مساعدة الزوج لزوجتة بشؤون المنزل

[لولو اليبناوية]

المشاركة الأصلية كتبت بواسطة ahmadix ليش لا ؟!

أنا تربيت في بيت الاب كان يساعد في الويك اند تاعو في الطبيخ .. خصوصا الطبخات الثقيلة والي بدها شغل مثل السمك وغيرو :)

بتخيل التعاون بين الاسرة بزيد من الروابط بينهم ..

وعلى فكرة للان لما اجتمع مع أهلي بجلي الجليات ههههه وبستمتع وانا بجلي

يسلمو فراشة على الموضوع المميز ..

هههههههههههههه والله شي حلو بجد
بجد يا جماعة انا بعجب بالشباب الي بساعدو اهلهم بشغل البيت او بالاب الي بساعد
انا ابي كمان بطبخ...وبساعد
وللاسف في ماخدين فكرة انو الرجل الي بفوت المطبخ مش زلمة...!!!
الرسول صلى الله عليه وسلم كان بساعد السيدة عائشة باعمل البيت..
والانسان المسلم من صفاتو الرحمة والمساعدة

[فراشة]

بجد شبابنا والله محترمين وكويسين الله يحميهم ... والله جد يا لولو في رجال هيك عاملين المراه خدامتهم وبشوف والله نماذج لدرجة انو عالاكل اللي مفروض يكون تجمع للاسرة والابناء ..لازم الرجال ياكلو قبل واللي بزيد من وراهم ياكلوة النساء ..شفتو اكتر من هيك اهانة ... عكلن الله يحميكوو وتسلمو عمشاركتكوو معي ..

[خيـرَ أُمـة]

المشاركة الأصلية كتبت بواسطة فراشة بجد شبابنا والله محترمين وكويسين الله يحميهم ... والله جد يا لولو في رجال هيك عاملين المراه خدامتهم وبشوف والله نماذج لدرجة انو عالاكل اللي مفروض يكون تجمع للاسرة والابناء ..لازم الرجال ياكلو قبل واللي بزيد من وراهم ياكلوة النساء ..شفتو اكتر من هيك اهانة ... عكلن الله يحميكوو وتسلمو عمشاركتكوو معي ..

على فكرة مزبوط حكي فراشة ..

مرة كنا معزومين عند دار عمة والدي ... فلما خلصنا اكل صرت اشيل الصحون معهم .. فهمي استغربو .. ونظراتهم الي كانت بتحكي "مين هاد" او "شو جابو هون" او يمكن "اطلع برا" ههههههه المهم انو حسيت حالي مستهجن من الجميع

سلامي للكل ...

[سارة]

بصراحه حلوه المساعده
احنا بالبيت بابا واخوي بيساعدونا بكل شي
بس انا ما بحب حدا يساعدني اصلهم بيقلبو البيت هههههههههههه يعني لمرتب بيخربو والخربان بيزبطو

[نور اليقين]

لنا في الرسول اسوة حسنة
فقد كان يخيط ثوبه ويرقع نعلة
مع ان كان يقدر يؤمر اهل بيتو
بس دي هي الدروس المحمدية
في لين الجانب لاهل بيته
صلى الله عليه وسلم

[احلي ابتسامة فلسطينية]

ههههههههههههههههههه

شو رايكم يا صبايا بدنا نعمل انقلاب

بدنا شغل البيت كلو يصيييييييير علي الشباب

ال مساعدة بس

المساعدة وحدة ما بتكفي

خلاص احنا زهقنا بدنل نعمل تبادل ادوار

هلأ الدور علي الشباب

المفروض هما يعملوو كل شغل البييييييييت

ههههههههههههههههههههه

بايووووووووووووووووووووو

[فراشة]

لا احلى مو هيك ...

طيب احنا مرة كنا معزومين عند ناس ..فشو حطو الاكل عند الرجال واحنا اعدنا جوة وال بس خلصو صارو يجيبو الصحون وهيه ماكولة ومو مرتبة واصلا عيب بحئنا انو ال نستنى الرجال بس ياكلو نحنا وراهم شو نحنا بعصر الجاهلية والله ما دئتو للاكل ..

[خيـرَ أُمـة]

المشاركة الأصلية كتبت بواسطة فراشة لا احلى مو هيك ...

طيب احنا مرة كنا معزومين عند ناس ..فشو حطو الاكل عند الرجال واحنا اعدنا جوة وال بس خلصو صارو يجيبو الصحون وهيه ماكولة ومو مرتبة واصلا عيب بحئنا انو ال نستنى الرجال بس ياكلو نحنا وراهم شو نحنا بعصر الجاهلية والله ما دئتو للاكل ..

ههههههههه

والله صارت معنا .. بس على فكرة هدول غالبا بدو بكونو

والنهفة انهم عاملين خروف والراس بالنص ومفتوح الثم واللسان طالع لبرة ... فالي عازما طال اللسان من لغليغو على راي المصريين .. وصار يقسمو على الكل

محدش يسألني أكلت ولا لاء من اللسان لانو كنت يمكن 12 سنة يعني مش متذكر

بس اللـه يستر

[فراشة]

هههههههههههههه بسيطة احمد ...

ولا بدو ولا حاجة بالعكس متعلمين ومثقفين بس هيك في ناس ما عندهم احترام للمراه وكانها شو عندهم ... تسلمولي اعزائي عردودكوو وتفاعلكو معي ..

[قسامي غزة]

السلام عليكم
انا بدي احكي رايي بهاي الموضوع
طبعا كلامي راح يكون عن تجربة مش هيك
انا يا اختي ما بعرض الزوج انوا يساعد زوجته ولكن ضمن حدود يعني لما تكون تعبانة او مريضة يساعدها لانوا الرسول صلي الله عليه وسلم كان يساعد زوجاته في اعمال البيت
بس ما يكون مساعدة الرجل لزوجته انوا الزوجة تفسر انوا مساعدة الزوج لزوجته ضعف منه او انها مسيطرة عليه او انها دايما تخليه يشتغل
المساعدة حلوة بس يكون الزوج متفاهمين
مشكورة يا فراشة علي موضوعك