منتديات شباب فلسطين - طريئة عمل فوانيس رمضان من ورء ^^

اول شي الاصة: طبعا انا مبارح و انا بدور على النت ع شي صورة حلوة لرمضان،، لئيت معمول

فانوس من ورء و عجبني.. فبلشت اعمل ع اساس احط ع مكتبي تنين تلاتة و هيك هيك عنا

ورء ملون كتير و ما بنستخدمو.. المهم عملت واحد و عجب البنات و صرنا نعمل و هييييييك

لحد ما وصلنا بالاخر و عملنا حوالي 40 فانوس احنا 5 صبايا بعدين تركت البنات انا

و رجعتلن بعد سيعة كانو اضافو هلال و نجمة و علؤوه.. طلع شكلو كتير حلو.. بالاخر صفينا عاملين

لقسم الشباب و البنات و بيت موظفتين، و بس رجعت البيت عملت إلنا و لبيت اخوي، و اليوم

اجينا كملنا و وزعنا ع كم دكتور بالجامعة..

من الاخر بلا طول سيرة (ع اساس لسه ما طالت السيرة :ShababSmile237:)

حبيت افرجيكو كيف عملنا و اعملو انتو اليوم بالبيت

اول شي يدنا كم ورئة ملونة او انتو لونوها:

http://files.shabab.ps/vb/images_cas...101935b2u6.jpg
+*+*+

قصو من كل ورئة شريطين رفاع و واحد اعرض منهن بشوي:

http://files.shabab.ps/vb/images_cas...101936yrcb.jpg
+*+*+

الجزء الكبير البائي بنطويه ع النص و بنئصو من ناحية الطوية بس ما بنئصو للآخر، يعني بنترك حوالي انش:

http://files.shabab.ps/vb/images_cas...101937AM7A.jpg
+*+*+

بعدين بنفتح الورئة و بنلفها زي اسطوانة و بنلزئها من فوء و تحت:

http://files.shabab.ps/vb/images_cas...101937mji8.jpg
+*+*+

هيك بطلعو معنا بعد ما نعمل كم واحد:

http://files.shabab.ps/vb/images_cas...101938RZFu.jpg
+*+*+

بعدين بنجيب الشرايط الرفيعة و العريضة الي أصيناها بالاول:

http://files.shabab.ps/vb/images_cas...101939XKiB.jpg
+*+*+

الشرايط الرفيعة بنحطها كئنها ايد او حمالة للفانوس:

http://files.shabab.ps/vb/images_cas...10194085l7.jpg
+*+*+

و الشرايط العريضة بنعملها سلسلة، كل وحدة بتتركب بالتانية و بتنئفل:

http://files.shabab.ps/vb/images_cas...101941TGuk.jpg
+*+*+

بعدين بنعلئ الفوانيس بالسلسلة، احنا علئناهن بخيوط انو ربطنا طرف الخيط بالسلسلة و الطرف
التاني بإيد الفانوس، و أصينا اشكال هلال و نجوم و علئناهن كمان و بالاخر بتطلع هيك:

http://files.shabab.ps/vb/images_cas...101942SjzT.jpg
+*+*+

او فيكو بدل ما تعلؤوهن بسلسلة، يكو تعلؤوهن بخيط خميل شوي و هيك بتطلع:

http://files.shabab.ps/vb/images_cas...101943eBY6.jpg

طبعا انتو و زوئكو.. انا الزغير علئتا ع باب البيت و الكبيرة جوا البيت ع البلكونة..

يلا يعطيني و يعطيكو ألف عافية.. و اللي بيعمل لو حدا إلو خلاء، يبئة يصورها و يفرجينا كيف طلعت معو ^^