:: للمغتربين .. اتفضلوا وفضفضوا ::

[Pink Rose]

كل واحد يكتب البلد الي مغترب فيها ..

وشو رأيه فيها " عيوبها وحسناتها " ؟

وهل بيشعر بانتماء لهذه البلد سواء كان مغترب للدراسه او العمل ؟

وشو الاشياء الي بحس بنقص فيها وبفتقده بالبلد الي مغترب فيه ؟

يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..

[تحـ البشر ـدوهـ]

يا خيتي احنا مغتبرين ببلادنا هههههه

بس بعين الله

انا حاس حالي مغترب ببلدي


يلى تحياتي وتسلم ايديكي عالموضوع

...
..
.
ت
ح
د
و
هـ

[Pink Rose]

المشاركة الأصلية كتبت بواسطة تــحــ البشر ــدوهــ

يا خيتي احنا مغتبرين ببلادنا هههههه

بس بعين الله

انا حاس حالي مغترب ببلدي


يلى تحياتي وتسلم ايديكي عالموضوع

...
..
.
ت
ح
د
و
هـ

الله يسهل يا رب ويعين الجميع

شكرا كتير على مرورك تحدووه

[جرحٌ بملامح انسان]

أنا موجود في بلدي ^ ^
بس على راي تحدوه البشر
احنا في بلدنا مغتربين*_*
تسلمي على الموضوع

[.:.!دموع الرحيل!.:.]

كل واحد يكتب البلد الي مغترب فيها ..

لبـنـان بيـروت

وشو رأيه فيها " عيوبها وحسناتها " ؟

مممم .. عاديه متلها متل كل هالبلدان ..

بس الوضع فيهـا مؤخراً .. كرماله لورا ..

أمنيـا واقتصاديـاً طبعـا .. حتى الناس ما عادت متحملة بعضـهـا وكل واحد روحو واصله لحقله

الله يفرّج عن الجميع

وهل بيشعر بانتماء لهذه البلد سواء كان مغترب للدراسه او العمل ؟

انا لاجئـة ..

وبصراحـة ابدا ما بشعر لإنتمـائي إلهـا ..

بس ما بنكر إني متعلقه فيهـا .. وببيروت خاصة ..

بس تعلّق تعوّد مش تعلّق إنتمـاء !!

وبصراحة وخير الكلام ما قل دلّ ..

انا بمشـي ع الآرض هون وبحسهـا بترفضنـي ^^

وشو الاشياء الي بحس بنقص فيها وبفتقده بالبلد الي مغترب فيه ؟

أشياء كتير ..

أول شي الواحد بوطنـه ما حدا بيطلعله يمنن عليه ..

وكل شوي والتانيه يهتوه الي حواليه منيح الي ضابينكم عنـا ..

مع العلم انهم بيقبضوا عليـنـا .. ونحن نعتبر مستأجرين ..

لأنهم بياخددوا أجار أراضي المخيـمـات .. وبياخدوا .. مصاري على كل فرد ومواطن فلسطيني ..

من اول ما يخلق وكل عمره ..

بس رغم هيك .. المـنـّة ونظرة الازدراء .. والتعـالي .. لا بد انك تسمعها بين فترة والتانيه ..

طبعـا إلا من رحم ربي .. لكن بحكي بشكل عام

وبعدين .. الإنسـان الي بلاقيه بوطنـه .. مستحيل يلاقيه بأي مكـان التاني ..

الوطن مثل الأم .. ولا أي شي بهالدنيـا ممكن يعوّض حنـانـه .. ولا عطائه :(

يعني باختصار كل الاعضاء المغتربين يحكوا كل اللي في بالهم عن البلد

اللي مقيمين فيها او اي شي بييجي في بالهم وهم في بلاد الغربة ..

ممممم .. ما بقول غير ربنــــا يفرجهـا ..

وما بحكي غير .. عمره ما حدا يتكبر أو يجرح الناس التانيه الي بكفيهـا الي فيهـا

لأنـه ممكن اي انسـان إله مأوى ووطـن

يصبح تاني يوم .. بلا مأوى وبلا وطـن ..

من غير شر طبعـا .. بس الله يرزق هالناس الحكمـة .. والخوف من رب العالمين ..

الفلسطيني في لبـنـان فاقد لأقل أنواع حقوقه ..

محروم من أكثر من 70 وظيفه ..

ممكن يدرس 10 سنين جامعه طب .. وبالأخير .. ممنوع إلا يكون نيرس تحت إيد طبيب لبناني ..

ولو كان هو اعلى منه .. !!

حالة المخيـمـات بتبكي الحجر ..

وهالشباب .. كرهوا حياتهم ..

بس طبعـا فيها نـاس بتقدر الفلسطينية .. بس نسبة قليلة ..

وربنـا يفرجهـا .. ويرجعنـا ع بلادنـــــــا

المحررة بكل ذرة فيهـا ..

رح أحط هون موضوع .. بيحكي عن حــال الفلسطيني في لبنــان ..

ممكن يوصل الفكرة أكثر .. عن حالنـا في لبنـان ..


الفلسطيني في لبنان ان كان مخطئا فهي فضيحة وعليها شهود ..وان كان منجزا فتكتم علي الامر ولا تعلنه !::

وطبعـا ما بتمنى لهالبـلد إلا كل خير والله ..

فيه اجتعمت واتربيت مع أعز الناس ع قلبي .. الي ما بلاقي متلهم بالدنيـا كلهـا

فيه نشأتي .. وكل حيـاتي بحلوهـا ومرهـا

ربنـا يلهمهم جميـعـاً الي فيه الخير لوطنهم

ويملك أمرهم لحكـــام أملهـا رضى الله ورضى رسول الله ..



مشكورة حببيتي موضوع حـلو

رح اثبته .. بعـد إذن المشرفين

[Pink Rose]

المشاركة الأصلية كتبت بواسطة .:.!دموع الرحيل!.:.

لبـنـان بيـروت




مممم .. عاديه متلها متل كل هالبلدان ..

بس الوضع فيهـا مؤخراً .. كرماله لورا ..

أمنيـا واقتصاديـاً طبعـا .. حتى الناس ما عادت متحملة بعضـهـا وكل واحد روحو واصله لحقله

الله يفرّج عن الجميع



انا لاجئـة ..

وبصراحـة ابدا ما بشعر لإنتمـائي إلهـا ..

بس ما بنكر إني متعلقه فيهـا .. وببيروت خاصة ..

بس تعلّق تعوّد مش تعلّق إنتمـاء !!

وبصراحة وخير الكلام ما قل دلّ ..

انا بمشـي ع الآرض هون وبحسهـا بترفضنـي ^^



أشياء كتير ..

أول شي الواحد بوطنـه ما حدا بيطلعله يمنن عليه ..

وكل شوي والتانيه يهتوه الي حواليه منيح الي ضابينكم عنـا ..

مع العلم انهم بيقبضوا عليـنـا .. ونحن نعتبر مستأجرين ..

لأنهم بياخددوا أجار أراضي المخيـمـات .. وبياخدوا .. مصاري على كل فرد ومواطن فلسطيني ..

من اول ما يخلق وكل عمره ..

بس رغم هيك .. المـنـّة ونظرة الازدراء .. والتعـالي .. لا بد انك تسمعها بين فترة والتانيه ..

طبعـا إلا من رحم ربي .. لكن بحكي بشكل عام

وبعدين .. الإنسـان الي بلاقيه بوطنـه .. مستحيل يلاقيه بأي مكـان التاني ..

الوطن مثل الأم .. ولا أي شي بهالدنيـا ممكن يعوّض حنـانـه .. ولا عطائه :(





ممممم .. ما بقول غير ربنــــا يفرجهـا ..

وما بحكي غير .. عمره ما حدا يتكبر أو يجرح الناس التانيه الي بكفيهـا الي فيهـا

لأنـه ممكن اي انسـان إله مأوى ووطـن

يصبح تاني يوم .. بلا مأوى وبلا وطـن ..

من غير شر طبعـا .. بس الله يرزق هالناس الحكمـة .. والخوف من رب العالمين ..

الفلسطيني في لبـنـان فاقد لأقل أنواع حقوقه ..

محروم من أكثر من 70 وظيفه ..

ممكن يدرس 10 سنين جامعه طب .. وبالأخير .. ممنوع إلا يكون نيرس تحت إيد طبيب لبناني ..

ولو كان هو اعلى منه .. !!

حالة المخيـمـات بتبكي الحجر ..

وهالشباب .. كرهوا حياتهم ..

بس طبعـا فيها نـاس بتقدر الفلسطينية .. بس نسبة قليلة ..

وربنـا يفرجهـا .. ويرجعنـا ع بلادنـــــــا

المحررة بكل ذرة فيهـا ..

رح أحط هون موضوع .. بيحكي عن حــال الفلسطيني في لبنــان ..

ممكن يوصل الفكرة أكثر .. عن حالنـا في لبنـان ..


الفلسطيني في لبنان ان كان مخطئا فهي فضيحة وعليها شهود ..وان كان منجزا فتكتم علي الامر ولا تعلنه !::

وطبعـا ما بتمنى لهالبـلد إلا كل خير والله ..

فيه اجتعمت واتربيت مع أعز الناس ع قلبي .. الي ما بلاقي متلهم بالدنيـا كلهـا

فيه نشأتي .. وكل حيـاتي بحلوهـا ومرهـا

ربنـا يلهمهم جميـعـاً الي فيه الخير لوطنهم

ويملك أمرهم لحكـــام أملهـا رضى الله ورضى رسول الله ..



مشكورة حببيتي موضوع حـلو

رح اثبته .. بعـد إذن المشرفين

لا حول ولا قوة الا بالله

والله حرام كلنا عرب وكلنا بشر ما في فرق بينا

ليه هيك بيعملوا وليه هيك تفكيرهم !!

الله يسهل يا رب ويهدي الجميع

تسلمي حبيبي على ردك ومرورك الحلوين

وشكرا على التثبيت ... هاد من زوقك

[Pink Rose]

المشاركة الأصلية كتبت بواسطة احلى أنا أنا موجود في بلدي ^ ^
بس على راي تحدوه البشر
احنا في بلدنا مغتربين*_*
تسلمي على الموضوع

الله يغير الحال يا رب

يسلمو احلى انا على ردك

[هادي]

أنا هلأ بفلسطين .. بس مواليد السعودية وتريبت فيها .. بس زي ما حكت دموع الرحيل .. مش ممكن نشعر بالإنتماء إلا لفلسطين .. وفي فلسطين ما بيئدر الفلسطيني يدخل أكثر من نص أراضي فلسطين .. يعني الإحتلال بيفرض احتلاله على كل فلسطيني في العالم ..
الفلسطيني في كل العالم مشبوه ومتهم حتى تثبت ( إدانته)!!! وبالذات في الوطن العربي .. ومع هيك ما في شخص بيفتخر بنتماؤ لوطنو زي الفلسطينين ..

[Pink Rose]

المشاركة الأصلية كتبت بواسطة AMJAD أنا هلأ بفلسطين .. بس مواليد السعودية وتريبت فيها .. بس زي ما حكت دموع الرحيل .. مش ممكن نشعر بالإنتماء إلا لفلسطين .. وفي فلسطين ما بيئدر الفلسطيني يدخل أكثر من نص أراضي فلسطين .. يعني الإحتلال بيفرض احتلاله على كل فلسطيني في العالم ..
الفلسطيني في كل العالم مشبوه ومتهم حتى تثبت ( إدانته)!!! وبالذات في الوطن العربي .. ومع هيك ما في شخص بيفتخر بنتماؤ لوطنو زي الفلسطينين ..

ومع هيك ما في شخص بيفتخر بنتماؤ لوطنو زي الفلسطينين

معاك حق كتير بهاي الجملة بالزات

وكلنا بنفتخر إنا من ارض فلسطين وشعبها

والحمد لله إنا منها :)

شكرا كتير امجد على مرورك الحلو

[قمر الخليل]

كل واحد يكتب البلد الي مغترب فيها ..

الامارات

وشو رأيه فيها " عيوبها وحسناتها " ؟

فديتها ههههههههه

بموووت فيها وخصوصا رووحي دبي

عيوبها الدنيا حررررررررررررررر ونفسي البس شتوي تئيل واحسن بجو الشتا والتلج والمطر

وكمان السنة فيها طويييلة هههههههههه

حسناتها مبسوطة فيها لانو هوون صحباتي ولانو بتضلها فايعة ليل نهار ههههه وكمان لانو شغل بابا منيح فيها ودراستي كمانووو

وهل بيشعر بانتماء لهذه البلد سواء كان مغترب للدراسه او العمل ؟

نعمـ اكيد بحس اني بنتمي لانو الفترة مش قليلة الي عشتها هون

وشو الاشياء الي بحس بنقص فيها وبفتقده بالبلد الي مغترب فيه ؟

الاهل والاقارب فرحة العيد معهم خصوصا لما يجاكرونا واحنا بنحكي معهم
جو الجامعات الي بالضفة مافي متلو هون
غير عن الاكلات والفواكة وكلشي

يعني مش عارفة شو اقول بس فلسطين بالنسبالي زيارة وبس لانو صعب اعيش فيها هلأ

عشان هيك الحمد لله عكل حال وانا مبسوطة هون