منتديات شباب فلسطين - عيد الأم // بين الحلال والحرام

منتديات شباب فلسطين (https://shabab.ps/vb/index.php)

- وِجْهـــَةُ نَــظَــرْ (https://shabab.ps/vb/forumdisplay.php?f=44)

- - عيد الأم // بين الحلال والحرام (https://shabab.ps/vb/showthread.php?t=90696)

عيد الأم // بين الحلال والحرام

السلام عليكم ورحمة الله وبركاته

بتعرفوا اليوم يقال انه عيد الام عند غير المسلمين

واتفاجات انه اغلب اعضاءانا الكرام محتفلين بيه سواء بكلمة او بهدية لامهاتهم

فحبيت اطرح هالموضوع :matrix:

يعني اظن اغلبنا اخدنا بالمدرسة بحصص التربية الاسلامية

عن انه مافي للمسلمين غير عيدين بحتفلوا فيهن

عيد الفطر وعيد الاضحى

فعاي اساس بنضيف عيد الام ؟

مع انه ربنا قال في كتابه انه دينا كامل شامل يعني مو بحاجة لهالعيد

و احنا فعلا مو بحاجة لانه الله امرنا انه نجعل كل ايام السنة عيد لامهاتنا

نعربلهم عن حبنا دايما

نهديهم هدايا دايما

فليش احنا بنخالف تعاليم دينا // وبنعلم اللي بعملوه غير المسلمين ؟

ولا صرنا على درجة من البعد الديني مابهمنا الحلال والحرام ؟

ومن اي باب بنحتفل بيه ؟ من باب التقليد؟ و لا بس لانه بدنا نعبر عن حبنا لامهاتنا ؟

وان كان تعبير عن حبنا ،، فليش من بين كل ايام السنة اخترنا يوم 21 مارس مع انه حرام الاحتفال بهاليوم عشان مانقلد غير المسلمين

وهي فتوى من شيوخنا حتى الموضوع مايكون راي شخصي

اقتباس:

الشيخ محمد صالح العثيمين رحمه الله

السؤال :
عن حكم الاحتفال بما يسمى عيد الأم؟
الجواب :
إن كل الأعياد التي تخالف الأعياد الشرعية كلها أعياد بدع حادثة لم تكن معروفة في عهد السلف الصالح وربما يكون منشؤها من غير المسلمين أيضًا، فيكون فيها مع البدعة مشابهة أعداء الله سبحانه وتعالى ، والأعياد الشرعية معروفة عند أهل الإسلام؛ وهي عيد الفطر، وعيد الأضحى، وعيد الأسبوع "يوم الجمعة" وليس في الإسلام أعياد سوى هذه الأعياد الثلاثة، وكل أعياد أحدثت سوى ذلك فإنها مردودة على محدثيها وباطلة في شريعة الله سبحانه وتعالى لقول النبي صلى الله عليه وسلم : ((من أحدث في أمرنا هذا ما ليس منه فهو ردٌّ)). أي مردود عليه غير مقبول عند الله وفي لفظ ((من عمل عملاً ليس عليه أمرنا فهو ردٌّ)).
وإذا تبين ذلك فإنه لا يجوز في العيد الذي ذكر في السؤال والمسمى عيد الأم، لا يجوز فيه إحداث شئ من شعائر العيد؛ كإظهار الفرح والسرور، وتقديم الهدايا وما أشبه ذلك، والواجب على المسلم أن يعتز بدينه ويفتخر به وأن يقتصر على ما حده الله تعالى ورسوله صلى الله عليه وسلم في هذا الدين القيم الذي ارتضاه الله تعالى لعباده فلا يزيد فيه ولا ينقص منه، والذي ينبغي للمسلم أيضًا ألا يكون إمَّعَةَّ يتبع كل ناعق بل ينبغي أن يُكوِّن شخصيته بمقتضى شريعة الله تعالى حتى يكون متبوعًا لا تابعًا، وحتى يكون أسوة لا متأسيًا؛ لأن شريعة الله والحمد لله كاملة من جميع الوجوه كما قال الله تعالى: {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإسْلامَ دِيناً} [المائدة:3]. والأم أحقُّ من أن يحتفى بها يومًا واحدًا في السنة، بل الأم لها الحق على أولادها أن يرعوها، وأن يعتنوا بها، وأن يقوموا بطاعتها في غير معصية الله عز وجل في كل زمان ومكان.

وهي كمان حكم

اقتباس:

السؤال: ما حكم أني اشتريت هدية لوالدة زوجي ولكن بنية أن أنال رضاها وحبها، وليس للاحتفال بعيد الأم، بحيث أود تقديمها لها بعد عيد الأم بيومين مثلا. وأنا اعلم أنه بدعة ولكن والدة زوجي لا تعلم هذه الأشياء، فقررت أن أشتري لها حتى لا تعتقد أني مهملة في هذا الحق من جهتي.

المفتي: سعيد عبدالعظيم
الإجابة: عيد الأم من جملة الأعياد البدعية، والواجب إمرار هذا اليوم كسائر الأيام دون استحداث لشيء زائد. فمن كانت عادته التهادي وأكل اللحم والحلوى في غير ذلك من الأيام فلا حرج أن يكون يوم 21 مارس مثله مثل باقي الأيام. و إلا، فالأعياد توقيفية تؤخذ دون زيادة ودون نقصان وربنا قد كفانا وأغنانا وقال {اليوم أكملت لكم دينكم وأتممت عليكم نعمتي ورضيت لكم الإسلام دينًا}ً فلا حاجة لنا لأن نتشبه بغيرنا, ولو عملنا بدين الله لكانت كل لحظة أشبه بالعيد بالنسبة للأمهات, والبر بالأم ومعرفة حقها يُرجع فيه للكتاب والسنة ولا يجوز أن يقتصر على يوم في العام؛ بل لا يقتصر على حياتها ويتعدى ذلك إلى ما بعد وفاتها، كالترحم عليها وإنفاذ وصيتها وصلة رحمها وأصدقائها والاستغفار لها. وكذلك الصدقة والدعاء لها. ومن مات وعليه صيام صام عنه وليه، وفي الحديث "حج عن أبيك واعتمر" والأم لها ثلاثة أضعاف ما للأب من البر. والتهادي من أسباب جلب المحبة وهو لا يقتصر على يوم في العام أو بعد يوم 21 مارس بيوم أو يومين فالسنة كلها تصلح محلا لتقديم الهدية، وإدخال السرور على نفوس الآخرين ما وسعنا الأمر.
و الله أعلم.

http://www.albetaqa.com/cards/data/m...ed-om-0001.jpg

الشكر موصول لالحان الحرية على الصورة المستخدمة ،، جزاك الله خيرا :icon26:

مع ودي

بنت فلسطين~

رد: عيد الأم // بين الحلال والحرام

هلاء هو صحيح مافي عيد غير العيدين

بس ممكن نعتبرو يوم الام

من احنا وصغار كنا انضل نجمع من مصروفنا لنجيب لماما هدية

وتفرح فيها لو كانت بسيطة

لو انو عطول لازم نتزكرها

بس خلص هاليوم صار عند الام مميز حتى بالنسبة الها

ما راح نسميه عيد

يوم الام ممكن

ولا بعتبرو تشبه

ايا شي ممكن يفرح امي ليش ما اعملو

انا عني جبتهلها هدية وفوق الهدية بيضة مسلوئة

فرحت بالبيضة كتير

تشيس

رد: عيد الأم // بين الحلال والحرام

اقتباس:

المشاركة الأصلية كتبت بواسطة limar (المشاركة 1174910)

هلاء هو صحيح مافي عيد غير العيدين

اقتباس:

المشاركة الأصلية كتبت بواسطة limar (المشاركة 1174910)

بس ممكن نعتبرو يوم الام

من احنا وصغار كنا انضل نجمع من مصروفنا لنجيب لماما هدية

وتفرح فيها لو كانت بسيطة

لو انو عطول لازم نتزكرها

بس خلص هاليوم صار عند الام مميز حتى بالنسبة الها

ما راح نسميه عيد

يوم الام ممكن

ولا بعتبرو تشبه

ايا شي ممكن يفرح امي ليش ما اعملو

انا عني جبتهلها هدية وفوق الهدية بيضة مسلوئة

فرحت بالبيضة كتير

تشيس

iههههههههههههههههههههههه

شف الطحشة،، هاتي البيضة ولي :icon7:

طيب ارجعي جاوبي عاسئلتي

اشمعنا هاليوم من بين كل الايام

طيب واعرفتي انه حرام

مش اول انه نتبع دينا ؟ ونقول سمعنا واطعنا لرب العالمين ؟

ونهديها هدايا ونعبرلها عن حبنا طول السنة ؟

ولا زي ماحكيت ،، صرنا من البعد الديني مايهمنا الحلال والحرام ؟

رد: عيد الأم // بين الحلال والحرام

اقتباس:

المشاركة الأصلية كتبت بواسطة الحان الحرية (المشاركة 1174907)

محجوز =)

باستناكي :showoff:

رد: عيد الأم // بين الحلال والحرام

الذين يشاهدون محتوى الموضوع الآن : 4 ( الأعضاء 4 والزوار 0)

‏بنت فلسطين المجروحة, ‏"بنت الأمارات", ‏السيف عدي+, ‏limar, twin , أنين

منورين

^^

رد: عيد الأم // بين الحلال والحرام

رجعت ولي لا تعصبي

حساسة انا

فليش احنا بنخالف تعاليم دينا // وبنعلم اللي بعملوه غير المسلمين ؟

لا سمح الله شو نخالف هاي هلاء كمان بدينا مسموح ناخد الشي المفيد مزبوط او لا

انا مو مع انو نعتبرو عيد

متل ما ئلتلك لازم نرضي امهاتنا بكل وئت

بس بالنسبة لكل الامهات

صار هاليوم مميز وبتستنى لتشوف ولادها شو ممكن يفاجئوها

وهالشي بناخد من خلالو رضاها

في ناس ما بتعرف تعبر امون عن الي بداخلها حتى لاقرب الناس الها

وبيستغلو هادا اليوم

اكيد طريقتهم غلط

بس هالشي ممكن يحسس الام بغلاوتها عند ابنها

لا سمح الله اكيد ما منخالف تعاليم دينا

بس متل ما حرام ناخد اشيا من عندهم بتضر الاسلام كمان حلال ناخد الاشيا الي ممكن تفيدنا

فرحة امي وانا بهديها ما بنساها

لو كانت هدية بسيطة او حتى مجرد ورئة راح تفرح فيها

وتحكيلي بعدها الله يرضى عليكي

وعطول بحب اسمعها هالكلمة

زيادة الخير خيرين

ولا صرنا على درجة من البعد الديني مابهمنا الحلال والحرام ؟

لا مو بعد ديني ولا انو ما منفرء بين الحالا والحرام

ئلتلك ما بعتبرو عيد

يوم من الايام الي ممكن نعبر فيه

وئلت كمان انو مناخد الشي المنيح والمفيد من الغرب وحلال هالشي

والمفيد بالموضوع الشعور الي منعطيه لامهاتنا لما نهديهم

ومن اي باب بنحتفل بيه ؟ من باب التقليد؟ و لا بس لانه بدنا نعبر عن حبنا لامهاتنا ؟

لا اكيد مو من باب التقليد

لو من باب التقليد كان قلدنا اشيا اكتر واكبر من هيك بكتير

من باب تعبير وكلمة حلوة بتفرح امنا ولو انو المفروض كل يوم

بس بهاليوم نكهتو غير

وان كان تعبير عن حبنا ،، فليش من بين كل ايام السنة اخترنا يوم 21 مارس مع انه حرام الاحتفال بهاليوم عشان مانقلد غير المسلمين

اكيد لازم كل يوم وهيك دينا انو لازم نرضيهم طول الوئت

بس بئلك انو حلص بهاليوم صارت الام تستنى تشوف اولادها شو ممكن يعملولها

راح يكون مميز بالنسبة الها

الي رجعة ازا خطرلي شي احكيه

يعطيكي العافية ولي

رد: عيد الأم // بين الحلال والحرام

طيب محجوز

إذا ما فى مانع

رد: عيد الأم // بين الحلال والحرام

كلمة عيد هي الترجمة العربية .. بس في اللغة الانجليزية هي Mother Day

وهو يوم لتكريم الام ..

رد: عيد الأم // بين الحلال والحرام

موضوع شيق وجميل

الله جعل لنا عيدين

وطبعا في أعياد ثانية ظهرت

مثل عيد الأم
عيد المعلم
عيد المولد النبووي
وااااااااااااااااااااااايد أعيااد

لو مثلا عيد الام

لو كانت هدية بسيطة تفرحهاا في هذا العيد
على انا نحن تذكرناها

او حتا كلمة بسيطة
ماعتقد انه الشرع يخالف هذا الشي

بالعكس الأسلام دين السماحة وليس علينا التعصب في امور
مافيها شي لو هدينا وردة او هدية بسيطة في عيد الام

وهذا رايي

تحياتي
بنت الامارات