|
جامعة الأزهر تفصل 11 طالبا الخارجين عن القانون
]جامعة "الأزهر" بغزة تفصل 11 من الطلبة الخارجين عن القانون وتعلق الدراسة حتى إشعار آخر
غزة- المركز الفلسطيني للإعلام أعلنت جامعة الأزهر بغزة استمرار تعليق الدراسة والعمل بالجامعة حتى إشعار آخر لحين اتخاذ الإجراءات القانونية من قبل الجهات الأمنية الرسمية المختصة بحق المعتدين على أعضاء مجلس الجامعة. جاء ذلك عقب عقد جلسة طارئة لمجلس الجامعة يوم أمس (14/10) ناقش فيها كافة الجوانب المرتبطة بالاعتداء على الجامعة، حيث اتخذ قراره بالاستمرار في تعليق الدراسة والعمل. وعبر مجلس الجامعة في بيان له عن أسفه لعدم استئناف الدراسة بالجامعة، معرباً عن أمله بأن يتم اتخاذ الإجراءات القانونية اللازمة في محاسبة المعتدين على الجامعة وحرقها، وإيقافهم والتحقيق معهم، وتحقيق العدالة بما يضمن استئناف الدراسة في جو يسوده النظام والهدوء، ويضمن للعاملين وطلبتها جوا من الاستقرار والطمأنينة. وناشد كافة الجهات الرسمية في السلطة تحمل مسؤولياتها. وأكد البيان أن مجلس الجامعة فتح تحقيق بخصوص المعتدين على الجامعة، وعلى رأسهم الأحد عشر معتديا الذين تم التعرف عليهم، وتشكيل لجنة متابعة لتلك القضية، مشددا على ضرورة قيام الشرطة والأجهزة الأمنية بتوقيف من تم إرسال أسمائهم من المعتدين والتحقيق معهم والتعرف على كافة المعتدين وإنزال العقوبات اللازمة بحق كل من تثبت إدانتهم وفقا للقانون. وشدد على ضرورة أن يكون القانون هو سيد الموقف وألا يكون هناك احد فوق القانون. وناشد كافة الهيئات والفعاليات الوطنية والمؤسسات الرسمية والعامة والمواطنين التضامن مع جامعة الأزهر بغزة لتتمكن من أداء رسالتها الأكاديمية والتربوية على أكمل وجه. يذكر أن الجامعة شهدت هدوءاً نسبيا خلال الأشهر الماضية حيث عين د. عدنان الخالدي رئيساً لها، بعد أن تكرر إغلاقها لكثرة المشاكل والاحتكاكات وعمليات الفوضى داخل حرم الجامعة. وكان آخر الاعتداءات قيام أحد الطلبة الخارجين عن القانون بطعن الطالب باسم مصطفى السلول داخل حرم الجامعة، كما اعتدى عدد من أفراد حركة الشبيبة الفتحاوية على رئيس الجامعة وأعضاء من الهيئة التدريسية والإدارية في الجامعة، وطردوهم خارج الحرم الجامعي. من جهته أدان مركز حقوقي في غزة، يوم أمس الجمعة، بشدة اعتداء مجموعة من الطلبة على حرم جامعة الأزهر في غزة. ودعا المركز الفلسطيني لحقوق الإنسان، في بيان صحفي، إدارة جامعة الأزهر إلى مراعاة القانون في تدابيرها وإجراءاتها العقابية بحق الطلاب والخريجين الذين يثبت تورطهم في الاعتداء على حرم الجامعة، معتبراً أنها حادثة غير مسبوقة، تندرج في إطار سلسلة من الأزمات والمشاكل التي تعصف بجامعة الأزهر، وحالة التدهور الشاملة التي يشهدها قطاع غزة في ظل تزايد الاعتداءات على سيادة القانون واستمرار مظاهر الانفلات الأمني. ودعا المركز السلطة ممثلة بالنائب العام، بالتحقيق في الاعتداء وتقديم المتورطين فيه للعدالة، كما طالب بوقف تدخل الأجهزة الأمنية في عمل الجامعة. وقال المركز: إن مجموعة من الأفراد، بينهم عدد من طلاب الجامعة وخريجيها اقتحمت اجتماع مجلس جامعة الأزهر، وقامت بالاعتداء على رئيس الجامعة الدكتور عدنان الخالدي، وعدد من النواب وعمداء الكليات، وبعض العاملين بالجامعة، وتحطيم الأثاث المكتبي، وأجبرت رئيس الجامعة على مغادرتها. ووفقاً لتحقيقات المركز، فانه في حوالي الساعة 10:45 من صباح يوم الثلاثاء الموافق 11/10/2005، وأثناء الاجتماع الأسبوعي لمجلس جامعة الأزهر، فوجئ المجتمعون باقتحام مجموعات من الشبان يقدر عددهم بنحو 50 شاباً لمكان الاجتماع، حيث اعتدوا بالضرب على المجتمعين وقاموا بتكسير الأثاث، وأخرجوا الجميع بالقوة من غرفة الاجتماع واقتادوهم أمام الطلبة إلى خارج الجامعة، بمن فيهم رئيس الجامعة. وذكر المركز أن الكثير من المعتدين كان من خارج الجامعة، وأن عدداً منهم كان من أفراد الأجهزة الأمنية التابعة للسلطة. وأشار التحقيق إلى أن الاعتداء وقع على خلفية توجيه عميد شؤون الطلبة في الجامعة إنذاراً لأحد الطلاب بعدم التواجد في الأماكن المخصصة للطالبات، إلا أن الطالب المذكور رفض الانصياع لقوانين الجامعة، وهدد العميد بالقتل. وأضاف أنه سبق لحظة الاعتداء على اجتماع مجلس الجامعة، مطالبة ثلاثة من المعتدين لرئيس الجامعة بعدم فصل زميل لهم من الجامعة، إلا أن رئيس الجامعة رفض مطالبهم وأكد أن التعامل مع الطالب المذكور سيتم وفق الإجراءات القانونية. وأعلنت إدارة الجامعة عن تعليق الدراسة يوم الأربعاء الموافق 12/10/2005، والذي يليه يومي عطلة أسبوعية في الجامعة. ووفقاً لرئيس الجامعة، فإن مجلس الجامعة اجتمع لدراسة الموقف في وقت لاحق، واتخذ عدة قرارات عقابية بحق المعتدين من الطلبة وخريجيها، وإحالة القضية إلى النائب العام لاتخاذ ما يلزم بحق كل المتورطين في هذا الاعتداء وتقديمهم للعدالة وإخضاعهم إلى سلطة القانون. وعلم باحث المركز الفلسطيني لحقوق الإنسان أن مجلس الجامعة قرر فصل 11 طالباً، وسحب شهادات التخرج من عدد من خريجي الجامعة الذين شاركوا في الاعتداء، كما تم إحالة أسماء المعتدين من خارج الجامعة إلى النائب العام لاتخاذ الإجراءات القانونية ضدهم. |
مشاركة: جامعة الأزهر تفصل 11 طالبا الخارجين عن القانون
هههههههههههه ومين أكل الخازوق ~ الا احنا الي صرنا زي الولايا قاعدين في البيوت يلا خلينا نأجز |
مشاركة: جامعة الأزهر تفصل 11 طالبا الخارجين عن القانون
هههههههههههههههه .. يا مساكين .. الجامعة كمان محروقة .. من امتى .. يسلمو اخي ابو مهدي ع مشاركاتك |
مشاركة: جامعة الأزهر تفصل 11 طالبا الخارجين عن القانون
من 3 أيام بعين الله اجازة مجانية |
مشاركة: جامعة الأزهر تفصل 11 طالبا الخارجين عن القانون
نيالكم .. عقبال اللي متلنا يا رب .. شكـرا اخي ابو مهدي .. |
مشاركة: جامعة الأزهر تفصل 11 طالبا الخارجين عن القانون
هههههههههههههههه عقبـــــــــــــــــــــ،،،،،،ـــــ ــــــــــــــال المدارس |
مشاركة: جامعة الأزهر تفصل 11 طالبا الخارجين عن القانون
بسم الله الرحمن الرحيم السلام عليكم و رحمة الله و بركاته مرحبا للجميع هادي اول مشاركة الي صراحة انا بالصدفة جاني الموقع و اول ما شفت شفت هالموضوع فحبيت اعقب عليه لقيت في كلمة نيالكم حزت في نفسي كتير هالكلمة نيالكم والله شي بقهر صراحة حزنتوني على حالي يعني هلا موضوعنا صار ينضحك عليه الله ينتقم من اللي كان السبب فعلا هادي اخريتنا القعدة في البيت و الله يعلم متى حنخلص هالقصة و نرجع للجامعة اكتر شي قاهرني قصة التعليق هلا تعليق حتى يعاقبو اللي قائمين على الخطوة الهمجية طيب و احنا الخسرانين فعلا شو مصيرنا ؟!!! زي السنة الماضية رجعنا لقصة التعليقات الله يجيب اللي فيه الخير تحياتي فلسطينية |
مشاركة: جامعة الأزهر تفصل 11 طالبا الخارجين عن القانون
أختي العزيزة فلسطينية أنا بدرس بجامعة الأزهر وانا كتير بتأزم لكن الاخت عم تمزح ما أكتر حابة تخفف علينا من الحزن الي واقع علينا واحنا عم ننتظر انتهاء تعليق الدراسة والله يجازي الي كان السبب وشكرا أختي على تعقيبك نسعد بتواجدك معنا |
مشاركة: جامعة الأزهر تفصل 11 طالبا الخارجين عن القانون
جامعة الازهر من " اسوأ " الجامعات من كل النواحى انا بادرس فيها .. لكن مابنعلق لانى منفصلين عن الجامعه والحمد لله مشكوورين ع الخبر .. لانى ماكنت يومها بالجامعه تحيتى |
مشاركة: جامعة الأزهر تفصل 11 طالبا الخارجين عن القانون
لا الــــــــــه الا الله غلطانة أختي بالعكس من أفضل الجامعات دراسيا وليس اكاديميا على مستوي الوطن العربي الي مخربها انو ما في نظام الي مأتر على الجامعة ومشوه سمعتها احنا طلاب هندسة الكمبيوتر وتكنولوجيا المعلومات ما شايفين الا كل خير من ناحية العلم . الله يجازي الي كان السبب |
مشاركة: جامعة الأزهر تفصل 11 طالبا الخارجين عن القانون
شو ياأخى محود انا بادرس فيها .. بادرس بكلية الطب يعنى منها وفيها وباحكيلك الازهر فاشله على كل المستويات سواء اكاديميا او اداريا او تربويا اوو او ياأخى لانريد ان ندافع عن خطأ هل تقارن الازهر بالاسلاميه لا اعتقد ذلك |
مشاركة: جامعة الأزهر تفصل 11 طالبا الخارجين عن القانون
انا ممكن أقارن الك الأزهر بالاسلامية من ناحية الدراسة والتخصص الي بدرسوا لو تشوفي الكتب الي عم أدرسها وتقارنيها بكتب جامعة الاسلامية بتشوفي الفرق وراح تتفاجئي انهم ما بدرسوا ربع الي احنا ندرسو غير هيك عندهم معظم المنهج باللغة العربية وانا ما بنكر قوة الجامعة الاسلامية بشتى المجالات . لكن توجد منافسة شديدة بينها وبين جامعة الأزهر وما بنقدر انو نقول جامعة الازهر انها فاشلة لأنها خرجت علماء ودكاترة عم بدرسوا في الجامعة الاسلامية . ممكن سؤال (( ليش دخلتي جامعة الازهر مادامها فاشلة ؟؟)) ... |
مشاركة: جامعة الأزهر تفصل 11 طالبا الخارجين عن القانون
مرحبا جميعا الصراحه انا سجلت بالمنتدى من فترة قصيره وما الي مشاركات كتير لكن هالموضوع لازم نحكي لانه بخصنا شخصيا خصوصا اني طالبة بجامعة الازهر اولا بشكرك اخي ابو مهدي لنقل الخبر وان شاء الله بخلص التعليق على خير بالنسبه للاخت نغم الحياه فحابه اقولك انه كلام الاخ محمود صح جامعة الازهر قويه دراسيا ولكن فيها مشاكل الامن والنظام وهاي مشكلتها بس لكن تعليمها قوي واظن حسب علمي اقوى من الاسلاميه زي ما وصف الاخ محمود ومدامك من جامعة الازهر فكيف بتحكي هيك عن جامعتك يعني بعد ما تتخرجي وحد يجئ يقلك جامعة مش كويسه وفاشله هدا بكون قصده انه شهادتك كلام فاضي وما اخدتيها بجدارتك واذا كنت شايفه هيك فأنتي حرة شكرا الكوا |
مشاركة: جامعة الأزهر تفصل 11 طالبا الخارجين عن القانون
ههههههههههههه .. انا شايفة جامعة الازهر منتقلة عنا .. محمود .. انا ممكن اجاوبك ع سؤال اللي موجه لنغم .. هيا بتدرس طب .. والطب مش موجود في غزة الا بالازهر .. الاسلامية لساتها ما فتحت قسم الطب والكل صار يحكي انو الطب تاع الازهر بيقرف الواحد .. وبيعطوا الطالب فوق طاقتوا فيها .. غير كمان انو ما فيها قسم تشريح .. وبيسفروهم ع مصر على ما اظن بالسنة التانية او التالتة .. عشان يطبقوا التشريح .. ع العموم .. الازهر مختلطة .. وهادا بحد ذاتو بينافي شريعتنا .. وتقاليدنا |
مشاركة: جامعة الأزهر تفصل 11 طالبا الخارجين عن القانون
أختي روسانا انتي بتقولي مختلطة لكن تعالي على الأزهر وشوفي الشباب والبنات من وين بيجوا ؟ اول شي معظم طلاب الازهر بكونوا في قاعات المحاضرة والي في الساحات طلاب اسلامية يعني الممنوع مرغوب . بردوا أنا ما بنكر قصة الاختلاط . وقصة الحرمانية في الموضوع . لكن كل انسان مصوان لذاته ---- بالنسبة لدراسة الطب في غزة كتير متعبة والله يعينك عليها . مشكورة أختي روسانا على المرور |
مشاركة: جامعة الأزهر تفصل 11 طالبا الخارجين عن القانون
اقتباس:
الدكتور بييجى وبيعطى رءوس الاقلام ,, وحتى لو كان بيشرح منيح .. بيضل انه خايف مثلا حدا يفجره او يضربه اذا غلط عليه ولا تنسى كتير شباب كانوا يروحوا على مكاتب الدكاترة ويهددوا اذا مانجحوهم .. مااباعرف شو راح يعملوووو.. اقتباس:
وبعدين انا مو من الازهر .. انا بكلية طب فلسطين جامعة ابو ديس فى القدس " هاى جامعتى الاصلية " لكن بما انه الطرق سكرت ... فكانت الازهر فرع لهالكليه هوون فى غزه وبعدين .. كتير اشياء بتنجبر تعملها فى حياتك ومابتكون موافق عليه .. الخيار مو دايما معك هاى رأيى ياأخى محمود.. وبدى اضيف شى بيكفى انه الاسلاميه معترف فيها فى الشرق الاوسط وبشهادتها والازهر لأ ولو كان فى الاسلامية فرع كليتى .. تأكد ماكنت راح اجى على الازهر |
مشاركة: جامعة الأزهر تفصل 11 طالبا الخارجين عن القانون
اقتباس:
حبيبتى لولينا .. اولا هلا فيكى معنا فى المنتدى وبعدين انا لما اتخرج ماراح اتخرج من الازهر راح اتخرج من كليتى ... جامعة ابو ديس وصراحة مابيشرفنى تكون كلمة الازهر على شهادتى |
مشاركة: جامعة الأزهر تفصل 11 طالبا الخارجين عن القانون
يامحموووووووووووووود روسانا كلامك صحيح ... لكن هى كلية طب واحده فى فلسطين كلها .. لكن كان فى فرع فى النجاح والتانى فى غزة .. وطبعا مافى غير الازهر اقتباس:
مافى حدا بيحضر محاضرات غير الى الى ماله" سنند وواسطه " والباقى ضارب طناش وحكاية انه الطلبه الاسلاميه هما الى بيكونوا فى الساحه ... هل انت جد مستغرب ممنوع عندهم يشوفوا اى بنت .. وبعدين يلاقى جامعه فيها كل شى مباح ... شو بدك من هالشباب يعملوووو ياأخى بيضلو شباب .. وبعدين لاتنسى ان شباب الازهر والاسلامية هما اخوانى واخوانك وقرايبناااا انا مقتنعه فى كلمة من كلامى .. وياريت تقتنع ... مو لسبب .. ولكن لان الحق يجب ان يقال عذرا على اطالتى |
مشاركة: جامعة الأزهر تفصل 11 طالبا الخارجين عن القانون
أختى الكريمة انا انسان بعرف الحق كويس وانا ما بكابر فالأزهر جامعتي وانا صحتلي طب في اليونان منحة كاملة لكن انا رفضت وحبيت ادرس هندسة الكمبيوتر وتكنولوجيا المعولمات والازهر في هذا المجال أقوى من الاسلامية وخاصة انها ما صارت بالاسلامية كلية هندسة على عكس الازهر أختى الكريمة يمكن السبب الي بدفعك انك تحكي عن الازهر انك ابعدتي عن جامعتك وشوفتي الفرق بين التنين . بعدين بكل صراحة انا راح أفتخر لما تنكتب على شهادتي جامعة الازهر وهيا راح تفتخر فينا ان شاء الله .. لكن مهما صار بتضلها جامعة معترف فيها دوليا (( مش زي ما بتحكي أختي )) النظام الاكاديمي فاشل بكل جدارة لكن لبنة العلم والتعلم موجودة فيها والحمد لله وهذا اكتر ما يهمنا ،، وبكفي انها جامعة فلسطينية وشوفي الظروف الي مرت فيها الجامعة ولسا محافظة على نظام وزمن الدراسة والي صار فيها لو صار بأي جامعة تانية لو ما كملت سنة . وربنا يوفقك ويوفق الجميع . وانا بشكرك جدا على المناقشة الرائعة |
مشاركة: جامعة الأزهر تفصل 11 طالبا الخارجين عن القانون
مرحبا اختي نغم انتي بتقولي انه الاستاذ بعطي بس رؤس اقلام والباقي على الطالب انا شايفه انه هدا هو اساس الدراسه بالجامعه وهيك الكل بحكي الاعتماد على الطالب ومجهوده والاستاذ مجرد مرجع ترجعيله ان احتجتي شي مش هو يشرحلك كل شي واي جامعه بالعالم هيك بتعمل فهذا مش تقيم لتحكي وبالنسبه انه شباب بهددوا الاساتذه فاحنا قلنا انه مشكلة الازهر هي فقدان الامن والنظام بسبب بعض الشباب المتهورين لكن مش كل طلبة الازهر والمفروض انه يسير نظام وما حد يدخل الازهر لا بنات ولا شباب من بره الجامعه وافتكر انه اجت فترة كان ممنوع حد يدخل الا بالكرني وكانت ايامها الجامعه فاضيه حسيتها وهدا بدل على انه عدم النظام جاي من ناس متطفلة اكتر من بعض الاشخاص الي بكونوا بالجامعه وما بستهلوها شكرا |
مشاركة: جامعة الأزهر تفصل 11 طالبا الخارجين عن القانون
يسلمو ابو مهدي على الموضوع وياشباب بلاش مشاكل خلاص انتو ما صدقتو انا بقول انو جامعة الازهر فاشلة وانو جامعة الدول العربية هددت انو تسحب الرخصة منها |
مشاركة: جامعة الأزهر تفصل 11 طالبا الخارجين عن القانون
لا حول ولا قوة الا بالله مالكو على الازهر ياعرب طيب انا بنظري الازهر من افضل الجامعات في الوطن العربي وبالنسبه للمحاضرات والله العظيم انو ما في محاضرة انا حضرتها من اول السنه الا وتكون القاعه مليانه على الاخر قسما بالله احيانا كنت اروح اجيب كراسي من قاعات تانيه علشان اقعد ؟؟؟؟؟؟؟ |
| الساعة الآن 12:18 AM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas