي

والمفيد بالموضوع الشعور الي منعطيه لامهاتنا لما نهديهم

طيب اشمعنا هاليوم ،، ليش مايكون اي يوم تتزكري امك بشغلة وتفرحيها بيها ؟ حكاية انه الامهات متعودة ،، بنقدر نغير هالتعود ،، عشان الحلال والحرام ^^

ومن اي باب بنحتفل بيه ؟ من باب التقليد؟ و لا بس لانه بدنا نعبر عن حبنا لامهاتنا ؟

لا اكيد مو من باب التقليد

لو من باب التقليد كان قلدنا اشيا اكتر واكبر من هيك بكتير

من باب تعبير وكلمة حلوة بتفرح امنا ولو انو المفروض كل يوم

بس بهاليوم نكهتو غير


وان كان تعبير عن حبنا ،، فليش من بين كل ايام السنة اخترنا يوم 21 مارس مع انه حرام الاحتفال بهاليوم عشان مانقلد غير المسلمين


اكيد لازم كل يوم وهيك دينا انو لازم نرضيهم طول الوئت

بس بئلك انو حلص بهاليوم صارت الام تستنى تشوف اولادها شو ممكن يعملولها

راح يكون مميز بالنسبة الها


الي رجعة ازا خطرلي شي احكيه

يعطيكي العافية ولي

رديت عحكيك انه الامهات متعودات قبل..

يزيدك عافية ياغالية


سلمي عالبيض

[limar]

المشاركة الأصلية كتبت بواسطة بنت فلسطين المجروحة

ههههههههه مو معصبة ،، بس هاتي البيضة




كيف مو مخالفة للشرع ،، لما دينا يحكي حرام واحنا نخالف ،،معناها مخالفة ولا لأ ؟

حكيك انه الامهات بستنوه هادا مش عذر او سبب ومش صحيح ،، هي امي مااستنته ولا اشي

وحتى لو استنته امي انا ممكن اعودها ،، ليش ماعنا الايمان الكافي ليوقفنا عن رغباتنا ،، ويخلينا نكون عالنهج الصحيح ،،، انا ممكن احكي لامي انه هاليو م حرام و اوعدها اني اهعيشها كل السنة عيد ،، ومش لازم كل مرة هدية مرة هدية مرة بطاقة ،، وياليمار ان كان عمراضاة امك ،، فاتاكدي في مليون طريقة لحتى نفرح امهاتنا هتحكيلي ليش مااخد هالطريقة ؟ هقلك عشان احنا مسلمين وواجب علينا نتبع امر رب العالمين وطالما في بدايل فمااهونها وبنكسب رضى الام ورضى الله ،، مش اكسب رضى امي واخالف شرع ربي ^^

يعني هو عنا قاعدة في الاسلام ،، الضرورات تبيح المحظورات وطالما هاي مش ضرورة وعنا كل ايام السنة فماالنا اي حق نعايد امهاتنا بيها

عالطريق الصح ؟

بعدين صدقيني هيك هتكون هدية متوقعة لو عقولتك بتستناه ،، لكن باي يوم عادي تيجيها منك هدية

راح يكون طعمها احلى واحلى وراح تبين انك متذكراها طول السنة بهديا ،، مش اجا عيد الام ليذكرك

انك تهديها هدية




طيب اشمعنا هاليوم ،، ليش مايكون اي يوم تتزكري امك بشغلة وتفرحيها بيها ؟ حكاية انه الامهات متعودة ،، بنقدر نغير هالتعود ،، عشان الحلال والحرام ^^









رديت عحكيك انه الامهات متعودات قبل..

يزيدك عافية ياغالية


سلمي عالبيض

ولك افهمي

هلاء لما ناخد الاشيا المفيدة من الغرب مو حرام هادا الي بعرفو

واسمعي لا تحكيلي الام ما بتفرح بالهدية

ما راح اقتنع

وما دام شي بفرح امي وبيرضيها معناتو مو حرام

ان كان اعتراضنا على هاليوم فهوة مو اكتر من عادة

لا منتعبرو يوم مقدس او شي

ئلتلك انا وصغيرة كنت حوش من مصروفي لهاليوم لانو مافيني عطول جبلها

مو حرام انك تاخدي من الغرب الشي المفيد ومن هون انا ما بعتبرو مخالف للشريعة

بعدين احنا تاركين كل عادانتنا السيئة الي اخدناها من الغرب من لبس واشيا تانية ومندئر على شي مناخد الرضا فيه او منفرح امهاتنا فيه

خلينا نبلش بعاداتنا السيئة الي بتضر الاسلام والمجتمع

مو الشي الي ممكن اكسب فيه صدقة لما افرح امي

وبرجع بئلك مو مخالف لانو حلال انك تاخدي الشي المنيح

وهوة مو عيد

هوة مو اكتر من يوم للام وبس

[بنت فلسطين المجروحة]

ولك افهمي

هلاء لما ناخد الاشيا المفيدة من الغرب مو حرام هادا الي بعرفو

هاتي دليل شرعي عحكيك؟

عاساس كلامك ،، لو اكتشفوا انو الخمرة فيها اشي مفيد انا ممكن اشربها عشان الفايدة مع انها حرام ؟

واسمعي لا تحكيلي الام ما بتفرح بالهدية

ما راح اقتنع

بتفرح بالهدية صح

بس بتفرح فيها بكل الايام

سوا كان 21 مارس ولا غيروا فليش مااطيع ربي وافرح امي بنفس الوقت ؟

وما دام شي بفرح امي وبيرضيها معناتو مو حرام

لا طبعا ،، لاطاعة لمخلوق في معصية الخالق

يعني لو انا امي بفرحا اني اشيل الحجاب وابطل متحجبة ،، صار عدم التحج حلال ؟

ان كان اعتراضنا على هاليوم فهوة مو اكتر من عادة

لا منتعبرو يوم مقدس او شي

والغلط انها عادة لانه لازم نتزكرها دايما مو نتعود عيوم نتزكرها فيه ، و معلش لو هو يوم مو مميز كان عملتي هالاحتفال باي يوم ^^

ئلتلك انا وصغيرة كنت حوش من مصروفي لهاليوم لانو مافيني عطول جبلها

وهو غلط ،، ليش مانصلحه هالغلط ،، مو لازم كل يوم تجبيلها مرة اكتبيلها بطاقة ،، مرة احكيلها كلمة حلوة ،،، الحب مش بالهدايا بكون

مو حرام انك تاخدي من الغرب الشي المفيد ومن هون انا ما بعتبرو مخالف للشريعة

هاتي دليل عحكيك
واظن ليمار شيوخ الدين اعلم منك باللي بخالف وما بخالف فعاي اساس بتظني انتي

بعدين احنا تاركين كل عادانتنا السيئة الي اخدناها من الغرب من لبس واشيا تانية ومندئر على شي مناخد الرضا فيه او منفرح امهاتنا فيه

بتعرفي هالمقولة هي اللي خلتنا نصير بهالحالة اللي احنا فيها

لو عكل غلط بنعمله ماعجبنا انه نوقفه ،، بنقول صلحوا غيره عمرنا ماهنتغير ^^

ولوانتي شايفها بالتفاهة ،، بدي اقلك انه الله في غزوة من الغزوات اتاخر عليهم النصر

فاستغربوا انه شو االناقص فدينا لحتى هيك يصير ،، واتزكروا انه كانوا نسيوا السواك

،، فربنا كان ماخر النصر لسنة بطلوها ،، فمابالك باشي مخالف لدينا

القصد من القصة ،، ماتستهيني بالاشياء ،، دينا مو تافه عشان يحرم عيد يفرح الام لكن الفائدة و فرحة الام هتكون اكبر لما نتزكر امنا عطول ،، عشان هيك ماحددلها يوم نحتفل بيه فيها

خلينا نبلش بعاداتنا السيئة الي بتضر الاسلام والمجتمع

مو الشي الي ممكن اكسب فيه صدقة لما افرح امي

لما تفرحي امك وتخالفي ربك ،، بكون لا في صدقة ولا هم يحزنون

وبرجع بئلك مو مخالف لانو حلال انك تاخدي الشي المنيح

وهوة مو عيد

هوة مو اكتر من يوم للام وبس

وانا برجع اقلك هاتي دليل من القران او السنة عكلامك ،،

وعحكاية "يوم " ولا عيد ،، فردي عليكي زي ردي عحسام