اقبلوا استقالة مؤيد من الاشراف

[روان فلسطين]

اسمع انا حولت كتيييير وصرت هبله ومنظري مو حلو قدام العالم
بدك تترك الاشراف براحتك (شمت فينا الناس )
اهم شي سعادتك وراحه بالك بس لازم تعطي وعد رجال ما تقلل فوتاتك ع المنتدى ولا شوي كلمه رجال آه مش بس تضحك علينا
وبدل كلمه مشرف تحط عضو شرف او كلمه حركات هيك اريح الك وعمرنا ما راح ننسى فضل اشرافك وجهودك يلي عملتها بس للمعلوميه اختي قاعده بتابع معي المشكله من امبارح وعصبت كتيييير وقال بدها ترد بس ما راح اخليها

[نسمة بلادي]

كنت متوقعة منك تحط هيك موضوع....

رح أكون معك صريحة أخي

صدقني انه انت استحملت كتير منهم وفعلا زووووووووودوهاااا معك

ومعك حق انك ما تستحملهم هالمرة وبالاخص آخر مرة وانت عارف قصدي ع أي

موضوع والغريب في الامر انه في أعضاء بيجو بطريق المسخرة والهبل والبياخة

ويبلشو يحكو انه انت متعصب ومن هالحكي بس باسلوبهم المسخرة

ومش بموضوع بعدة مواضيع لما انفتح الهم المجال...

وشي بيجلط تماما وياما انت عانيت معهم بس ما كانوا يفهموا أبدا والعجيب

كمان انه الادارة صارت تقف لصالحهم ومع انها عارفة الغلط وين ...؟؟!!

بس صدقا رح نفتقد مشرف مميز متلك لانك والله

بعد كل هالمشاكل حطيتهم عند حدهم...

وبتمنى ما تترك الاشراف لانه بدونك المشاكل رح

تزداد وما في حدا بوقفهم عند حدهم غير انت ...

بالنهاية ازا قررت وما في مجال لحتى ترجع عن قرارك بتمنالك التوفيق من

كل قلبي ورح أحكيلك انه انت أفضل وأكتر مشرف عرفتووا منتديات شباب

فلسطين بأخلاقه وابداعه ازا في فئة قليلة ما احترمتك فتأكد تماما

انه احنا معك وأغلب الاعضاء في صفك وبشهدوا بانجازاتك الغنية عن الذكر ..

ربي ينوّر دربك..

[مؤيد]

المشاركة الأصلية كتبت بواسطة blue-girl اخ مؤيد ..

اسمحلي احكي كلمتين يلي اجو ع بالي اول ما قرأت موضوعك

ازا انتا حمساوي و انا فتحويه

ازا غلط علينا ما رح اغلط و انا عارفه انك كمان ما رح تغلط

انا جد ما قصدي شي بس حابه اجيب مثال

يا ولاد الحلال

الديـــــــــــــــــن شو حكي

و عاملوهم بلحسنى

انا بحياتي ما غلط ع حركة حماس

او ع شخص لانو حمساوي

بس انا بنقهر لما اشوف مين بغلط ع فتح

و مع هيك بسكت

مو كرمال شي

بس هيك دينا وصنا مين بسيء اليي لزم اعملو بلحسنى حتى لو كان اليي الحق

و انا عارفه انو هو ما قصدوو بس بتكون لحظة عصبيه

و بتعرفو

انا بستغرب من شي

انو نحنا فلسطنيه متل بعض

والله زمان ما كنت اعرف انو يلي هون حماس او فتح

او حد فيكم كان يعرف انو انا فتحويه

بس لشو صرنا هيك

طيب غلطنا و غلطو

يا عالم الهدف هو محاربة المحتل

و مو محاربة بعض

نحنا عشو بنتخانق ؟؟

المفروض نتعلم من الجزائر بلد المليون شهيد

هاي البلد يلي كان فيها نزعات دخليه متل ما عم يصير معنا

بس همه صحيو ع بكير

و اتفقو انو يحطو كل شي عجنب لحد ما يقدرو يحررو بلادهم

شو نحنا ما بنقدر نتعلم من غيرنا ...

ليه طيب

...

عارفه ممكن كلامي ما الو دخل في الموضوع بس جد ما كنت عارفه وين احكي

او وين اطلعوو

ليك خي انتا ادرى في مصلحتك

و مدير المنتدى ادرى بلمصلحه العامه

و انا كنت بتمنى انو يتم اغلاق هاد القسم

لانو صار منبر للنزاع الفلسطني فلسطني

فتح حماس

فتح حماس

حماس فتح

حماس فتح

ما فيي شي بقدر احكي هلاء

و اسفه ازا أسأة حد بلحكي شي يوم

او عصبت شي مره

ع هاي الموضيع

و سمحتكم

blue girl

اولا ازا كنتي انتي فتحاوية ، فأنا مش حمساوي ...

صحيح انو بحب حماس بس مؤيد مش اكتر الها ....

بعدين بالنسبة للغلط أنا ما عمري سبيت وشتمت حدا .....

والدين على راسنا ما حكينا شي ....

بس مرات بضطر ارد على الإساءة بمثلها ....

ونحنا عارفين الهدف وهو محاربة المحتل ...

ما قلنا غير هيك ....

بس القصة وما فيها بالمنتدى هون انو ما في احترام من قبل بعض الاعضاء .....

والاستفزازات بالحكي مرة بعد مرة والاسلوب السيء بجيب ردات فعل ....

عشان هيك لو انو في اشي اسمو احترام رح يكون ما في مشاكل حتى لو كان كل واحد من فصيل .......

وعلى العكس انا انبسطت من مشاركتك blue-girl .....

انا بحترمك كتير صدقيني وانتي عارفة هالشي ....

[مؤيد]

المشاركة الأصلية كتبت بواسطة زهور ياااااااااااااالله
ليش هيك صايرين اعضاء المنتدى

والله انك ما بتستحق الي بصير فيك هاد
ع كل اعمل الي بريحك اخ مؤيد مع انو رح نخسر مشرف محترم

بتمنالك التوفيق

شو اعمل ...

هادا واقع اصبح ومفروض ....

وانتي المحترمة والطيبة يا زهور ....

[مؤيد]

المشاركة الأصلية كتبت بواسطة نونو الحلوة

خيوووووووووو مؤيد

هلا شفت الموضوع وراح أرد عليه بكم كلمة

تابعت الموضوع من أوله

وزي ما حكو بعض الأعضاء الرأي برجعلك لإلك وحدك

تاني شي إدارة المنتدى ما حطتك مشرف لأنهم عارفينك، صح ولا لأ؟

شي ثالث انه يا جماعة الخير خلو الخلافات اللي بره ما تأثر على جو المنتدى

انا ما عندي حماس ولا فتح كلهم نفس الشي

خيي مؤيد كمان زي ما حكو بعض الأعضاء انه قسمك أكتر قسم فيو مشاكل لأنه سياسي وهادا شي طبيعي

وأنت عملت اللي عليك لأنك بتطبق القوانين وما في حدا بزعل من الصح والحقيقة

هادا اللي بقدر أقوله

بس خيو مؤيد ازا استقلت راح نخسر مشرف مميز متلك

سامحني على كترة الكلام

هلا بك نونو الحلوة ....

عشان قسمي حمال مشاكل ، ما بدي ياه ، ليش لحتى اسم بدني ؟ ....

أو بالأحرى ازا في اعضاء بعملوا مشاكل .... شو بدي اضل اعمل وهم ماخدين كل راحتهم .....

ومؤيد هو مؤيد سواء مشرف او عضو عادي رح يضل متل ما هو ....

وأسعدني كتير سماع رأيك ....

ورأيك كتير بقدره وبحترمه .....

[أنين]

اممممم

اتوقعت هـ الشي .,

عمو أنت عارف مصلحتك أكيد .,,.

أعمل الي بريحكـ..

مع أنو لازم تتأكد من شي ., بانو خسارتك أكبيره

بس نصيحه .,

طنش .. مابفيد غير التطنيش .,

والصراحه يعني معك حق .,

انا قررت اريح حالي ., وما أدخل هداك القسم بالمره

وبرجع وبحكيلك

خسارتك أكبيره ., ومافي حد يسد محلك .,

[مؤيد]

المشاركة الأصلية كتبت بواسطة شيماء حسين لا يا مؤيد شو هالحكي

انت من اكتر المشرفين يلي بالمنتدى يلي بتعجبني طريقة تفكيرهم

ومواضيعهم
واي انسان الو معارضين لوجهة نظرو
والو مؤيدين

اذا انت مقتنع انو انت الصح (واتأكد انو انت الصح)
كمل للاخر ووصل فكرتك ووجهة نظرك للجميع واقنعهم فيها

وانا اسفة ما قدرت اقرأ الموضوع كلو لانو الخط صغير وانا ما بقدر اقرأ الخطوط الصغيرة
بس فهمت على شو المشكلة

انت يا مؤيد لازم تعرف انو الك مؤيدين ومعتبرينك قدوتهم هون(وانا منهم)

خليك مشانهم يا زلمة

بتمنى انك تفكر منيح وتراجع قرارك

تقبل مروري

المسألة مش مسألة اقتناع بالصح ....

انا اكيد مقتنع وما رح غير ....

بس المسألة انو انا تعبت ، قرفت وزهقت ، شو اللي جابرني اوجع راسي كمان ..... ؟

بالنسبة لطريقة تفكيري ومشاركاتي مش رح تتغير ازا بطلت مشرف .....

وآسف ازا الخط صغير بس عندي مبين كبير ...

وربي يخليكِ ...

انتي الأحسن شيماء ....

منورة المنتدى .......

[مؤيد]

المشاركة الأصلية كتبت بواسطة روان فلسطين حتى انا مؤيد خلص يلا لا تزعلنا

أنا بجد بعتذر منك ومن الكل ....

وحقك علينا لإنو صعب اغير قراري ....

بتقدري تقولي انو عنيد ...

بس مكانتكم عندي كبيرة كلكم ....

[مؤيد]

المشاركة الأصلية كتبت بواسطة عاشق البندقية U_U

ضعيف ,,

هلا أكم سوقي بدو يأثر عليك ,,

يا مؤيد أنا برضو واجهت مشاكلك ايام منتدى النقاش الجاد ,,

بس بالنهاية ,, صار عندي حل واحد قالي اياه عضو الله يرحم أيامو,,

حكالي ""إحذف واستمتع ,, واللي عندو إعتراض ,, الغرفة اللي قاعد فيها .. فيها 6 حيطان ,, يختار اللي بدو اياه ويضرب راسو فية ""

هاد الكلام ما أخدتو استعباط ,, اللي بيساهل أناقشو وأحذرو ; حيّاه الله ناقشتو وحذرتو ,,,

واللي بيكون سوقي جاي من الشارع مخو اتخن من طوبة 14 انش ,, اخي ما بيساتهل توجع راسك فيو ,,"واذا خاطبهم الجاهلون قالو سلاما"

وكل العادة اللي بكون محترم محتِرم حالو قبل اللي قدامو ان كان فتح ولا حماس ولا القرود الحمر; والله بعيوني بحطو وتاج عراسي,,

واللي بيكون بالعكس بحيّن أحطو رباط ل جزمتي ال"CATERBELLAR" اللي اصلا ما بيسوى حقها.

اما اذا كانت مشكلتك من داخل المنتدى ,, عندك محمود ما شاء الله حوله ,, حلال مشاكل رقم 1.

الشغلة بهاي البساطة

مؤيد انت شب محترم ومؤدب وخلوق,, والأهم من هيك انك المشرف المناسب في المكان المناسب ,,

وللأسف ما في حد في المنتدى خَرج يحل محلك ,, :)

وبالنهاية لو كنت محل محمود ,, بكتبلك على طلبك هيك:

كلامك اغلبه ما بختلف معك فيه.....

بعدين بالنسبة للنقاشات الجادة ولا شي قدام قسمي .....

يا اخي بغض النظر عن انو اضل واني بستحق والخ ...

المهم هلأ بدكو ياني ارتاح والا ما بدكو ؟ ...

انا خلص زهقت ...

وبكفيني اللي فيني .....

بكفي مشاكل الدنيا والحياة اليومية عشان اجي على هون يكملوا علي ...

مش ضروري اعيش كل حياتي هيك ......

وتسلم عاشق البندقية ....

اشتقنالك كتير .....

ابن أصل وما في متلك ولا منك .....

[مؤيد]

المشاركة الأصلية كتبت بواسطة السيف عدي أخ مؤيد ،،

يمكن ما سمحتلي الفرصة كتير انو افوت على قسمك ،،

بس سمعتك والله كتير منيحة وكل الشباب والصبايا بحبوك ،،

وانت كمشرف قسم من حقك تدير القسم بالطريقة اللي بتريحك ،،

وبتمنى تكون اقوى منك هيك ،، وتقتنع اكتر بتصرفاتك ومبادئك ..

وما تستسلم لمجرد كلمات سمعتها هون وهون.

خليك ايجابي اكتر .

وفي النهاية انت مكسب للمنتدى وشخصيتك زي ما لمستها كتير حبابة وخلوق ولامع.

الله يخليك ...

المسألة مش مسألة قوة وضعف واستسلام ....

متل ما حكيت للكل انو انا ما بدي اضل اسم بدني على اشي فاضي .......

وفي ناس بدها تاخد راحتها خليها تاخد راحتها .....

وتسلم على شهادتك الي ....

انت الأفضل يا عدي ...

تقبل احترامي وتقديري يا طيب ....