يا معقدة ||

[حسام المصرى]

كتير بنسمع الكلمة دى ..

سواء شب او بنت ..

ييجى واحد صاحبك يقولك .. يللا يا معلم ننزل نتفسح انهارده .. دى الدنيا هتبقى مليانة مزز وزيطة ..

تقوله لا والله مش هينفع حرام ..

يقولك يا عم انتا هتعملى فيها شيخ متبطلوا العقد دى .. احنا رايحين نشم هوا ..

تقوله خلاص نشم هوا فى أى مكان تانى غير المكان اللى فيه المعاصى يقولك يااااااه أف .. انت بقيت غريب أوى ايه العقد دى ..

وهى منتشرة أوى فى البنات للأسف ..

البنت بطبعها بتحب تبان دايما جميلة .. يعنى تروح الجامعة تشوف صحبتها .. دى لابسة آخر موضة ودى بتحط برفان جميل أوى .. وبتلبس طرح ملونة وشيك وستايل وكل الشباب بيبصوا عليها .. وفلانة بتحط ميكياج جميل جدا كل البنات بتسالها .. انتى بتعملى الميك أب ده بنفسك .. ؟؟!!

تيجى بقى البنت المحترمة المحجبة حجاب سليم .. واللى بتنزل من بيتها مش كل همها تبان جميلة فى عيون الناس لكن هدفها رضا ربها .. لو جت تنصح واحدة ..

تقولها يا فلانة .. بالله عليكى بلاش البنطلون ده .. حرام يا بنتى .. تقولها بس بس بطلى عقد .. وفتاوى ..

تقولها ليه بتكلمى الشب ده .. ده يرضيش ربنا .. تقولها بنحب بعض وهنتجوز .. وعمر الحب ما كان حرام .. وكلام الأفلام ده ..

ويبتدى الناس يبعدوا عنها ويقولوا البنت دى معقدة ملناش دعوة بيها .. مع أنها فى نظر ربنا .. أحسن منهم بمراحل ..


عن نفسى .. وسط الجامعة والمسخرة .. لما تمر مجموعة من الأخوات بمنتهى الأخلاق والاحترام فى كل شئ .. الواحد بيبقى طاير من الفرحة .. عشان إخواته كده ..

ليه البنت بتهتهم بنفهسا كده اوى كل ده عشان ايه .. ليه تنزل كل يوم تشترى لبس أحسن موضة واكسسوارات وبرفانات .. وكل الكلام الفاضى .. اللى بيلفت الانتباه وهى ماشية ..

الزينة دى المفروض متظهرش غير لمحارمها بس ..

هى بتستفيد ايه من كل ده .. تبان جميلة فى عيون الناس ولا تبان جميلة فى عيون ربها ..

بعدين لكل البنات اللى فاكرة نفسها لما تنزل الشارع وهى على سنجة عشرة زى ما بنقول فى مصر أو يعنى بيرفكت .. والكل يبصلها .. انها مثلا كده هتتجوز بسرعة ولا الشباب هيعجبوا بيها .. ولا الكلام الفاضى ده ..

والله البنات لو تعرف الشباب بيحكوا ايه عنهم .. ما هيعملوا كده أبدا ..

للأسف الشديد .. ممكن بنت تبقى ماشية مع واحد وفاكره أنه بيحبها وهيتجوزها .. وهو أساسا بيتكلم عليها بين صحابه وصحوبه بيقولوا دى بنت قمر يا بختك يا معلم .. وبيفضلوا يتريقوا ويهزروا على كل واحدة شوية ..

الشب لما ييجى يتجوز بيبقى أول حاجة بيفكر فيها بنت محترمة تصونه فى وقت غيابه ويثق فيها ثقة عمياء ..

ياااااااما فيه جميلات .. بس ما حدش بيفكر يتجوزهم .. بسبب أخلاقهم .. وعلى فكرة مش هما المعقدين

المعقدين هما اللى بيعملوا الحجات اللى بتخالف الدين والعقل ..

رانيا2010 ,فجر السعوديه ,♥『صــقـر ♥ فـلسـطيـن』♥ و 8 آخرون معجبون بهذا

ندا الروح ,همسة رومنسية ,Hlaa Alrouh ,وردة حمــاس ,Ṝậ₥ắ ,Maгaм .. ~ ,محمود ,حيآة الروح