|
لا تنه عن خلق وتأتي مثله
http://files.shabab.ps/vb/images_cas...080713pnSE.jpg
السلام عليكم ورحمة الله وبركاته يقول الشاعر : لا تنه عن خلق وتأتي مثله ..... عار عليك إذا فعلت عظيم ماذا لو ؟؟؟ لو كنت مثلا اانتا مقصر بصلاتك ،، لكن ماحد بعرف هالاشي واكتشفت انو صاحبك العزيز مابصلي ،، هل بتنصحوا ؟ ولا بتقول بس التزم أنا أول ببقى أنصح خلق الله ؟ في ناس بتحكي لأ هادا نفاق ،، يعني بتمشي بمبدأ أصلح نفسي ثم اللآخرين وفي ناس بتقلك لأ شو المشكلة لما أنصحه ؟! بلكي عإيده انا كمان اهتديت ؟! أنتَ / أنتي الى أي شغلة بتميل / بتميلي وشو هو رأيك أو مبرراتك للتصرف اللي راح تختاره / تختاريه بانتظار أسمع آرائكم ~http://www.shabab.ps/vb/images/icons/Shabab6.gif مع حبي ~ بنت فلسطين المجروحة http://files.shabab.ps/vb/images_cas...080713pnSE.jpg |
رد: لا تنه عن خلق وتأتي مثله
إمممم
بالنسبة .. إلي حابة أحكي بصراحة .. أولا ولله الحمد أعتقد الكل ملتزم بصلاتو .. وإنشاءالله ما يكون حدا مئصر أنا من النوووع الي بينصح .. هاد الشخص فرضا على ئولتك للصلاة وأنا كنت مئصرة .. بنصح هاد الشخص بالصلاة .. يمكن لأنو طبع فيا أني أعطي نصائح ..عرفتي كيف هوا صحيح مش حلووو هالمبدأ .. بس بطبيعة الأحوال .. أحيانا بكووون أنا المستفيدة .. بنصيحتي لهاد الشخص أول شي باخد أجر لأني نصحتو .. ( إزا كانت نصيحة عنجد يعني ) .. وتاني شي .. أحيانا بتصير معي لما أعطي نصيحة بترجع في بالي هالنصيحة إلي أعطيتها لهاد الشخص .. وبرجع بفكر فيها .. وبعيد حساياتي .. مرة تانية .. وبعمل بهاي النصيحة .. لنفسي .. بس بلأغلب بعمل هيك .. بعرف هاد شي غلط .. بس متل ما تحكي .. عادة .. وممكن تنئلب ضدك .. وممكن لأ ... |
رد: لا تنه عن خلق وتأتي مثله
النصيحة احياناً قد تكون فضيحة اكيد هألتزم شروط النصيحة وإن كنت محتاج النصيحة فما راح يكون داعي حتى انصح حد
حتى لا اكون مما يقولون ما لا يفعلون جزيتٍ خيراً |
رد: لا تنه عن خلق وتأتي مثله
والله العظيم قبل نص ساعة قبل ما ادخل المنتدى اجا ببالي هاد الكلام
هلا انا محاضراتي أغلبهم بليل فبحاول أصلي العشا قبل ما أروح ع البيت علشان لما أروح ما أكون مكسلة فأنا اليوم صليت الفرض وطلعت من المصلى عشان أشوف بابا وقتها ما كان جاي فرجعت صليت النوافل ولا وحدة بتقولي فكرتك ما حتصليهم و لازم تصليهم قلتلها صليتهم قالتلي بعرف بس فكرتك رحتي وما حترجعي وهي البنت بحياتي ما شفتها بالمصلى ولما تكون معي وقت المغرب بقلها بدي أروح ع المصلى قبل المحاضرة بتقلي طيب روحي انا بالبيت بصلي وبس نفتح موضوع الصلاة بتقول انا بالبيت بصلي كلوا وبعدين احيانا بتصير تقول انا ما بقطع فرض وبصلي بالوقت وين ما كنت وبصلي كل النوافل ولازم تصلوا كل النوافل طيب احنا ولا مرة شفناها بتصلي فعنجد بستغرب مو بس ع الصلاة هلأ كانت معي بنت ايام المدرسة كانت عنجد خالف تعرف لازم تقول الشغلة وتعمل عكسها يعني أيام المقاطعة بتصير تحكي وتنصح ولازم نقاطع وشو حتستفيدوا من حبة بوظة ولا شوكلاتة وهي لازم كل يوم تودي الفراشة ع الجمعية تجيبلها سناكس وقت الامتحانات تقول حرام الغش وهي أول وحدة تبدأ بالغش ولما حدا يواجها بتصير تقول أنا أستغفر عنجد كانت تعمل اشيا كتييير غريبة انا بستغرب من هدول الناس طيب بدك تنصح ابدأ انت بالنصيحة واتبعها انصح نفسك بالأول مشكورة ع الطرح أماني |
رد: لا تنه عن خلق وتأتي مثله
بالنسبة الي ما بقدم النصيحة الا اذا حسيت نفسي في وضع استحق فيه تقديمها واذا انا ما كنت اعمل فيها فما رح استحق اقدمها ، بس في استثنائات مثلا اذا الشخص كان بيحاول يعمل الشغلة ومقتنع بصحتها بس مو قادر يطبقها 100%
ممكن ينصح الناس فيها لعل وعسى يقدرو يعملو اللي ما قدر هو يعمله وبهيك بكون نشر الخير باستحقاق . ويسلمو عالموضوع الروعة |
رد: لا تنه عن خلق وتأتي مثله
وَعليكم السّـلآم ورحمة اٌللهُ وبركاتُه ، ويقول الله تعالى ، ..( أتأمرون الناس بالبر وتنسون أنفسكم ..) ويقول ايضاً ، ..( يا أيها الذين امنوا لِم تقولون ما لا تفعلون كبر مقتاً عند الله ان تقولوا ما لا تفعلون ).. ، برأيي اٌلشخصي أنه إذا انا بنفس الموقف ، او موقف شبيه ، بالتأكيد هنصحه ، لكن هيكون كلام الله سبحانه وتعالى نصب اعيني ، بمعني ، ايه المانع انى انصحه وانفذ كلام ربنا سبحانه وتعالى فى ذات الوقت النفس البشرية مجبولة على النُصح ، والأستنصاح ، صحيح بدرجات متفوته ، لكن بواقع الحال موجود وبكثرة ،! وديننا الإسلامي أمرنا بالأمر بالمعروف والنهي عن المنكر ، والتوبيخ فى الأيات القرأنية جاء على ترك الفعل وترك البر المأمور به ، ( الفعل المنصوح به ..) ولم يأتي على الأمر بالبر نفسه ( النصيحة ) خلاصة رأيه انه لابد من النصح لكن مع محاولة تطبيق النصيحة من الناصح نفسه يسلموا ايديكِ يا غالية ، إشتقتلك كتير :( |
رد: لا تنه عن خلق وتأتي مثله
|
رد: لا تنه عن خلق وتأتي مثله
مآهي :ShababSmile223:
بحجم السماء وأكبر .. منورة ..! http://rooosana.ps/store/6/10_03_03-10_53_47-UpTB@0.gif |
رد: لا تنه عن خلق وتأتي مثله
مجروحه:ShababSmile240:
هلأ ما رح أجّمل الصوره .. في ناس ما بيصلو أو بيئطعوا بالصلاة بس قلوبهم فيها خير .. وبيحبوا الخيو لأصحابهم .. أنا لو كنت بهاد الموقف كنت رح أنصح صاحبي ليصلي وكمان رح اعترفلو إنو أنا كمان مئصر بالصلاة .. ساعتها أكييد رح يفهم إ أنا بنصحو لأنو بحبلو الخير، ولو حكالي إنصح نفسك بالأول، رح أحكيلو هيك إنتا صاحبي بنصحك وبنصح نفسي .. |
رد: لا تنه عن خلق وتأتي مثله
{ كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ وَلَوْ آمَنَ أَهْلُ الْكِتَابِ لَكَانَ خَيْرًا لَهُمْ مِنْهُمُ الْمُؤْمِنُونَ وَأَكْثَرُهُمُ الْفَاسِقُونَ } [آل عمران:110]
-{ لُعِنَ الَّذِينَ كَفَرُوا مِنْ بَنِي إِسْرَائِيلَ عَلَى لِسَانِ دَاوُدَ وَعِيسَى ابْنِ مَرْيَمَ ذَلِكَ بِمَا عَصَوْا وَكَانُوا يَعْتَدُونَ، كَانُوا لا يَتَنَاهَوْنَ عَنْ مُنكَرٍ فَعَلُوهُ لَبِئْسَ مَا كَانُوا يَفْعَلُونَ }- [المائدة:78-79] و الدين النصيحة .. و الله ما اهلك الاقوام السابقين و الحاليين كمان على فكرة الا لانهم ما بيأمروا بالمعروف ولا بينهوا عن منكر ! امر النصيحة شيء مفر وض علينا اصلا .. لكن بنفس الوقت الله نهانا عن قول مالا نفعل .. اعتقد انه الانسان لما ينصح حدا فهو بينصح نفسه اولا و يذكرها .. و ممكن جدا الواحد يتناصح مع اخوه بخصوص غلط بيعملوه تنيناتهم كوني اخطأت و اذنبت و قصرت ما بيعني اني ما انهى عن الغلط ازا شفته .. لانه بهاي الحالة بكون كأني راضية باللي عم ينعمل بنفس الوقت انا ان نصحت شخص تاني بخصوص خطأ وقعت فيه او انا نفسي واقعة فيه فممكن اعتبره تذكير لنفسي ازا كل واحد فكر هيك بصير الامر بالمعروف و النهي عن المنكر منتشر بشكل اكبر و الغلط تتقلص دائرته .. طبيعي الواحد يخجل من حاله لما ينصح شخص تاني مع انه بيعمل نفس الشي و اظن انه هذا هو المطلوب .. انه انتبه على اني غلطانة و انه لازم اصلح غلطي و ما اعمل شيء انا بنهى عنه // في التهاية اكيد بيضل في ناس بتنهى عن منكر و تعمل اسوأ منه من غير ندم .. لكن احنا بنحكي هون عن الناس المستقيمين ^^ سمكتي حلو كتير موضوعك :) يسلموا هالايدين |
| الساعة الآن 06:07 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas