|
{بـاب الـحـارة} أم { بـاب الـريـان}
بسم الله الرحمان الرحيم و السلام عليكم و رحمة الله و بركاته في الصحيحين عن سهل بن سعد أن رسول الله صلى الله عليه وسلم قال : " إنَّ في الجنة باباً يقال له : الرَّيَّان ، يدخل منه الصائمون يوم القيامة ، لا يدخل منه أحدٌ غيرُهم ، يقال : أين الصائمون ؟ فيقومون ، لا يدخل منه أحدٌ غيرهم ، فإذا دخلوا أُغلق فلم يدخل منه أحد " لفظ البخاري . في رمضان تفتح أبواب الجنة كلها ، وهذا يذكِّر بالجنة وسرورها ، فتفتيح أبوابها علامة أمنها وأمارة انشراحها ومَنْ بِها ، قال الله تعالى :{جَنَّاتِ عَدْنٍ مُّفَتَّحَةً لَّهُمُ الأَبْوَابُ }[ص : 50]. هذه منن الله على الصائمين ~ ممكن تحكو شو جاب هالموضوع هون و المشرفين كمان راح يفكرو ينقلوه لقسم جنائن الايمان:ShababSmile221: لكن لا هذا مجرد مدخل لشيء في نفسي؟ اثناء تصفحي لشبكة الانترنت و زيارة العديد من المواقع وجدت ان كل الصفحات تزخم بإعلانات عن إحدى المسلسلات كما يسمونها الرمضانية.. فيا عجبا حتى رمضان زينوه بسمومهم؟؟ {بــاب الــحــارة} هذا هو الذي يتصدر هذا العام الشاشات و الصفحات في قرائتي لبعض التعاليق وجدت ان الاغليبة تقول أن هذا مسلسل يختلف عن غيره~ لا أدري ما وجه الاختلاف؟ فالمسلسل يبقى هو هو إلا من أراد أن يُمَنِّيَ نفسه.. المشكلة التي عاينتها؟؟ المشكلة تكمن في ان العديد يشكو ضيق الوقت و من الانشغال لأسباب كثيرة فبذلك لا يستطيع قراءة ورده اليومي او زيادة عدد ختماته لكتاب الله في هذا الشهر الذي هو شهر القرآن و ليس شهر المسلسلات ناهيك عمن يشكون الهم و الضيق؟؟ سؤالي لما كان لك الوقت في متابعة هذا المسلسل او غيره ولم يكن لك الوقت الكافي لزيادة رصيدك بالاعمال الصالحة في هذا الشهر الذي تعتق فيه الرقاب أم نحن نعيش على التمني فقط؟؟ لِمَ لَمْ تحاول التخلص من همومك و ضيقك بالالتجاء لله في كل وقت بدل التسلية على المسلسلات؟؟ ما ذكرته في اول الصفحة أن باب الريان للصائمين كما يعلم الجميع.. لكن الصيام ليس إمساك عن الطعام و الشراب و غيره؟؟ الصيام صيام جوارح قبل كل شيء.. ففي حديث لرسول الله صلى الله عليه و سلم يخبر أن أبواب الجنة رغم سعتها فسيأتي عليها يوم تزدحم فيه.. ففي صحيح مسلم عن عتبة بن غزوان رضي الله عنه أنه قال : ولقد ذُكر لنا أن ما بين مصراعين من مصاريع الجنة مسيرة أربعين سنة ، وليأتين عليها يوم وهو كظيظ من الزحام } فعلى أي شي نتزاحم نحن؟؟؟؟ أختكم:أمل |
رد: {بـاب الـحـارة} أم { بـاب الـريـان}
بارك الله فيك أموولة عالموضوع المهم
بصراحة ما بتفرج عليه و لا بطيق اسمه وهو مثله مثل غيره أقل شي مضيعة للوقت كنا بنقدر نستغله بعمل أفضل بكتير لو قلت لشخص بدي أعطيه حلويات و يأكل منها قد ما بده لكن هذه الحلويات فيها سم حد بيقبل هيك المسلسلات بينبسط الواحد و هو بيتفرج وبكيف و بعد المسلسل بياخد جبال سيئات بانتظار آراء الأعضاء و خاصة اللي بيتابعوه مشكورة أمل كتير |
رد: {بـاب الـحـارة} أم { بـاب الـريـان}
يعطيكي العافية اختي امل
بصراحة المسلسلات كلها واحد والهدف بتاعهم واحد انا بصراحة ما بتابع هاد المسلسل او اي مسلسل بس حضرت اول حلقة من هاد المسلسل كانوا الاهل بيحضروه وفي النهاية استهبلت حالي طيب اقرأ جزء من القران افضل من هاد المسلسل او اروح زيارة رحم والمشكلة بكون ماشي في الشارع بوقت عرضوا والشوارع شبه ان تكون فاضية وكل اصحاب المحلات فاتحين علي باب الحارة حتي البيوت ما بلاقي بيت مش فاتح علي هاد المسلسل ربنا يهدينا مشكورة اختي امل |
رد: {بـاب الـحـارة} أم { بـاب الـريـان}
والله يا اخواني انا مو معكم بالحكي .. يعني انا الحمدلله بقرأ قران وموصله اجزاء ممتازه وبروح صلاة التراويح .. وبشووف باب الحاره :ShababSmile116: ... يعني وين المشكله وشو هي الافكار الي بدهم يدسوها !! مش كل شي الناس تحبه لازم نتعبره مضيعه للوقت ... بالعكس باب الحاره هادي السنه جدا مميز وبرمز كثير كثير للأحداث الي صارت بغزه بصوره او بأخرى ... كلامكم فيه صح انو ليش انا اضيع وقتي على التلفزيون ... اكيد هاد كلام مافيه اختلاف لأنو هاد الشهر للعباده والطاعه ومو لتضيع الوقت على الفاضي يعني اغلب الناس بتلاقيهم من مسلسل لبرنامج الخ .. لكن ساعه زمن على التلفزيون مش راح يكون مقصره بحق ديني .. وبس بالنهايه ياريت المشكله هي مشكلة باب الحاره لهوون انا بقلك الحمدلله انو الناس تتفرج عليه المشكله بباي البرامج التافهه والسخفيه والنمحطه الي بتنعرض برمضان وبوقت مقدس وعلى قنوات بشوفها الصغير قبل الكبير تسلمي امل |
رد: {بـاب الـحـارة} أم { بـاب الـريـان}
اقتباس:
و ممكن يعتبرها البعض مش مضيعة للوقت..لذلك يبقى السؤال و إ لم يكم مضيعة للوقت ماذا استفدنا منه؟؟ ما الشيء الذي سيقدمه اويحققه متباعتنا له؟؟ أنا بحكي هيك لأنو زي ما ذكرت إنو قرأت بعض التعليقات في العديدمن المحطات الي تحكي عن هذا المسلسل بوجه الخصوص أنه يختلف عن باقي المسلسلات؟؟ نسأل الله أن يهدينا سواء السبيل بارك الله فيكي حبيبتي عالمداخلة |
رد: {بـاب الـحـارة} أم { بـاب الـريـان}
:ShababSmile225::ShababSmile225: بصراحه الموضوع كتير غريب مو يعني لأنو الدني رمضان يعني ما تفتحو التلفزيون وبعدين باب الحاره مو مسلسل فاسد و مابوشي غلط والي بدو يقرأ قرأن ولا يصلي اليوم طويل ما اجت على ساعه :ShababSmile240: صح بعدين باب الحاره هاي السنه زي ماحكت haya-jor عن غزه :ShababSmile222: :ShababSmile224:الله يدخلنا جميعا باب الريان |
رد: {بـاب الـحـارة} أم { بـاب الـريـان}
اقتباس:
لكن عنما تحاول نقاش الامر تجدهم يواجهونك بحجج واهية أو رب انهم قد أعرضو عنك.. الله يهدينا بس جزيت خيرا ع المشاركة |
رد: {بـاب الـحـارة} أم { بـاب الـريـان}
يا هلا بالغالية اقتباس:
رغم أنه في هذاالشهر يتوجب على المسلم ان يتحرى الوقت لكي لا يضيعه.. اقتباس:
و الي بدو يعرف عن غزة عرف من وقت الحرب و الي بدو يعرف كمان فيه وسائل ثانية غير المسلسلات! الي بدي احكيه انا هنا ضربت مثال فقط عن باب الحارة لباقي المسلسلات سواء كانت بهذا المعنى الذي تحدتثي عنه او غيره اقتباس:
المسلسلات و غيرها من بعض البرامج هي مصيبة الامة و صار الشخص ما بيقدر يستغنى عنها بالايام العادية و مصيبتها أعظم في رمضان اقتباس:
|
رد: {بـاب الـحـارة} أم { بـاب الـريـان}
اقتباس:
اقتباس:
كود PHP:
يعني لما كان السلف بيستعدو لرمضان طيلة شعبان و لما يجي رمضان أهل العلم و المنابر بيتركو منابهم الي هي منارة لإعطاء العلم و يعتكفو ببيوتهم و بالمساجد على ذكر الله و تلاوة كتابه حتى لا يكونو ممن قيل فيهم {رغم أنف عبد أدرك رمضان و لم يغفر له } يعني هدول أهل العلم فما بال عامة الناس أن يفعلو؟؟ اقتباس:
اقتباس:
|
رد: {بـاب الـحـارة} أم { بـاب الـريـان}
شكراً لك اختي على طرح الموضوع وانا في اكثر من موضوع احاول اقناع الآخرين او حتى الاقتناع بخطر الاعلام
وما يبث في رمضان فعلى أي شي نتزاحم نحن؟؟؟؟ الحقيقة انني عندما ادخل النت يكون في مضيعة للوقت وهذه مشكلة الجميع وبنفسي صلة الرحم اولى فالنت قلل من الحركة والتلفاز قلل من الحركة لتنعدم صلة الرحم بسبب مسلسل فلان او منتدى علان حقيقة بدأت افهم اكثر من قبل ولكن المشكلة هي الادمان فعندما تقول للمدخن اترك الدخان لن يتركه فلا بد من الاقناع فالاعلام هدفه الاساسي تفريق وتمزيق الامة وحتى الاقارب فلا بد منا نحن استغلال النعم فاعتبر التلفاز والنت نعمة عندما نحسن استغلالها بارك الله فيكي ولا تحرمينا من جديدك ولكن لدي سؤال كم من مرة احاول ان اناقش امي في هذا الموضوع وتقول الاهل واعيين يعرفون ماذا يشاهدون ؟ ليس اطفال الله يهدي الجميع |
رد: {بـاب الـحـارة} أم { بـاب الـريـان}
والله احنا ممنوع نحضرها قبل يوم برمضان حذفنا القناة
|
رد: {بـاب الـحـارة} أم { بـاب الـريـان}
رآجعة ارد .. ان شاء الله
بس هلأ بلش بآب الحآرة .. برجع بعد مآ يخلص ان شاء الله :ShababSmile221::ShababSmile221: |
رد: {بـاب الـحـارة} أم { بـاب الـريـان}
انا مش من متابعين المسلسلات عموما .. لكن لو اطلعنا للموضوع من زاوية انو
المسلسلات منتشرة في شهر رمضان بدون حسيب او رقيب .. والسواد الاعظم منها سيء بضل باب الحارة ملتزم وملائم للاسرة .. تسلمي على الطرح .. |
رد: {بـاب الـحـارة} أم { بـاب الـريـان}
انا مو معكم بالحكي
يعني احنا متتعبد ومنعمل كل فروضنا والمسلسل الي عم تحكي عنو انتي يمكن يكون غير المسلسلات لانو بيحكي قصة وطنية مافيها شي من المواضيع الي ممكن تطرحها مسلسلات تانية احيانا المسلسلات بتكون هادفة بعدين ازا قناة المنار الي هي قناة اسلامية بتعرض مسلسلات وطنية الحمدلله منعمل فروضنا ومنتعبد ليش التعقيد بهيك امور مشكورة حبيبتي |
رد: {بـاب الـحـارة} أم { بـاب الـريـان}
والله انا شايفة انو ما في داعي تربطو هاد بهاد يعني احنا اكيد بنتمنى باب الريان ومنسعى بكل جهدنا لنصلو انشاللله
وبنفس الوقت بنحضر باب الحارة وانا بحضرو عادي فما في داعي تربطو هاد بهاد لانو كل شي لحالو ولكل الاعلام متل باب الحارة الي ما بيحتوي ع فساد بالعكس بشجع ع حب الوطن وانا من الي بحضرو ومستعد احضرو لو كان 100جزء وهاد ما بعني انو انا ما بسعى لافوز بباب الريان واصلا اكبر خطا انكو تربطو بين هالبابين ما في وجه مقارنة بين البابين والموضوع من ساسو لراسو مالو لازمة مشكورة ع النشر |
رد: {بـاب الـحـارة} أم { بـاب الـريـان}
بآك .. ~ أول شي ذكرتيني بحآلي يا أمول .. من كم سنة .. كـان أول جزء من بآب الـ ح ـآرة .. وما كنت اتابعه .. وكنت احكي نفس كلامك .. وكمـان كنت مستغربة كتير من شدة إقبآال النآس عليه .. ومدايقه . . بعكس هلأ .. مبسوطه كتير ،، من إقبآل النآس على هيك أعمآل فنيّة .. [ المهم ] .. ندخل بالموضوع .. قبل ما نحكي عن بآب الحآرة في شغله مهمة لازم نتفق عليهآ كلنآ ونذكّر فيهآ .. أنه { الإعلام يا جمآعه } .. ســـلاح فتـــّــآك .. ! سلاح فتآك .. انتبهوآ إله الأعداء .. وحاربونآ من خلالوا اشنع أنواع الحروب .. وللأسف .. وصلوآ للي بدهم يآه .. و 34 أسباب الحآله الي وصـلت إلهآ أمتنا اليوم سببهآ الإعلام وطبعا نحن هـون ما منقصد بس الإعلام الغربي البحت .. لآ أبدا ! في إعلام عربي .. وهو بالحقيقه غربي حآقد بقآالب عربي .. كمـا الخونة والمنآفقين في بلآدنآ تماما ً .. الإعلام بيستطيع أنه يبني أمّة .. كمآ أنه بيستطيع أنه يهدمهآ .. وصلوآ كل شي بدهم يزرعوة في عقول الشباب عن طريق الإعلام .. ونحن لسه لليوم في البعض منآ بيحكي ( التلفزيون حرآم ) .. ! للأسف .. ندخل بالموضوع الأصلي الي هـو عن [ بآب الحارة ] .. وبآب الحارة حصرآ ! بدآية المسلسل .. ذو ميول إجتمآعيه شريفه راقية لأعلى درجة .. بطآبع إسلامي .. ووطني .. المخرج من خلال وصل عدة رسآئل جدآ قيّمة .. نحن فاقدينهآ بزماننآ ( مع إعتراضي على بعض الأمور البسيطة جدآ في المسلسل .. لكن ما بيمنع انه الحسنآت فيه غآلبة جدآ السيئات .. ) .. - واقصد بالسيئات = شرب الأرجيله .. وبعض هآي الأمور .. الي ان شاء الله بتم الانتباه إلهـآ .. - رح أحكي عن بعض المواقف الي قدر المخرج من خلالهآ يوصل هالرسائل المشرفة : * العيله كلهآ وكبآر الحأرة بفيقوآ ع صلاة الفجر .. الأب بصحي ولاده .. والإبن بصحوآ أهلو ..والزوج والزوجه بصحوأ بعض ع صلآة الفجر .. ! * رجل الدين ( شيخ الحآرة ) له مكآنة يتميز بهآ عن أكبر رآس بالحآرة .. يرجع أله بكل الأمور .. حتى العقيد برجعلوآ بالمشورة .. وكلمته كلمة .. ( مش متل زمآننآ .. السلطة حاكمة الشيخ .. وصار الشيخ شريعته من شريعة السلطان وهو بدو يسمع كلمتهم ) .. إلا من رحم ربي .. عدآك عن الإحترام الراقي جدآ لمكآنته .. عدآ عن أنه جايبين انسان ذو ملامح بريئة .. بتعكس الطيبة .. ( وهالأمر إعلآميآ إله اثر كبير .. بحيث أنه بكتير من المسلسلات المحاربة للدين .. بجيبوآ رجل الإسلام بشكل .. بنفر ! ) * أهل الحارة لو اتعرضوآ لمسألة فيهآ شك هل هي مسموحه بالدين أو لاء ما بتصرفوآ فيهآ إلا ليسألو الشيخ .. مثل الفرآن بنتو كانت مريضة والحكيم بدو يشوف رقبتها .. ما قبل يخلي الحكيم يشوف رقبتها إلآ لسأل الشيخ واطمن أنه مش مخآلف للشريعه .. ! * لمآ رجآل الحارة أسروآ الجنـود .. عآملوهم أحسن معآملة .. عالجوهم .. وطعموهم والخ = طبعا كلو مستمد من تعاليم ديننآ بكيفية معآملة الأسير .. وحكى أبو حآتم .. أنه ديننآ أرشدنآ ما نسيء إلهم وإنهم أمآنه بأعنآقنآ .. * لبس النسآء .. المحتشم ,, * دور النسآء ( مع أنه كان في شوي قساوة عليهم بالأجزاء الماضية ) إلا أنه هالسنه في إظهآر جدآ قوي لدور المرآة في الحيآة .. وشو ممكن تقدم لبلدها .. ودينها .. مع محافظتها على إحترآمها لنفسها .. ولبسها المحتشم .. * تصدر قضية فلسطين بعقول رجآل الحآرة .. ومسآعدتهم بتأمين السلاح والخ .. * بعز ّ خلافاتهم بين بعض .. ( الحآرات ) لمآ هجم عليهم العدو .. اتحدوآ وصاروا كلهم إيد وحده .. وقلبهم ع بعض ! وكيف الخآين فيهم منبوذ ويوم الي اكتشفوه .. تم القضآء عليه من أول لحظة ! مش متلنا .. أصبحت الخيآنة وجهـة نظر ! * الصفآت الجميلة .. من حفآظ ع الشرف ,, والنخوة الموجودة بشبآبهم الي للأسف مفقوده عنآ إلا من رحم وبي ! .. * غير أنه هالسنة المسلسل بيعكس أحدآث غزة بكل تفآصيلها .. الي الأمة بحآجة انها تشوف بعينها كيف أهل غزة عميعآنوآ ! وهلم جر من المواقف والرسائل .. الي لو انزرعت بعقول أبنآء أمتنآ .. ليصير حآلنا غير هالحآل .. ,, وبذكر السنة المآضية .. التيآر الديني في سوريآ .. كرّم مسلسل بآب الحارة وكآن عندهم بعض المآخذ ع المسلسل متل قصة النساء .. وهيهآ تم معآلجتها بهالجزء ! ... يا جمآعه الفن رسآاله .. وجزء لا يتجزآ من أدواتنآ الحربية ضد أعدآئنا وكل الوقت منطالب بإعلام بنّاء يرتقي بحآل الأمة .. لشدة تأثيره على عقول الشباب .. بحيث إنهم بحآجه ليشوفوآ قدامهم نمآذج حيّة .. نقوم بس يبلش يتحقق هالشي .. نجي نحآربوآ ؟ عمرو الإسلام ما كان دين قوقعه .. ولا إنغلآق .. .. آمآ ع سيرة أنه بيلهي عن العبآدات فـ هذا مش سبب .. نحن ما منقول الي بيقرأ قرآن بهالوقت بالذات يترك المصحف ويجي يحضر بآب الحآرة .. بس النفس البشريه بحآجة لتغيير جو من وقت للتآني وإذا حلك وبدك تغير جو .. وتشوف تلفزيون ولا بد .. بآب الحآرة .. خير ما يمكن متآبعته من مسلسلات .. ... بعتذر كتير عالتأخير .. بس كآن لا بد من تبيآن لهالأمر .. لأنه غلط كبير نحرم على حآلنآ أمور .. نحن بأشد الحاآجة إلهآ وانا شخصيآ .. كتير بفرح لمآ بلاقي هالإقبال على هالمسلسل .. بفرح أنه في بذور خير بنفوس هالشباب .. ولسه بتعشق النخوة والأصاله .. ! ,, أمول جزيت الخير .. بعرف شو نيتك من ورا هالموضوع .. وسببه غيرتك على دينك .. وابناء أمتك .. ويا أمل .. لو كل إعلامنآ متل بآب الحارة ( عالأقل كبدآيه ) يمكن كنآ ضمنآ بآب الريّآن لأغلب أبنآء الأمة :) .. ( طبعا معنى الكلام ... لأنه بالنهآي كل شي بإيد ربنآ عز وجل ) |
رد: {بـاب الـحـارة} أم { بـاب الـريـان}
انا الصراحة رأيي من رأي نانا ... وما شاء الله .. كفّت و وفّت بالإجابة .. يعني جوابي مش ممكن انو يكون أحسن من جوابها .. الله يبارك فيكي حبيبتي نانا .. والله يثّبتنا على دينه .. أمول حبيبة قلبي .. تسلم ايديكي على الموضوع .. يعطيكي العافية :) |
رد: {بـاب الـحـارة} أم { بـاب الـريـان}
يا هلا بالحبايب
أسعدتوني بتواجدكم و ردودكم والله طبعا إلي رجعة للرد ع كل واحد فيكم كل التقدير و الاحترام |
رد: {بـاب الـحـارة} أم { بـاب الـريـان}
انا تقريبا فهمت ئصد امل
يمكن العنوان {باب الحارة او باب الريان } هو عنوان مجازي وهي بتئصد انو المسلسلات بشكل عام ملهيه ونحنا بأيام فضيله لازم نستغلها بالعباده // منوره امل |
رد: {بـاب الـحـارة} أم { بـاب الـريـان}
اقتباس:
أنا بعتقد إنو هالمسلسل من الأدوات الحربية لأعدائنا ضدنا الرسالة اللي ممكن توصل بهالمسلسل بتوصل بأف طريقة غير:ShababSmile235: مشكورة أموولة:ShababSmile240: |
رد: {بـاب الـحـارة} أم { بـاب الـريـان}
اقتباس:
شو الغلط بهالطريقه ؟ وشو هني الطرق التانيه الي ممكن تكون سريعه وجذآبه متل هيك ؟ .. وليش هالمسلسل ضدنآ ؟ .. شو فيو شي يكون ضدنآ ؟ بس انتبهي اني عمبحكي عن هالمسلسل بالذات .. فعلا الفن مؤخرآ صار أدوات حرب ضدنآ .. بس أمثال باب الحارة صارت أدوات حرب معنآ يا جمآعة خلينآ أوعى من هيك .. ,, بالنسبة لقضية الوقت .. انا مع أمول فيها يا ليآل .. 100 % بس كمـان .. بمآ أنه صار شهر المسلسلات بمفهوم الناس البعيده عن دينا وعاداتنا .. هي فرصة لنخليهم يشوفو هيك مسلسلات بدل غيرآ .. يعني ليش نشوف الجوآنب السيئة القليله بالموضوع .. ونترك الأمور الإيجابية ! نحن عمنحآرب حالنآ بحآلنا ! |
رد: {بـاب الـحـارة} أم { بـاب الـريـان}
ممممممممم
مزبوط حكي نانا 100% |
رد: {بـاب الـحـارة} أم { بـاب الـريـان}
السلام عيكم ورحمة الله
طيب أنا بشوف إنو كلكم متفقين مع ،نـآنـآ، يعني أغلب الآراء لخصت في ردها مشان هيك راح أجاوب على النقاط الي ذكرتها بس قبل هيك بدي أعلق ع كلام الاخت ~همسة العشاق~ اقتباس:
و يا أختي أنا هو ما حكيت عليكي و لا على غيرك أنا عندي وجهة نظر و عرضتها و هذا قسم "جلسة نقاش" يعني للنقاش مش لشي تاني طبعا لا مجال للمقارنة بين البابين بس الي بدي ياكي تعرفيه إنو في لغتنا العربية في اشي اسمو إيحاء انا لما حطيت الموضوع كان عندي هدف منو ..و لو دققتي في الموضوع راح تلاقي هالعبارة{لكن لا ..هذا مجرد مدخل لشيء في نفسي؟} و كل واحد فهم الموضوع ع طريقتو اقتباس:
و ختاما شكرا الك عالكلمة الحلوة الي ختمتي بها ردك:ShababSmile240: |
رد: {بـاب الـحـارة} أم { بـاب الـريـان}
الله يعافينا من داء باب الحارهـــ،،
و يكفي أن نأتي من ناحيه شرعيه ::العديد من العلماء و المشايخ حرمو مثل هذه المسلسلات و أقنعوا بالأدله،، و الله يهدينا و إياكم إلى طريق الحق و الصواب،، |
رد: {بـاب الـحـارة} أم { بـاب الـريـان}
يا عمي ادعي على ابوشهاب يموت وخلاص وبهيك بينتهي المسلسل الله يلعنك يا نمس انت الشبب شباب ما توجعوا روسكم بالله للاخت الي بتقول بيحكي عن احداث غزة هو المسلسل ما اله بغزة بالمرة هو اله بس بالشام وكمان الي بيحكي مش مضيعه للوقت (ما بكي أهل الجنة على شيء كمان بكوا على ساعة لم يذكروا الله فيها ) انا زهقت حالي من باب الحارة بدخل النت بيطلعلي ابو شهاب بدخل الايميل بيطلعلي النمس صار الشباب بيحطوا نك نيمات وصور لباب الحارة اي حتى المحلات وصالونات والمنتجات صارت باب الحارة مش ملاحظين اشي انتو بالله طيب قناة اmbc بتقدم برامج كتييير فاسدة جدا وهي اشبه بضدك الاسلام لانه هي الراعية لبرنامج طاش ما طاش وايضا برامج عدة واكتر البرامج فاسدة أخلاقيا شو معنى جايبين باب الحارة يحكي عن الوضع الشامي والحاجات الحلوة الي ببالكم بالعكس باب الحارة افسد مسلسل صار على هالقناة الفاسدة الناس بطلت تتحمل بعض وصارو يحملو شبريات على بعض ويتشبهوا بفريق باب الحارة من ناحية الطبع وكمان اهل سوريا ما بيحبوا للي بباب الحارة لانهم بيقولوا احنا مش هيك ما بنتقاتل هيك على الطلعة والنزلة وما بنحسب على بعض شبريات هذا كله موجة اعلامية أفسدت اخلاق الكبير قبل الصغير ونصيحة للاخوة يعني اذا بدك تفرفش وتروح عن نفسك ساعه بلااها باب الحارة اشرب ببسي واقعد على قيمزر ولا شباب فلسطين هههههه انا الحمد لله التلفزيون ما بعرفله اشي لكن النت والكمبيوتر فلتة فيه انا صارلي كم سنة ما بقعد على التلفزيون وان شاء الله راح يتم اعدامه لانه دمر حياة العائلات سلام |
رد: {بـاب الـحـارة} أم { بـاب الـريـان}
اقتباس:
طيب انا أصلا ماكان عندي فكرة إنو الو أجزاء قبل هاد بس تبع هالسنة انتبهت الو من خلال الضجة الاعلامية الي رافقتو.. اقتباس:
اقتباس:
يعيني الحلال بين و الحرام بين و بينهم شبهات و فيه الي بيحب يتقي الشبهات.. اقتباس:
بس الي انتي ذكرتيه كثير حلو و فيه تغيير للنمط المعهود بالمسلسلات.. لكن؟؟ اقتباس:
طيب اسمحيلي أحكي رأيي هون يا ننوش وجهة نظري تختلف عن وجهة نظرك في مسألة إنو ممكن تكون المسلسلات سلاح إعلامي ضد أعدائنا ليش؟؟ هو امتى نحنا كنا نخرج بفايدة من المسلسلات؟ يعني إنتي بتحكي إنو ممكن يكون الو تأثير على الشباب..بس للأسف نحنا مجرد مستهلكين . كم سنة مرت و نحنا بنتابع مسلسلات و أفلام..شو يلي اتغير؟؟ و إذا كان الو تأثير بس تأثير لحظي بمجرد ما يخلص كل واحد بيرجع إلى سابق عهده..و بانتظار مسلسل جديد؟ وين الفايدة يعني ؟؟ امتى حولنا الي عم نتابعو لقاعدة عمل و كان الها وقع المجتمع؟ مثلا نحنا بنشوف كثير مظاهر حلوة أخلاق و دين و هيك ..بس مين إلي طبق ع حالو ؟؟ و هون مصيبتنا مجرد استهلاك دون انتاج لما شفنا برنامج خواطر عن اليابان عرفنا ان سبب نهضتهم و تطورهم كان العمل..العمل الدؤوب و الاستمرار على تطبيق منهج مقرر قدرو يوصلو بيه لي بدهم ياه.. بس نحنا بنحاول نملي اوقاتنا بأي شي رغم إنو نحنا أحوج إلى كل دقيقة من وقتنا و حال الأمة لا يحتاج تفصيل؟؟ يعني أمتنا ما راح تنهض بباب الحارة أو غيرها إنتو حكيتو إنو بيعرض أحداث غزة بشكل غير بيوصل للناس كيف كانو أهالينا هناك بيعانو؟؟ طيب أعطكي مثال : أنا عايشة بأبعد نقطة عن غزة و فيه كثير غيري بس عرفنا أدق التفاصيل ع الي بيجري هناك و شفنا كيف الناس كانت بتعاني و كانت فيه محاولات للدعم ايضا يعني الناس مو محتاجة تنتظر من باب الحارة ليجي يصور الها الواقع هناك و فرضنا إنو عم يوصل ..طيب في نظركم شو المستفاد يا ترى راح يكون فيه عمل لتقديم شي لغزة الان وانتم أدرى بالوضع هناك؟؟ أو بس نحنا راح نضل دايما نبكي على الاطلال؟؟ اقتباس:
اقتباس:
اقتباس:
و ما فيه حدا بيمنع انو يكون فيه للشخص فسحة فمن اصول ديننا ان يكون الامر كذلك بل حث عليه لأنه فيها تجديد للايمان و رفع للهم..بس هناك فرق بين فسحة و فسحة؟؟ اقتباس:
بس بدي أعلق ع هالكلمتين بس بصفة شخصية يعني بحكي عن حالي و ليس بلسان أحد: أنا بشوف إني ما حرمت نفسي من شي بس بعمل الي بشوفو في صالحي و مش شايفة إني بحاجة إلو كغيره لن يقدم و لن يؤخر..وزي ما ذكرت قبل مجرد استهلاك بدون إنتاج لا اقل و لا اكثر اقتباس:
حبيبتي ننوش الله يرضى عنك يا رب و يسعدك ع المشاركة الطيبو و ايضاح مجموعة من الاشياء اقتباس:
يعني بدنا نخرج بخلاصة عمل ..مش بس مجرد ما يخلص .نكتفي بالتعاليق و ما فعل هذا و ما ترك ذاك // و ختاما يا جماعة أنا لما كتبت العنوان ما حكيت إنو الي بيحضرو المسلسل حرمو من {باب الريان} هاد علمه عند ربي بس زي ما ذكرت قبل {لحاجة في نفسي} و هيي إنا نوصل لنقاش معقلن و عملي الله يرضى عنكم يعني حضورك او عدم حضورك الو مش هو الي راح يضمن لك باب من أبواب الجنة ..الله وحدو الي عالم بالنيات و الاعمال ..مافيه حدا يقدر يحاسب حدا لأن كل واحد الو من الاخطاء الي ربنا وحده كفيل بسترها عن العباد ولو الانسان مهما عمل بيضل عايش ع امل انو ربنا يجعلو من الفائزين برحمته و ليس بعمله هو كعبد سعدت بنقاشكم و طبعا لا يزال الباب مفتوحا للمزيد:ShababSmile240: |
رد: {بـاب الـحـارة} أم { بـاب الـريـان}
صحيح المسلسلات هذه ما فيها فايدة بالمرة لكن بيجيب الناس داخل البيت وهن مكشوفات الرؤوس قال برا البيت محجبات وجواته مكشوفات مسلسل ملتزم هذا نص كم |
رد: {بـاب الـحـارة} أم { بـاب الـريـان}
أه نسيت شي كان بدي أعلق عليه ذكرتو ليمار اقتباس:
لذلك فالنهج واحد و لا يوثق بها و القناة الاسلامية ما راح تعرض مسلسل فيه وحدة و غيرها حاطة مكياج أشكال و ألوان و جالسة مع واحد بمقهى و كلام لا بيودي و لا بيجيب .. ما بظن هذا هو نهج القنوات الاسلامية و هذا مثال فقط و شكرا الك حبيتي عالمشاركة |
رد: {بـاب الـحـارة} أم { بـاب الـريـان}
اقتباس:
فهذه نقطة في بحر و القاعدة بتقول مابني على باطل فهو باطل و طبعا ناهيك عن الخلوة و الاختلاط |
رد: {بـاب الـحـارة} أم { بـاب الـريـان}
بس المسلسل حلووووووو بس طبعاً باب الريان احلى بكتير وانا نفسي ادخلو وانتو معي ان شاء الله .
|
رد: {بـاب الـحـارة} أم { بـاب الـريـان}
اقتباس:
اكيد بعرف تابعة لمين بس القصد انو حتى القنوات الي بتدعي للجهاد شو ما كان جزبها بتعرض اعمال وطنية او حتى مواضيع اجتماعية هادفة |
رد: {بـاب الـحـارة} أم { بـاب الـريـان}
أوك الله يبآرك فيكم كلكم وبغيرتكم على الدين .. ووقـت الأمّة .. بدآية يا جمآعة الي بدي أحكيلكم ياه انه الي حكيته ما كآن مجرد رأي شخصـي ,, درست سنة كآملة كورسآت إعلام إسلامي .. والي حكيته بنآء ً على قوآعـد إعلامية .. مش مجرّد رأيي الشخصي .. المهم .. لازم وضح بعض أمور ... وانا مصرة اني كمل النقآش .. لأنه هالأمر من أهم أمور قضيتنآ .. بغض النظر عن بآب الحارة وغيره صآرت المسأله مسألة انه صرنآ بدنا نحرم كل شي فـن لمجرد أنه فن لأنه الأعداء استعملوه ضدنآ . . صرنآ نحن كمـان بدنآ نحآرب حآلنآ فيه ونحرمه على حآلنا .. - - - بدآية المشايخ يا أسامة ما حرموا هالمسلسلآت بالعكس .. بعض أطرآف دآر الإفتآء في سوريآ كرّم مسلسل بآب الحأرة مع النصح .. اما الي اتحرم هو المسلسلات العلمآنية .. الي بتخدش أمور ديننآ وبتضرنآ مش بتنفعنآ وهلأ بجيب الخبر تاع التكريم .. - - - أحداث المسلسل يا خالد بتدور بشكل غير مبآشر عن غزة بالتفصيل .. وبشكل مبآشر عن الشآم .. بعدين وإن كآن عن الشـام وفيه هالمحآسن وين المشكله .. كلها بلادنآ : ) - - - مسألة مضيعة الوقت .. طيب يا جمآعه المقصود انه هالإعلام يتوجه للناس الغافله .. الي بعدت عن دينها .. وتقآليدها .. وهني بالاساس بضيعوا وقت ! فـ يضيعوآ وقتهم بشي مفيد ! بدل ما يضيعوه بنور ومهند .. ولا لميس أو اي مسلسل تآني بضرنآ ! .. - - - حكآية انه الـ mbc الي بتعرضه صحيح 100 % حتى انا مستغربه كيف الـ mbc المعادية بشكل عام للإسلام اتبنت هيك مسلسل ما بيتوافق مع أهدافها متل ما انا مستغربه تماما كيف الـ mbc بتعرض المواد الإعلامية .. تعيت هذه هي حيآتي هذا هو ديني ! بس مش سبب لنحكم عالمسلسل ! بعدين يا جمآعة .. يعني حق قنينة بيبسي وحده .. أشد وأغلظ على الأمة من مية جزء من بآب الحارة :) والله الله يعيننآ .. ما عارفين نتحكم باللي لمصلحتنآ والي ضدنآ ! - - - غير أنه شغلة التلفزيون بيلهي .. طيب النت ما بيلهي .. يعني غلط اقعد عالتلفزيون ساعه .. ومعلش اقعد ع النت 10 ساعات ! بدكم تقوليلي عالنت بقدر استفيد .. ومعكم حق ،، لأنه النت سلاح ذو حدين بس بقولكم .. كمان الإعلام سلاح ذو حدين ! ,, أمل حبيبتي .. // مسألة انه من إيمتى نحن منستفيد من المسلسلات .. معك حق .. بس هالشي لما يبدآ يتغير .. لازم نغير وجهة نظرنآ معه ! لأنه من زمن أو فترة لا بأس بهآ وجآي .. كل شي إعلام صار ضدنا صار لهدمنا .. طبعا ما رح نستفيد منه ! بس لما يبدآ يتغير التوجه .. لازم ننتبه .. وما نحط التنين بنفس المكيآال .. ليش لمآ يجي مخرج بدو ينشر مفاهيم صحيحه .. نحآرب فكرته ؟ طيب مهـمي هـول يمكن يكونوا الخطوة الأولى .. الي من بعدهم نكمل مسيرة الإعلام كل الوقت منتمنى لو يكون بإمكآننآ نساوي هالأمور ومش قادرين طيب غيرنا بساوي أو بساوي بعض من لي ببالنا ليش نحاربه وبالنسبة لمسألة أحداث غزة .. يا أمل .. انتي وانا .. الي منفكر بأمتنآ وأحوالها .. طبعا رح نكون عارفين كيف حآل أهل غزة .. ولا انتي ولا أنا والي بتحكي عنهم بحآجه لشي متل باب الحارة بس الي منحكي عنهم همي الناس الي نسيوآ شو يعني أمة .. وإيد وحده وانه الانسـان يكون عنده شرف ودين وحب لوطنه .. هـول هني .. الي الإعلام الحاقد تبع العدو لوّث فكرهم .. هاي الفئه الي نحن بحآجه انها تتوجه نحو إعلام مغآير .. ومسألة مضيعة الوقت .. والخ .. كلهآ اساسا موجوده عندهم .. وبطريقة الإعلام الصحيح منعبي هالفراغ لانه هو هيك هيك موجود خلينا نمليه بمآدة جيدة مفيده ! - - - اما مسألة ظهور النسآء في المسلسل فـ هي فعآ آفة من الآفآت الي بتوآجه الإعلام الإسلامي بشكل عآم .. لأنه الإعلام بحآجة لدور المرأة ,, وبنفس الوقت ما بصير تظهر .. وهآي شغله إعلاميآ ما لقولهآ حل .. بس بوضعنآ .. الي اساسا الممثلات ظاهرين وظآهرين .. خلينآ نستفيد منهم بشي يخدمنآ .. - - - اما مسألة انه الناس تعلموآ من المسلسل العنفوان والخ .. هالحكي ابدا ما صحيح .. ولو فئة قليلة أخدت ع هوا ما بيتناسب مع هواها .. مش معناه انه المسلسل هو الخطأ .. ليش نشوف الأخطآء .. وننسى الحسنآت .. - - - نهآية يا جمآعه المسألة مش مسالة باب الحاره أو غيره المسأله أكبر من هيك بكتير .. المسألة انه ما بصير يكون تفكيرنا محدود .. انتوا نظرتوآ نظرة إنسان بخاف وشايل هم دينه ونسيتو انه في ناس ما متذكرة لا الدين ولا الوطن وبحآجة لشي ينزرع فيها ومتل ما انزرع فيهآ خلال هاي السنين عن طريق الإعلام المفآسد .. كمـان من خلال نفس السلاح .. نمحي هالمفاسد ونزرع مكآنها الحسنآت .. ,, ديروبالكم .. لا تحآربوآ حالكم بحآلكم الإعلام الساقط التافه الي صرلو أكتر من 60 سنة بيحفر بعقولنا .. مش رح يجي بيوم وليله يصير إعلام إسلامي بحت بقر العين عشـان هيك حكينا متل باب الحآرة مبدئيا .. خطوة جيده ! لأنه لو كان المسلسل إسلامي 100 % كتير من الفئات الي هي هدفنا مش رح تتآبع .. ... لو قدرت .. رح صير نزل حلقات ( إعلام إسلامي ) لأنه قضية كتير مهمة بحيآتنآ بس للأسف الكثير منآ . . ما عنده إلمام فيها - - - والله يبآرك بغيرتكم على دينكم جميعا وعذرآ عالإطآلة مرة أخرى |
رد: {بـاب الـحـارة} أم { بـاب الـريـان}
والله نانا ما ئصرتي
100 % يعطيكي العافية حبيبتي |
رد: {بـاب الـحـارة} أم { بـاب الـريـان}
التيار الديني في سوريا يكرّم مسلسل (باب الحارة) لترسيخه الأصالة نبأ نيوز- دبي/ حيان نيوف - قال الشيخ صلاح كفتارو، عالم الدين السوري البارز، لـ"العربية.نت" إنه قرر تكريم فريق مسلسل "باب الحارة"، وفي مقدمتهم المخرج بسام الملا الذي كان أول من أحيا فكرة أعمال درامية "تعود للأصالة والتراث"- على حد تعبيره. ولفت كفتاور إلى أنه -ورغم التكريم- سوف يبدي رأيه ببعض الأخطاء في المسلسل، ومنها الطريقة التي تم فيها تصوير وتقديم النساء. منذ أيام، وفي خطوة هي الأولى من نوعها في سوريا، أقدم مجمع الشيخ أحمد كفتاور، الذي يديره الشيخ صلاح وهو نجل مفتي سوريا السابق أحمد كفتارو، على دعوة وتكريم أكثر من عشرين فنانا وفنانة في مأدبة افطار رمضانية. وفي حديثه لـ"العربية.نت"، قال شيخ صلاح كفتاور ردا على سؤال "لماذا الآن تكريم الفنانين": تأخرنا بتكريم الدراما السورية، وكان واجبنا أن نكرّمهم منذ فترة طويلة، خاصة وأنهم يحملون رسالة "تعيدنا إلى الاصالة والثقافة ومكارم الاخلاق"... وكما لرجل الدين رسالة أيضا للفنان رسالة. وكشف عن أنه سيقيم تكريما خاصا للمخرج بسام الملا وفريق عمل مسلسل "باب الحارة" بعد عطلة عيد الفطر، قائلا إن المخرج الملا " أول من أحيى هذا النوع من الدراما من خلال (أيام شامية)". http://www.nabanews.net/photo/Image/all/Bab%20Hara.jpg "مغالاة" في تصوير النساء إلا أن الشيخ كفتاور انتقد الطريقة التي تم تصوير وتقديم النساء من خلالها في "باب الحارة". وأوضح: سوف أبدي ملاحظاتي في حفل التكريم، ولا بد لكل عمل أن تكون فيه أخطاء. هناك مغالاة في النظر للمرأة بأنه لم يؤخذ رأيها، وأنه لم يكن لها أي دور في أي قضية. يجب أن نتوخى الحذر في أعمال قادمة بأن المرأة أخذت دورها وحقها. وفيما يتعلق بلباس النساء -بما ذلك البرقع- قال الشيخ كفتارو: زي النساء كما قدّمه المسلسل صحيح، لأن المجتمع السوري محافظ بنسبة تفوق 70% فكيف يكون الوضع قبل 70 سنة حيث كانت أغلبية المجتمع على هذا الشكل الذي قدمه باب الحارة. دراما "تواجه العولمة" .. وأشار إلى أن "المجتمع الديني السوري ينهي صلاة التراويح ويتجه فورا لمشاهدة باب الحارة وأنا من متابعيه"، لافتا إلى أن هذه الأعمال تقدم خدمة كبيرة للاسلام، مذكرا بما قاله والده الشيخ أحمد كفتاور للمخرج مصطفى العقاد عندما يكون يصوّر فيلم الرسالة " قد يكون عملك هذا ينافس أعمال ودعوة علماء المسلمين كلهم في القرن العشرين". ولم يخف الشيخ صلاح كفتاور أن دوافع تكريم هذه الاعمال الدرامية لأنها "أعادتنا إلى التراث والاصالة، تواجه العولمة الغازية الهوليودية التي تشد لها الانظار من خلال شبابنا وشباتنا". وقال "هي تعيد إلينا تراثا غُيّب عنا خلال عقود من الزمن..وكان واجبنا في مجمع الشيخ الراحل أحمد كفتارو وعلمائه ودعاته أن يقوموا بهذه المبادرة ونتمنى على كل علمائنا أن يكرّموا أيضا هؤلاء الفنانين". |
رد: {بـاب الـحـارة} أم { بـاب الـريـان}
...بــــابــ الحـــــــــاره ....:ShababSmile222:
بصــراحه انا بســـ يتفرج على هــاد المســلسل....:ShababSmile250: بصــراحه بحبــو....:ShababSmile233: صح في بديع وقت..بس الحمد الله.والله ما بقصر في عبــادة الله والله يثبتناا على طاعتووو..يــآرب صح هل الساعه ممكن نستغلهااا في قراءة قــرآن اووو...قصص الانبياء ....اووو ...الخ.. الله يهدينااا ويدخلناااا..بــآب الريان.... تسلم السكــر المحشي ..يل العســل الاســــود:ShababSmile222: |
رد: {بـاب الـحـارة} أم { بـاب الـريـان}
اقتباس:
اقتباس:
خدلك هسه التلفزيون دمو حياة العئلات والببسي الي حضرتك بتشبروا بدمو حياة اهلم وناسك قبل ما يدمو عئلات الوطن العربي ... يا اخ خالد قاعد بتسلخ بنصائح فينا وانت بتقعد تشرب ببسي :ShababSmile233: وبعدين بناسبة النت وانك فلته فيه ... طيب الأعلانات الي بتطلعك لما تفتح ايميلك او لما تفوت على مواقع تحميل و الخ ... صفت باب الحاره ارحم |
رد: {بـاب الـحـارة} أم { بـاب الـريـان}
اقتباس:
ههههههههههه ... والله ضحكتني يا اخي .. بس الله يثبتك على دينك وعلى مبدأك ازا ما بتبابع باب الحاره بسبب تفرع النساء فيه |
رد: {بـاب الـحـارة} أم { بـاب الـريـان}
اقتباس:
رُبما البعض لم يحرم و لكن الأغلب حرم.. و المسلسلات واحده هدفها واحد(لا يوجد ما يسمى مسلسل إسلامي و مسلسل علماني )،، يوجد فيها التبرج و السفور و قلة الحياء،، طبعاً..ناهيك عن مشاهدة الممثل إلى جانب الممثلة ، بخلوة محرّمة ، وحركات مُثيرة ، وأفعال مُحرّمة،، و هذه الأفعال بالتأكيد منهي و محرم عنها..لا يختلف في هذه القضيه إثنان.. فسُبحان الله..اليوم كثير من الناس بعد صيامهم و قيامهم و تعبدهم يختتمون أعمالهم على ما حرم الله عليهم،، الأمه يا دموع الرحيل تعود إلى عزها و مجدها و دينها بالعوده إلى كتاب الله و سنة المصطفى!!..و لا تعود بمسلسل باب الحاره أو ما شابه ذلك..! |
رد: {بـاب الـحـارة} أم { بـاب الـريـان}
باب الريان اولى بكتير
|
رد: {بـاب الـحـارة} أم { بـاب الـريـان}
اقتباس:
كلامك ممتاز أسامة:ShababSmile240: :ShababSmile240: إذا كان حلال بسوريا فهو حرام بغزة الكتور يونس الأسطل و عبد الكريمالكحلوت و لجنة الإفتاء كلهم حكوا حرام وما علينا إلا نقول سمعنا و أطعنا و الغحتياط واجب ما دام الموضوع فيه إختلاف نبعد عن الشبهات |
| الساعة الآن 11:07 PM. |
Powered by vBulletin® Version 3.8.4
Copyright ©2000 - 2026, Jelsoft Enterprises Ltd.
new notificatio by 9adq_ala7sas