:::عيد الام:::ايش رايكم فيه ::ارجو من الجميع المشاركه.

[نور اليقين]

حبيبتي المسلمة أنا مع الاحتفال بعيد الأم أوم أي عيد تاني و ضد الاحتفال بيه في نفس الوقت هقلك ليه اولا دي بدعة "كل بدعة ضلالة، وكل ضلالة في النار" يعني مفيش نقاش في الموضوع ده يعني حرام و بالتالي مش لازم ان احنا نحتفل بعيد الام البتة بس تعالي معايا حبيبتي و حطي نفسك محل مامتك متلا في عيد الأم و كل صاحباتها بيرنولها و بيقولولها بصي ابني جابلي ايه او بنتي جابتلي ايه هيكون احساسك اهي لو سألوكي طب و انتي ؟ ولادك جبولك ايه ؟ مهما كان اقتناعك بانها بدعة و البدعة حرام هيحز في قلبك انك تقوليلهم لا ولادي مجبوليش حاجة عشان عيد الأم بدعة طب تعالو نفكر فيه على انو يوم زي باقي أيام السنة بنرضي فيه حد عزيز على قلوبنا يمكن يكون أعز الناس لينا و أٌربهم لينا مستني مننا هدية و بنجبهالو ايه ؟ نسيبو مستني و نجرحو رغم يقينو ان احنا صح و بنعمل حاجة صح ؟ هيزعل يعني ربنا كمان مقلش ان احنا نزعل أمهاتنا اللي رضاهم مفتاح دخولنا الجنة الجنة اللي تحت أقدامهن كمان خلو بالكم ان اي حد هنقلو دي بدعة على طول هيقول هما المتدينين كده ؟ احاسيس امهاتهم مش فارقة معاهم ؟ هو الدين قلهم كدة ؟ طب و الله ساعتها هنضلم نفسنا و هنضلم دينا معانا هتقوليلي مهو لا طاعة لمخلوق في معصية الخالق هقلك معاكي صح بس ليه منحاولش نلاقي حل وسط ليه منرضيش ربنا و منجرحش امهاتنا مهو يا حبيبتي مهما كان اقتناع امهاتنا الا و هيكون شوية حزن في قلبهم طيب ايه الحل ؟ الحل ان احنا زي ما فتشنا في دينا و لقينا ان قال الرسول صلى الله عليه وسلم ((لتتبعن سنن من كان قبلكم حذو القذه بالقذه.حتى لو دخلوا جحر ضب لدخلتموه )) و « كل بدعة ضلالة وكل ضلالة في النار». و ( وإياكم ومحدثات الأمور ؛ فإن كل محدثة بدعة ، وكل بدعة ضلالة ) نفتش شوية و نتوقف شوية عند جاء رجل الى النبي صلى الله عليه وسلم فقال يا رسول الله من أحق النا بحسن الصحبة ؟ قال أمك , قال ثم من ؟ قال أمك قال ثم من؟ قال أمك, قال ثم من؟ قال أبوك و قال تعالى : ( ووصينا الإنسان بوالديه حملته أمه وهناً على وهن وفصاله في عامين أن اشكر لي ولوالديك إلي المصير ) و قال تعالى :( ووصينا الإنسان بوالديه إحسانا , حملته أمه كرها ووضعته كرها , وحمله وفصاله ثلاثون شهراً ) و كتير أحاديت و أيات بتبين لنا منزلة الأم و رضاها عند ربنا و بالتالي هنخلي كل أيام السنة عيد لأمهاتنا و مش هيحصل حاجة لو جيت في عيد الأم و اهديت امي حاجة و قلتلها هديتي ليكي مش لعيد الأم هديتي ليكي لانك عندي أغلى و أروع أم