لا تنه عن خلق وتأتي مثله

[بنت فلسطين المجروحة]

المشاركة الأصلية كتبت بواسطة sofya إمممم

بالنسبة .. إلي حابة أحكي بصراحة .. أولا ولله الحمد أعتقد الكل ملتزم بصلاتو .. وإنشاءالله ما يكون حدا مئصر

أنا من النوووع الي بينصح .. هاد الشخص فرضا على ئولتك للصلاة وأنا كنت مئصرة ..

بنصح هاد الشخص بالصلاة .. يمكن لأنو طبع فيا أني أعطي نصائح ..عرفتي كيف

هوا صحيح مش حلووو هالمبدأ .. بس بطبيعة الأحوال .. أحيانا بكووون أنا المستفيدة .. بنصيحتي لهاد الشخص

أول شي باخد أجر لأني نصحتو .. ( إزا كانت نصيحة عنجد يعني ) .. وتاني شي .. أحيانا بتصير معي لما أعطي نصيحة

بترجع في بالي هالنصيحة إلي أعطيتها لهاد الشخص .. وبرجع بفكر فيها .. وبعيد حساياتي .. مرة تانية ..

وبعمل بهاي النصيحة .. لنفسي .. بس بلأغلب بعمل هيك ..

بعرف هاد شي غلط .. بس متل ما تحكي .. عادة .. وممكن تنئلب ضدك .. وممكن لأ ...

برايي مش غلط ،، مادام انتي عارفة او عم تحاولي تصلحي نفسك بالوقت

من باب انو ممكن حالك يتغير معه كمان

لكن النصيحة للغير ونسيان النفس فهادا هو الغلط

لأنو في حديث لرسول الله صلى الله عليه وسلم : " يجاء بالرجل يوم القيامة, فيلقى في النار, فتندلق أقتابه في النار, فيطحن فيها كما يطحن الحمار برحاه, فيجتمع أهل النار عليه, فيقولون: أي فلان, ما شأنك, أليس كنت تأمرنا بالمعروف وتنهانا عن المنكر؟ قال: كنت آمركم بالمعروف ولا آتيه, وأنهاكم عن المنكر وآتيه" [البخاري ومسلم]

شكرا عتفاعلك صوفيا