(::..>[مناهــــــــج هالايـــــــــام .. وما ادرااك ما منـــاهج هالايــــــام]<..:: )

[فلسطينيه والراس مرفوع]

مرحبــــآ



موضوعنا هو مناهج هالايام لاخواتنا وكتير بيصير مشاكل من ورا هالمناهج الصعبة عليهم

واحنا بنتغلب بتدريسهم الها

جد والله يا حماعة اشي لا يطاق..

بتلاقي الطفل الي بالابتدائية بياخد مناهج او دروس هو مش قادر يستوعبها

مثلا ..

اللغــة العربيــة ..

بتلاقي الطفل الي بصف اول ابتدائي بيكتب بكلمة امبراطورية

شوفو هالكلمة ما اكبرها ( امبراطورية )

على ايامنا كنا بناخد امل وعمر

امل اكلت التفاحة

عمر اكل التفاحة

بس جيل هالايام غير ....

-----------------

اللغـــة الانجليزية

الانجلش يا عيــــــــــــــــــــــــني على الانجلش

على ايامنا كانو خلقة كتابين
هالايام بتلاقي ست سبع كتب

واشي كتاب story واشي كتاب Grammer

القواعد الانجليزي على ايامنا كان صفحتين بقفا الكتاب ويلا والسلام


------------------------

الرياضيات

يا حلاوة يا ولاااااااااد

اللي كنا ناخد فيه الجمع والطرح والضرب ووين ووين لما ناخد القسمة

جيل هالايام بتلاقيه مش طالع من البيضة ومفاعيص وبياخدو الاسس بالرياضيات

ولما نيجي ندرّسهم نحس كأنه بنحل بمعادلة كيميا

اسم الله علينا

---------------------

اللغــة الدينية

كنا بناخد سورة قل هو الله احد وسورة الناس والفلق والتين والزيتون

هالايام بتلاقيهم بصف رابع ابتدائي بياخدو سورة الكهف

------------------------

وهالايام فترة امتحانات بتكون عندهم وكل بيت بيصير يرتبط بالبيت علشان بدهم يدّرسو اولادهم

واحنا على ايامنا لما نصير بصف تالت ابتدائي خلص بندرس لحالنا

اجيال هالايام كتير بيتغلبو بالدراسة وصارو ما يطيقو يدرسو او يفتحو كتبهم حتى

وبالضرب واللطش لما يفهمو وهادا اكبر غلط

رح تقولولي هادا جيل مفتّح وواعي اكتر من قبل .. بس هينا بنشوفهم انه بيتغلبو كتير

ايش فايدة انه هم ماشيين بعصر التكنولوجيا وهم بيتغلبو بالدراسة كتير وما بيطيقوها


معلش ازا طولت عليكم بس حبيت اوضح بالكلام اكتر .....لاني بردو بعاني من هاي المشكلة سواء مع اخوتي او بدراستي انا

انتو شو رأيكم بكلامه الي قولته .. ورجوني آرائكم

[.:(خالد):.]

اخت فلسطينية والراس مرفوع ممكن تغيري الخط بسرعه

انا بدي اقرا الموضوع لكن الخط مش مزبوط يعني ما بينقرا

شوو هذا يا دودو بدنا نظل نكتبلك على الدفتر ممتاز وحسني خطك

له له

بدنا تجيبي علامة كاملة
^^

[.:(خالد):.]

بعد طلوع الروح قررت اني اقرأ الموضوع وعجبني كتيير
انا من زمان كان نفسي احكي بالموضوع

لكن يا اخت فلسطينية والراس مرفوع
الى بيتحكم في المناهج هي الدولة والحكومة
وكان هدفها من تكبير الناهج هو تعليم الطلاب من الصغر ، معلومات كبيرة حتى يخرج منهم العالم والمخترع وغيره ،،،
لكن اجت الوكالة والتي تتبع للاعداء بتصعيب المناهج والامتحانات
وانتهزت الفرصة كي ترسب الطلاب وتجعل منهم الجاهل والهارب من المدرسة

ولكن حكومتنا لم تراعي ذلك
ووافقت عليه لأنه منهاج متطور وحديث

وفي الآخر بقول حسبي الله عليهم

احنا في المنهج القديم ما كنا نمشي منيح
بدنا نمشي في الجديد
هههههه
الحمد لله اني خلصت من المدارس ورحت على الجامعه
وارتحت من الهم

يا ستي الله يخفف عن طلابنا عناء وشقاء المناهج والله يكتر من حذفاتهم ويزود من علماتهم

[فلسطينيه والراس مرفوع]

المشاركة الأصلية كتبت بواسطة .:(خالد):. اخت فلسطينية والراس مرفوع ممكن تغيري الخط بسرعه

انا بدي اقرا الموضوع لكن الخط مش مزبوط يعني ما بينقرا

شوو هذا يا دودو بدنا نظل نكتبلك على الدفتر ممتاز وحسني خطك

له له

بدنا تجيبي علامة كاملة
^^

هههههههههههههههههههه

وربي الخط كبيـــر وحجمــو 6

شو دخلني ازا انتو ما بتشوفو منيـــح

هههههههههههههههه ولا يهمك خـــآلد

هيني كبـــرت الخـــط

هيـــك أحســـن؟

ولا لســــآتو قد النمـــلة

[[ Islam ]]

هههههههههههههه

والله معك حق

المناهج كتيـــر كبيـــرة وصعبة ومش مراعية المراحل العمرية

يعني قبل يومين صاحبتي بتقلي .. اجا اخوها اللي بصف رابع بقلها اشرحيلي الصورة الجمالية !

بتقله متأكد انو الأستاز بدو الصورة الجمالية ولا يمكن بفكركم صف سادس

والأحلى من هيك صارت تشرحله المشبه والمشبه به ,, قلتلها احنا ع التاسع بدينا ناخد المشبه والمشبه به ههههه

حتى المناهج على الكبار صعبة كتييير ,, والأدهى من هيك في معلمات ما بيعطوا الدرس حقه في الشرح

يعني فهمت فهمت ما فهمت راحت عليك :s

لا نملك سوى أن نرفع أيدينا إلى السماء وندعو الله بأن يخفف عنا مصابنا

ههههههههه


الله يوفقك ويوفقنا يـــارب ,,

:)

[فلسطينيه والراس مرفوع]

المشاركة الأصلية كتبت بواسطة .:(خالد):. بعد طلوع الروح قررت اني اقرأ الموضوع وعجبني كتيير
انا من زمان كان نفسي احكي بالموضوع

لكن يا اخت فلسطينية والراس مرفوع
الى بيتحكم في المناهج هي الدولة والحكومة
وكان هدفها من تكبير الناهج هو تعليم الطلاب من الصغر ، معلومات كبيرة حتى يخرج منهم العالم والمخترع وغيره ،،،
لكن اجت الوكالة والتي تتبع للاعداء بتصعيب المناهج والامتحانات
وانتهزت الفرصة كي ترسب الطلاب وتجعل منهم الجاهل والهارب من المدرسة

ولكن حكومتنا لم تراعي ذلك
ووافقت عليه لأنه منهاج متطور وحديث

وفي الآخر بقول حسبي الله عليهم

احنا في المنهج القديم ما كنا نمشي منيح
بدنا نمشي في الجديد
هههههه
الحمد لله اني خلصت من المدارس ورحت على الجامعه
وارتحت من الهم

يا ستي الله يخفف عن طلابنا عناء وشقاء المناهج والله يكتر من حذفاتهم ويزود من علماتهم

هههههههههههههههههه

آمــــين يا رب

الله يسمـــع منكم

صحيــح الحكومة عملت هيك حتى تطلع جيــل مخترع وما بعرف شو

بس بردو اشي ومنّو

مش بهالصعوبة يعملوه

والله مرات بعجــز عن حل مسائل لاخواتي الصغار

مشكلتهم انهم نزلو المناهج بطموح كبيـــرة

كتبهم ملياني اسئلة وتدريبات وأشياء فوق طاقة وقدرات الطالب

ومش مراعيين فيهم مستويـــآت

يعني بتلاقي الكتــآب كلــو صعب

يلا.....منيح اني ما درست كل السنين منهـــآج فلسطيني

نيـــآل اللي خلصو من المدرســة كلهــآ

منـــور خيـــو خــــآلـد

[فلسطينيه والراس مرفوع]

المشاركة الأصلية كتبت بواسطة !BIR! هههههههههههههه

والله معك حق

المناهج كتيـــر كبيـــرة وصعبة ومش مراعية المراحل العمرية

يعني قبل يومين صاحبتي بتقلي .. اجا اخوها اللي بصف رابع بقلها اشرحيلي الصورة الجمالية !

بتقله متأكد انو الأستاز بدو الصورة الجمالية ولا يمكن بفكركم صف سادس

والأحلى من هيك صارت تشرحله المشبه والمشبه به ,, قلتلها احنا ع التاسع بدينا ناخد المشبه والمشبه به ههههه

حتى المناهج على الكبار صعبة كتييير ,, والأدهى من هيك في معلمات ما بيعطوا الدرس حقه في الشرح

يعني فهمت فهمت ما فهمت راحت عليك :s

لا نملك سوى أن نرفع أيدينا إلى السماء وندعو الله بأن يخفف عنا مصابنا

ههههههههه


الله يوفقك ويوفقنا يـــارب ,,

:)

هههههههههههههههههههه

معك حق حبيبتـــي

ما براعو مستويات ولا مراحل عمرية

بحكيلك كتيـــر اخوتي الزغار بيجو يسألوني عن أشياء اول مرة بسمع فيها وما أخدتهـــآ

>>>>>بحرجـــوني

كمان متل ما قلتي معلمين المادة ما بيعطوها حقها

وما بشرحوها منيح

حتى هم مرات بلاقو صعوبة فيهــــآ

منورة يا قمــــر

الله يوفقك ويحفزك ويحميكــي

[عيوني لفلسطين]

مافي الا حل واحد انروح على التربية والتعليم هههههههههههههههههههههههههههههه ونعطيهم بهدله امرتبة لتخفيف المناهج( هاد اذا ماصعبوه من البهدله) ههههههههههههههههههه الله يسهل علينا ويسهل عليكم كل الدروس بعين الله مشكوووووورة فلسطينية على الموضوع

[εïз ملآكـ εïз]

السلآم عليكم و الرحمهـ

كيفك خيتوو ؟؟ ان شــآآ الله بخير

و الله مو حــآلة

و انا برضو بشوف كتب خوآت صحباتي ..

اشيا بجد صعبة احنا ماخدينها جديد و هما لسة مفاعيص

و مو بس مناهج الزغار

مناهجنا احنا استغفر الله ما بتنشاف

الابتدائي صاروا ياخدوا مناهج الاعدادية

و احنا بناخد مناهج التوجيهي

هاد مو تطوير ولا ما يحزنون

الوآحد بس يبدا مدرسة بدو شي يشجعوا اما لمن يلآقوا كلو صعب رح يطفش و عمرو ما يجيب علآمات

آل بدهم جيل زكي و بفهم من بكير

و الله ما بيفهموا مصلحة حد

الله يسامحهم

يسلمو خيتوو ع الطرح

الك مني ارق تحيهـ،

تقبلي مروري

[.!. الراحل الى المجهول.!.]

شو يا فلسطينيه جايبه جيش نمل معك ولا كيف

الخط كبيييييير انا شايفو


ليش مكبراه هالئد؟؟!!!!



علي كلت حال احنا شعب فلسطيني بناكل الزلط كيف ما بنقدر نتعلم


احنا شعب الجبارين عي قول الراحل ابو عمار


يعني بنفهم الشي حتي لو بطلوع روح


ســلامو