(::..>[مناهــــــــج هالايـــــــــام .. وما ادرااك ما منـــاهج هالايــــــام]<..:: )

[فلسطينيه والراس مرفوع]

مرحبــــآ :icon31:



موضوعنا هو مناهج هالايام لاخواتنا وكتير بيصير مشاكل من ورا هالمناهج الصعبة عليهم

واحنا بنتغلب بتدريسهم الها :showoff:

جد والله يا حماعة اشي لا يطاق..:icon5:

بتلاقي الطفل الي بالابتدائية بياخد مناهج او دروس هو مش قادر يستوعبها

مثلا ..:icon7:

اللغــة العربيــة ..

بتلاقي الطفل الي بصف اول ابتدائي بيكتب بكلمة امبراطورية

شوفو هالكلمة ما اكبرها ( امبراطورية )

على ايامنا كنا بناخد امل وعمر

امل اكلت التفاحة

عمر اكل التفاحة

بس جيل هالايام غير ....

-----------------

اللغـــة الانجليزية

الانجلش يا عيــــــــــــــــــــــــني على الانجلش

على ايامنا كانو خلقة كتابين
هالايام بتلاقي ست سبع كتب

واشي كتاب story واشي كتاب Grammer

القواعد الانجليزي على ايامنا كان صفحتين بقفا الكتاب ويلا والسلام :showoff:


------------------------

الرياضيات

يا حلاوة يا ولاااااااااد

اللي كنا ناخد فيه الجمع والطرح والضرب ووين ووين لما ناخد القسمة

جيل هالايام بتلاقيه مش طالع من البيضة ومفاعيص وبياخدو الاسس بالرياضيات

ولما نيجي ندرّسهم نحس كأنه بنحل بمعادلة كيميا

اسم الله علينا :icon11::icon11:

---------------------

اللغــة الدينية

كنا بناخد سورة قل هو الله احد وسورة الناس والفلق والتين والزيتون

هالايام بتلاقيهم بصف رابع ابتدائي بياخدو سورة الكهف :icon11::icon11:

------------------------

وهالايام فترة امتحانات بتكون عندهم وكل بيت بيصير يرتبط بالبيت علشان بدهم يدّرسو اولادهم

واحنا على ايامنا لما نصير بصف تالت ابتدائي خلص بندرس لحالنا

اجيال هالايام كتير بيتغلبو بالدراسة وصارو ما يطيقو يدرسو او يفتحو كتبهم حتى

وبالضرب واللطش لما يفهمو وهادا اكبر غلط

رح تقولولي هادا جيل مفتّح وواعي اكتر من قبل .. بس هينا بنشوفهم انه بيتغلبو كتير

ايش فايدة انه هم ماشيين بعصر التكنولوجيا وهم بيتغلبو بالدراسة كتير وما بيطيقوها


معلش ازا طولت عليكم بس حبيت اوضح بالكلام اكتر .....لاني بردو بعاني من هاي المشكلة سواء مع اخوتي او بدراستي انا :showoff::b:

انتو شو رأيكم بكلامه الي قولته .. ورجوني آرائكم:icon31:

[.:(خالد):.]

اخت فلسطينية والراس مرفوع ممكن تغيري الخط بسرعه

انا بدي اقرا الموضوع لكن الخط مش مزبوط يعني ما بينقرا

شوو هذا يا دودو بدنا نظل نكتبلك على الدفتر ممتاز وحسني خطك

له له

بدنا تجيبي علامة كاملة
^^

[.:(خالد):.]

بعد طلوع الروح قررت اني اقرأ الموضوع وعجبني كتيير
انا من زمان كان نفسي احكي بالموضوع

لكن يا اخت فلسطينية والراس مرفوع
الى بيتحكم في المناهج هي الدولة والحكومة
وكان هدفها من تكبير الناهج هو تعليم الطلاب من الصغر ، معلومات كبيرة حتى يخرج منهم العالم والمخترع وغيره ،،،
لكن اجت الوكالة والتي تتبع للاعداء بتصعيب المناهج والامتحانات
وانتهزت الفرصة كي ترسب الطلاب وتجعل منهم الجاهل والهارب من المدرسة

ولكن حكومتنا لم تراعي ذلك
ووافقت عليه لأنه منهاج متطور وحديث

وفي الآخر بقول حسبي الله عليهم

احنا في المنهج القديم ما كنا نمشي منيح
بدنا نمشي في الجديد
هههههه
الحمد لله اني خلصت من المدارس ورحت على الجامعه
وارتحت من الهم

يا ستي الله يخفف عن طلابنا عناء وشقاء المناهج والله يكتر من حذفاتهم ويزود من علماتهم

[فلسطينيه والراس مرفوع]

اخت فلسطينية والراس مرفوع ممكن تغيري الخط بسرعه

انا بدي اقرا الموضوع لكن الخط مش مزبوط يعني ما بينقرا

شوو هذا يا دودو بدنا نظل نكتبلك على الدفتر ممتاز وحسني خطك

له له

بدنا تجيبي علامة كاملة
^^

هههههههههههههههههههه

وربي الخط كبيـــر وحجمــو 6 :b:

شو دخلني ازا انتو ما بتشوفو منيـــح :icon11::icon11::icon11:

هههههههههههههههه ولا يهمك خـــآلد

هيني كبـــرت الخـــط :icon11::icon11:

هيـــك أحســـن؟ :icon9:

ولا لســــآتو قد النمـــلة :icon11::icon11:

[[ Islam ]]

هههههههههههههه

والله معك حق

المناهج كتيـــر كبيـــرة وصعبة ومش مراعية المراحل العمرية

يعني قبل يومين صاحبتي بتقلي .. اجا اخوها اللي بصف رابع بقلها اشرحيلي الصورة الجمالية !

بتقله متأكد انو الأستاز بدو الصورة الجمالية ولا يمكن بفكركم صف سادس

والأحلى من هيك صارت تشرحله المشبه والمشبه به ,, قلتلها احنا ع التاسع بدينا ناخد المشبه والمشبه به ههههه

حتى المناهج على الكبار صعبة كتييير ,, والأدهى من هيك في معلمات ما بيعطوا الدرس حقه في الشرح

يعني فهمت فهمت ما فهمت راحت عليك :s

لا نملك سوى أن نرفع أيدينا إلى السماء وندعو الله بأن يخفف عنا مصابنا

ههههههههه


الله يوفقك ويوفقنا يـــارب ,,

:)

[فلسطينيه والراس مرفوع]

بعد طلوع الروح قررت اني اقرأ الموضوع وعجبني كتيير
انا من زمان كان نفسي احكي بالموضوع

لكن يا اخت فلسطينية والراس مرفوع
الى بيتحكم في المناهج هي الدولة والحكومة
وكان هدفها من تكبير الناهج هو تعليم الطلاب من الصغر ، معلومات كبيرة حتى يخرج منهم العالم والمخترع وغيره ،،،
لكن اجت الوكالة والتي تتبع للاعداء بتصعيب المناهج والامتحانات
وانتهزت الفرصة كي ترسب الطلاب وتجعل منهم الجاهل والهارب من المدرسة

ولكن حكومتنا لم تراعي ذلك
ووافقت عليه لأنه منهاج متطور وحديث

وفي الآخر بقول حسبي الله عليهم

احنا في المنهج القديم ما كنا نمشي منيح
بدنا نمشي في الجديد
هههههه
الحمد لله اني خلصت من المدارس ورحت على الجامعه
وارتحت من الهم

يا ستي الله يخفف عن طلابنا عناء وشقاء المناهج والله يكتر من حذفاتهم ويزود من علماتهم

هههههههههههههههههه

آمــــين يا رب

الله يسمـــع منكم

صحيــح الحكومة عملت هيك حتى تطلع جيــل مخترع وما بعرف شو

بس بردو اشي ومنّو

مش بهالصعوبة يعملوه :b:

والله مرات بعجــز عن حل مسائل لاخواتي الصغار :b:

مشكلتهم انهم نزلو المناهج بطموح كبيـــرة

كتبهم ملياني اسئلة وتدريبات وأشياء فوق طاقة وقدرات الطالب :b:

ومش مراعيين فيهم مستويـــآت :showoff:

يعني بتلاقي الكتــآب كلــو صعب :icon5:

يلا.....منيح اني ما درست كل السنين منهـــآج فلسطيني :icon11::icon11:

نيـــآل اللي خلصو من المدرســة كلهــآ :b::showoff::wacko:

منـــور خيـــو خــــآلـد :s (43)::icon31:

[فلسطينيه والراس مرفوع]

هههههههههههههه

والله معك حق

المناهج كتيـــر كبيـــرة وصعبة ومش مراعية المراحل العمرية

يعني قبل يومين صاحبتي بتقلي .. اجا اخوها اللي بصف رابع بقلها اشرحيلي الصورة الجمالية !

بتقله متأكد انو الأستاز بدو الصورة الجمالية ولا يمكن بفكركم صف سادس

والأحلى من هيك صارت تشرحله المشبه والمشبه به ,, قلتلها احنا ع التاسع بدينا ناخد المشبه والمشبه به ههههه

حتى المناهج على الكبار صعبة كتييير ,, والأدهى من هيك في معلمات ما بيعطوا الدرس حقه في الشرح

يعني فهمت فهمت ما فهمت راحت عليك :s

لا نملك سوى أن نرفع أيدينا إلى السماء وندعو الله بأن يخفف عنا مصابنا

ههههههههه


الله يوفقك ويوفقنا يـــارب ,,

:)

هههههههههههههههههههه

معك حق حبيبتـــي :b:

ما براعو مستويات ولا مراحل عمرية :b:

بحكيلك كتيـــر اخوتي الزغار بيجو يسألوني عن أشياء اول مرة بسمع فيها وما أخدتهـــآ:showoff:

>>>>>بحرجـــوني :icon11:

كمان متل ما قلتي معلمين المادة ما بيعطوها حقها

وما بشرحوها منيح

حتى هم مرات بلاقو صعوبة فيهــــآ :icon11::icon11::icon11:

منورة يا قمــــر

الله يوفقك ويحفزك ويحميكــي :icon26::s (43):

[عيوني لفلسطين]

مافي الا حل واحد انروح على التربية والتعليم هههههههههههههههههههههههههههههه ونعطيهم بهدله امرتبة لتخفيف المناهج( هاد اذا ماصعبوه من البهدله) ههههههههههههههههههه الله يسهل علينا ويسهل عليكم كل الدروس بعين الله مشكوووووورة فلسطينية على الموضوع

[εïз ملآكـ εïз]

السلآم عليكم و الرحمهـ

كيفك خيتوو ؟؟ ان شــآآ الله بخير

و الله مو حــآلة

و انا برضو بشوف كتب خوآت صحباتي ..

اشيا بجد صعبة احنا ماخدينها جديد و هما لسة مفاعيص

و مو بس مناهج الزغار

مناهجنا احنا استغفر الله ما بتنشاف

الابتدائي صاروا ياخدوا مناهج الاعدادية

و احنا بناخد مناهج التوجيهي

هاد مو تطوير ولا ما يحزنون

الوآحد بس يبدا مدرسة بدو شي يشجعوا اما لمن يلآقوا كلو صعب رح يطفش و عمرو ما يجيب علآمات

آل بدهم جيل زكي و بفهم من بكير

و الله ما بيفهموا مصلحة حد

الله يسامحهم

يسلمو خيتوو ع الطرح

الك مني ارق تحيهـ،

تقبلي مروري

[.!. الراحل الى المجهول.!.]

شو يا فلسطينيه جايبه جيش نمل معك ولا كيف

الخط كبيييييير انا شايفو


ليش مكبراه هالئد؟؟!!!!



علي كلت حال احنا شعب فلسطيني بناكل الزلط كيف ما بنقدر نتعلم


احنا شعب الجبارين عي قول الراحل ابو عمار


يعني بنفهم الشي حتي لو بطلوع روح


ســلامو

[Pink Rose]

هههههههههه

هاد الكل بعاني من الدراسة ..! مش بس عن يعني :icon11:

والله معاكي حق يا قمر ..

كتير مناهجنا صعبة سواء للزغار او الكبار والمشكلة انه حتى المعلمات

ما في حدا بساعد على فهم المادة او حفظها .. يعني عنا احنا مادة الثقافة العامة

في وحدة منها ختمناها قراءة بس .. هاد واحنا توجيهي ..!

قال كلها حفظ ..!

طيب حتى لو حفظ , المفروض المس تسهل علينا حفظه ..

تعطينا اسئلة اي شي .. بس هدول لأ , كله علينا احنا ..!!

لازم نحفظ ونفهم ونحلل ونستنتج ونكتب اسئلة الامتحان بالمرة :@

شو بدنا نعمل بس .. الله يعينا يا رب ويخلصنا من الدراسة كلها .. ^^

يسلمو كتير حبيبتي عالموضوع الحلو ..

يعطيكي الف عافية :) http://www.shabab.ps/vb/images/smilies/s%20%2843%29.gif

[فلسطينيه والراس مرفوع]

مافي الا حل واحد انروح على التربية والتعليم هههههههههههههههههههههههههههههه ونعطيهم بهدله امرتبة لتخفيف المناهج( هاد اذا ماصعبوه من البهدله) ههههههههههههههههههه الله يسهل علينا ويسهل عليكم كل الدروس بعين الله مشكوووووورة فلسطينية على الموضوع

ههههههههههههههههههههههههههه هاد الحل برأيك يا عيونـــي :icon11::icon11::icon11:

ولك هدولا ولا بالبهـــآدل بمشوا

رح ايصعبـــو أكتـــر :icon11::icon11::icon11:

وجــع ان شالله :icon7:

منورة يا حلوة

يا عيوني :icon26::s (43):

[فلسطينيه والراس مرفوع]

السلآم عليكم و الرحمهـ

كيفك خيتوو ؟؟ ان شــآآ الله بخير

و الله مو حــآلة

و انا برضو بشوف كتب خوآت صحباتي ..

اشيا بجد صعبة احنا ماخدينها جديد و هما لسة مفاعيص

و مو بس مناهج الزغار

مناهجنا احنا استغفر الله ما بتنشاف

الابتدائي صاروا ياخدوا مناهج الاعدادية

و احنا بناخد مناهج التوجيهي

هاد مو تطوير ولا ما يحزنون

الوآحد بس يبدا مدرسة بدو شي يشجعوا اما لمن يلآقوا كلو صعب رح يطفش و عمرو ما يجيب علآمات

آل بدهم جيل زكي و بفهم من بكير

و الله ما بيفهموا مصلحة حد

الله يسامحهم

يسلمو خيتوو ع الطرح

الك مني ارق تحيهـ،

تقبلي مروري

هلا مــــلآك :icon31:

انا منيحــــة انتي كيفـــك :icon9:

هاي المشكـــلة الكل بعاني منها :showoff:

بدهم ايطالعونـــآ علمـــآء ومخترعين .....الله ايسامحهم بس :showoff:

كلشي صعب بلحشوه بهالكتـــآب :icon7:

وبكرهـــونآ بالمدرســـة غصب عنـــآ :b:

منورة يا عســــل

لا تحرمينا هالطلــة الحلـــوة :icon26::icon26:

[فلسطينيه والراس مرفوع]

شو يا فلسطينيه جايبه جيش نمل معك ولا كيف

الخط كبيييييير انا شايفو


ليش مكبراه هالئد؟؟!!!!

:icon11::icon11::icon11::icon11:

يالله منكــــم :b:

الخط صغير ولا كبيــــر :icon9::icon9:

حيرتـــوني

انا شايفتو كبيـــر

خالد شافو صغير

كبرنـــآه :showoff:

وهلأ جاي تحكيلي ليش هيك كبيـــر :icon11::icon11::icon11:

خلص المهم انا شايفتو مش مهم انتـــو شايفينو ولا لأ :icon11::icon11:






علي كلت حال احنا شعب فلسطيني بناكل الزلط كيف ما بنقدر نتعلم


احنا شعب الجبارين عي قول الراحل ابو عمار


يعني بنفهم الشي حتي لو بطلوع روح


ســلامو

اها صح معك حـــق :showoff:

اولهــآ وآخر ورغم صعــوبة المنهـــآج مضطرين نفهم غصب عنّـــآ

بس بطلوع الـــروح :showoff:

منـــور خيـــو الراحــل الىــآ المجهــولــ :s (43):

[فلسطينيه والراس مرفوع]

هههههههههه

هاد الكل بعاني من الدراسة ..! مش بس عن يعني :icon11:

والله معاكي حق يا قمر ..

كتير مناهجنا صعبة سواء للزغار او الكبار والمشكلة انه حتى المعلمات

ما في حدا بساعد على فهم المادة او حفظها .. يعني عنا احنا مادة الثقافة العامة

في وحدة منها ختمناها قراءة بس .. هاد واحنا توجيهي ..!

قال كلها حفظ ..!

طيب حتى لو حفظ , المفروض المس تسهل علينا حفظه ..

تعطينا اسئلة اي شي .. بس هدول لأ , كله علينا احنا ..!!

لازم نحفظ ونفهم ونحلل ونستنتج ونكتب اسئلة الامتحان بالمرة :@

شو بدنا نعمل بس .. الله يعينا يا رب ويخلصنا من الدراسة كلها .. ^^

يسلمو كتير حبيبتي عالموضوع الحلو ..

يعطيكي الف عافية :) http://www.shabab.ps/vb/images/smilies/s%20%2843%29.gif

:showoff::showoff::showoff:

هاي مشكــلة المعملـــآت اللي ما بفهمو خليها على جنب:b:

يعني فوق ما المنهــآج صعب

بروحو بقرأو قرآآءه وما بشرحو اشي :showoff:

ياما كتـــب ختمنــآهــآ هيكـ :showoff:

فكرتــك بس معلمتنـــآ هيك :icon11::icon11::icon11::icon11:

لاء هيو طلع في متلهــــم :icon11::icon11::icon11:

اللـــه يهديهــم ويصلحهــم

انشالله بسيــرو يشتغلو بضميـــر :showoff::b:

منور يا قمـــر

لا تحرمينــآ من هالطلـــة رورو:icon26::icon26:

[بقـ..ــايـ..ـا إنسـ..ـانـ]

الرياضيات

يا حلاوة يا ولاااااااااد

اللي كنا ناخد فيه الجمع والطرح والضرب ووين ووين لما ناخد القسمة

جيل هالايام بتلاقيه مش طالع من البيضة ومفاعيص وبياخدو الاسس بالرياضيات

ولما نيجي ندرّسهم نحس كأنه بنحل بمعادلة كيميا

اسم الله علينا

::

الله يعينكم انتو الفلسطين والسوريين واللمصريين الكتاب الوالحد قد 10 كتب عندنا هون بجد حرام عليهم ..
::

الحمد لله انا درست بالسعودية بس شو مواد روعة وما في اسهل منها ..

::

موفقة اختي فلسطينة ^_^

[فلسطينيه والراس مرفوع]

الرياضيات

يا حلاوة يا ولاااااااااد

اللي كنا ناخد فيه الجمع والطرح والضرب ووين ووين لما ناخد القسمة

جيل هالايام بتلاقيه مش طالع من البيضة ومفاعيص وبياخدو الاسس بالرياضيات

ولما نيجي ندرّسهم نحس كأنه بنحل بمعادلة كيميا

اسم الله علينا

::

الله يعينكم انتو الفلسطين والسوريين واللمصريين الكتاب الوالحد قد 10 كتب عندنا هون بجد حرام عليهم ..
::

الحمد لله انا درست بالسعودية بس شو مواد روعة وما في اسهل منها ..

::

موفقة اختي فلسطينة ^_^

:showoff:

شايف يا محمـــد !!

غير عن الكــل البشر احنـــآ :icon11::icon11:

والله بغار لما اشوف مناهجكم السهلة بالسعودية ودول الخلـــيج :b:

المواد اللي بناخدهــآ بصف تامن بتـــآخدوها بالتوجيهـــي :wacko:

منـــور خيـــو دمـــوع :s (43):

[دموع الغربة واشواق العودة]

طيب ياستي ...بصرااااااحة انا عايشة بالسعودية ...وبصراااااااحة التدريس والمناهج فبها مقبولة بس مو العتب على المعلمين ..العتب على الرئاسة الي مابتعرف تعمل مناهج ...بس مناهجنا قد ماطلعت ونزلت مابتوصل لمناهج الاردن
وسوريا وبفلسطين ولبنان ...يعني انا ابن عمتي بالاردن بالصف الرااااااابع بيدرسني انكليزي ....مناهجهم كتييييير
صعبة والي ويعني التوجيهي عنده حياة او موت ...يعني الي بيجيب عندهم 82 % بالنهائي التوجيهي عندهم عبقري
يعني كأنو جايب عنا 98 % ....بصرااااحة هاد ما أسمو تعليم هاد اسمو مذبحة ...بكرهو الاولاد الدراسة
ويعطيك العافية الموضوع رووووووعة بس احلى اشي العنوان ...مشكووووووورة

[فلسطينيه والراس مرفوع]

طيب ياستي ...بصرااااااحة انا عايشة بالسعودية ...وبصراااااااحة التدريس والمناهج فبها مقبولة بس مو العتب على المعلمين ..العتب على الرئاسة الي مابتعرف تعمل مناهج ...بس مناهجنا قد ماطلعت ونزلت مابتوصل لمناهج الاردن
وسوريا وبفلسطين ولبنان ...يعني انا ابن عمتي بالاردن بالصف الرااااااابع بيدرسني انكليزي ....مناهجهم كتييييير
صعبة والي ويعني التوجيهي عنده حياة او موت ...يعني الي بيجيب عندهم 82 % بالنهائي التوجيهي عندهم عبقري
يعني كأنو جايب عنا 98 % ....بصرااااحة هاد ما أسمو تعليم هاد اسمو مذبحة ...بكرهو الاولاد الدراسة
ويعطيك العافية الموضوع رووووووعة بس احلى اشي العنوان ...مشكووووووورة


شايفة باللهـ :ShababSmile111:

شو هالعدل اللي عندهم ما بعرف

بس لما ييجي عنا حد من السعودية بنقصوه من معدله بالتوجيهي 10 علامات :ShababSmile222:

يعني للأنو المناهج سهلـــة

مقدريــن ,,,

حرام المقارنة بيننا وبين مناهجهم

:ShababSmile111:

منورة حبيبتي دموع الغربة :ShababSmile229:

[ضوء الشمس]

أنــــــــــــــــــــــا أناشد في توجيهي ملزقيني في المنهج ملزقيني ياحبيبتي ^_^


أنا أعاني من طول المنهج وليس من صعوبته

مافي شي اسمو رياضيات ولا علم صعب بس بدو دراسة بس أنا مش تاعت دراسة

[إيمـان]

في السعوديـــــه...... اقسم بالله انها سهله كتير كمــآن مرحين رآسنـــا اول ابتدائي... طبعا مافي انجليزي الا 7 ابتدائي..وسهللل بس الحروف هههههههههههههههه......هبــل..ومتوسط ه بروضو مو الانجليزي في الامتحانات بتعطيكي المعلمه 3 اوارق وبحكيلك جاين في الامتحان والله العضيم والتعبير بجي نفسووووو.. والمحادثه كمان هههههههههههههه هبل...طبعاا.. انا بدخل الاوراق في عقلي وبحفضهم بس برضو البنات بغلطو هههههههههه هبل... والرياضيات بتحكيلك قلقك صعب ..ادرسي من الجلده للجلده طبعا انتي بتدرسي وبتهلكي حالك وطبعا هيه بتعطيكي ورق مراجعه وكل الامتحان.. من الاوارق المراجعه هبلللللللللل
يييي لشو بدي احكيلك لاحكلك
يسلمو يا ببسي أبيض... هههههههه قصدي يا بطيخه

[PaLeStiNe FlOwEr]

اخخخخخخخخخخخخخخخخ

شو بدي أحكي لأحكي

صحيح قبل ما أبدأ انتوا حكيتوا مناهج الخليج سهلة بالعكس غلطانين مو كلها سهلة...يعني أنا درست بالكويت من الصف التاسع وكنت قبل أدرس بالاردن..والمناهج كان فيها صعوبه

ع أيامي بالاردن كنت أخد الانجليزي من الصف الخامس والسنة اللي بعديها بدوا من الاول..يعني لما رحت ع الكويت كنت هبلة انجليزي يعني متل الاطرش بالزفة وهما كانوا يوخدوا الانجليزي من الصف الاول يعني ما شاء الله (( طبعا مو الكل ))

اما العربي طبعا بالكويت صعب كتيييييييييييييييييييير اساسا هو اللي بنزل المعدل للكل في اشياء مو مفهومة وما بتندرس وطريقتهم بالعربي غلللللللللللللللللللللللللللط يعني لو كان المنهج ازبط كان الكل كان يحبوا وحتى معلمات العربي.........كملوا انتوا

اما الرياضيات بالاردن سابقيتهم شوي يعني اللي اخدتوا بتامن بالاردن اخدتوا بتاسع بالكويت بس ع اوسع وفي اشياء جديدة بس بمرحلة الثانوي نفس المنهج تقريبا يعني انا السنة اللي راحت كنت توجيهي والرياضيات تبعنا كان تقريبا نفس تبع الاردن

وباقي المواد في اختلافات بس بترتيب المنهج والمرحلة يعني أغلب الدول بتوخد نفس المناهج بس بختلفوا بترتيبوا بالمراحل...

يعني انا اللي خوان توأم بالصف السابع لما كانوا بسادس كانوا ما يدرسوا الا لما ماما تدرسهم وازا ما درستهم ما بيدرسوا احيانا بنحكي معهم حق لأنوا المنهج زي الزفت وبنكد..يعني ماما كانت تموت وهي تدرسهم طبعا كمان الاستاذ بكون يشرح من فوق لفوق وكلوا بروح ع الاهل...

الاشياء اللي عم ياخدوها أخدناها لما كنا سابع وتامن مو سادس حتى قواعد الانجليزي احنا بنوخد اللي عم ياخدوا من تاسع وفوق وهما من سادس

ولا العربي ع قولتكم الصورة الجمالية..هادا غير الصور الفنية ولا التشبيهات واشياء كتييير كمان بياخدوها ولا الرياضيات بيوخدوا المعادلات اللي اخدناها بتامن وتاسع...حتى بكتاب الرياضيات تبع التوجيهي في وحدة هندسة الفضاء اساسياتها كانت بكتاب سادس كنت ادرس من كتابهم واحيانا اسألهم كانوا أهلي يقولولي هاد بدل ما انت تدرسيهم ..

شو أحكي لأحكي ولا الاجتماعيات كلوا حروب واسماء وتواريخ ما بعرف كيف بحفظوها..ولا العلوم

واحنا عنا كتاب الدين لحال والقران لحال يعني كل مادة تعتبر مادة غير عن التانية هو حلو بس لو يخففوا شوي يعني الدين من متوسط و فوق اغلبوا متكرر والقران بحفظوا بالجزء29........

طبعا مو كلوا يعني مقسم ع سادس وسابع وتامن جزء 29

في كتيييييييييييير اشياء لازم تتغير والله لو اعدنا نحكي لبكرا ما بنخلص

حسبي الله ونعم الوكيل
صحيح وكمان هلأ طالعيللنا بالدروس الخصوصية وحتى الابتدائي يعني انا كنت توجيهي وما حطيت دروس خصوصيه..المعدل كان من مجهودي وتعبي..والمعلمات صاروا يركنوا والله كانت معلمتنا الرياضيات لما نسألها سؤال تقولنا ليش مدرسك ما قلك وبعضنا يكون مش بياخد درس وكمان لما ييجي اشي بالامتحان وما نعرفوا ونقولها ما شرحتي كانت تحكيلنا انا مو مجبرة احكيلكم كل شي والمفروض استاذك يقولك...الله ينتقم بس

حسبي الله ونعم الوكييييييييييييييييييييييل
طولت عليكمن معلش بس والله من الحسرة ولسه في كمان حكي بس خلص هيك بكفي..

اخر شي المفروض احنا اعضاء شباب فلسطين نروح نسوي المناهج تبعت الدول كلها ونعملها موحدة عشان ما حدا ينظلم بس نغير الاجتماعيات ونخلي بيحكي عن دولتوا شو رأيكم........ يلاااااااااااااااااا
((((((( بس مش بعيد يطلع جيل فاشل لأنوا أكيد احنا حنكون رحيمين معاهم ورح نعطيهم أشياء خفيفة والله حيتدللوا ))))

[PaLeStiNe FlOwEr]

صحيح نسيت احكي شي

ما بعرف ازا سمعتوا عن نظام الكويت الجديد اللي هو انوا علامات 10،11،12 بيوخدوا منها للتوجيهي يعني مصر سنتي توجيهي وبالكويت تلات

وحتى طريقة حسب العلامات معقدة يعني اللي بجيب بأول التسعين بصير بأخر التمانين (( متلي ))

الله يلغي ياااااااااااارب

[PaLeSt!Ne SouL]

أول سنة درسوا المنهج الفلسطيني الجديد لحقتها

يعني أنا أول االضحايا

كنت بصف سادس بصراحة ما كنت حاسة صعوبة و لا شي و علاماتي و مستواي بالمدرسسة نفسو

لكن حسيت الصعوبة بدت ب أول ثانوي و مش من المعلومات اللي بالكتاب إنها صعبة بس من طول المنهج

صارت كل معلمة بدها تخلص حسب الخطة يعني ما رح تهتم بالمستويات اللي أقل بالفهم

بس منهج توجيهي حرام عليكو تقولوا صعب بس الإنجلش طويل و لو يريحونا من كنج لير و يحطولنا قصة أنسب
لانو فيها جمل لا تقرأ و بتخالف الدين

أو يعدلوها

و كمان سايلس مارنر مو كتير ملائمة حاسهم جايبين أنيل شي بالأدب الإنجليزي و حاطينوا

و بعدين أول سنة توجيهي لهاد المنهج كانت المعدلات عالية مع إنها كانت من أسوأ السنين كل يو إضراب و فلتان و آخر شي الحسم

و جبنا درجات

بس و الله الوضع ما بيمشي مع الكل أنا إخوتي بدرسهم عقلهم ما بعرف بطئ و هما لسه بالصفوف الدنيا يعني رابع و خامس

و ما بحسهم بيفهموا شي بالمدرسة

بقولوا الأستاز بملي السبورة كلام و بقلنا اكتبوه و عليكو واجب كذا كذا و خلصت الحصة

الحمد لله خلصت من منهج المدرسة

و هلأ بمنهج الجامعة الإسلامية برضو بقولوا إن منهجها صعب و ما فيها علامات عالية

يعني 70 بالإسلامية و لا 99 بغيرها


الله يعينا و يعينكم يا رب


تسلم ايديكي فلسطينية
و بعد إذنك كبرت الخط شوية

[فلسطينيه والراس مرفوع]

أنــــــــــــــــــــــا أناشد في توجيهي ملزقيني في المنهج ملزقيني ياحبيبتي ^_^


أنا أعاني من طول المنهج وليس من صعوبته

مافي شي اسمو رياضيات ولا علم صعب بس بدو دراسة بس أنا مش تاعت دراسة


معـــك حق :ShababSmile111:

مناهجنا اطويييييييييييييييييلــــــة :ShababSmile111:

يعني بعد ما انخلص الدرس بتلاقي صفحتين حل اسئلة بــس

:ShababSmile111:

بدنا تخفيف من المادة

مهي المواد هيك هيك رح ينحزف منها لأنو ما بقدرو يعطونا اياه خلال الفصل الدرآســــي :ShababSmile239:

طيب يختصرو من البدآيـــة

المشكلــة انو المناهج الفلسطينية نزلت بطموح كبيــرة

بدهم ايطلعونا عباقرة من ورآ هالمناهج :ShababSmile221:

منورة ضووو الشمـــــــس :ShababSmile229: