+|:: هــل معرفة اســم البـــنت "عــــار" ::|+

[ABU-NOUR]

السلام عليكم ورحمة الله وبركاته ..

بسم الله الرحمن الرحيــم

اليوم لفت أنتباهي لمن وصلنا ع البت مكتوب لـ فرح الله يفرحنا ويفرحكم ^^

امممممممممــ

مكتوب فيه اسم الشـــب الي بدو يتزوج ... وكاتبين حــرف A بدل من اسم البـــنت الي متقدم الها ..

اممممممممــ

فهـــل لهـــاي الدرجـــة المغـــالاة في الديـــن ؟؟

هل لهاي الدرجــــة انو اسم هالبنت لازم ما ينحكـــى ؟؟

يعني شي بجــد غريــب ..

هل هو عـــار انو واحد يعرف اسم هالبنت ^^ ... ولا كيف ؟؟

هاي البــنت حافظــة كتاب الله , وأهلها معروفين انهم متديينين .. لكن مش لهاي الدرجة

يعني أفرض كتبو اسمها في المكتوب !!

شو راح يصير .. راح نتزوج اسمها ولا كيف ؟

هالقضـــية منتشــرة كثير ...

حابب أفتح باب النقاش لنفيــد ونستفيـــد

(إختلاف الرأي لا يفسد للود قضية)

[السيف عدي]

اشكرك على الموضوع ،

في شباب من باب التشدد ما بحبوا يحكو اسم البنت

وفي شباب بنظروا للموضوع ببساطه اكتر ومتل ما حكيت انو اسم البنت عادي ،،

انا من النوع التاني .. لانو ما في داعي للتشدد والمغاله في الامور ،،

يعطيك العافيه

[فلسطينيه والراس مرفوع]

ممممممم

لاء وين المشكلة ازا انعرف اسم البنت


والله ما في مشكلة


مغالاة في الدين اكيييد


يعني شو العار ازا انزكر اسم البنت


ما فيها شي


يسلموو عمو ابو النور على الطرح

[*ريحانة القلب*]

احكيلك شي

هو ما فيها عيب ولا حرام انو ينذكر اسم البنت


بس ثقافة الشباب هالايام غريبة .. احيانا ما بتنفهم !

بسمع من اخواني العجايب ..!

الشباب بعايرو بعض .. انو اعرفت اسم اختك

او اعرفت اسم زوجتك .. وكانه عار .. !


يعني الموضوع مو متعلق بالدين ولا بثقافة

متعلق بعقلية الشباب نفسهم ..



حاولت ابحث عن سبب تاني ما لقيت

بس في كتير ناس بكتبو اسم العروسة عادي ..




يسلمو ع الموضوع ابو نور


يعطيك العافية



’ ’ ’ ’

[الرمشـ الحساسـ]

ممممممممممم وين المشكلة لما ينعرف اسم البنـــت!

عادي يعني هههههههههههه

كووووول كتييييير..

انا بحس انو لا عيب ولا حرام لما ينحكى اسم البنت..

المشاركة الأصلية كتبت بواسطة ABU-NOUR
شو راح يصير .. راح نتزوج اسمها ولا كيف ؟

ههههههههههههههههههههههههههههههههههه ههههههههههه

ههههههههههههههههههه ههههههههههههههههههههههههه

صح والله..


انا عارفة الي بدو يحكي يحكي والي خايف على اسمو ما يحكي وبس


تسلم ابو النووور..

طرح مميز..

يعطيكـ العافية..

[روزي]

والله مابعرف يعني مش لهدرجة المغالة
يعني بس احيانا الناس بتخاف من هيك شغلات
والله اعلم
وتقبلوا مروري

[جورية القسام]

المسالة يا اخوان انو لو سمع الشاب اسم البنت
ممكن يصير يلحق وراها باسمها
وانا ما بحب انو حدة يعرف اسمي
بس كمان هو مو عيب

[زينة نابلس]

انا بشوف انو اسم البنت مو عيب ينكتب بالكرت بالعكس ع القليلة المعزومين بعرفو شو اسم العروس هاي
بس احكيلك شغلة عنا بمجتمعاتنا مابعرف كيف بفكرو خاصة اب البنت اكتر من خطيبها بركز انو اكتب كريمتها طيب ليش اسمها في عيب شي مابعرف كيف
بغض النظر انو في كتير ناس بكتبو اسم العروس وبفتخرو فيه
الا اذا كان اسمها مو حلو هادا شي تاني
هادا رأيي تقبل مروري
زينةةة

[ABU-NOUR]

امممممممممــ وجهات نظر

بس لو شو ما كان ,,

ما فيها شي

لو فيها شي ..

كان ع الأقل ,,
1- انو السيدة مريم العذراء ما انذكر اسمها في كتاب الله ,
2- كان الرسول صلى الله عليه وسلم ما ذكر اسماء زوجاته , او اسماء بناته .
3- بعدين اسيا زوجة فرعون كان ما انذكر اسمها .

بس هذا كلو مغالاة في الديــن ..

ثانياً : بالنسبة انو الشب عرف اسم اختي والشب ما عرف اسم امي ,,
هذا كلو كلام فارغ , وان عبر انما يعبر عن شخصية تافهة ..

ثالثاً : انو الشب يلحق البنت مشان اسمها ,, هذا واحد ناقص ^^


حتى في المنتدى هنا ,, اذا انعرف اسم البنت بيصير طوش ههههههههههه

وبينفتح باب التحقيق . كيف عرف وشو عرفه , وليش عرف

أما بالنسبة لأسمها حلو او مش حلو هاي شي تاني ..



أولاً وأخيراً ,, اللهم استرنا دنيا واخرة يا رب ..

وشكراً لمروركم ^^ جميعاً

بننتظر وجهات نظر باقي الاعضاء ..

[Arabian girl]

اول شي مشكور ع الموضوع القيم
الصراحة الشغلة مو بالعيب وهيك
المشكلة بالشباب لانو هلا بطل في امان
والبنت اقل شي بمسها يعني ادا متلا شب صايع سمع اسم ينت بالشارع بروح بحكي لاخوها اختك فلانة صاحبيتي او بعايرو فيها
وهادي الشغلة مو من نسج الخيال صارت مع بنات
يعني هادا الاسم اقل شي ممكن يستخدم ضد البنت