|
ظاهرة بتجلط
ظاهرة بتجلط
السلام عليكم هالأيام طلعت ظاهرة جديدة بتجلط وخاصة بين البنات وهي بتكون البنت تتكلم بالعربي فجأة بدخل بنص كلامها كلمات انجليزي يعني مثلا: البنت : فلانة ما أعطتني Face بدل ما تحكي ما اعطتني وجه البنت : بدي اروح ع الصالون عشان اعمل New lock وكتير اشياء نفس هيك الواحد راسو بصير يلف عشان بترجم الانجليزي بعدين يطبقو مع العربي يعني يا بتحكي كل كلامك بالعربي يا كل كلامك بالانجليزي :icon28: ولا انتو شو رايكم بهاي الظاهرة ؟؟ شو أسباب هاي الظاهرة؟؟ هل هي مياعة ولا تطور ولا فلسفة ولا تخلف؟؟؟ انا بعتبرها مياعة و تخلف انتظر مشاركاتكم وردودكم |
رد: ظاهرة بتجلط
مرحبا ,, طرحك موفق ,, اممممممممم ,, طبيعة الحياة هلأ ,, و واقع انو في كتير اشياء ما كانت موجودة بحياتنا ,, و صارت دخيلة علينا من الغرب ,, هاي الأشياء فاتت بأسمائها ,, مسمياات انجليزية ييعني ,, متل النيولوك متلا ,, هاي ممكن يكون فيها تجاوز ,, أما زيادة الشي عن حدو ,, زي ما حكيتي فيس !!! هاي بتجلط جد ,, و هي نوع من المياعة زي ما حكيتي ,, بس مش كل المسطلحات ,, يعني متلا كلمة مكياج ,, جلس ,, أوكيه ,, مممممممممممم ,, و كتير غيرها ,, أكتر شي تعون الأزياء ,, لانها هيك وصلتنا ,, أما ازا كنتي بتحكي عن المياعة و الزيادة في الحكي ,, اه أنا معك ,, اللي بتحكي هيك يا بتتخوت أو بتتمايع ,, تسلمي حبيبتي زهور ,, طرحك بمكانو ,, تحيتي لكي ,, :s (43): |
رد: ظاهرة بتجلط
هههههههههههه
هههههههههههههه جد ضحكتيني يا زهووووووووورة والله ما بعرف شو بعتبرها بس مشكووووووووووورة على الموضوع الكوووووووووووووول تقبلي مروري |
رد: ظاهرة بتجلط
اقتباس:
بس انا ما بحكي عن المسميات الدخيلة . هاد شي تاني ومافيها شي المسميات الدخيلة اصلا موجودة باللغة العربية الفصيحة ( متل حاسوب ) هاد اسم دخيل دخل اللغة العربية ومافي مياعة اما انو الوحدة تدخل بكلامها كلمات انجليزي (يعني مش اسماء دخيلة)ويتصير تتمايع وهيا بتحكي ( هاد هوا الي قصدي فيه) بس عنجد اعجبتني مشاركتك ميرسي الك |
رد: ظاهرة بتجلط
اقتباس:
ان شاالله دايما نشوف هالضحكة حبيبتي ميرسي ع مرورك الحلوووو |
رد: ظاهرة بتجلط
شوفي يا زهورهاي تعتبر نوع من التجديد
او الفلسفة يعني متلنا في فلسطين لما نحكي بعض بعض الكلمات العبرية متل بسيدر او لو او لاما يعني هيك شغلات فكرتك كتير حلوة و انا بحييكي عليها |
رد: ظاهرة بتجلط
الصراحه الموضوع حلو..
بس شوفي حبيبتي يعني انا وحده من الناس في كلمات انجليزيه بتدخل بالحكي الي بحكيه..بس لانو تعودت هيك وانا من كتر حبي للانجلزي صرت احكي بالانجلزي..بس انا معك انو في بنات بحكوا بدلع ومياصه..بس مو الكل.. ويسلموووا حبيبتي ع الموضوع الحلو... |
رد: ظاهرة بتجلط
حقيقة انا بحس انو اللي بتحكي هيك مايصة..ومغرورة..وبكون نفسي اطخها قبل ما تكمل حكيها
شكرا كتير ع الطرح المميز.. تقبلي مروري |
رد: ظاهرة بتجلط
هههههههه زوزو انا هيك
وخاصه لما اعصب او استعجل بصير ارطم انجليزي بدون وعي هديك المره بحكي انا وبابا وكا يحكيلي مواقف عن الجامعه والعسكريه وهيك شغلات صرت احكيلو طبعا يا بابا هاي الذكريات روت انا يور هارت قبل يور مايند نسي الموضوع وصار يضحك ميرسي يا زوزو ع الطرح الرائع للموضوع الرائع |
رد: ظاهرة بتجلط
اقتباس:
|
رد: ظاهرة بتجلط
هادا الموضوع للصبايا ^ ^
|
رد: ظاهرة بتجلط
اقتباس:
:matrix: اه هاد باخد ذنوب اللي بيحكنو ,, من كتر ما بتهزا عليهن ,, هههههههههه ,, :b: بس كمان ما بدنا نظلم كل البنات ،، يعني أنا كتيير بحكي انجليزي ,, بس مش بهاي الطريقة ,, صدقيني بيبين ,, ازا كانت بتتمايص و لا بتحكي لانها هي هيك ,, تحيتي الك زهرورة ,, :s (43): |
رد: ظاهرة بتجلط
اقتباس:
اما العبرية بعتبرها عادي واصلا بحب اسمع حد بيحكي عبري اما الانجليزي في ناس بيحكوها بمياعة وهاد الي بجلطني اخ امير انا كمان بحييك ع المرور المميز |
رد: ظاهرة بتجلط
اقتباس:
يعني اللغة العربية لغة ما الها مثيل احنا ليش نتخلى عنها بكل سهولة وندخل لغة تانية ما بتسوى المفروض نفتخر بهيك لغة بكفي انها لغة اهل الجنة والقرآن بس احلى شي مرورك بهالصفحة ما ننحرم |
رد: ظاهرة بتجلط
اقتباس:
هههههههههههههه نفسي ... انا كمان بصير نفسي اطخ الي هيك مشاركتك حلوة كتير منوووورة |
رد: ظاهرة بتجلط
اقتباس:
هههههههههههههههههه والله يا روان عليكي حركات بضحك هههههههه أسعدني مرورك الرائع ما ننحرم من هالطلة |
رد: ظاهرة بتجلط
اقتباس:
ومشاركتك اكيد بتهمني ورايك كمان منور |
رد: ظاهرة بتجلط
اقتباس:
هههههههههههههههه صح كلامك ممكن تكون خفيفة عند بعض البنات وبدون مياعة حبيبتي عسولة شرفتيني بأحلى مرورين |
رد: ظاهرة بتجلط
في مشكلة في الانتماء وفقدان الهوية اختي الكريمة ..
والموضوع أكبر من الكلمات .. في مشكلة باللبس والمظهر ومشكلة بالتفكير وكمان مشكلة بطريقة الكلام .. الموضوع طويل .. الله يهونها ... |
رد: ظاهرة بتجلط
عفكرة ^_^
جابو برنامج عنوا في العربية الظاهرة هادي اسمها ( العربيزي ) ع العموم حالها مثل حال الكل هالأيام ،، والله يطهرنا من سخاف العقول (: احترامي |
رد: ظاهرة بتجلط
هي جهل قبل انا تكون مياعه وفلسفه .,!
لانو لو كانو بعرفوا قيمة اللغه العربيه (لغة القران الكريم) كان خجلوا يتطرقوا لمصطلحات اجنبيه ., موضوع مهم ., شكرا ., |
رد: ظاهرة بتجلط
هههههههههههههههه................بعت برهل فلسفه...........يعني بعرفو انجليزي ............
|
رد: ظاهرة بتجلط
اقتباس:
بكل شي صارو يقلدو الاجانب دايما هيك العرب .. اخي خير امة شرفني مرورك ومشاركتك الحلوة بتمنى تعيد الزيارة هههه منور |
رد: ظاهرة بتجلط
اقتباس:
هاي اول مشاركة الك في مواضيعي ماننحرم ميرسي عالمشاركة الحلوة |
رد: ظاهرة بتجلط
اقتباس:
منورة الموضوع بهالمرور الحلو ما ننحرم من هالطلة |
رد: ظاهرة بتجلط
اقتباس:
اه والله شكرا الك ع المشاركة الحلوة ما ننحرم |
| الساعة الآن 10:30 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas