:: للمغتربين .. اتفضلوا وفضفضوا ::

[الحان الحرية]

أنا مغتربة بالامارات ...
الصراحه هي بلده حلوة
و انا بحبها
بس كمان ما بشعر بالانتماء الها
لانها بتضل مش بلدي
اهل البلد طيبين و مناح كتير
بيكفي انهم عرب و مسلمين
بس في منهم مرات بيدايقوني او بيحسسوني انه انا انسانه غير مرغوب فيها ببلدهم
طبعا مو كلهم
قليل منهم هيك ...
و بالمناهج الجديدة صرت ادرس ضد نفسي بمادة التربية الوطنية ...
دروسنا اغلبها عن مكافحه العماله الوافده ...
و مكافحه الوافدين ...
بس كمان هي بلد كتير حلوة مع انه مافيها شتا كتير
بس فيها دين يعني الناس اللي فيها كتير منهم متمسكين بالاسلام ...
و الحاله الاقتصادية هون منيحه
كمان في امن و استقرار و الحمدلله
بحب هالبلد أنا كوني انولدت فيها و عشت فيها طول عمري ^^
بس اكيد بتمنى ارجع لبلدي
اللي ما حدا راح يقدر يذلني فيها و يحكيلي انتي ببلدنا ...
و بموت بفلسطين
بتمنى ع الاقل ازورها
او المس ترابها ...
الله يفرجها علينا يا رب

[الحان الحرية]

اه نسيت
يعطيكي العافية بينك روز ع الموضوع الحلو
بصراحه موضوعك اجا ع الوجع ..
عنجد فشيت اللي بقلبي
يعطيكي الف عافية ^^

[ابو مالك الفلسطيني]

انا حاس حالي مغترب ببلدي

[ريمة]

البلد الي مفتربة فيها هي الامارات

"

عيوبها وحسناتها " ؟

انا بعتبر الامارات بلدي التاني وبحب العيشة فيها كتيير وما بئدر اتخيل حالي حعيش في بلد غيرها "طبعا ما بئصد اني ما بحب بلدي الاصلي" لاني تعودت عليها كتيير. عيوبها : انو تغيرت كتيييير بعد موت الشيخ زايد الله يرحمو وصار الغلا فيها بشكل مش طبيعي واحيانا مواطنينها بمننو علينا والشي الي بكرهو فيها طريقة التعليم لانو بجد صااار هون التعليم صعب كتيير وفي شغلات غير هادول طبعا. حسناتها :الحمدلله كل شي متوفر فيها يعني اي شي الواحد بتمنى يعملو او يشوفو او يروحلو الحمدلله متوفر هون وبرضو في شغلات كتيييرة منيحة في هاي البلد.

وهل بيشعر بانتماء لهذه البلد سواء كان مغترب للدراسه او العمل ؟

بشعر بانتماااء كبير الها بس انا مغتربة فيها من اول ما انولدت يعني ماما وبابا هما الي مغتربين للشغل فيها وبس

وشو الاشياء الي بحس بنقص فيها وبفتقده بالبلد الي مغترب فيه ؟

بفتقد لشي واحد هو انو هون الناس قليل لما تعرف بعضها حتى الي ساكنيين بنفس البناية بعكس فلسطين يعني لما اروح هناك بلائي الناس الي ساكنة جنب بعضها كتيير بعرفو بعض

[Pink Rose]

المشاركة الأصلية كتبت بواسطة تــحــ البشر ــدوهــ

يا خيتي احنا مغتبرين ببلادنا هههههه

بس بعين الله

انا حاس حالي مغترب ببلدي


يلى تحياتي وتسلم ايديكي عالموضوع

...
..
.
ت
ح
د
و
هـ

الله يسهل يا رب ويعين الجميع

شكرا كتير على مرورك تحدووه

[Pink Rose]

المشاركة الأصلية كتبت بواسطة احلى أنا أنا موجود في بلدي ^ ^
بس على راي تحدوه البشر
احنا في بلدنا مغتربين*_*
تسلمي على الموضوع

الله يغير الحال يا رب

يسلمو احلى انا على ردك

[Pink Rose]

المشاركة الأصلية كتبت بواسطة .:.!دموع الرحيل!.:.

لبـنـان بيـروت




مممم .. عاديه متلها متل كل هالبلدان ..

بس الوضع فيهـا مؤخراً .. كرماله لورا ..

أمنيـا واقتصاديـاً طبعـا .. حتى الناس ما عادت متحملة بعضـهـا وكل واحد روحو واصله لحقله

الله يفرّج عن الجميع



انا لاجئـة ..

وبصراحـة ابدا ما بشعر لإنتمـائي إلهـا ..

بس ما بنكر إني متعلقه فيهـا .. وببيروت خاصة ..

بس تعلّق تعوّد مش تعلّق إنتمـاء !!

وبصراحة وخير الكلام ما قل دلّ ..

انا بمشـي ع الآرض هون وبحسهـا بترفضنـي ^^



أشياء كتير ..

أول شي الواحد بوطنـه ما حدا بيطلعله يمنن عليه ..

وكل شوي والتانيه يهتوه الي حواليه منيح الي ضابينكم عنـا ..

مع العلم انهم بيقبضوا عليـنـا .. ونحن نعتبر مستأجرين ..

لأنهم بياخددوا أجار أراضي المخيـمـات .. وبياخدوا .. مصاري على كل فرد ومواطن فلسطيني ..

من اول ما يخلق وكل عمره ..

بس رغم هيك .. المـنـّة ونظرة الازدراء .. والتعـالي .. لا بد انك تسمعها بين فترة والتانيه ..

طبعـا إلا من رحم ربي .. لكن بحكي بشكل عام

وبعدين .. الإنسـان الي بلاقيه بوطنـه .. مستحيل يلاقيه بأي مكـان التاني ..

الوطن مثل الأم .. ولا أي شي بهالدنيـا ممكن يعوّض حنـانـه .. ولا عطائه :(





ممممم .. ما بقول غير ربنــــا يفرجهـا ..

وما بحكي غير .. عمره ما حدا يتكبر أو يجرح الناس التانيه الي بكفيهـا الي فيهـا

لأنـه ممكن اي انسـان إله مأوى ووطـن

يصبح تاني يوم .. بلا مأوى وبلا وطـن ..

من غير شر طبعـا .. بس الله يرزق هالناس الحكمـة .. والخوف من رب العالمين ..

الفلسطيني في لبـنـان فاقد لأقل أنواع حقوقه ..

محروم من أكثر من 70 وظيفه ..

ممكن يدرس 10 سنين جامعه طب .. وبالأخير .. ممنوع إلا يكون نيرس تحت إيد طبيب لبناني ..

ولو كان هو اعلى منه .. !!

حالة المخيـمـات بتبكي الحجر ..

وهالشباب .. كرهوا حياتهم ..

بس طبعـا فيها نـاس بتقدر الفلسطينية .. بس نسبة قليلة ..

وربنـا يفرجهـا .. ويرجعنـا ع بلادنـــــــا

المحررة بكل ذرة فيهـا ..

رح أحط هون موضوع .. بيحكي عن حــال الفلسطيني في لبنــان ..

ممكن يوصل الفكرة أكثر .. عن حالنـا في لبنـان ..


الفلسطيني في لبنان ان كان مخطئا فهي فضيحة وعليها شهود ..وان كان منجزا فتكتم علي الامر ولا تعلنه !::

وطبعـا ما بتمنى لهالبـلد إلا كل خير والله ..

فيه اجتعمت واتربيت مع أعز الناس ع قلبي .. الي ما بلاقي متلهم بالدنيـا كلهـا

فيه نشأتي .. وكل حيـاتي بحلوهـا ومرهـا

ربنـا يلهمهم جميـعـاً الي فيه الخير لوطنهم

ويملك أمرهم لحكـــام أملهـا رضى الله ورضى رسول الله ..



مشكورة حببيتي موضوع حـلو

رح اثبته .. بعـد إذن المشرفين

لا حول ولا قوة الا بالله

والله حرام كلنا عرب وكلنا بشر ما في فرق بينا

ليه هيك بيعملوا وليه هيك تفكيرهم !!

الله يسهل يا رب ويهدي الجميع

تسلمي حبيبي على ردك ومرورك الحلوين

وشكرا على التثبيت ... هاد من زوقك

[Pink Rose]

المشاركة الأصلية كتبت بواسطة AMJAD أنا هلأ بفلسطين .. بس مواليد السعودية وتريبت فيها .. بس زي ما حكت دموع الرحيل .. مش ممكن نشعر بالإنتماء إلا لفلسطين .. وفي فلسطين ما بيئدر الفلسطيني يدخل أكثر من نص أراضي فلسطين .. يعني الإحتلال بيفرض احتلاله على كل فلسطيني في العالم ..
الفلسطيني في كل العالم مشبوه ومتهم حتى تثبت ( إدانته)!!! وبالذات في الوطن العربي .. ومع هيك ما في شخص بيفتخر بنتماؤ لوطنو زي الفلسطينين ..

ومع هيك ما في شخص بيفتخر بنتماؤ لوطنو زي الفلسطينين

معاك حق كتير بهاي الجملة بالزات

وكلنا بنفتخر إنا من ارض فلسطين وشعبها

والحمد لله إنا منها :)

شكرا كتير امجد على مرورك الحلو

[نابلسية كححح]

اااااااخ جبتيها على الجرح
انا والله عايشه بالامارا ت .. هالبلد كتيير بكتبو عنها وعن خيراااتها وبجيبو بالتلفزيونات عن دبي و مشرووعاتها .. بس السرااحه بعد بلده الواحد ما بقدر يحي بلد تانيه يعني هونا العمااات و النظااافه و المحلات والبحر وهييك بس هوناا ما بتحس بالعيد ولا بالفرحه يعني بس صحاابنا مع انهم كتاار ومنااح بس لما اتزكر قرايبناا و احبابنا بنابلس والله بنجن

بعدين البلد فيها كل الجنسياات المصري على الهندي اللي ملي البلد و السوداني والعرااقي من كل الجنسيات غير الاجانب اللي بكونو على الشواطء بمناظر مقززه والواحد مابعرف يستمتع بجمال لبحر .. بس اقولكم حراام يعني نظافة الحدائق وجمالها هدالك اشي تاني

بعدين اهل البلد كتيير بطرانييين و شايفين حالهم بس في ناس مناح يعني بتشتهي تشوفي مواطن اماراتي بسوق سيارة تكسي بس بتحكي مع هالهندي وبتوصفيلو وهو مش فاهم اشي مش زي بلادنا لما تقولي للشوفير دار فلان فلان بدلك علييه ومستحييل طبعا تلاقي بياع دكانه مواطن بس هنوود وبغاليين .. و اهل البلد من نسوان لرجال بفتخرو من اي عائله هنن و من وين هاللبسه .. وهييك لسا في حكيي كتيير بس ايدي وجعتني من الكتاابه

بس على كلكن بلاقيش الواحد احلى من بلدوووو
بس برد احكي حراام البلد حلوه من نظافة مستشفيات ومنتزهاات و شوارع و رتابة الاسوااق

بس فلسطيين بتسوى الدنياااااااااااااااااااااااا

[Pink Rose]

المشاركة الأصلية كتبت بواسطة قمر الخليل

الامارات



فديتها ههههههههه

بموووت فيها وخصوصا رووحي دبي

عيوبها الدنيا حررررررررررررررر ونفسي البس شتوي تئيل واحسن بجو الشتا والتلج والمطر

وكمان السنة فيها طويييلة هههههههههه

حسناتها مبسوطة فيها لانو هوون صحباتي ولانو بتضلها فايعة ليل نهار ههههه وكمان لانو شغل بابا منيح فيها ودراستي كمانووو



نعمـ اكيد بحس اني بنتمي لانو الفترة مش قليلة الي عشتها هون



الاهل والاقارب فرحة العيد معهم خصوصا لما يجاكرونا واحنا بنحكي معهم
جو الجامعات الي بالضفة مافي متلو هون
غير عن الاكلات والفواكة وكلشي

يعني مش عارفة شو اقول بس فلسطين بالنسبالي زيارة وبس لانو صعب اعيش فيها هلأ

عشان هيك الحمد لله عكل حال وانا مبسوطة هون

الحمد لله واهم شي انك حابة الحياة هناك

وان شاء الله دايما بتكوني مبسوطة يا قمر

يسلموو على مشاركتك الحلوة