قفشات ....غير بريئة

[almuhandes]

المشاركة الأصلية كتبت بواسطة ملوكة استمعت بكتاباتك خيووو

تقبل مرووري

يا هلا ومرحبا
نورت ملوكة
كوني بخير

[almuhandes]

العرس الرياضي في الدوحة يوشك على الإنتهاء
وفد دولة عربية عريقة عائد بحصاد مجموعة من الميداليات الملونة
ذهب ,فضة ,برونز

لقاء مع أحد وفود الدولة العائد في المطار


أبطال الميداليات
نشكر سيدنا ونهدي الميدالية لسيدنا وكل يلي تحقق بفضل جلالة سيدنا

أنا بحياتي ومتابعتي لكل الألعاب الرياضية
عمري ما شفت ولا سمعت واحد جاب سيرة الحاكم
إلا بالهالبلد
ياترى شو السر
أكيد أكيد أكيد
مش ملقنين ولا مبرمجين ولا غصب عن لحية ابو الواحد فيهم
يا عمي ومن الحب ما قتل
يا هيك الحب يا بلاش

[almuhandes]

محمود عباس
في بيت لحم لحضور القداس

صاحب واجب والكبير كبير ليش الحكي
ختم الدين الإسلامي هلا ظايل النصراني
ليش لأ مش رئيس
الله لا يجبرك قديش الإقصى بيبعد عنك..؟
ليه ما عم تحضر الجمعة فيه .....
اجمل شي خطبة السيد الرئيس في القداس
خلتني أطير من الفرح
واصير أنطنط زي المجانين بهالغرفة لحالي
قال البعيد فالو على حالو بعيد الشر عني
على ( دولة ) إسرائيل أن لا تضيع فرصة السلام
ياسلام يا سيادة الرئيس
يعني بفهم من هالحكي إنو جنابو بكرة رح نشوفه في كنيس عما قريب
زلمه تعيب
بكالوريس في الدين الإسلامي
ماجستير في النصرانية
ظل عليه ليختم العلم دكتوراة في اليهودية
وبهيك بكون ضمن الجنة
يحيا الرئيس

[almuhandes]

علي عبد الله صالح يقرر السفر إلى أمريكا
صرح قبل سفره
سفري إلى أمريكا لإعطاء الناخب اليمني الحرية في انتخاب حر


أمريكا
أعلنت أنها تدرس طلب علي عبد الله صالح من أجل العلاج
وتطلب ضبط النفس في التعامل مع المظاهرات

يعني يا هبيلة مفضوح مفضوح
غصب عن لحيتك استدعوك
رايح تدرس هناك
كيف تخدم أكثر بالطريقة الأفضل حسب الرؤيا الأمريكية
بدهم يعالجوك
من داء الصرع
واللعثمة في الحكي
والجبن
وقلة الحيا
واللعب على مليون حبل
لحتى تصير مفوه ونجيب ما بتحكي إلا شعر في اوباما الحبيب
لحتى تفهم إنو إنت موجود لهلا ببركتهم
وممنوع عليك تلعب زي المهرج على غير حبلهم
بدهم يعالجوك لحتى تكون أكثر خدمة
زي إطارات هانكوك
متينة على الطرقات
بتتحمل دعس
لينة في التشكيل
بتقاوم حميان النخوة لأنها منفوخة بنيتروجين
يعني شغل دعك مرتب وما بتقول أخ
عموما
مهما تحملت دعس ومصيت شرمحة
رح يركبولك نظام اي بي أس
اتوماتيك بريك سيستم
لحتى يفرملوك لما تنتهي صلاحيتك
لا شافاك الله ولا عافاك
يا مطية الأمريكان والعوبة الخليج

[RaNa <3]

المشاركة الأصلية كتبت بواسطة almuhandes

محمود عباس
في بيت لحم لحضور القداس

صاحب واجب والكبير كبير ليش الحكي
ختم الدين الإسلامي هلا ظايل النصراني
ليش لأ مش رئيس
الله لا يجبرك قديش الإقصى بيبعد عنك..؟
ليه ما عم تحضر الجمعة فيه .....
اجمل شي خطبة السيد الرئيس في القداس
خلتني أطير من الفرح
واصير أنطنط زي المجانين بهالغرفة لحالي
قال البعيد فالو على حالو بعيد الشر عني
على ( دولة ) إسرائيل أن لا تضيع فرصة السلام
ياسلام يا سيادة الرئيس
يعني بفهم من هالحكي إنو جنابو بكرة رح نشوفه في كنيس عما قريب
زلمه تعيب
بكالوريس في الدين الإسلامي
ماجستير في النصرانية
ظل عليه ليختم العلم دكتوراة في اليهودية
وبهيك بكون ضمن الجنة
يحيا الرئيس

خـليه مكيـف ومبسـوط ع حـالو ..

الله كريـم ~~

يعطيك العافية أخوي المهندس ..

[almuhandes]

المشاركة الأصلية كتبت بواسطة rana <3
خـليه مكيـف ومبسـوط ع حـالو ..

الله كريـم ~~

يعطيك العافية أخوي المهندس ..

يعافي عمرك رنا

بس أنا مستغرب شي
كيف أجيتِ لهون وكسرت القاعدة..؟
هون عدد الزوار عالي
عدد المشاركين صفر
يمكن لأنو هاي خطوط حمرا وما بصير نحكي فيها ولا حتى نحلم
أو يمكن لأنو الكاتب مجنون وعم بغرد خارج السرب
:

أهلاً فيك رنا
انبسطت كثير بمشاركتك
الله يحميك يا رب
كوني بخير

[almuhandes]

محكمة العدل العليا في مصر تبرء ساحة الضباط المتهمين بقتل المتظاهرين

والد مفجوع بفلذة كبده الغض وقف يبكي دم ابنه الذي راح هدرا ويحمل أثيابه الملطخة بالدماء كشاهد إثبات

:

ولسا بقولوا مبارك راح ونظام حكمه ولى
ولسا متأملين من المحكمة الهزلية لمبارك وأرجاسه توخذ حقهم
ولسا بقولوا حكم العسكر بسير البلاد حسب الأصول
إذا الضباط بريئين
مين قتل الشباب ...؟
يمكن أنا .......!
يمكن انتحروا ليلبسوها للحكومة
يمكن راحو رحلة وعم يفلموا علينا
يمكن عدسات التصوير كذابة وعم تعمل الكاميرا الخفية
يمكن المقابر كذابة
والأخبار كذابة
وسعادة القاضي مقتنع بهالشي

//

سقط العدل على الشوارع
ونصبت موازين الظلم
يا حيف بس

[almuhandes]

الولايات المتحدة تعلن عن صفقة طائرات حربية إف 5 للسعودية بقيمة تفوق 29 مليار

//

أنا مش فاهم لشو لزوم الطيارات
مهو حرب مفيش وفلسطين زمان حرروها
والسلاح صدا في المخازن والباقي صار خردة
ولا يمكن السعودية عامله حسابها لربيع قادم
بينفعوها لوقت الزنقة في قصف المجانين
ولا يمكن يا ترى الإقتصاد الأمريكي يلي بنازع عم يحصد من قوم الريالات لحتى يوقف على رجليه
أو يمكن لحتى ترسل أمريكا رسالة لشيعة ايران المنطقة مستعدة للحرب في حال اغلاق مضيق هرمز

يمكن ويمكن ويمكن كلها اشيا معقولة
بس الأهم
مين بدو يقود الطيارات وين رح يحارب فيها...؟

[almuhandes]

بلدية دبي تنفق ما يعادل ميزانية دولة لسنة كاملة على الألعاب النارية في ليلة رأس السنة

الله لا يحرمكو من الهبل يا هُبل
أقسم أن الله لن يترك هذا الفجور دون أن يسويه بالأرض


(وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا)أفسراء :16

(وكذلك جعلنا في كل قرية أكابر مجرميها ليمكروا فيها ) [ الأنعام : 123
صدق الله العظيم

[almuhandes]

شيخ شريف يدعو الشباب المجاهدين لتسليم السلاح ويقول أنكم لن تحصلوا على شيء

شيخ ممكن
شريف .. نو ..نهي ..كلا ..لا..أمبوس..
شيخ كان زعيمهم
شافها مش موفيه باعهم واستلم الرئاسة
وهلا بزايد عليهم