منتديات شباب فلسطين - هل الطيبة ضعف !!

Deprecated: Assigning the return value of new by reference is deprecated in /www/wwwroot/shabab.ps/public_html/vb/printthread.php on line 119
منتديات شباب فلسطين - هل الطيبة ضعف !!

منتديات شباب فلسطين (https://shabab.ps/vb/index.php)

- وِجْهـــَةُ نَــظَــرْ (https://shabab.ps/vb/forumdisplay.php?f=44)

- - هل الطيبة ضعف !! (https://shabab.ps/vb/showthread.php?t=27347)

هلــون

11-02-2006 09:24 AM

هل الطيبة ضعف !!

السلام عليكم ورحمة الله وبركاته

http://files.shabab.ps/img-upload/up...8dda741135.gif
هل الطيبة ضعف وتخلف؟؟؟

في الماضى كانت الطيبه والكرم ميزتان يتصف بها الأنسان و لكن ما اراه اليوم فهي نقطه سيئه لو

اصبح الأنسان يمتلكها .. هذا الواقع ..؟؟؟

الطيبة:

صفة محمودة في الانسان بل ومرغوبة

والانسان الطيب محبوب من الجميع ودائما يكون متسامح وغير حقود

لكن القضية هي ان الانسان الطيب في زمننا هذا شخص ضعيف وعديم الشخصية ومتخلف

لماذا تغير مفهوم الطيبة ؟؟؟

لان صاحبها يتصف بالسماحة والشفافية ..

والكثير من الناس يستغلونه لقضاء مصالحهم !!!

http://files.shabab.ps/img-upload/up...8dda741135.gif
للنقاش في هذا الموضوع

1_ هل للطيبة حدود ؟؟؟؟

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

3_ كيف نتعامل مع طيب القلب ؟؟؟

4_ هل اصبحت الطيبة عيب في هذا العصر ؟؟؟

5_ هل اصبحت الطيبة تساوي ضعف الشخصية؟؟؟

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

7_ متى تكون انسان طيب ومتى تكون شرس الطبائع ؟؟؟؟

http://files.shabab.ps/img-upload/up...8dda741135.gif

انتظر ارائكم حول هذا الموضوع

خيـرَ أُمـة

11-02-2006 10:12 AM

رد: هل الطيبة ضعف !!

الأسـألة طويـلة ... لكن حـحاول أختصرها...

الطـيبـة صفة راقـية صفة جمـيلة ... فيـها كـل معانـي التـسـامح والمحبـة الي زرعـها دينـا فينـا...

تخيلي هيلـين لـما قائد يبعث جيـش للحرب ويوصيهم " لا تقتلو شيخا او طفلا او امرأه ولا تقطعو شجر..."

وغيره من أمثـلة الطيبة والتسـامح الي أمر بيـها دينـا...
لكــن بحدود ...

تخيلوا لمـا سمع الرسول بطفل يهودي يموت كيـف تجـاهل كل الي عملو فيه اليـهود وراح يدعـو للأسلام ... وأسلم .. ومات..

قـمة التـسامح وقمة الطيــبة...

يعني الطيـبة صفة حميـدة ولنا برسـول اللـه قدوة ...

لـكن المشـكلة بـايامنا هذه انـها مخافـة ربنـا انعدمـت بـين كثيـر من النـاس ... وصاروا يستـغلو الطيـبة الي في بعـض الناس ويوظفوهـا لصالـحهم...

لذلـك الطيـبـة المفروض تـكون مقيدة .. مش مطلقـة -حتحكو أحمد بتفلسف-

طيـب تعـالوا نتفـاهم..
فـي حقوق و واجبـات

مـثلا الحيـاة الزوجية ... مـمكن ان تصل الطيـبة الى أبعد الحدود .. لكــن ايضا مقيـدة فهنـاك محرمـات ... لـو فرضنا أن الزوج يزني والزوجة أكتشفت ذلك .. هنـا لا مكـان للطيبة لأنه في مخـالفـة لشرع اللـه ...
طيـب نفرض ان الزوج قرر منعهـا عن زيـارة أهلهـا هنا لا مجـال للطيبة والتسامح لأنه منعها عن واجب شرعه اللـه..

طيب نفرض ان الزوج طلب منها ان تخـفـف او تـمتـنع عن استعـمال النت مثلا ... هنا الطيبة والتسـامح الهم مكـان .. ومش غلط ...

قال تعالى : (( و الطيبات للطيبين و الطيبون للطيبات )) سورة النور 26

عكـس الطيـبة .. القسوة .. والقسوة منـها قسـوة القلوب ... وقسـاة القلـوب ما بنـصح بالتـعامل معتهم لأنهم وصلو لمرحلة عدم مخافة الله و وقتـها هم على استعداد انهم يعمـلو ايا شيء حتى الحرام .. المهم يوصلو لهدفهم .. ومـا أكثرهم بـيـنا...

رد على سؤالـك اذا كـانت الطيـبة عيـب .. بالعكـس هيـلـين الطيـبة شيء جمـيل و الطيـبـين ناجحيـن بحياتهم سبحان الله على نياتهم يرزقون :-)
وربنـا قال "الطيبون للطيبـات" كمـا ذكرت سـابقـا..

الطيـبة اذا زادت عن حدهـا و قدم صاحبـها تنـازلات منـها مـا يخالف الشرع شيء طبـيعي تتحول لضعف..
لكـن الفرق كبيــر بـين الطيـبة وبـين ضعف الشخصية .. ضعيف الشـخصـية مستـعد أن يتنـازل عن الكـثير حتى عن ثوابـت وأساسـيات .. أمـا الطيب فاذا تـنازل .. فبكون بتنـازل عن ثـانويات .. قابـلة للـتغيـر...

بالنسـبة للتـعامل مع النـاس ... الطيـبة مطلـوبة .. لـكن المهم نعرف متى نحكي "لا" ... ومـتى نعترض...

مـتى أكون طيب ومـى شرس... الطيـبة يـا هلون مش بس مع النـاس ... الأصـل نكون طيبـين مع انفسـنا...
أعطيكي مثال صار قبل فترة معي.. وربنا سلم :-)
صارت مشكلة في الشركة بنظام معين واحدى الخدمـات توقفت .. وبدأ الكل يرمي التهم على الأخريـن حتى وصلت لعـندي... هـل من الطـيبة أن أتحمل مسأولية غيري .. لذلك انا كنت طيب مع نفسي ودافعت عنها بشراسة :-)
مــش من الطيـبة انـي أورط نفسـي ... هنـا صار اسمـها ضعـف شخصيـة.. لأنـي اتنـازلت عن حق مـن حقـوقي..

أسف على الاطالــة ...

ان شاء الله أكون فدتك هيليـــن..

أحمد

هلــون

11-02-2006 10:48 AM

رد: هل الطيبة ضعف !!

احمد أجوبتك حلوة ..

في كتير بهل الايام بنسمع عنهم طيبين .. وفعلا بستغلوا طيبتهم كتير ..

وهاي مشكله كبيرة ,, في ناس بتتورط بمشاكل بسس طيبتها .. انا هون بسميه ضعف ..

الطيبه انو الواحد يتعامل بطيبة وبلا حقد وكراهية .. بس يعرف في مواقف الطيبة فيها ما بتنفع بلمرة ,,

يعني كتير بتصير مواقف وبحكوا ما هوي طيب اكيد رح يوافق .. ما هوي طيب اكيد رح يعطيني هالشي !!

يعني الطيبة فبعض الاحيان .. صفه مو منيحة .. وبتأثر على ناس كتير .. وبستغلوها ..

يسلمو أحمد عمشاركتك الحلوة .. ويا رب دايما انكون من الطيبين ..

http://files.shabab.ps/img-upload/up...8dda741135.gif

احترامي

عاشق البندقية

11-02-2006 11:32 AM

رد: هل الطيبة ضعف !!

اقتباس:

1_ هل للطيبة حدود ؟؟؟؟

طبعا, واذا تجاوزتها تصبح غباء وبلاهة..

اقتباس:

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

لا بالعكس انا بحترمه ..
وصحابي دايما بحكولي.
"المشكلة انت قلبك طيب.."
وهاي عقدتي بحب اساعد صحابي ولو كان على حساب مصلحتي..

اقتباس:

3_ كيف نتعامل مع طيب القلب ؟؟؟

زي باقي الناس..ما في فرق..
بس طبعا مع مراعاة النقطه الاولى..

اقتباس:

4_ هل اصبحت الطيبة عيب في هذا العصر ؟؟؟

للاسف ..

في معظم الاحيان ..

"نعم"

اقتباس:

5_ هل اصبحت الطيبة تساوي ضعف الشخصية؟؟؟

ليس بالضرورة..

احيانا الطيبه تولد الهدوء..
والهدوء يولد الوقار والاحترام..

والاحترا غير عن ضعف الشخصية..

^_^

اقتباس:

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

اولا..يحترم اللي قدامه..
اللي قدامه بيحترمه..

تانيا..لا يتدخل فيما لا يعنيه ... فلا يلقى ما لا يرضيه..

ثالثا.. واحسن شي...
انو ينتقي صحبته... ويبعد عن الزعران والمولدنين..

وبس..

اقتباس:

7_ متى تكون انسان طيب ومتى تكون شرس الطبائع ؟؟؟؟

حسب الوضع والموقف اللي انا فيه ...
صحيح انا طيب بس لما انخنق..
بيطلعلي وج تاني..
ههههههههههههههههههه

يسلمو هلون...
موضوع كتيير حلو..

فراشة

11-02-2006 01:57 PM

رد: هل الطيبة ضعف !!

انا هرد اول بعدين اقرا الردوود عشان ما اتأثر برد حد ....

1_ هل للطيبة حدود ؟؟؟؟

اه طبعا لازم يتحكم فيها حسب الموقف المناسب .. مو يخلي الناس تستغل طيبتوو

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

هالاياام الطيب ضايع حقه ..

3_ كيف نتعامل مع طيب القلب ؟؟؟

انا قلبي طيب جدا وبشوف الناس كلها متلي ... وبعملهم متل ما بيعاملوني والمنيح بكون احسن منوو والسيئ بتجنبوو وببعد عنه ....

4_ هل اصبحت الطيبة عيب في هذا العصر ؟؟؟

اه والله واكبر عيب .... عشان في ناس بيستغلووه واول كلمه بتنحكى عن الطيب ...( يا حرام اهبل على نياتوو) صح ولا لأ ؟؟؟؟؟

5_ هل اصبحت الطيبة تساوي ضعف الشخصية؟؟؟

اذا كانت زياده عن اللزووم اي ....

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

انا كانت عندي صديقه طيبه بهبل ... زياده عن اللزوم لدرجة انهم كانوو يستغلوها ...وكانت تحكيلي ايش اعمل عشان اخلي الناس ما يلاحظوو طيبتي .. جبتها عندي واعطيتها درووس في التوحش .. صارت الف الف ...ههههه

7_ متى تكون انسان طيب ومتى تكون شرس الطبائع ؟؟؟؟

اذا رأيت انياب الليث بارزة فلا تظن ان الليث يبتسم .....

حلو اسئلتك هلوووون يعطيكي العافيه

لولو اليبناوية

11-02-2006 02:16 PM

رد: هل الطيبة ضعف !!

عاشق الحرية

11-02-2006 04:03 PM

رد: هل الطيبة ضعف !!

في ايامنا

ان لم تكن ذئب اكلتك الذئاب

للاسف هاي حياتنا الحالية

والواحد بيضطر يكون ذيب ومتوحش احيانا

لانو الطيبة بتتفسر بحالة ضعف مزمن

بس بعين الله .....

عجبي ع الزمن ... ولا مش هيك توقيعي?

احلى رورو

11-02-2006 04:36 PM

رد: هل الطيبة ضعف !!

بالعكس ما في احلى من الطيبة

هلــون

11-02-2006 07:40 PM

رد: هل الطيبة ضعف !!

عاشق البندقيه .. اجوبتك حلوة ,, يسلمو كتير

والله يعينا من وجهك التاني يا أمي انا من هلأ خفت

http://files.shabab.ps/img-upload/up...8dda741135.gif

هلــون

11-02-2006 07:45 PM

رد: هل الطيبة ضعف !!

اقتباس:

انا كانت عندي صديقه طيبه بهبل ... زياده عن اللزوم لدرجة انهم كانوو يستغلوها ...وكانت تحكيلي ايش اعمل عشان اخلي الناس ما يلاحظوو طيبتي .. جبتها عندي واعطيتها درووس في التوحش .. صارت الف الف ...ههههه

هههههههههههههههههههه

طيب بدي ابعتلك هالبنتين كمان .. بلكي اتوحشوا علا ايديك ههههه

يسلمو حبيبتي .. بس فعلا الطيبه ببعض الاحيان بتكون سبب ازعاج

وبتكون مصيدة للكل ..

هلــون

11-03-2006 08:43 AM

رد: هل الطيبة ضعف !!

تسلميلي لولو علا اجوبتك الحلوة ,,

هلــون

11-03-2006 08:45 AM

رد: هل الطيبة ضعف !!

اقتباس:

المشاركة الأصلية كتبت بواسطة ابن الجليل (المشاركة 353519)

فعلا يا عمو هيك حال الدنيا

بس الطيبة ضرورية ..

ايام كتير الوحد بدو يقسي لبو ويتوحش .. بس بلائيها مش مستاهله ..

بعين الله ..

وغير توقيعك مو لابئك :icon8:

بلبئك اكتب يا قلمي

هلــون

11-03-2006 08:46 AM

رد: هل الطيبة ضعف !!

اقتباس:

المشاركة الأصلية كتبت بواسطة ابن الجليل (المشاركة 353519)

فعلا يا عمو هيك حال الدنيا

بس الطيبة ضرورية ..

ايام كتير الوحد بدو يقسي قلبو ويتوحش .. بس بلائيها مش مستاهله ..

بعين الله ..

وغير توقيعك مو لابئك :icon8:

بلبئك اكتب يا قلمي

هلــون

11-03-2006 08:47 AM

رد: هل الطيبة ضعف !!

يسلمو رورو . فعلا حلوة الطيبة بس بأوقات ,,,

- أبوالوليد

11-03-2006 09:56 AM

رد: هل الطيبة ضعف !!

انا بختصر اجابة لكل الاسئلة مرة وحدة
الطيبة شيء جميل جدا في الإنسان ما لم يتعدى حدود كرامته في تعامله مع الآخرين ولا تنسوا أن رسولناصلى الله عليه وسلم يقول ( إن الله طيب لا يقبل إلا طيبا ) ........... فمن قبله الله وأحبه أحبب الناس فيه
ولكن هناك أمور حساسة جدا لا يستطيع الإنسان التعامل معها بليونة

أمير الأحزان

11-05-2006 01:06 AM

رد: هل الطيبة ضعف !!

1_ هل للطيبة حدود ؟؟؟؟
نعم

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟
اصفه بالسماحة والشفاقية ولكن ليس دائما

3_ كيف نتعامل مع طيب القلب ؟؟؟
بمثل ما يعاملنا به ولكنه رااي الخاص ولكن اغلب الناس يعاملوه على انه ضعيف

4_ هل اصبحت الطيبة عيب في هذا العصر ؟؟؟
نعم اكبر عيب

5_ هل اصبحت الطيبة تساوي ضعف الشخصية؟؟؟
نعم

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟
يجب انا يتعامل معهم بعيدا عن التمسك بالطيبة في كل المواضيع
وعدم التعامل معهم دائما بالطيبة يجب ان يتعنف قليلا

7_ متى تكون انسان طيب ومتى تكون شرس الطبائع ؟؟؟؟
عندما يكون الانسان المقابل لي يستحق الطيبة والعفو الحنان
شرس عندما اكون مقابل ناس لا يعرفون الطيبة وهم شرسين ويستحقون ان اكون معهم كذلك

موضوعك رائع جدا
كما عودتينا
دمتي بالف خير

فارس فلسطين

11-05-2006 08:43 PM

رد: هل الطيبة ضعف !!

اقتباس:

1_ هل للطيبة حدود ؟؟؟؟

الطيبة ليس لها حدود

اقتباس:

2_ مارأيك بطيبة الانسان وبماذا تصفه هل تصفه بالضعف والتخلف ام تصفه بالسماحه والشفافيه ؟؟؟

لا أصفه بالتخلف والضعف بل أصفه بالسماحة والشفافية وانا طيب لابعد حد ولكن هذا لا يؤثر على شخصيتي بل العكس يزيدها جمالا

اقتباس:

3_ كيف نتعامل مع طيب القلب ؟؟؟

مثل ما بحب الناس تتعامل معي

اقتباس:

4_ هل اصبحت الطيبة عيب في هذا العصر ؟؟؟

عمرها ما كانت الطيبة في اي عصر عيب من العيوب في اعتقادي طبعا

اقتباس:

5_ هل اصبحت الطيبة تساوي ضعف الشخصية؟؟؟

الحمد لله قلبي طيب لكن شخصيتي قوية

اقتباس:

6_ كيف يمكن للانسان الطيب ان يتعامل مع من حوله حتى لا يصفونه بالضعف ؟؟؟؟

من الطبيعي الا تظهر طيبة الانسان مكتوبة على جبهته تصرفه هو الذي يظهر طيبته فيجب عليه ان يظهر طيبته للطيبين مثله وليس للوحوش

اقتباس:

7_ متى تكون انسان طيب ومتى تكون شرس الطبائع ؟؟؟؟

انا طيبتي دايما موجودة الا اذا فرض علي اكون عنيف فاظهر عنفوان يكفي لهدم جبال

وردة حماه

11-07-2006 01:48 PM

رد: هل الطيبة ضعف !!

فعلا هاليومين هدول عم تتفسر طيبة الالب انها بلاهة و غباء و ضعف شخصية
بس برأيي الطيب بهالدنيا هو الكسبان بتسامحو و سعة صدرو ومدى تقبلو للمواضيع شو أحلى من انو يكون الواحد شفاف رقيق ... بس للأسف اندمجت مع كلمة الغباء و صار هلأ اللي بينقال عنو طيب بينقهر و بيعصب لانو معناها بهاليومين هدول انو غبي و على نياتو
بس عن نفسي بحسن فرق و لحد هلأ الحمد لله عاطية لكل كلمة معناها و في فرق كبيييييييييييييير بين الغبي و بين الطيب
بس ببعض المواقف لازم الإنسان يتصرف شوي بقوة و يقسي ألبو للمواقف اللي بدها و خصوصا شي بخصو بحق
يعني يكون قوي بحقانية مو أكتر
شكرا هيلين ع الموضوع... بتمنالك التوفيق يا حلوة

شـهيد

11-07-2006 06:20 PM

رد: هل الطيبة ضعف !!

الطيبه فعلا صارت تعتبر ضعف.. و ازا بدك بعتبرو هبل " اسف على هاي الكلمه"
بس الانسان لازم يكون عندو قناعة بطبيعتو و بتصرفاتو.. يعني لما احكي اني طيب خلص بدي اكون عندي ثقه بالهشي و اكون مقتنع عشان ما يأثر فيي كلام الناس....

صح انو الطيب بيروح حقو,,بس هاي مشكله بالناس مش بالطيب..
والانسان الطيب هاد شي نادر وجوده..

في شغله مهمه انو الطيب بيكون طيب بأسلوبه و بمشاعرو ولازم يكون عندو حرص على حالو بمعنى انو ما يضيعلو حق.. بسبب وجهة نظر الاخرين للطيب..
والمفروض إنا نتعامل مع الطيب على اساس طيبتو,,,

بصراحه شغلة الطيبه موضوع حساس و شي مهم أنا نلتفت إلو...

يسلمو هلين... موضوع جميل جدا...

هلــون

11-12-2006 08:32 PM

رد: هل الطيبة ضعف !!

اقتباس:

ابو الوليد .. فعلا كلامك منطقي ..

هناك امور حساسه يجي التعامل مها بليونه !!

يسلمو لمرورك ابو الوليد

هلــون

11-12-2006 08:33 PM

رد: هل الطيبة ضعف !!

اقتباس:

امير الاحزان اجوبتك روعه ..

يسلمو لمرورك !!

هلــون

11-12-2006 08:35 PM

رد: هل الطيبة ضعف !!

اقتباس:

فارس فلسطين .. دمت فارس ..

الطيبه الها حدود مع الكل .ولازم الواحد يتحكم بعواطفوا . يسلمو كتير !!

هلــون

11-12-2006 08:36 PM

رد: هل الطيبة ضعف !!

اقتباس:

وردة حماة .. ردك روعه .. تسلمي حبيبتي ..

والله يبعد عنك الطيبه الازمة .. لانو جد متعبه وممكن اتدمر ناس من وراغلاف الطيبه !!

هلــون

11-12-2006 08:38 PM

رد: هل الطيبة ضعف !!

اقتباس:

شهيد .. كلامك فعلا منطقي .. والطيبه اناكمان بعتبرها هبل .. وانا بحكو عني كتير هبله :( ..

يسلمو شهيد عردك المميييز !!

الساعة الآن 11:04 AM.