+|:: هــل معرفة اســم البـــنت "عــــار" ::|+ [الأرشيف]

ABU-NOUR

07-05-2008, 04:17 PM

السلام عليكم ورحمة الله وبركاته ..

بسم الله الرحمن الرحيــم

اليوم لفت أنتباهي لمن وصلنا ع البت مكتوب لـ فرح الله يفرحنا ويفرحكم ^^

امممممممممــ

مكتوب فيه اسم الشـــب الي بدو يتزوج ... وكاتبين حــرف A بدل من اسم البـــنت الي متقدم الها ..

اممممممممــ

فهـــل لهـــاي الدرجـــة المغـــالاة في الديـــن ؟؟

هل لهاي الدرجــــة انو اسم هالبنت لازم ما ينحكـــى ؟؟

يعني شي بجــد غريــب ..

هل هو عـــار انو واحد يعرف اسم هالبنت ^^ ... ولا كيف ؟؟

هاي البــنت حافظــة كتاب الله , وأهلها معروفين انهم متديينين .. لكن مش لهاي الدرجة

يعني أفرض كتبو اسمها في المكتوب !!

شو راح يصير :icon9: .. راح نتزوج اسمها ولا كيف ؟

هالقضـــية منتشــرة كثير ...

حابب أفتح باب النقاش لنفيــد ونستفيـــد

(إختلاف الرأي لا يفسد للود قضية)

:s (43):

السيف عدي

07-05-2008, 04:25 PM

اشكرك على الموضوع ،

في شباب من باب التشدد ما بحبوا يحكو اسم البنت

وفي شباب بنظروا للموضوع ببساطه اكتر ومتل ما حكيت انو اسم البنت عادي ،،

انا من النوع التاني .. لانو ما في داعي للتشدد والمغاله في الامور ،،

يعطيك العافيه

فلسطينيه والراس مرفوع

07-05-2008, 04:26 PM

ممممممم

لاء وين المشكلة ازا انعرف اسم البنت

والله ما في مشكلة

مغالاة في الدين اكيييد

يعني شو العار ازا انزكر اسم البنت

ما فيها شي

يسلموو عمو ابو النور على الطرح

*ريحانة القلب*

07-05-2008, 07:18 PM

احكيلك شي

هو ما فيها عيب ولا حرام انو ينذكر اسم البنت

بس ثقافة الشباب هالايام غريبة .. احيانا ما بتنفهم !

بسمع من اخواني العجايب ..!

الشباب بعايرو بعض .. انو اعرفت اسم اختك

او اعرفت اسم زوجتك .. وكانه عار .. !

يعني الموضوع مو متعلق بالدين ولا بثقافة

متعلق بعقلية الشباب نفسهم ..

حاولت ابحث عن سبب تاني ما لقيت

بس في كتير ناس بكتبو اسم العروسة عادي ..

يسلمو ع الموضوع ابو نور

يعطيك العافية

’ ’ ’ ’

الرمشـ الحساسـ

07-05-2008, 07:53 PM

ممممممممممم وين المشكلة لما ينعرف اسم البنـــت!

عادي يعني هههههههههههه

كووووول كتييييير..

انا بحس انو لا عيب ولا حرام لما ينحكى اسم البنت..

شو راح يصير :icon9: .. راح نتزوج اسمها ولا كيف ؟

ههههههههههههههههههههههههههههههههههه ههههههههههه

ههههههههههههههههههه ههههههههههههههههههههههههه

صح والله..:wacko:

انا عارفة الي بدو يحكي يحكي والي خايف على اسمو ما يحكي وبس:showoff:

تسلم ابو النووور..

طرح مميز..

يعطيكـ العافية..

:s (43)::s (43):

روزي

07-05-2008, 08:09 PM

والله مابعرف يعني مش لهدرجة المغالة
يعني بس احيانا الناس بتخاف من هيك شغلات
والله اعلم
وتقبلوا مروري

جورية القسام

07-05-2008, 08:25 PM

المسالة يا اخوان انو لو سمع الشاب اسم البنت
ممكن يصير يلحق وراها باسمها
وانا ما بحب انو حدة يعرف اسمي
بس كمان هو مو عيب

زينة نابلس

07-05-2008, 08:49 PM

انا بشوف انو اسم البنت مو عيب ينكتب بالكرت بالعكس ع القليلة المعزومين بعرفو شو اسم العروس هاي
بس احكيلك شغلة عنا بمجتمعاتنا مابعرف كيف بفكرو خاصة اب البنت اكتر من خطيبها بركز انو اكتب كريمتها طيب ليش اسمها في عيب شي مابعرف كيف
بغض النظر انو في كتير ناس بكتبو اسم العروس وبفتخرو فيه
الا اذا كان اسمها مو حلو هادا شي تاني
هادا رأيي تقبل مروري
زينةةة

ABU-NOUR

07-05-2008, 09:05 PM

امممممممممــ وجهات نظر

بس لو شو ما كان ,,

ما فيها شي

لو فيها شي ..

كان ع الأقل ,,
1- انو السيدة مريم العذراء ما انذكر اسمها في كتاب الله ,
2- كان الرسول صلى الله عليه وسلم ما ذكر اسماء زوجاته , او اسماء بناته .
3- بعدين اسيا زوجة فرعون كان ما انذكر اسمها .

بس هذا كلو مغالاة في الديــن ..

ثانياً : بالنسبة انو الشب عرف اسم اختي والشب ما عرف اسم امي ,,
هذا كلو كلام فارغ , وان عبر انما يعبر عن شخصية تافهة ..

ثالثاً : انو الشب يلحق البنت مشان اسمها ,, هذا واحد ناقص ^^

حتى في المنتدى هنا ,, اذا انعرف اسم البنت بيصير طوش ههههههههههه

وبينفتح باب التحقيق . كيف عرف وشو عرفه , وليش عرف

أما بالنسبة لأسمها حلو او مش حلو هاي شي تاني ..

أولاً وأخيراً ,, اللهم استرنا دنيا واخرة يا رب ..

وشكراً لمروركم ^^ جميعاً

بننتظر وجهات نظر باقي الاعضاء ..

Arabian girl

07-05-2008, 09:25 PM

Princess of Sense

07-05-2008, 09:32 PM

موضوع حلو كتير ابو النور يسلمو

وانا واهلي كتير بننقهر لما يجينا كرت عرس ومكنوب اسم العريس وجنبه كريمته

يعني عنجد شو هاد شو بدنا نعمل بالاسم احنا !!!

يسلمو ابو النور ^.*

ABU-NOUR

07-05-2008, 11:07 PM

اول شي مشكور ع الموضوع القيم
الصراحة الشغلة مو بالعيب وهيك
المشكلة بالشباب لانو هلا بطل في امان
والبنت اقل شي بمسها يعني ادا متلا شب صايع سمع اسم ينت بالشارع بروح بحكي لاخوها اختك فلانة صاحبيتي او بعايرو فيها
وهادي الشغلة مو من نسج الخيال صارت مع بنات
يعني هادا الاسم اقل شي ممكن يستخدم ضد البنت

:icon9:

صراحةً هذا واحد بيكون ناقص ,, وتافه ,, لا بل أكثر من تافه ..

بس هذا مش مبرر ..

وأصلا ما في واحد بيقدر يجي لواحد ويحكيلو انا بعرف أختك ,, لانو عارف يا أما راح ياكل قتلة ,, يا أما ......... .

:s (43):

تحيتي

ABU-NOUR

07-05-2008, 11:09 PM

موضوع حلو كتير ابو النور يسلمو

وانا واهلي كتير بننقهر لما يجينا كرت عرس ومكنوب اسم العريس وجنبه كريمته

يعني عنجد شو هاد شو بدنا نعمل بالاسم احنا !!!

يسلمو ابو النور ^.*

لا ولا تنقهرو ولا شي ^^

الشغلة مش مستاهلة

بس القصة وما فيها

هل هذه البنت أحسن وأفضل من السيدة عائشة مثلاً والي انذكر اسمها ؟

هل هي أفضل من فاطمة بنت محمد صلى الله عليه وسلم لحتى ما ينذكر اسمها ؟

بس انا من وجهة نظري ,, حتى لو شو ما كان , هذا اسمه مغالاة في الدين أكثر من اللازم ...

~ | Mazaj

07-05-2008, 11:10 PM

ABU-NOUR

07-05-2008, 11:12 PM

مممم ،،

والله احنا بالصدفة وصلنــا كرت برضو نفس الشغلة كان مكتوب اول حرف

كان حرف الـ H ..

لفتت انتباهي هالشغلة واستغربت ..

بس يمكن بغار عليها كتير :icon11:

كل واحد وراحتــو ..

يعطيك العافية

ههههههههههه

من شو بغار من اسمها هههههههههههه :icon9:

ليش شو الناس بدها تتأمل اسمها ولا شو بدها تعمل فيه ؟ .. :icon6:

اه يمكن واحد يقص اسمها ويحطو في واجهة البيت ... :wacko:

تسلمي لوجهة نظرك فجر ^^

.:.!دموع الرحيل!.:.

07-05-2008, 11:17 PM

ممممممم

مـا أظن فيهـا شي عظيم .. عـادي !

بس ممكن البنت تتحفظ على اسمهـا اذا حسـت انهـا بمجمتع شبابه ما إلهم أمـان ..

نفوسهم مريضة .. ساعتهـا فعلا اسمهـا ممكن يكون شي من الاشيا الي بدهـا

تخبيه على الشباب الي ممكن تنوجد بيناتهم بطريقة او بتـانية ..

بس كمـان مش لدرجة انه ما ينكتب الاسم بالكرت :icon9:

كتير هيـك ..

أظن القصة صارت عاادات وتقاليد وأفكار لمجتمعـات معيّنة

أكتر ما هي قصة دين وإلتزام ومدري شو , ,

يعطيك العافيه أبو نــــــــــــور ^^

ABU-NOUR

07-05-2008, 11:22 PM

اممممممممممــ وجهة نظر بردو

تسلمي دموع الرحيل ^^

نّورتي

حنان16

07-06-2008, 01:33 AM

!!

الحمد لله احنا ما عندنا هالشي الا نـــــادرا

وعموما هيدا يمكن بيرجع اولا

لبيئة اصحاب الفرح ( عادات - تقاليد - ... )

اما ثانيا

فهو الانحطاط اللي وصل لاله معظم شباب اليوم

وكمان التشدد ازاء مجتمعنا الذي لا يرحم اضافة الى ما يشهده من عجائب

اما من الواجهة الدينية فبشوف انه ما فيها شي

والله اعلم

وربنا يستر على الجميع في كل الاحوال

تسلم على الطرح المميز خيي ابو النور

..

تحيتي

Arabian girl

07-06-2008, 09:24 AM

:icon9:

صراحةً هذا واحد بيكون ناقص ,, وتافه ,, لا بل أكثر من تافه ..

بس هذا مش مبرر ..

وأصلا ما في واحد بيقدر يجي لواحد ويحكيلو انا بعرف أختك ,, لانو عارف يا أما راح ياكل قتلة ,, يا أما ......... .

:s (43):

تحيتي

الصراحة هلا المعظم صار تافه :wacko:
وهادا بالاردن بصير

Anonymous Gril

07-06-2008, 09:36 AM

معرفة اسم البنت مش عار ولا عيب ...

بس يمكن العريس ما بدّه حدن يعرف اسم زوجته أو إنه العروس مش حابة انه ينكتب اسمها لأسباب هي

بتعرفها وبس..

ويمكن يعني أهل العروس متشددين على أقل شيء..

أما بالنسبة الي فأنا بحكي اسمي للكل ...و إذا عرفوه ما بنادوني فيه بنادوني باسم تاني ما بعرف ليش..

وتعالوا هون هلاّ هادي البنت مش حيكون معروف اسمها من قبل صديقاتها اللي في المدرسة أو وحدة من

جاراتها وينتشر وبالتالي ينعرف فليش يخبّوه من أساسه..

يسلموووو ABU-NOUR ع الموضوع...

ع فكرة كل ما أشوفك في المنتدى أو أقرأ اسمكــ بفكّركــ أبوي .....ههه..

ABU-NOUR

07-06-2008, 11:41 AM

حنان16 وجهة نظر ^^ ,
بس من ناحية دين فيها كثير . اذا بدها تخبي اسمها مشان الدين , هذا ما شفناه من الصحابة ولا من الرسول , بالعكس زوجاتهم وبناتهم معروفين عادي ..

Arabian girl ,
اممممممــ الأردن ...

عاشقة الشجاعية ,
اها ,, تسلمي خيتوو ع وجهة نظرك

ههههههههههه , والدك ,, ابونور ^^

تسلموو جميعاً لوجهات نظركم ..

Arabian girl

07-06-2008, 03:29 PM

Arabian girl ,
اممممممــ الأردن ...

لاني مغتربة وموجودة حاليا بالاردن

الحان الحرية

07-07-2008, 11:56 AM

ـممممممـ

بالعكس

انا شايفة انو شي عادي جداً ينكتب اسم البنت ,,

مش غلط يعني

مش صورتها ولا رقم تيليفونها

مجرد اسم ^^

شكراً ابو نور ع النقاش

الفتاة المشرقة

07-07-2008, 12:39 PM

موضوه مهم بصراحه

انا بنظري ذكر اسم البنت مش عيب

اسمها شو رح يأثر يعني يمكن في ناس ما بحبو طبعا برجع لعادتهم وثقافتهم وتشددهم

بس ما فيها شي

وخاصه في كثير بنات ونساء صاحبات اهميه في المجتمع

يعني لا عيب ولا حرام مجرد عاده بس

بسم الحب

07-07-2008, 12:43 PM

موووووووو عيب بل فخر

وتسلم ابو النور

وتقبل مروري ع صفحاتك الخلابه

ABU-NOUR

07-07-2008, 02:23 PM

وجهات نظر

بحترمها ^^

يسملووو الكم جميعاً

ما تحرمونا من مشاركتكم , , ما تحرمونا من نقاشكم ^^

عالجوني يحسبوني مريضه

07-07-2008, 04:13 PM

أنا أعتقد ذكر أسم البنت مو عار
لكن في هالزمن صار الواحد يخاف من كل شي حتى ذكر أسمه

وحنا عندنا بالسعوديه مايكتبوا حروف

يكتبون يتشرف أبننا الشاب بالزواج من كريمه ... يكتبون أسم أبوها أو أخوها أذا كان الأب متوفي

هالشي بمنطقتي اللي ساكنه فيها
والسعوديه دوله كبيره بتختلف كل منطقه عن أخرى في العادات .... فماأعرف أذا المناطق الثانيه تختلف عنا والا لا

عاشق البندقية

07-07-2008, 04:24 PM

كمان أنا ما بظن إنها الشغلة فيها حرام ,, ولا عيب إنما بتدايق أحيانا ,,

بنت فلسطين المجروحة

07-07-2008, 08:29 PM

ابو النور انا مافهمت شغلة

انتا ليش ربطتها بالدين وانو مغالاة في الدين ؟ لانو اهلها متديينين يعني ؟

لأنو هاي عادي مجرد اعتقادات ماحرمها الاسلام

بالعكس انا بعرف انو الدين الاسلامي اقر مااقرته عادات المجتمع مالم يتعارض مع امور التشريع

فيعني فش فيها اشي ولا هي مغالاة ولا اشي

هي مجرد معتقدات

ما بظن انها اكتر من هيك

بس بدي اعرف ليش ربطتها بالمغالاة في الدين ؟

RaWaNoOo

07-08-2008, 12:31 PM

والله موضوع حلو

يسلمو كتير

انا بنظري ما بحب ينعرف اسم البنت خصوصا بالشارع

يعني ما بحب حدا من صاحباتي تناديني بالطريق باسمي

او حتى مع اهلي بحكيلهم اول ما نطلع ما تنادوني بأسمي

نادوني حسنة ولا تحكولي روان بالشارع

هههههههههه

مش لانو اسم البنت عار

بس مش منطق انو اي حدا يعرف اسمها

لانو مش كل الناس نيتهم صافية

و ازا بدنا نيجي للدين الدين ما بعتقد انو حرم هالشي

بس برضو الدين بيحكي انو لازم نمشي على العادات و التقاليد

شكرا ^^

Maram .. ~

07-08-2008, 01:43 PM

أنا رأيي إنو عــادي ما فيها إشي..

يعني انا و صحباتي تقريبا كل سكان البناية بيعرفوا أسامينا .. يعني ما فيها إشي..

و الدين ما حرم هاد الشي..

بالأخير كل واحد بيمشي على هواه و حسب عاداتو و تقاليدو..

شكرا كتير أخي أبو النور ع الطرح المميز..

ما تحرمنا..

:)