[حسام المصرى]

منتدى شباب فلسطين ..
ياااااااه .. منتدى ليه ذكريات جميلة جدا .. معى ...

ومتذكر موضوع الترحيب بتاعى .. اللى عملته وسعتها ما رحب بى عدد كبير للأسف .. ^^

كنت بفتكر أن أهل فلسطين دول ناس حزانى وكآبة .. لقيت أن دمهم كتير خفيف برغم كل المرار اللى بيعيشوه .. ووجدت كلهم أخلاق ما شاء الله .. بس بعصبوا بسرعة وبيحبوا الأكل أوى .. ^^ ما شاء الله ..

بفتكر أنى كنت أنا والجزائريين اللى فى المنتدى أعداء ..÷ههههههه
مش هنسى أيام بطولة أفريقيا .. كنت بتعمد أستفزهم .. ونسمة جزائرية كانت بتقول كلام .. يا نهار عليها .. كان بيخلينى أضحك ...

بس صرنا سمن على عسل ...

بتذكر كمان خيو رعد .. هدا كان مخالفنى الرأى علطول هو وشهيد ... ^^

بتذكر الأخ قسامى غزة .. حبيبى فى الله وكيف أنه شب محترم وناضج كتير .. وكان بيعجبنى طريقة تفكيره ..

بتذكر أعز أخت ليا فى المنتدى .. دموع الرحيل .. بجد مهما أتكلمت مش هوفى حقها .. ونعم الذوق والأخلاق والطيابة والعقل .. مو ممكن نلاقى أشخاص بها الطيبة والأخلاق .. كلامها يرطب القلوب والله بس خسارة ما عادت تفوت ..

بتذكر كمان أنى أول مدخلت المنتدى كنت معجب كتير بمواضيع صوفى .. وأظن كمان هى كانت حطة صورة بنت صغيرة قريبتها تقريبا كانت حلوة .. ^^ ما شاء الله ..

بتذكر الفوازير اللى كنت بحطها .. ودمعة أسى كانت تحلها ما شاء الله عنها كنت بحكى كيف واحدة أدبى تحل ها الفوازير .. الله معها ...

بتذكر المهندس .. ربنا يسامحه .. ليه ذكريات معايا مش كويسة بس هو كشخص قلمه رائع ..

فى منتدى شباب فلسطين فرحت من قلبى فعلا وشعرت بأن لى إخوة لم تلدهم أمى .. كنت بفرح لفرحهم وازعل لزعلهم ..

أنا فاكر فرحتى بأبومجاهد لما اتخرج ..

فاكر كمان فرحتى بخطوبة ماهيناز .. عن جد كنت سعيد جدا .. خصوصا أن ماهيناز من الناس اللى أفكارهم راقية جدا .. ما شاء الله ..


بتذكر نور الهدى .. وكيف كانت ترد على كل مواضيعى ..
وأنا على الإهداءات كنت أقولها بدك تعزمينى لباريس وهى تقولى اوك مفيش مانع .. ونعد نضحك ..

فاكر اللحظات اللى اتحظرت فيها .. ربما تم حظرى 4 أو 5 مرات .. ^^ ...

منهم مرة كنت مضايق جدا من الحظر .. وكان نفسى أرجع بأى طريقة بعضويتى .. وأبومجاهد ما قصر والله ..

بتذكر أول توقيع اعطانى إياه أبو مجاهد .. وكذلك توقيع شهيد ..

وبتذكر التواقيع اللى عملتها لفرفوشة وياسو و sadness eyes <<

بتذكر أيام رمضان معكم وبتذكر زمان الدردشة الرمضانية .. أيام ما الأعضاء كانوا كتير ...

بتذكر أنى بلاستين فلاور كنت بأستفز منها جدا .. بس صراحة طلعت شخصية ممتازة وبتحب صحابها جدا ..

لما كنت أشوف رحلات الأعضاء أبو مجاهد والشلة كنت أفرح جدا وأقول يا رتنى كنت معاهم .. ^^ ..

فرفوشة بتذكر كيف كانت تملأ المنتدى هيصة وضحك ومرح .. ولما كانت تحكيلى يا عبسى يابو شعرات حمر او يابو كرش أحيانا .. كنت أضحك أوى ...


بتذكر التسجيل الصوتى اللى عملته فى المنتدى من فترة قريبة وحكيت فيه عن أعضاء كتير وعن المنتدى بصفة عامة ..
وكان الكلام من قلبى .. مو كتير سمع هدا التسجيل لأنه حذف .. بس كنت بتكلم من قلبى ..

بينى وبينك هدا ليه ذكريات بقى كثيرة جدا معى كل لما أشوف المواضيع القديمة اللى فيه وكتير جدا أضحك ..

والكثير والكثير ..

منتدى شباب فلسطين عملنى أن المنتدى مش بعدد أعضائه ولكن بقوة الترابط بينهم وبين بعض ..

علمنى يعنى إيه نحب بعض كإخوات أيا كانت جنسياتنا لأننا فى الآخر مسلمين ..

ومهما حصلت مشاكل أو ناس بتظن خطأ فى بعض .. دى بتبقى لحظات عابرة ..