طريئة عمل فوانيس رمضان من ورء ^^

[Dr.Yaso]

اول شي الاصة: طبعا انا مبارح و انا بدور على النت ع شي صورة حلوة لرمضان،، لئيت معمول

فانوس من ورء و عجبني.. فبلشت اعمل ع اساس احط ع مكتبي تنين تلاتة و هيك هيك عنا

ورء ملون كتير و ما بنستخدمو.. المهم عملت واحد و عجب البنات و صرنا نعمل و هييييييك

لحد ما وصلنا بالاخر و عملنا حوالي 40 فانوس احنا 5 صبايا بعدين تركت البنات انا

و رجعتلن بعد سيعة كانو اضافو هلال و نجمة و علؤوه.. طلع شكلو كتير حلو.. بالاخر صفينا عاملين

لقسم الشباب و البنات و بيت موظفتين، و بس رجعت البيت عملت إلنا و لبيت اخوي، و اليوم

اجينا كملنا و وزعنا ع كم دكتور بالجامعة..

من الاخر بلا طول سيرة (ع اساس لسه ما طالت السيرة )

حبيت افرجيكو كيف عملنا و اعملو انتو اليوم بالبيت

اول شي يدنا كم ورئة ملونة او انتو لونوها:


+*+*+

قصو من كل ورئة شريطين رفاع و واحد اعرض منهن بشوي:


+*+*+

الجزء الكبير البائي بنطويه ع النص و بنئصو من ناحية الطوية بس ما بنئصو للآخر، يعني بنترك حوالي انش:


+*+*+

بعدين بنفتح الورئة و بنلفها زي اسطوانة و بنلزئها من فوء و تحت:


+*+*+

هيك بطلعو معنا بعد ما نعمل كم واحد:


+*+*+

بعدين بنجيب الشرايط الرفيعة و العريضة الي أصيناها بالاول:


+*+*+

الشرايط الرفيعة بنحطها كئنها ايد او حمالة للفانوس:


+*+*+

و الشرايط العريضة بنعملها سلسلة، كل وحدة بتتركب بالتانية و بتنئفل:


+*+*+

بعدين بنعلئ الفوانيس بالسلسلة، احنا علئناهن بخيوط انو ربطنا طرف الخيط بالسلسلة و الطرف
التاني بإيد الفانوس، و أصينا اشكال هلال و نجوم و علئناهن كمان و بالاخر بتطلع هيك:


+*+*+

او فيكو بدل ما تعلؤوهن بسلسلة، يكو تعلؤوهن بخيط خميل شوي و هيك بتطلع:



طبعا انتو و زوئكو.. انا الزغير علئتا ع باب البيت و الكبيرة جوا البيت ع البلكونة..

يلا يعطيني و يعطيكو ألف عافية.. و اللي بيعمل لو حدا إلو خلاء، يبئة يصورها و يفرجينا كيف طلعت معو ^^

[Dr.Yaso]

ملاحزة: ما تحاولو تعملوه اكبر و انو تتركو الورئة ع حجما من غير ما تشيلو منها شوي

لأنو بطلع فانوسكو طويل و اهبل خخخخخخخخخخخ

[Maram .. ~]

حلو كتيــر

كنآ نعمل هيكـ بالمدرسة و يطلع شكلهم بجنن

يسلمو إيديكي حبيبتي :)

[Dr.Yaso]

و ايديكي يا عسل ^^ مأدمين

[.: بو جاسم :.]

رووووووووووووووووعه والله :)

قواج الله ياسمين :)

[Dr.Yaso]

الله يخليك بو جاسم

تسلم ع رفع المعنويات

[مشتاقة للاقصى]

هههه يسلم اديكي يااآآرب
حلوين طالعين ع الخزانة
كنا ما نعمل متلهم الا بالمدرسة ومبلى كمااان بالبيت
يسلم اديكي يارب ..^^

[Anonymous Gril]

يسلمو ياسمين ع الشرح ~

ذكرتني لما كنت طفلة ^^

[نور الهدى]

يسلموا هالايدين ياسمين :)

كتير حلوين ^^

[عاشقة فلسطين..]

حلو كتيييييير
شكرآآ إلك