لـدي حــــق الفــيــتـــو " ...{{يـاسـيـن}}..."

[هادي]

المشاركة الأصلية كتبت بواسطة ليـــــــــــــال :shababsmile221:


الله يسعدك يا امجد ،، دمك خفيف



::

هيني راح احكي ،،

بدايه متل ماحضرتك اتفضلت ،، المشاكل ظاهره صحيه ،، بتجدد الحياه وبتكسر الروتين

وبتقرب احيانا اكتر مابتبعد ،،

بس طبعا كل شي بيزيد عن حدو بينئلب ضدو ،،

يمكن وفاه بابا المبكره ماسمحتلي اشوف هيك مشاكل في بيتنا والحمد لله

وماما بتحكيلي انو بعمرهم هي وبابا ما تخانئوا وعلي صوتهم ،، كانوا متفاهمين كتير

وهون مربط الفرس

{التفاهم}

التفاهم بين الزوجين هو الخطوه الأولى في طريق حياه زوجيه سعيده

التفاهم هو يلي بولد لاستيعاب والاحتواء وبيعزز الادراك وتفسير الواقف

وفي ضل وجودوا ممكن اي مشكله تنحل ،، بكل بساطه

هو طبعا مش انتي بيوتك بيمنع المشاكل ،، لكنه الحل الأمثل لحلها والتخلص منها


//

هي البدايه ،، والي رججعه ان شاء الله


منور امجد ،، دير بالك على الفيتو ،، وشكرا على الفيمتو (يخلق من الشبه اربعين ):shababsmile222:

ربنا يرحمو ..
تسلمي ليال ..
(بس ممكن يُفسر التفاهم على أنه ضعف من طرف أو قوة في طرف) ..
اليوم الرجال (متفاهمين كتير) يعني كلام الزوجة ما بينزل الأرض!!

[هادي]

المشاركة الأصلية كتبت بواسطة PaLeStiNe FlOwEr أكيد ما في بيت الا في مشاكل،، يمكن تكون من جهة اهل الزوجين ويمكن بسبب تربية الابناء او حتى عدم تفاهم الزوجين مع بعضهم..

بس بحس الطلاق مو حل،، يعني الأزواج المفروض اخر شي يفكروا في الطلاق،، وابغض الحلال عند الله الطلاق،،

يعني لازم يكون في تفاهم بيناتهم ولو تدخل أهلهم رح تخرب الدنيا الا ازا هما ما عرفوا يحلوا مشاكلهم ممكن يستعينوا بحد بفهمممممممممممم،،


بس برضوا كترة المشاكل بتعقد الابناء وحالتهم النفسية رح تكون تعيسة جدا،،فلازم يتجنبوا المشاكل امام ابنائهم،،

يعني لو مرت السنين وما توصلوا لحل ممكن يتطلقوا بس قبل كل شي لازم يفكروا بأولادهم ويحاولوا يضحوا عشانهم،،

يعني من كتر القصص الي بنسمعها ما في مرت أب طيبة الا القليل القليل القلييييييييييل


رح فكر بحكي كمان وراجعة

يسلمو
P. F.
هلأ ممكن توصل لدرجة الكُره .. بين الطرفين .. ممكن؟!
وحتى لو حاولوا يتجنبوا المشاكل أمام أطفالهم .. أكيد ما رح تكون حياة طبيعية ..
وشوفي المثل شو بيحكي:
(مرة الأب غضب من الرب)
(مكتوب عباب الجنة: عمر حماه ما حبت كِنّه)

[هادي]

المشاركة الأصلية كتبت بواسطة arabian girl بسير احكي رأيي بالموضوع ولا لأ ؟

احكي احكي .. فضفضي يختي ...

[هادي]

المشاركة الأصلية كتبت بواسطة ليـــــــــــــال شفتو انو كلامي صح:shababsmile235:

هلأ الأصل يكون تفاهم بين طرفين .. مره هاد بيتنازل ومره هاد بيتنازل .. طيب لو كان التنازل من طرف واحد .. والتاني (سادي) بيحكم رأيو دايماً!!!!

[هادي]

المشاركة الأصلية كتبت بواسطة دمعة أسى أنا أدام حتى أدام كتير

و الله يا امجد ضحكتني من قلبي

شو دخل فيمتو بالموضوع

شكلك بتحبو كتير

يلا دمعه .. أحسن ما تكوني ورا كتير .. على الأقل بيحطوكي بالمقعد الأول في المدرسة..
هلأ ليش (ڤيمتو): لأنو الڤيتو أكبر دليل على الظلم الدولي من (القوي على الضعيف)، وهيمنه علنيه للرأس ماليه (وعكس فكرة الديمقراطه تماماً) فالڤيتو موقف الأسد في الغابة.
ومع هيك طبعاً بحب الڤيمتو .. ويا رب دايماً فرحانه..

[هادي]

المشاركة الأصلية كتبت بواسطة Arabian girl اوك يسلمو ^^
برأيي انو كل علاقة ممكن توجه صعوبات ومشاكل
وخصيصا العلاقة الزوجة وهادي المشاكل ممكن تكون ناتجة عن وضع مادي او تفريغ للغضب او تقصير من احد الطرفين او مجرد وسوسة شيطان على شيء تافه
بس الموضوع بكمن بكيفية مواجهتها يعني كلا الطرفني ما لازم ييأسو من العلاقة بسهولة ويختارو اما يعيشو بتعاسة او الطلاق
بالعكس لازم يكافحو عشان هادي العلاقة مو بس عشانهم عشان الاطفال (طبعا ازا كان بالموضوع اطفال ^^)
والطريقة هي الحوار او ممكن تذكيرهم لبعض بمسؤوليتهم واحترامهم لبعض
وكل واحد يعرف واجبو ويقوم فيو
يعني كل مشكلة والها حل :)

صحيح .. وممكن يكون الحل (الطلاق)!! وبعدين لو كل واحد قدم واجباتو وأخد حقوقو (ما بيكون في مشكله أصلاً) .. بس أكيد الدفاع عن الأسرة هو واجب مقدس..
عنجد نورتي عربيه

[هادي]

المشاركة الأصلية كتبت بواسطة دمعة أسى هلأ القصة مش كيف يحلوا مشاكلهم
القصة إنو خلص ما في مجال للتفاهم

و لا الحوار و لا حد يتدخل و يصلح بينهم

يضلهم بالهم هاد مشان أولادهم أو خوف من كلمة مطلق/ة بالمجتمع

و لا يطلقوا و يفرقوا الاسرة و الله أعلم بمصير الاولاد

آهه .. هلأ هاد موضوع تاني ( نظرة المجتمع للمطلقة خاصةً)!!!
بس مسألة التضحية بالسعادة الشخصية من أجل الأطفال (سؤال مطروح) لا يزال..

[هادي]

المشاركة الأصلية كتبت بواسطة أم الوليد رح خبرك من تجربتي الخاصة بالموضوع...احيانا بتوصل المشاكل بين الأهل لطريق مسدود وخلافات لايمكن حلها...وهون بصير العبأ علينا احنا كأولاد...كل طرف فيهم بحاول يجذبك الو...وبصير ضغط نفسي كبير..فاحنا بس رحنا المحكمة ليسمع القاضي قبل الطلاق رأينا كبنات الطرفين....والله العظيم كأنو مبارح بالحرف خبرنا: عمو افصلهم وطلقهم وريحنا...كانت فترة عصيبة جدا...مابخبرك سهل القرار ..بس افضل من المشاكل الي عشنا فيها 6شهور...صحيح الطلاق كان كأنك بتختار بين عينيك الاتنين بس بالنهاية لازم حل..والاصلاح فشل فيه كل الي تدخلو اهل بابا واهل ماما واصحابهم ...سبحان الله (ليغني الله كلا من سعته) وصحيح هلا عايشين بس مش متل ابل في فرررررررررررررق كبير، ومابعرف اذا غلطنا بهيك قرار بس كان لازم نقرر وئتها ..الحمدلله عكل حال...وبنشوف ماما وبنحكيها...وعلاقتنا طيبة....بس بعاد ...ذكرتوني الله يسامحكم....

آسفين ملك .. بس عجبني فيكي (نظرتك الإيجابية للموضوع)، أحياناً تكون خيارتنا في الحياة صعبة، لكن في تلك الصعوبة يكمن الحل، على الأقل يكون هناك نوع من الإستقرار، حتى لو ابتعد عنها الأب أو الأم .. هذا أفضل من حياة مشحونة بالسلبيات، تجعلنا أغراباً تحت سقف واحد!!
(والخيرة فيما اختاره الله)
(لا تقل لو أني فعلت كذا وكذا لكان كذا لكن قل قدر الله وما شاء فعل)
ملك كل التقدير والإحترام

[هادي]

المشاركة الأصلية كتبت بواسطة أبومجاهد

الحياة بلا مشاكل ما بتكون حياة

لازم كل واحد منا يكون إليه نصيب من المشاكل والنكد للي يكر عليه صفو حياته

وبدك الصحيح الخيارات صعبــة جدا ً

بس بدي اقول انو ما في مشكلة إلا و إلها حل

يعطيكم العافيـــة ،،،

معك عالخط أبو مجاهد .. لو ما عرفنا المشاكل والنكد ما رح نعرف معنى السعاده (بكل بساطه) ..
وحل المشكلة كمان ممكن يكون الطلاق!!

[هادي]

يا ناس .. يا عالم .. فهم السؤال نصف الإجابة:
السؤال مره تانيه:
لو كنت فرد في اسره الأب والأم على خلاف مستمر (فأمامك خيارين):
* أن تستمر الأسرة بهذه الوتيرة من الخلافات، بدافع المحافظة على الأسرة.
* أو الطلاق بين الأب والأم كحل لتلك الخلافات المستمره؟!
تفضلوا جابوا ..
(مع العلم إني هلأ فهمت السؤال صح)