{~حلـوى بـالـلـوز و الـشـوكـولا~}

[أمل]

الـسـلام عـلـيـكـم و رحـمـة اللـه

كيفكم يا حلوين

ان شالله تمام

ممممم

نفسي انفتحت ع القسم و قلت أجيب الكم هاي الحلوى ان شالله تعجبكم

.
~حلـوى بـالـلـوز و الـشـوكـولا~
.


المقادير:

600 غ من الشوكولا الأسود
250 غ من اللوز المسلوق
100 غ من السكر الناعم
60 غ من الزبدة
قليل من المسكة الحرة المدقوقة(هاي شرحها بآخر الصفحة)

للتزيين :

100 غ من الشوكولا الأبيض

طريقة التحضير:

تحضير حمام مريم (أو ما يسمى بالفرنسي bain marie):

في إتاء معدني نسخن قليلا من الماء وفي إناء زجاجي نقطع 300 غ من الشوكولا الأسود إلى قطع صغيرة ثم نضع الإناء الزجاجي فوق الاناء المعدني الموجودة على نار هادئة حتى تذوب الشوكولا.



بعد ذلك نقوم بإفراغه وبسطه فوق صفيحة مفروشة بورق الزبدة.



يطحن اللوز المسلوق والمنقى مع السكر الزبدة والقليل من المسكة الحرة المدقوقة حتى يصبح عجينا لينا.
يبسط ويوضع فوق الشوكولا المجمد كطبقة ثانية.



يذاب النصف المتبقي من الشوكولا بنفس الطريقة الأولى (حمام مريم) يفرغ على عجين اللوز ويبسط جيدا فوق الطبقات السابقة.




ثم يزين بخطوط رقيقة من الشوكولا الأبيض المذاب في (حمام مريم)..

تترك الحلوى حتى تبرد وتقطع بسكين حاد ..

الشكل النهائي:




صحتين و هنا

و كالعادة الي ما فهمت شي أنا رهن الاشارة

//

المسكة الحرة=gomme arabique

المسكة الحره= المسكه البلديه= اللبان

و هاي الصورة للي ماعرفتها



بس هي مش ضرورية يمكن الاستغناء عنها..

[إسراء الفلسطينية]

يا عيني

شكلها طيبة والله

ومش كتير صعبة كمان ..

بركي جربتها شي يوم ^ــ^

يسلمو يا قمر :)

يعطيكي الف عافية أمووولة

[.. ليآل ~]

كلو مفهوم

الا انو ليش حاطه صور التحضير كبار والصوره الاخيره زغيره

ما شفت شكلها منيح

بس شكلها لزيزة وسهله كتير

تسلميلي يامعدله

[Maram .. ~]

ناايس

شكلها لزيز

يسلموو حبيبتي .. :)

[mais ream]

الله ..الله ..على الحلوة و الحلاوة ..ههه

امووووووووووو لة جيتيني على القو سطووو ....كتير حلوة و طيبة

خاصة و انوووووو فيها الشوكولاطة عشقي انا الشوكولاطة

يسلمووووووو دياتك حبيبتي امووووولة بطير العقل بيكفي انها من ايديكي الحلوة يا قمر

تحياااااااتي

[Pink Rose]

شكلها لزيزة كتير ^^

ومو صعبة كمان ..

يسعدلي ياها اموله اللي منوريتنا

القسم صار احلى بوجودك يا قمر

يسلمو كتير على الموضوع

يعطيكي الف عافية :)

[أمل]

المشاركة الأصلية كتبت بواسطة إسراء الفلسطينية يا عيني

شكلها طيبة والله

ومش كتير صعبة كمان ..

بركي جربتها شي يوم ^ــ^

يسلمو يا قمر :)

يعطيكي الف عافية أمووولة

يا عيني أنا الي سوسو منورة صفحة الموضوع

يلا لما تجربيها لا تنسي تعزميني

الله يعافيك حبيبتي و يسلم عمرك يا رب

منورة يا عسل أول رد

[الحلوة]

واااااو روعه

عنجد يسلمو هالايدين..

مافي اطيب من منظر الشوكولاته..

يعطيكي الف عافيه اموله..

[أمل]

المشاركة الأصلية كتبت بواسطة ليـــــــــــــال كلو مفهوم

الا انو ليش حاطه صور التحضير كبار والصوره الاخيره زغيره

ما شفت شكلها منيح

بس شكلها لزيزة وسهله كتير

تسلميلي يامعدله

هلا بالنور

و الله حاولت أحمل الصورة الكبيرة أكثر من مرة بس ما زبطت مشان هيك اكتفيت بالصغيرة

الله يسلمك يا عسل

نورتي الموضوع و الحلوى كمان

[أمل]

المشاركة الأصلية كتبت بواسطة Just Me..MaRaM ناايس

شكلها لزيز

يسلموو حبيبتي .. :)

يا عيني ع النايس الي منور الصفحة كلها

الله يسلم عمرك حبيبتي

ما ننحرم طلتك