مع أو ضد ... موضوع اكثر من رائع ( إن شاء الله ) [الأرشيف]

تحـ البشر ـدوهـ

01-08-2008, 04:14 PM

*·~-.¸¸,.-~*مـــع او ضــــد؟؟ *·~-.¸¸,.-~*

--------------------------------------------------------------------------------

السلام عليكم ورحمة الله وبركاته

عندي الــيوم لكم موضــوع أتمنى انه يعجبكم مثل ما عجبني . ..

وفكـرته كالآتي ،،،

الفكره ان تطرح سؤال ويقوم العضو الذي بعدك بالاجابة عليه

من خلال الاجابه بــ (مع أو ضد ) ومن ثم طرح سؤال جديد

يقوم العضو الاخر بالاجابة عليه ووضع سؤال اخر وهكذا

وتكون الأجابه

مـــــــــع ..... أو ..... ضــــــــــــد في حوار عام

ومن ثم طرح السؤال التالي

وتبقى الاجابه للعضو اللي بعده و هكذا ،،، ..

يجــااوب العضــو على السؤال الســابق

ويطـرح سؤال من عندهـ ..

وتكوون كل إجاابهـ على حســب وجهة نظـر الشخص
أتمنى اني استطعت توصيل فكرة الموضوع...

تقبــلوا تحيـــاتي
...
..
.
ت
ح
د
و
هــ

Pink Rose

01-08-2008, 04:19 PM

فكرة حلوة كتير

وانا رح ابدأ

مع او ضد المدارس المختلطة ؟

وشكرا الك تحدووه عالموضوع الحلو

:s (43):

تحـ البشر ـدوهـ

01-08-2008, 04:21 PM

والله يا خيتي شوفي .... المدرسة المختلطة ... لها عدة اوجه .... فلو نظرنا لها من وجه دينيي ... فهي محرمة شرعاً مهما كانت الاسباب ... واللي بده يتأكد بجيبله الفتوى من الشيخ ابن باز رحمه الله .,. ولكن لو نظرنا لها من واجه دنيوي ... فالشباب متل العصفور ... اذا ضل محبوس في قفص ... وطلقناه فجأة ... راح يطير لابعد الحدود ... وفالاخر راح يموت لانه ما تعود على شي اسمه قانون الغاب ( البقاء للاقوى ) ... واكبر دليل ... معضم اهل المملكة العربية السعودية ... الى من رحم ربي ... ولكن ديننا الشريف حثنا على التربية الصالحة للوصول الى عائلة صالحة ... وبالتالي لو كانت العائلة صالحة ... فمش راح يهمها اي مطب ... مثل المدارس المشتركة

هذا بالسنبة الي
واتمنى انه الفكرة وصلتكم

انا الان اسال ؟؟

مع او ضد ؟ حصول المراة علىرخصة سواقة في مجتمع مغلق ؟!!!

اتركم مع وجهات نظركم

تحياتي
...
..
.
ت
ح
د
و
هـ

هادي

01-08-2008, 04:33 PM

شو المشكلة في إنها المرأة تسوء سياره؟؟؟ أنا مع.
وسؤال للي بعدي:
صحيح الحب يأتي بعد الزواج .. أو أن الحب يجب يكون سبباً للزواج؟؟

بنت الجنوب

01-08-2008, 04:38 PM

تــحــ البشر ــدوهــ

يسلم ايديك

علي االفكرة الحلوة

وانا راح أجاوب علي السؤال

انا موضد المرأة انها تسوق سيارة (حرية شخصية)

واذا كان مجتمع مغلق بالنسبة لمجتعنا

لمن تخلص عنا النكبة ةالاحتلال نبقي نحل قضية السواقة للمرأة

السؤال للي لبعدي

انت ضد او مع سفر الطالبة الجامعية للدراسة بالخارج

تحـ البشر ـدوهـ

01-08-2008, 04:49 PM

بالنسبة لأمجد ... فأنا بقول ... إنه الحب ... مستحيل انا يلي نقرر مصيره ... الحب اصلاَ مو بكيفك ... واللي بيقولك ممكن اتحكم بقلبي ... فاعذرني ... وقووله بيقولك ( مؤيد ) إنت كذاب ... ومشكور على مشاركتك

اما بالنسبة للاخت بنت الجنوب ... انا مع وضد بنفس الوقت
... فمعها اذا كان معها محرم ... وضدها اذا لم يكن معها محرم

تقبلوا تحياتي
...
..
.
ت
ح
د
و
هـ

Pink Rose

01-08-2008, 04:52 PM

ما حطيت سؤال تحدووه ^^

عموما ان سؤالي

مع او ضد الشات بالنسبة للبنات ؟

تحـ البشر ـدوهـ

01-08-2008, 04:58 PM

خيتي الزهرة الوردية ... ( بينك روز ) مشكورة عمرورك ... لكن انا حطيت سؤال ( إنتبهي منيح المرة الجاية ههه )

وبالنسبة لموضوعك ... فطبعاً ضد ... السبب ... انه راح تختلط مع شباب في كلامها ... طبعاً كلنا بنعرف انه مسكين ابن ادم ... بيضيع من اولها ... الى من رحم ربي طبعاً فما بالك عاد لو بنات ... فالبنات بتتحكم فيهم العاطفة كتير اكتر من الشباب بكتير ... منشان هيك بيضيعوا من اولها ... الى من رحم ربي كمان مرة

مشكورة خيتي

تحياتي
...
..
.
ت
ح
د
و
هـ

:s (43):

نورسة الشمال

01-08-2008, 09:20 PM

وينه السؤاااااال؟؟؟؟؟؟

المهم انا أنحط سؤال

مع أو ضد امتلاك المراهقات للجوال؟؟؟؟

الصمـــ رفيق الصحراء ــت

01-08-2008, 09:31 PM

شوفي يختي نورسه الشمال
انا مع الشباب اللي بحملوا جوالات بمرحلت المراهقه
وعادي ما فيها شي يعني شو بختلف عن باقي المراحل

اوكي سؤالي :showoff:

مع او ضد القعده عالكمبيوتر بهاد الوقت:icon11:

وتحياتي ليك اخي

عالموضوع
وعشت

جرحٌ بملامح انسان

01-08-2008, 09:51 PM

ههههههههه
بهاد الوقت

شو يعني بيختلف
هاد وقت حلو
عادي جدا ^ ^

وأنا سؤالي
مع أو ضــد انها البنت الغير متزوجة تشتغل بمكان مختلط ^ ^

... أظني الفكرة مكررة ... ^ ^
مشكور تحدووه على الموضوع

أحلى مايا

01-08-2008, 11:10 PM

مممم لا مع ولا ضد بس بردو عادي بس البنت تلتزم حدودها

وانا حاليا بشتغل هيك :)

مع او ضد خروج البنت لوحدها اول مع صحباتها

تحـ البشر ـدوهـ

01-09-2008, 03:27 AM

خيتي احلى مايا ... واثق الخطى يمشي ملكاً .. فشو المشكلة لو طلعت البنت لحاله او مع صحباتها ؟؟؟ ... عادي الواثقه من حالها تطلع لحالها ... شو المشكلة ؟ ... بس المصيبة في اللي مو واثقة من حالها هههه

مشكورة خيتي عالمشاركة ... ومشكورين كلكوا ... بس يا ليت ما حدا يرد الى لمن يجاوب على سؤال اللي قبله ... منشان النظام بليييز

سـ1ــ : هل انت مع او ضد ... جلوس البنت على الانتر نتـ ؟

يلى تحياتي
...
..
.
ت
ح
د
و
هـ

بسكوتة

01-09-2008, 03:34 AM

يا سلام :icon11:

مع جلوس البنت عالإنترنت ومع جلوس الشب عالإنترنت كمـان

والإنترت سلاح ذو حدين والمستفيد هوي اللي رح يستخدمه صح

ويعـود عليه بالنفـع طبعـا ،،

سؤالي مع أو ضـد ؟؟؟

// الهجـرة يعنـي الغربـة تقريبـا ،، غربـة الأهـل وغربـة المكـان ،،

تحـ البشر ـدوهـ

01-09-2008, 03:48 AM

ههههههههه بسكوتة حلوة هاي ... يلي مع جلوس التنين ... ردك رائع ... وصطلحك قوي ( سلاح ذو حدين ) مشكورة كتير عطرحك الرائع

وبالنسبة لسؤالك ... فشوفي ... اذا كان في الغربة فائدة لا بد منها فأنا معها ... ولكن الافضل الوطن ... وفي متل بيقول ... اللي بيطلع من دارة بينقل مقداره هههه

يلى دمتي بود خيتي ... ما بدي اطرح كمان سؤال ... خليهم يلحقوا يردوا عالأسئلة هههه
...
..
.
ت
ح
د
و
هـ

بسكوتة

01-09-2008, 03:53 AM

ههههههههههه طيب يلا

موضـوع حلـو تسلم إيـديـك ^^

تحـ البشر ـدوهـ

01-09-2008, 04:09 AM

الله يرضى عنك يا غالية ... وردك الحلو ... تقبلي تحياتي
...
..
.
ت
ح
د
و
هـ

http://shabab.ps/vb/images/smilies/s%20(43).gif

جرحٌ بملامح انسان

01-09-2008, 09:18 AM

شو ما في سؤال ^ ^

أنا رح أجاوب على آخر سؤال كان موجود لبسكوتة

الغربة الها كتير أغراض
وأنا معها اذا كانت لغرض معين ومن وراه منفعة
أما ازا كانت بدون سبب أو غرض طبعا ضدها
لشو الواحد يطلع بره بلدوه وهو ما اله قيمة الا في بلده أصــلا ^ ^

أنين

01-09-2008, 09:23 AM

يعطيكـ العافيه تتحدوه ,,,

الموضوع حلوو .. بس .. ياريت نتلزم بالقوانين ..

يعني ياريت يضل الموضوع سؤال وجواب ...

وماينقلب شات ...

انا وضحت ونبهت وازا صار اي شي

راح ينحذف الموضوع

:s (43):

وتحياتي لألك

Kasoul

01-09-2008, 09:23 AM

فكره زريفه تحدوه

مم وسؤالي هل انت مع او ضد ....الكسل >>>>> واذا ضد بدي سبب واضح ومقنع :icon28: :icon28:

نور اليقين

01-09-2008, 11:41 AM

http://www.rooosana.ps/Down.php?d=j6ca

&

http://www.rooosana.ps/Down.php?d=MpaR

جروح الأيام

01-09-2008, 11:59 AM

السلام عليكم

مم وسؤالي هل انت مع او ضد ....الكسل >>>>> واذا ضد بدي سبب واضح ومقنع .
.

ضـــد الكســــــــــل لأنه مضر بالصحه كتيررر الجسم بصير بحالة أحباط
وغير هيك تضيع وقت فراغ ممكن نستفيد منو بشي مفيد

وباء مضر
الله يجعلك تصير نشيط مش كسوول :b:

ســـؤالي أنا _________

مع أو ضد الحب الألكتروني كما نسميه
حب الأنترنت ؟؟؟؟

كل الود

تحـ البشر ـدوهـ

01-09-2008, 12:07 PM

انا مع حب الانتر نت ... ههههههاااي

الانتر نت يا جماعة هو مجرد وسيلة مو اكتر .... بس الحب ... في القلب

.... سؤال هو ... هل انت مع او ضد السيارات للشباب المراهقة

تحياتي
,,,
,,
,
ت
ح
د
و
هـ

Kasoul

01-09-2008, 12:23 PM

Pink Rose

01-09-2008, 12:28 PM

جروح الأيام

01-09-2008, 12:33 PM

^^
طبعا مع >>>> بينجلب الموتر :icon11:

هل تستمع الى الاغاني,,هل انت مع او ضد,, (مع ذكر الاسباب)
فسر: وجهة نظرك
وضح: تفسيرك
اشرح: توضيحك

والعلامه من عشره >>> اشوف مين بدو ينجح :icon9:

خاص لــجروح : جربي عيشي حياة الكسل يوم واحد وشوفي بتغيري رايك ولا لاء :icon9:

ههههههه
ول ول كل هاد أسئله الي
طيب ياعم راح جاوب

اه بسمع أغاني :icon9:

مع سماع الأغاني بس مو دايما بالأفراح بالمناسبات الحلوه
دينا دين يسر ومش عسر

يعني شوية تغيرر بتعطينا

فسر: وجهة نظرك
هيك مقتنعه
وضح: تفسيرك
الي بفهم بكون ذكي والي بدو تفسير اكتر اكيد غبي خخخخخخخ:icon11:
اشرح: توضيحك :icon28:

شرحنا وخلصنا صار درس

يخرب بيتك أسئلتك صعبه

بس راح جاوب لو بشحد الحكي شحده

جروح الأيام

01-09-2008, 12:49 PM

أنا ياسكول بجرب الكسل بس كل جمعه
خخخخخ

وبحس حالي بدي أموت كأني كسلانه الي سنين

يعني كيف انت عايش مش عارفه

الله يصبرك على حالك

جروح الأيام

01-09-2008, 12:53 PM

سؤال

:
.
:
.
شو بتعمل بحياتك
بتدرس

عام
فاشل
؟!
وازا بتدرس شو بتدرس اي مرحله
وازا بتشتغل اي مجال
وازا فاشل ليش؟!

^_*

سي يو

Kasoul

01-09-2008, 01:00 PM

Pink Rose: علامتك 2 ونص >>> انخصم منك علامات
جواب سؤالك: انا من مبارح صاحي >>>> حاولي تعرفي الاجابه :showoff:
جروح: علامتك 9 ونص من عشره كان باين عليكي الاصرار وانتي بتحلي >>> ما تفكري تجادلي :icon9:

والسؤال يقول

هل انت مع الزواج المبكر او ضد
فسر: باختصار
علل: تفسيرك
وضح: تعليلك

كمان من عشره

Pink Rose

01-09-2008, 01:08 PM

مممممم

ضد :: لانه كتير بصير مشاكل نتيجة عدم وعيهم وما بكونوا لسه
بالمستوى التفكير اللي يقدروا يتحملوا مسؤولية اولاد وهيك ..

اللي بعدي ::

مع او ضد الزواج من الاقارب

Kasoul

01-09-2008, 01:11 PM

سؤال
شو بتعمل بحياتك
بعمل كل شي
بتدرس

بدرس وبشتغل
عام
من عام الفيل >> مافهمت السؤال

فاشل؟!
اه فاشل بدراستي وشغلي

وازا بتدرس شو بتدرس اي مرحله
بالتالته يمكن

وازا بتشتغل اي مجال
شغل خاص >>> بزنس

وازا فاشل ليش؟!
ما بدرس وبكسل بشغلي :icon5:

كمان خاص للبنت : ديري بالك ممنوع هيك اساله بعدين بقولوا عاملينو شات وبسكرو الموضوع وبكرها صاحب الموضوع فخلينا على مع وضد احسن :icon11:

Kasoul

01-09-2008, 01:31 PM

مممم
ضد :
لانو بنتج عنو مشاكل وراثيه
وبتم من دون موافقة البنت على الاغلب

هل انت مع النوم بعد الاكل ام ضد

*ريحانة القلب*

01-09-2008, 03:42 PM

لا انا ضد النوم بعد الاكل .. لأنو مُــضر ..

هــل أنت مع الصلاة في المسجد ؟

ABU YAZAN

01-09-2008, 04:31 PM

طبعا هاد ما بدها كلام
الصلاة بالمسجد للراجل
وبيت المرأة مسجدها

سؤالي هو

هـل أنت مع أو ضد الحـــب من أول نظرة ^ ^

جروح الأيام

01-09-2008, 05:00 PM

باك

هـل أنت مع أو ضد الحـــب من أول نظرة ^ ^

لما تتطلع على أنسان من أول نظره وترتاح أله وقلبك يدق اله
وانت مابتعرفه
وبس تعرفه تحبو اكتر واكتر واكتر
واكتر واكتـــــــــــر

^_*
طبعا معه 100%
لانه قلوبنا بأيد الله عز وجل ييسرها كيف يشاء
من اول نظره او بطريقه اخرى مو شرط

كل الود لك ابو يزن

سؤال يفرض نفســـه
.
.
وجهة نظر يمكن تكون مابعرف خطر عبالي

لو كانو تنين يحبو بعض كتير واحد منهم بعد عن التاني لأنه بعد فتره مالقي في المواصفات الي بحلم فيها
وراح لحدى غيرو
شو بكون بنظرك ؟!
لو أنت مكان الطرف التاني شو بتكون ردة فعلك ؟!

سي يو

جرحٌ بملامح انسان

01-09-2008, 08:45 PM

الحــــب مش لعبة
انت لما تحب شخص
يعني اخترته بقلبك وعقلك
يعني انت أخدت عهد على حالك انه اضحي من أجله ولازم تعيش معه على المنيح و اللي ممم مش منيح ^ ^

يعني مش لعبة بعد فترة تحكي انه ما لقيتي فيه المواصفات

أنا لو مطرح الطرف التاني بعتبرها خيانة
والخيانة عندي ذنب لا يغفر ^ ^

تقبلوا مروري

سؤالي هو

مــــع أو ضــد
الشات على المسنجر بين الشب والبنت بهدف التعارف متل ما انتشر بالفترة الاخيرة ^ ^

جروح الأيام

01-09-2008, 08:57 PM

الشات على المسنجر بين الشب والبنت بهدف التعارف متل ما انتشر بالفترة الاخيرة ^ ^

حسب النية وحسب الأشخاص

لو كان كلام اخوي ومحترم معه
لو كان الشخصين تافهين وماعندهم اخلاق ودين وبطرقو لمواضيع مش محترمه ضد

بعتمد على الأشخاص برأي

كل الود احلى انا

سؤال
مافي سؤال
أنت يلي بعدي أسال

خخخخخخخ

سي يو

تحـ البشر ـدوهـ

01-10-2008, 09:28 AM

ممممممممم ... ما شاء الله عليكم ... بدينا نتفاعل هههه ... طيب انا اسا سؤالي ... بما انه السؤال اللي قبلي تجاوب عليه من قبل جروح الايام

السؤال هو : ليش كل العرب بيعتقدوا نفسهم غلط ؟؟ ... وبيتمنوا يكونوا اجانب ؟؟

اكيد الجواب راح يكوون سهل ... لانه كلنا عرب

تحياتي
,,,
,,
,
ت
ح
د
و
هـ

فراشة

01-10-2008, 11:06 AM

سؤالك صعب وجوابو بالنسبة الي لانو احنا اعتمدنا من اول عالغرب وجعلناهم يدخلو ويدخلو ثقافاتهم لبلادنا وسمحنا بهيك فنتحمل الاعقاب .. وانا بحكي انو بجوز نفسهم يقلدو الاجانب من حيث رقيهم وتفكيرهم وحبهم للعمل وهاد شي ايجابي ويارب ما يزيد عن هيك ... شكرا الكووو

سؤالي هو (( هل ستفكر يوما باغضاب والداك لو حرمت منهم لمدة شهر ؟؟؟))

وردة المحبه

01-10-2008, 12:20 PM

ضد طبعا لا ولا ممكن انا ما راح اطول في الحكي بدي احكي الحكي ربنا قال تعالى وقضى ربك الا تعبد الا ايهم وبا لوالدين احسانا امر ربنى ما بقدر اعصى امر الخالق بعدين كيف بدي اغضب انسان ربنا خاف علي اكتير اكتر من نفسه مع الحب ولا ضدد

جروح الأيام

01-10-2008, 12:23 PM

سؤالي هو (( هل ستفكر يوما باغضاب والداك لو حرمت منهم لمدة شهر ؟؟؟))

مممم
وهو موجود وهو غايب مستحيـــل أغضبه عليه

يعني مارح حس فيه الا بس يغيب عني ؟؟؟!!!!

اكيد بحس بقيمته ومكانته وهو معي وهو غايب

ربي خيليلي ياه وماأغضبه بيوم من الأيام

@_@

سؤال

أنت مع الدراسه بالخارج( خارج مدينتها خارج بلدها الأم) للبنات او ضدها

ولو معها ليش؟
ولو ضدها ليش؟
فسر وحلل واشرحلنا

Pink Rose

01-10-2008, 01:27 PM

أنت مع الدراسه بالخارج( خارج مدينتها خارج بلدها الأم) للبنات او ضدها

ولو معها ليش؟
ولو ضدها ليش؟
فسر وحلل واشرحلنا

ضد .. لانه البنت ببلدها ومع اهلها ويادوب تقدر تحافظ على حالها
كيف ازا كانت ببلد غريب ولحالها
ازا هي واثقة من نفسها بتقدر تحمي حالها من اشياء معينة
بس ما بتقدر تحمي حالها من المجتمع كله وخصوصا بهاد الزمن

سؤالي انا ::
مع او ضد الصداقة بين الولد والبنت ؟

جرحٌ بملامح انسان

01-10-2008, 04:59 PM

ممممممممممم

عنا ما في صــداقة بين الولد والبنت ^ ^

يعني الشرع حط حدود لهيك مسألة
......
لكن أحيانا يكون مضطر الشخص
مثل أن تكون زميلته بالعمل أو الدراسة
ممكن يحتاجها
يعني لو صارت هاد الصداقة تكون بحدود المعقول
يعني بيرجع للشخصين
شو نوع صداقتهم ^ ^

سؤالي هو
هــل أنت مع أو ضـــد

الحــــبــ للبناتـــ

لو اللي بعدي شب يحكي شو رايه بصداقة
ولو بنت توضحلي ^ ^

بنوووتة الجليل ^^^

01-10-2008, 06:27 PM

يعني غريب كلو ضد البنات كلو بسال مع او ضد ( اشي ) للبنات ؟ ؟ شو يعني الفرق بين الولد والبنت
كلو وااحد .. بعدين خلص لازم ما يكون في فرق .. يعني انا بمدرسو مختلطة والعلاقات بين الاولاد والبنات عادية جدا يعني خلي الاسئلة تكون بشكل عام افضل !! :icon8:

ما بالنسبة للسؤال: الحب للبنات.. فالحب االاولاد او للبنات مش معروف ايمتا بدق بابهم واذا دق وكان حب صادق اها ليش لا ... :icon8:

تقبلو مروري !!!

جرحٌ بملامح انسان

01-10-2008, 07:06 PM

نورتي بنوتة الجليل ^ ^

بس كـلامك عندكم لكن بشكل عام هناك فاصل كبير بين الشاب والفتاة
كيف يعني ما في فرق !!!

الشاب مثل الفتاة !!

بالعكس اختلاف كبير بين الشاب والفتاة

وأقرب مثال أن يضيع شرف الشاب أهون بألف مرة أن يضيع شرف فتاة
فهي شبه توقفت عن الحياة
ولا انتي مش معي ^ ^

اما ببالنسبة لاجابة السؤال فهي اجابة منطقية ^ ^
أهم شي يكون الحب صادق طبعا وبحدود ^ ^
نورتي

سؤالي للي بعدي

مــــع أو ضــــــد

امتلاك الفتاة حاسوب شخصي بطريقة منعزلة
يعني بغرفة لحالها ^ ^
طبعا ما في جهاز هـلأ الا عليه نت ^ ^

احلى رورو

01-10-2008, 07:46 PM

امتلاك الفتاة حاسوب شخصي بطريقة منعزلة
يعني بغرفة لحالها ^ ^
طبعا ما في جهاز هـلأ الا عليه نت ^ ^

خطأ ... لانو خراب بيوت فيها القصة

والشيطان شااطر

سؤالي

شو رأيكم بما يعرف الزميل بالجامعات بفلسطين خاصة وبدول العالم عامة ؟

ABU YAZAN

01-10-2008, 08:00 PM

الزميل بالجامعات بفلسطين او بأي دولة تانية طبعا مع هاد الشغلة
بس هاد لزمل لوين بدو يصل يعني لوين حدوده
طبعا فهمتو شو قصدي

سؤالي :: مع أو ضد فتح مجال للتعارف بشكل متحرر أكثر في منتديات شباب فلسطين؟؟؟ يعني شات متلا أو دردشة؟؟؟؟!!!
ما تفهموني غلط خخخخخخخخخخخخخ

عاشقة فلسطين

01-10-2008, 09:11 PM

ضد خخخخخخخخخخ

الي بعدي

مع او ضد العمل في الخارج؟

الرمشـ الحساسـ

01-10-2008, 09:13 PM

والله بالعكس شي حلوو..وانا مع هالشي.....وهاد شي برجع لمصلحة الشخص..
تسلم..:showoff:
سؤالي::::
انو الشباب يضلوو برا لنص الليل...؟؟

ABU YAZAN

01-10-2008, 09:25 PM

ضد لانو انا بقبلهاش عحالي خوخوخو
مش منيح الا لظرف طارئ
سؤالي: مع أو ضد تعدد وكثرة الأصدقاء مع توضيح السبب

الرمشـ الحساسـ

01-10-2008, 09:38 PM

ازا كانو كويسين طبعا اكيييييييييد...وانا بطبعي اجتماعية و بحب التعارف كتيييييييير وبحب اكون صاحبات..شي بيسعدنييييي..
الله يزيد ويباركـ..خخخخخخ:showoff:
سؤالي::::::
نفس السؤال تبع الي أبلي؟؟؟(الأخ ابو يزن)
:s (43):

أحلى مايا

01-10-2008, 11:00 PM

حلو انو يتعدد الاصدقاء مع هالشي انا بس بالاخير هالشخص لو ميت صديق رح يكون شخص واحد هو الي حيكون متل ما بئولو النص التاني

نفس السؤال عجبني ^^

Pink Rose

01-10-2008, 11:10 PM

رأيي من رأي احلى مايا .. حلو تعدد الاصدقاء

بس شخص واحد بس هو اللي بيكون المقرب لالي او النص التاني

اللي بعدي ::

مع او ضد شغل المرأة بعد الزواج ؟

Kasoul

01-11-2008, 12:18 AM

بنسبى الي مع

مع او ضد الذهاب الى السنيما:showoff:

وردة بين الأشواك

01-11-2008, 12:37 AM

هههههههههه اكيد مع

مع او ضد السهر للفجر ؟ وليش

Kasoul

01-11-2008, 12:42 AM

مع

مع او ضد النوم المبكر

شمس العروبة

01-11-2008, 01:52 AM

ضد

مع او ضد القعدة على النت بعد الساعة واحدة بالليل

Kasoul

01-11-2008, 02:32 AM

ههههههههههههه كانو بنلف بنفس الموضوع

مع طبعا

مع او ضد النوم صباحا

suzana2007

01-11-2008, 02:48 AM

أكيد مع ما في أحلى من النومة الصبح

مع أو ضد الزواج على غربة وليش؟؟؟؟

بنت الرملة

01-11-2008, 02:54 AM

لا طبعا ..

انا خلقه مش عارفه هالبنأدم إلي بدي اخدو منيح يروح يوديني عغربه ..

لو طلع مش منيح مصيبه ههههههههههههههههههههههههه..

طيب ..

مع او ضد انو كتره الأصدقاء بتعمل مشااااااااااكل كتير وإنو يكون للواحد صديق واحد بسسس ؟؟

suzana2007

01-11-2008, 02:57 AM

ضد يعني مو شرط بالنسبة الي مالي شايفة أي علاقة لكترة الأصدقاء مع حدوث مشاكل بس مع أنه يكون للشخص صديق أنتيم

ضد أو مع الأكل برا البيت يعني أكل جاهز؟؟؟

بنت الرملة

01-11-2008, 03:04 AM

هوا الأكل تاع برا اخطر اكيد وفش عليها اختلاف يعني ضد ..

بس انا مدمنه عليه وبحبو لأنو ازكــى ^.^ ..

طيب ..

مع إنــو البنات عيب يسهروا على النت ؟؟؟
وليش؟؟

Kasoul

01-11-2008, 03:12 AM

هههههههههههه
مع لانو عيب :icon11:
ههه لا عادي ما بشوف فيها شي

مع او ضد ...مممم التعرف على كسول :wacko:<<< يارب محد يحكي ضد :icon5:

جرحٌ بملامح انسان

01-11-2008, 06:43 AM

ههههههههههه
لا يا عمو
دخيلك والله مسطل 24 ساعة *_*
بدك تيجي انت كمان تسطلني بزيادة ^ ^
هههههههه
لا يا عمو التعرف عليك بيشرف ^ ^
مــــع أو ضـــــــد
خروج الفتاة أمام أبناء عمها واقاربها بشعرها
أو انها تسلم عليهم ^ ^

suzana2007

01-11-2008, 07:55 AM

والله ما بعرف شو قصتك يا أحلى أنا مع هالبنات الغلبانات ... يعني ليش كل شي البنت بتساويه بتحرموه مع أنه بكون حرام على الشب والبنت سوا وأنسالي المجتمع شوية أنا بحكي على الدين ... يعني هلأ سألت سؤال أنه نحن ضد أو مع أنه البنت تسلم على ولاد عمومها وما بعرف مين مع أنه الشب كمان مو لازم يسلم على بنت بس البنت اذا سلمت يا لطيف والشب اذا سلم عادي يعني مهو على الحالتين ما بجوز

على كل ....

أنا ضد أنه الفتاة تشيل حجابها أمام أولاد عمها أكيد لأنهم محرمين عليها

سؤالي هل أنت مع أو ضد التمييز بين الشب والبنت وخاصة نظرة المجتمع اللي ما بترحم الفتاة؟؟؟

جرحٌ بملامح انسان

01-11-2008, 08:14 AM

هههههههههه
لاطبعا مش قصدي
بس الشب ما بده يطلع بشعره يعني
ههههههههههههه
بمزح
لا أنا قصدي يعني لما يروح ابن العم على بيت عمهم .. مش البنت الي رح تطلع
في بيطلعوا بحجاب وفي لأ
هاد كان سؤالي
بالعكس مش قصدي اي شي لكن جست كوسشن

سؤالك .:.
طبعا أنا مش مع التمميز بين الشاب والفتاة
المرأة نصف المجتمه
والها حق متل الشب ^ ^
بس طبعا في حدود لحقوقها متل ما في للشب
يعني في صلاحيات أنا ما بأيد المرأة تعملها
هيي مطلوبة من الرجل
يعني التمييز مش بالتعامل أو النظرة
لأ
بشغـلات بسيطة بتكون هيي أصـلا مخصصة للشباب
وفي كمان شـغلات للبنات .:. مخصصة .:.

ســــــــؤالي .:.
مع أو ضـــد موكابة التطور بجميع نواحيه .:. واقرب مثال انه كل جوال بينزل جديد يشتريه الشخص .:. ^ ^

تحـ البشر ـدوهـ

01-11-2008, 09:05 AM

انا مع..... وسؤالي هو : هل أنت مع أو ضد ... الأناشيد الاسلامية ... يلي فيها موسيقى ( متل أغنية الله الله ) .؟

جرحٌ بملامح انسان

01-11-2008, 10:48 AM

أنا من جهتي معها ومع كـل أغنية عادية ما بتخل بالاخلاق والدين الاسلامي ... عن قناعة ...

سؤالي هو
هــل أنت مــع أو ضــد
الموضة بشكل عام .. وبشكل الخاص اللي انتشر بالفترة الاخيرة قصات الشعر الغريبة عند الشباب

وطريقة وضع الشيلة أو المنديل أو الطريحة عند البنات ^ ^

Pink Rose

01-11-2008, 10:57 AM

مممممم

حلو الواحد يتبع الموضة بس بحدود واللي بيناسبه

ازا عالامثلة اللي حطيتها انا ضد وخصوصا للبنات لانه الطريقة هاي ملفتة للنظر بشكل كبير

وفي منها حتى مو حلوة اصلا <<< مش عارفة شو عاجبهم فيها ^^

يعني ملفتة للنظر بشكل رئيسي ومو كلها حلوة .. يعني انا " ضد "

اللي بعدي :: مع او ضد انو البنت تتزوج شخص اصغر منها وانو الولد يتجوز بنت اكبر منه ؟

تحـ البشر ـدوهـ

01-11-2008, 12:33 PM

مممم .. بارك الله فيكي خيتي عالطرح الرائع ... انا مع ... والسبب ... ابي متزوج والدتي وهي اكبر منه ... والحمد لله عايشين صباااباا ولله الحمد ... وما وقفت عليهم وبس ... ولكن فيك تير امثله حية بنشاهدها في حياتنا

طيب انا بسأل ,,,, هل انت مع او ضد ... يلي بيصير في مدينة غزة ... مع السبب

تحياتي
,,,
,,
,
ت
ح
د
و
هـ

جرحٌ بملامح انسان

01-11-2008, 01:54 PM

طبعا ضده
لأنه اللي بيصير قتل بطئ
اضطهاد
حصار
وضع زفت
وما بدي أحكي أكتر
أنا طبعا ضده

نفس السؤال موجهه للي بعدي ^ ^

وردة بين الأشواك

01-11-2008, 02:56 PM

انا ضد اللي بيصير بفلسطين كلها مش غزة بس

وللي بعدي

مع او ضد الحب بين الشاب والبنت ؟ يعني بتأيده ولا بتشوفه غلط

ريمة

01-11-2008, 03:21 PM

انا بأيدو ازا كان بحدود وازا كانو الاهل بعرفو بهاي العلاقة بس ازا تعدت الحدود اكييد ما بأيدو
سؤالي حابي الي بعدي يجاوب على نفس هاد السؤال

تحـ البشر ـدوهـ

01-11-2008, 05:25 PM

ممممم ... انا مع .. لأنه الحب .. مش احنا يلي بنقرره .. هاد قلب يلي بيقرر .. مو انسان .. منشان هيك راح يصير حب .. سواء وافقت ولا لأ

سؤالي نفس السؤال للي بعدي

مع او ضد الحب بين الشاب والبنت ؟ يعني بتأيده ولا بتشوفه غلط

suzana2007

01-11-2008, 10:39 PM

أًنا مع الحب المشروط بالزواج ... مش الحب اللي قصته بتشطشط وبتاخدلها شي ٦-٧ سنين ولسا مافي أمل بالزواج عشان هيك أنا برأيي لازم أهل الشب وأهل البنت يكونوا عارفين

أنت ضد أو مع أنه الزوج والزوجة يخلفوا ولاد ووضعهم المادي سيء؟؟؟

Pink Rose

01-11-2008, 10:53 PM

ضد :: لانه رح تكون حياتهم مأساة وما رح يقدروا يأمنولهم حياة كويسة

اللي بعدي :: مع او ضد المقولة اللي بيقول " الغاية تبرر الوسيلة " ؟

وردة بين الأشواك

01-11-2008, 11:18 PM

على حسب الوسيلة - لو وسيلة جيدة مع ولو وسيلة سيئة ضد

للي بعدي

هل انت مع او ضد مقولة القانون لا يحمي المغفلين

Kasoul

01-12-2008, 12:19 AM

مع ..والواحد ما بتعلم الا من غلطو

مع او ضد لعب الشطرنج >>> ممله

تحـ البشر ـدوهـ

01-12-2008, 12:54 AM

انا بحب لعب الشطرنج ... يعني انا مع

طيب طيب طيب ... انت مع او ضد ... الانترن ت للمراهقين

Kasoul

01-12-2008, 01:00 AM

مع ..وتحت مراقبة الاهل

مع او ضد لعب كرة القدم:icon9:

تحـ البشر ـدوهـ

01-12-2008, 01:59 AM

طبعاً معاً لانها رياضة

مع او ضد البيبسي ؟ ههه

Kasoul

01-12-2008, 02:43 AM

[ههههههههههه
لا ضد مافي بعد الديو

مع او ضد لعب السوني

تحـ البشر ـدوهـ

01-12-2008, 04:22 AM

iهههههههههه ... اي الديو حلو

طبعا احلى شي السوني بلايستيشن 3 وااااو ( ميتيل جير ) وااااو
يعني مع

طيب هل انت مع او ضد ... لعب الدريم كاست ؟

Kasoul

01-12-2008, 04:54 AM

لا لا لا سوني از ذا بيست :showoff:

مع او ضد استمرار الموضوع :icon9:

تحـ البشر ـدوهـ

01-12-2008, 07:00 AM

ههههه

ممممممممممممممممم ضد

يبقى هيقفل الموضوع ههه

عاشقة فلسطين

01-12-2008, 11:17 AM

لالا شو يقفل

موضوع حلو

^_^

مع أو ضد ممارسة قانون الضرب للأبناء؟

جرحٌ بملامح انسان

01-12-2008, 11:17 AM

شو ما في ســؤال
طول وهو الموضوع ملتزم الحدود أنا ضـد وانه ينحذف ^ ^

جرحٌ بملامح انسان

01-12-2008, 11:21 AM

لأ طبعا الضرب ولا عمره كان وسيلة صـــح
يعني ضــد
مع أو ضـد استخدام الضرب في المدارس ^ ^

وردة بين الأشواك

01-12-2008, 09:09 PM

مع اذا اولاد وضد اذا بنات ^ _ ^

وااللي بعدي

مع او ضد الزيادة الحاصلة في المناهج العربية ؟ وبقصد انه مناهجنا كتير فيها معلومات وكلام كتير
مع او ضد

suzana2007

01-13-2008, 06:14 AM

طبعا ضد لأنه بصير الواحد ببصم بصم بدون فهم وبالأخير الواحد بتخرج مو فهمان شي

مع أو ضد أكل البطاطا المقلية ( يميييييييييييي)

جرحٌ بملامح انسان

01-13-2008, 10:52 AM

اووووووووووووه
حبيبة قلبي هاد طبعا معها ^ ^
محلاني وأنا ضد

مع او ضـــد الاختلاط في الجامعات ^ ^

جريحة فلسطين

01-13-2008, 11:12 AM

مع ^^

مع او ضد التدخين للفتاه ^^

جرحٌ بملامح انسان

01-13-2008, 12:52 PM

ضـد ^ ^

مع او ضــد التدخين بشكل عام

جروح الأيام

01-13-2008, 01:03 PM

ضد

مضر بالصحه

----------------

مع أو ضــد

:.:.:..( الزواج في سن مبكر للشب وللفتاة من سن 20 سنه وأقل ):.:.:.

سي يو

جرحٌ بملامح انسان

01-13-2008, 01:06 PM

بشــكل عام ضــد
لكن لكل قاعدة شـــواذ ^ ^

مع أو ضــد الحب على الانترنت

جروح الأيام

01-13-2008, 01:49 PM

بااك

^_^

سؤالك صعبـــــــــــــــــــــــــ

بس بحاول أجاوبك

مع او ضد حب الأنترنت

انا معه
لو كان هالحب صادق وطاهر مابمس الدين والأخلاق
لحدود
وكان أحساس مش أكتر
وممكن يتحول لأكبر من نت ويصير واقع

في قصص كتير صارت حب نت وانتهت بالزواج
وبعرف ناس كتير هيك
وهلااء كتير سعداء
النت بعتبرو طريقة للتواصل مع الناس بخليك أجتماعي أكتر
معه أكيد

مافي سؤال معين ببالي يعني

الي رجعه
سي يو

هادي

01-13-2008, 01:58 PM

جرح الأيام .. أنا مش مع إنو ما يكون براسك سؤال معين:wacko: لأنك وقفتي الموضوع:icon8:
سؤالي للي بعدي: لو كان عندك أولاد بسن المراهقه، بتتركهم يدخلوا النت براحتهم ولا بتمنعهم؟؟؟

وردة بين الأشواك

01-13-2008, 02:19 PM

يدخلو براحتهم بس بشرط : يكون الجهاز في برنامج كويس للرقابة للمواقع الغير مرغوب فيها
مع ، عشان يحسو بثقة الاهل فيهم ويخوضو تجارب ويتعلمو من اخطاءهم

على فكرة امجد توقيعك بيجنن

للي بعدي نفس السؤال

ameera

01-13-2008, 02:19 PM

لاء طبعا مابمنعهم بس لازم يكون في رقابة مني لحتى اعرف شو عم بساوي طبعا والاساس الترباية لو مربى الولد صح بكون في عندو رادع داخلي ورقابة ذاتية عنفسو لحتى مايساوي شي غلط

للي بعدي مع او ضد الزواج المبكر ؟؟؟

جرحٌ بملامح انسان

01-13-2008, 02:57 PM

جاوبت عليه
ضـــد بشكل عام
لكن لكل قاعدة شواذ

للي بعدي
مع أو ضد السهر خارج البيت للشباب ... وللبنات ^ ^

جريحة فلسطين

01-13-2008, 03:25 PM

للشباب مع وللبنات احيانا ^^

الي بعدي مع او ضد البليستيشن ^^

هادي

01-13-2008, 03:57 PM

جريحة فلسطين .. أنا مع البلاي .. وضد الـ ستيشن :icon8:
بمزح طبعاً .. أنا مع .. بس ضمن العؤول .. مش ليل نهار.
للي بعدي:
الأطفال والمراهقين إللي معهم جوال " موبايل"!!

Kasoul

01-13-2008, 03:59 PM

مع طبعا >> سالت هالسؤال قبل

مع او ضد الكسل :showoff:

جريحة فلسطين

01-13-2008, 04:00 PM

اكيييييييد مع الكسل ^^

طيب انت مع النسيان ولا ضد خخخخخخخخخ

جروح الأيام

01-13-2008, 04:48 PM

ضد

كملو أسئلة

اليوم ماعندي أسئلة مخي فاضي بعمل
ترن ترن
ههههههههههه

سي يو

احلا فوفو

01-13-2008, 05:42 PM

مو ملاحظين انو جروح الايام دايما بتوئف اللعبة!!
خخخخخخخخخخخخخ
نورتي يا عسل ^^
س : للي بعدي
مع او ضد تدخل الاباء بالابناء
بس طبعا
لابعد الحدود
:showoff:

جروح الأيام

01-13-2008, 06:29 PM

هههههههههههههههههههههههههه

مو هيك

متفاعله باللعبه من البداية وبحط أسئلة
بس احيانا الواحد مابضل بمخو شي بطير الأفكار

^_*

مع تدخلهم بكل ثقه وصراحه وحب
مو بأسلوب الأمر والتسلط
يعني يدخلو بأسلوب صحاب

سؤال

شو لون العيون الي بتحبها ؟؟

سؤال بايخ

بس مش عارفه شو أسأل

عاشقة فلسطين

01-13-2008, 07:58 PM

بني

مع أو ضد المدارس الداخلية ؟

وردة بين الأشواك

01-13-2008, 08:10 PM

ضد

مع او ضد التشات

الرمشـ الحساسـ

01-13-2008, 08:23 PM

مش دايما>>>الأغلب ضد..
مع أو ضد القراءة بإدمان......؟؟
:showoff:

وردة بين الأشواك

01-13-2008, 08:33 PM

ههههههههههههههههههههههههههههههههههه هههههههه
انا اساسا كتيييييير بكره اقرأ من بعد االثانوية العامة هيك صار معي
يعني جد جد جد بحس ما بتحمل اقرأ بتصير عيني كتير توجعني
عشان هيك حالتي حالة بالجامعة هلاء هههههههه

السؤال حلو
نفسه للي بعدي

الرمشـ الحساسـ

01-13-2008, 08:37 PM

ههههههههههههههههههه هههههههههههههههه
كووووووووووول...:showoff::showoff:
الله بعيييييين..
يلا الي بعدي يجاوب..^^^^^^^^^^^^^^^^:showoff:

جرحٌ بملامح انسان

01-13-2008, 09:09 PM

طبــــعا ضــد :icon28:
بكره الدراسة خلقة ما بالك الدراسة الكتيرة ^ ^

نفس السؤال للي بعدي ^ ^

Pink Rose

01-13-2008, 09:12 PM

ههههههه

القراءة مفيدة وممتعة ازا كانت من النت بس ^_^

اللي بعدي كمان نفس السؤال

احلا فوفو

01-14-2008, 02:33 AM

وئطيعة اسئلة
شو ما ضل اللا هالسؤال!!
من ئد ما انو حلو!!
بيئطع الخلف
خخخخخخخخخخخخخ
اكيد ضد
وبالعصاية كمان
انا ضد القراءة وعيلتها
خخخخخخخخخخخخخ

س / شو اتغديت اليوم
<<< فجعانة
خخخخخخخخخخخخخخ
^^

جرحٌ بملامح انسان

01-14-2008, 09:20 AM

الدنيا الصبح يعني لسه ما اتغديت
خخخخخخخخ
افطرت سندويتشات جبنة وشاي ^ ^

سؤالي
مــع أو ضــد
فتـــح ^ ^.... ومع أو ضـد حماس

كل على حدى *_^

جروح الأيام

01-14-2008, 09:45 AM

صحه وهنا

خخخخ

هادد سؤال ورطه
خخخخخخخ

حرية الرأي طبعا

بكل فخر
مع فتــــح 100%

ومش ضد حماس بردو

كل أنسان مقتنع بمبدأ

الي بعدي
مع أو ضد عمليات التجميل للبنات او للشباب
لو مع ليش
لو ضد ليش

سي يو

وردة بين الأشواك

01-14-2008, 11:41 AM

مع لو كانت لعلاج اعاقة او خلل واضح بالشكل وضد لو كانت عالفاضي او تغيير اللوك

ملحوظة : الموضوع لو شوي دخلت دردشة فيه راح يسكروه المشرفات
انا نزلت موضوع متل هيك قلب دردشة في غيابي وسكر

للي بعدي :
مع او ضد
الشغل مع الدراسة وليش

جريحة فلسطين

01-14-2008, 02:03 PM

طبعا مع ,, لانو الواحد هيك بيكون بيساعد نفسو ,, وبيبطل يتكل على اهلو ^^

الي بعدي :

مع او ضد اكل الشكلاته بجنون؟؟ ^^

ameera

01-14-2008, 03:14 PM

لاء لاء مش بجنون مع اكل الشوكلاتة ..

مـع او ضـــــــــــد زواج الشاب من بنت تكبره من ناحية العمــــــــر ؟؟..

جريحة فلسطين

01-14-2008, 03:18 PM

مممممم مع ,,

طيب انت مع او ضد مساعده الرجل للمرأة في البيت ^^

ameera

01-14-2008, 03:27 PM

مع مافيـها اشي عيب انـــــو الرجـال يسـاعد مرتـو بالبيـت وهاد مابينقص من رجولتو او شي

لانو من حبو الـــــــها هيسـاعدها ...

مع او ضد انو المراة تشتغــــل وتساعد زوجهـا ؟؟..

جريحة فلسطين

01-14-2008, 03:32 PM

طبعاااا مع ,, لانو ما في فرق بين الرجال والمرأه وكتير حلو المساعده ,,

الي بعدي مع او ضد سماع الاغاني ^^

Kasoul

01-14-2008, 10:39 PM

مع

مع او ضد البرد

جريحة فلسطين

01-15-2008, 01:44 AM

يؤيؤيؤ طبعا ضد ,,

تيب انت مع او ضد الخلفه ^^

يعني الاولاد ^^

جرحٌ بملامح انسان

01-15-2008, 08:33 AM

جرحٌ بملامح انسان

01-15-2008, 08:34 AM

سؤال جرحة

أنا معها بحدود طبعا
ومش من بعد شهر من الزواج يطبوا خلفة ورا بعض
يعني شوي وبعدين بتصير بانتظام ^ ^

مع أو ضــد انابوليس ^, ^

ameera

01-15-2008, 12:34 PM

مع انا بوليس ^ ^...

مع او ضد فكرة انو اول بيي يكون ولد ؟؟..

جروح الأيام

01-15-2008, 12:44 PM

مع

مع أو ضدد شغل للبنات بعد التخرج
(تشتغل بشهادتها)

جرحٌ بملامح انسان

01-17-2008, 11:58 AM

مــع

مع أو ضــد شغل البنت أثناء الدراسة وتروح على البيت بوقت متأخر ^ ^

احلا فوفو

01-17-2008, 12:30 PM

مع ^^
معي او ضدي !!
خخخخخخخخخخخخخخخخخ
:showoff:
يللا ياللي بعدي يعترف

جرحٌ بملامح انسان

01-17-2008, 12:42 PM

ههههه
أنا ضــــد

الرمشـ الحساسـ

01-17-2008, 01:23 PM

وانا ضد :showoff:.......
وين السؤااااااال...؟؟

جرحٌ بملامح انسان

01-17-2008, 01:45 PM

هي كمان صوت متلي ضــد ^ ^

سؤالي هو

مع أو ضــد الذهاب الى منطقة القصف من أول ما يصير قصف
للناس اللي مجربين يعني ^ ^

أنا مــع أصــلا ما بقدر أضـل ^ ^
نشوف التانيين

Abu Shadi

01-17-2008, 01:49 PM

كيف يا هبل

هههههههههههه

طيب

معي ولا ضدي

من غير سؤال اشوف كم واحد

Abu Shadi

01-17-2008, 01:52 PM

طبعا ضد هذا بسميه غباء

الناس عنا اول ما يشوفو قصف عليهم زي النمل بهجمو بفكفكو السيارة وهي مولعه هههههههههههه

انا جربت مرة بمكتب التنظيم عنا وقتها كنا لسا بنطلع منو يعني فشي ابو 200 متر بس وصار قصف

رجعنا زي الهبل نتفرج الا هو صاروخ صاروخ المقبرة الي عمري ما حلمت افوتها بالليل والدنيا كحل فتتها هههههههههههههههه

وطبعا هذا اكبر خطر لذلك ضد

ameera

01-17-2008, 02:28 PM

وينو السؤواااااااااااااااااال ؟؟؟؟؟؟؟؟ظ

roro-only

01-17-2008, 06:05 PM

خلص انا بحط سؤال :
بس بتاسف اذا كان متكرر لانو انا عضوة جديدة :مع او ضد ان يفتش زوجك في هاتفك المحمول الخاص بك :

الرمشـ الحساسـ

01-17-2008, 06:15 PM

لا ضد طبعا...:icon28: ولا اي حدا...يعني أولا هاي خصوصيات وتانيا ما اعتقد انو يكون في شي غلط في>>>>يعني خلص لازم يكون في ثقة ..:showoff:
الي وراي.......>>>>>نفس سؤال الي قبلـــــــي...^^:showoff:

roro-only

01-17-2008, 06:22 PM

ههههه انا رح اجي
انا برااي كمان ضد ما بحب هادي الاشياء في ناس بتككون حشرية زيادة عن اللزوم بس انا ما بحب هيك وبعصب وممكن يأدي الى مقاتلة ههههههههه

جرحٌ بملامح انسان

01-18-2008, 02:22 PM

جرحٌ بملامح انسان

01-18-2008, 02:32 PM

أنا مــع ^ ^

من حقه يغار على مرته *_^
ومن حقه يعرف لشو بتستخدمه
وازا هيي واثقة من نفسها لشو تدايق ^_*

مع أو ضــد
المزح التقيل ^ ^

الرمشـ الحساسـ

01-18-2008, 06:34 PM

ههههههههه
كوووووووووووووووول..:showoff:
انا بحب كل انواع المزح,,,,,,
بس لما يكون تئيل زيادة عن اللزووووووم لا..
مممممممم
الي بعدي مع او ضد ::::::
السراخ بصوت عالي على الصغار؟؟
:showoff::s (43)::showoff:

جرحٌ بملامح انسان

01-18-2008, 07:43 PM

سم تايم ^ ^

اللي بعدي نفس السؤال

roro-only

01-18-2008, 07:47 PM

الاطفال الصغار في بعض الاحيا ن بجلطوا بلد بس انو ما بصير نضرخ عليهم

يعني بالاول بالسياسة ما اجى معهم وقتها صار بدنا نهدد ونصرخ ههه

السؤال : مع او ضد ان يتدخل العم فيك

ameera

01-18-2008, 07:49 PM

ضد بالاكيد تدخل كل العيلة ماعدا اخوتي وامي وابوي وبس غير هيك لاء

ضد او مع التدخين ؟

جرحٌ بملامح انسان

01-18-2008, 08:09 PM

ضــده بس بدخن *_*

جرحٌ بملامح انسان

01-18-2008, 08:09 PM

اللي بعدي نفس السؤال ^ ^

الرمشـ الحساسـ

01-18-2008, 09:32 PM

بنيمارو

01-18-2008, 09:40 PM

مع ^^
اللي حلوة عليه النضارة يلبسها ليش لأ *.*
بيصير تمويه بنبطل نعرف مين نظرو ضعيف ومين لابسها منظر ^^
اللي بعدي مع او ضد سماع الاغاني

ريما فاهوم

01-18-2008, 10:35 PM

مع لانو الغناني حلوي بس طبعا بحدود((يعني يبتعد المستمع عن الاغاني المسبات))

طيب الي بعدي انت مع او ضد الي بيحب يشوف انمي(رسوم متحركه.كرتون..ايش مابدكو سموه)

Palestinian Girl

01-18-2008, 10:48 PM

هههههههه ليش لأ اكيد مع كل واحد وشو بحب يشوف
كرتون انمي او افلام اكشن طخ طخ ....... هاها

مع او ضد الحكومات العربيه لول

roro-only

01-18-2008, 10:50 PM

ضددددددددددددددددددددددددددددد كتيييييير بكرهوووو للتدخين

جرحٌ بملامح انسان

01-18-2008, 10:52 PM

ال ضد وبدخن....ههههههههههههههههههه
كووووووووووووووول..
لـ(جرح بملامح انسان)>>>ممكن أعرف شو بتستفيد يا عموو...؟؟
طبعا انا ضد التدخييييين..مضر والله مضر....يعني الله يبعد عنكـ المرض وعن كل الي بدخنوو..:b:

الي بعدي مع او ضد لبس النظارة للزينة..؟؟:showoff:

هههههههه
المشكلة يا عمو ما حدا بيقدر يجاوب على هاد السؤال
بس الوضع والقرف هو اللي بيصعب انه نبطله
ادعيلنا يا عمو وخلص سكري على الموضوع فضحتينا *_*

جرحٌ بملامح انسان

01-18-2008, 10:56 PM

هههههههه ليش لأ اكيد مع كل واحد وشو بحب يشوف
كرتون انمي او افلام اكشن طخ طخ ....... هاها

مع او ضد الحكومات العربيه لول

هههههههه
ضحكتيني
طبعا ضــــــد بالخط العريض
اللي بعدي نفس السؤال ^ ^

بنيمارو

01-18-2008, 10:59 PM

شوف انا ضد التدخين وبدخن ^^
ومع حضور الانمي وبحضر ^^
اللي بعدي نفس السؤال عجبني !!

ريما فاهوم

01-18-2008, 11:14 PM

تصدقو فرحت كتير لما سمعت اجابتكو عن سؤالي مع او ضد الي بيشوف الانمي..لانو كتير اراء ناس بتقول الي بيشوف انمي صغير او متخلف

بسنبي للسؤال طبعا انا ضد

يلا الي بعدي مع او ضد الناس الي بتقول انو الانمي للصغار وبس..حياة البنت الانمي فلا تواخزوها)

Kasoul

01-19-2008, 01:59 AM

ممم ما بتابع يعني لا مع ولا ضد

مع او ضد اكل الشوكلاته

جريحة فلسطين

01-19-2008, 02:06 AM

مع ثم مع ثم مع ,,,

بكفي مع اسا لتفكروني معزه ههههههههههه

الي بعدي ,,

انت مع او ضد السفر ^^ والرحلات( يعني تصصير متل ابن بطوطه)

Palestinian Girl

01-19-2008, 02:09 AM

هههههههه
ضحكتيني
طبعا ضــــــد بالخط العريض
اللي بعدي نفس السؤال ^ ^

ههههههه
ما هو خصوصي حطيت هيك سؤال
عشان تضحكوا

Palestinian Girl

01-19-2008, 02:09 AM

مع ثم مع ثم مع ,,,

بكفي مع اسا لتفكروني معزه ههههههههههه

الي بعدي ,,

انت مع او ضد السفر ^^ والرحلات( يعني تصصير متل ابن بطوطه)

ههههههههه مع ..... حلو
بصير اسمي بنت بطوطه
هههههههه

مع او ضد سياقة النساء للسيارات

جريحة فلسطين

01-19-2008, 02:12 AM

هههههههههههه طبعا مع ,

بعدين ما بتصير السواقه حلوة من غيرنا ,,

لانو هيك بتقل الحوادث ههههههههههه

الي بعدي مع او ضد البنت تشتغل بالشرطه ^^

Kasoul

01-19-2008, 02:21 AM

مع ,, بصير الحق ورا الشرطه :showoff:

مع او ضد السباحه بالبرد :icon9:

هنـ القسام ـا

01-19-2008, 02:21 AM

هههههههههههههه

لا طبعا مش معها

اللي بعدي انت مع الاختلاط في الجامعات ؟؟

Palestinian Girl

01-19-2008, 02:21 AM

هههههههههه مزبوط كلامك

الي بعدي مع او ضد البنت تشتغل بالشرطه ^^

هههههههههه ضد شو هادا
بطلعو كل الناس براءه
ولا حدا باخد مخالفه
وبتخرب البلد لانه قلوبنا طيبه كتير

مع او ضد الزواج المبكر

Palestinian Girl

01-19-2008, 02:21 AM

ههههههههههههه 07:21
3 ردود نفس اللحظه

Palestinian Girl

01-19-2008, 02:23 AM

مع او ضد السباحه بالبرد

ضد يي أح أح

اللي بعدي انت مع الاختلاط في الجامعات

مع ... هو في بدون ؟

يالا بعيد سؤالي

مع او ضد الزواج المبكر

Kasoul

01-19-2008, 02:24 AM

^^

طيب نتفق بالاول مين يرد

هنـ القسام ـا

01-19-2008, 02:24 AM

مع الزواج المبكر بس مش مبكر كتير كتير يعني

اللي بعدي مع سفر البنت للدراسة بالخارج لوحدها ؟؟

جريحة فلسطين

01-19-2008, 02:24 AM

هههههههههههههههه

كلكو جابتو على سؤالي ^^

وراح جاوب على كل اسالتكم انا ^^

طبعا ضد السباحه بالبرد , يمكن اصير معها بس اصير مجنونه ^^

ومع الاختلاط بالجامعات انا ^^

وضد الزاووووج المبكر :@:@:@:@:@

وبس ^^

Kasoul

01-19-2008, 02:27 AM

حصلت لخبطه

نبدا من الاول

مع او ضد صيد السمك :icon9:

جريحة فلسطين

01-19-2008, 02:27 AM

هههههههههههههههه نسيت احط سؤال ,,

وبجاوب كمان على سؤال هنا القسام ,,

مع انو البنت تسافر لوحدها , لانو بتكسب ثقه اكتر بحالها ,,

وعفكرة جاوبنا قبل كانا بنفس الوقت ^^ اليوم, 12:24 AM

والي بعدي ,,, مع او ضد السنوكير ^^

بسكوتة

01-19-2008, 02:28 AM

ههههههههههههههههههههههه

مع .. زاكي السمك خخخخخخخ

نفس السؤال

Palestinian Girl

01-19-2008, 02:28 AM

اللي بعدي مع سفر البنت للدراسة بالخارج لوحدها ؟؟

ضد وضد وضد

حصلت لخبطه

نبدا من الاول

مع او ضد صيد السمك

كسول شكلك نعست روح نام .. ضد اصلا مش زاكي

مع او ضد السهر لساعات متأخره بالليل
بسبب وبدون سبب ههههههه

جريحة فلسطين

01-19-2008, 02:29 AM

ههههههههههههههههههههههههه ,,

طبعا مع صيد السمك انا ,, مع اني ما بحب ااكلو بس بحب اصيدو ,, ال يعني بعرف اصيد ال ,,

تيب الي بعدي نفس السؤال الي فوق ,,

مع او ضد السنوكير ^^

Kasoul

01-19-2008, 02:30 AM

كسوله شوي شوي خربطتي الدنيا :icon28:

مع صيد السمك وضد اكلوا ,, بحبوش :b:

جريحة فلسطين

01-19-2008, 02:30 AM

وللللللللللللكم خلص كلو برا الموضوع ,,

سكرنا خلص ,,

لخبطه ليوم اللخبطه صارت

ههههههههههههههه

يلا براااااااااااا

Palestinian Girl

01-19-2008, 02:30 AM

خلص انا مستقيله بره بره بديش ارد
خربشنا انبلش .... صار الضد والمع فوق بعض ههههههه شوي شوي خلونا

جريحة فلسطين

01-19-2008, 02:33 AM

يلا تشاو ^^

اه مع او ضد التشاو هههههههههههههههه

Kasoul

01-19-2008, 02:34 AM

بنات اطلعو برها نتو مخربين الموضوع :icon28:

مع او ضد ... الي بصير بالموضوع :icon9:

خاص لكسوله: ؟؟؟؟ :icon26:

Palestinian Girl

01-19-2008, 02:34 AM

ضد منمزح معك خليكي

مع او ضد تطلع تشاو ؟
مع او ضد كسول بالمنتدى كلو ؟

جريحة فلسطين

01-19-2008, 02:36 AM

ضد منمزح معك خليكي

مع او ضد تطلع تشاو ؟
مع او ضد كسول بالمنتدى كلو ؟

هههههههههههههههه

يخرب راسك على هيك سؤال بدي ادبحك :icon28:

طبعاااااااا مع اصلا من غير كسول المنتدى مظلم ,,

طيب مع او ضد اكل البسكوت ^^

حبيبتي بسكوته ^^

Palestinian Girl

01-19-2008, 02:38 AM

هههههههههههههههه

يخرب راسك على هيك سؤال بدي ادبحك :icon28:

طبعاااااااا مع اصلا من غير كسول المنتدى مظلم ,,

طيب مع او ضد اكل البسكوت ^^

حبيبتي بسكوته ^^

هههههههههههههه يي يي يي يا على الجاره انشالله
شوي شوي بطلنا بطلنا مع كسول ومع واه ونص هههههه

مع اكل البسكوت اللي بتعملو بسكوته
بس مش ناكل بسكوته حرام

مع او ضد المشاكل والطوش للتسليه؟

جريحة فلسطين

01-19-2008, 02:40 AM

بموووووووووووت بالمشاكل طبعا مع بس ازا كان هدفها التسليه ^^

تحبي تجربي هههههههههههه

طيب مع او ضد انو المرأة تصير راجل البيت ,, يعني كلمتها االمسموعه والرجال يصير اجر كرسي هههههههههه

^^

Kasoul

01-19-2008, 02:42 AM

ضد :icon11:

هههههههههههههههههه

Palestinian Girl :icon28: :icon28:

مع او ضد الرشح <<< ااه يا لوزي :icon5:

جريحة فلسطين

01-19-2008, 02:44 AM

هههههههههههههههههههه

ضد طبعا ,,, وسلامت لوزك وانشاءالله Palestinian Girl ولا انت هههههههههههههههههههه

بعيد الشر عنكم التنين ,,,

مع ا ضد الضحك ^^

Palestinian Girl

01-19-2008, 02:44 AM

ضد :icon11:

هههههههههههههههههه

Palestinian Girl :icon28: :icon28:

مع او ضد الرشح <<< ااه يا لوزي :icon5:

:icon5::icon5::icon5::icon5::icon5: :icon5::icon5:

مع او ضد الظلم

تحرير

هههههههههههههههههههه

ضد طبعا ,,, وسلامت لوزك وانشاءالله Palestinian Girl ولا انت هههههههههههههههههههه

بعيد الشر عنكم التنين ,,,

مع ا ضد الضحك ^^

مع مع

نرجع لسؤالي

مع الظلم او ضد

جريحة فلسطين

01-19-2008, 02:45 AM

هههههههههههههه طبعا ضد الظلم ^^

والله لا يظلم حدا ,,

مع او ضد الضحك ^^

Kasoul

01-19-2008, 04:38 AM

مع

مع او ضد السهر :icon9:

Palestinian Girl

01-19-2008, 04:40 AM

مع وبشده
ما في احلى من السهر
ما في احلى من الليل

مع او ضد ضرب الاطفال اللي بطلعو الشيب براسك

Kasoul

01-19-2008, 04:42 AM

هههههههههههه

مع ويتعلقوا من اجريهم كمان

مع او ضد الكسل

Palestinian Girl

01-19-2008, 04:45 AM

ههههههه اه بستاهلو الله يرضا عليك بتفهم

مع او ضد الكسل

مع وبدون مجاملات بصفتك ابو الكسل
انا مع الكسل يعني الواحد يكسل ويرتاح ويطنش

مع او ضد الامتحانات

Kasoul

01-19-2008, 04:47 AM

ممم :icon9:

لا ضد الامتحانات

مع او ضد الذهاب الى السنما

Palestinian Girl

01-19-2008, 04:50 AM

مع او ضد الذهاب الى السنما

مع ياي

مع او ضد الغش بالامتحانات

Kasoul

01-19-2008, 04:57 AM

ما بتزبط من دون غش

مع او ضد الرسوب

Palestinian Girl

01-19-2008, 05:02 AM

مع تحت ظروف قسوى
ضد اذا كان رسوب تحت شعار الكسل والتطنيش

مع او ضد سماع الاغاني

Kasoul

01-19-2008, 05:04 AM

مع بس مش لاقي اغنيه حلوه

مع او ضد الفسح << طشات :icon9:

Palestinian Girl

01-19-2008, 05:05 AM

هههههههههه
طيب

مع

مع او ضد الهجره المؤقته خارج فلسطين

Kasoul

01-19-2008, 05:08 AM

مالها اسالتك قلبت جد :icon9:

خلص سكري الصفحه وقومي نامي :icon11:

مع او ضد التدخين

Palestinian Girl

01-19-2008, 05:11 AM

ههههههههههههههههه

انا شخصيا ضد التدخين للبنات بأي شكل من الاشكال ... منظرو مؤذي
والشباب حرين بس مضر للصحه

طيب نرجع للهبل

مع او ضد البرد

Kasoul

01-19-2008, 05:15 AM

بالشتا ضد وبالصيف مع

مع او ضد نتفرج على التلفزيون

Palestinian Girl

01-19-2008, 05:17 AM

مع بس لما يكون اشياء حلوه
مرات بكون فلسفه وهبل طالع نازل

المهم خلينا بالجد الله يخليك

مع او ضد شرب الكولا

Kasoul

01-19-2008, 07:51 AM

ههههههههههه

ضد مافي بعد الديو

مع او ضد الرياضه

Palestinian Girl

01-19-2008, 07:57 AM

ههههههههه طيب

مع ... بس مش تكون مجبور عليها
يعني ع هوى المزاج ...

مع او ضد الرسم

Kasoul

01-19-2008, 09:38 AM

بحسو ممل وما بعرف غير ارسم ورده

مع او ضد نانسي عجرم :b:

الرمشـ الحساسـ

01-19-2008, 10:11 AM

هههههههه
المشكلة يا عمو ما حدا بيقدر يجاوب على هاد السؤال
بس الوضع والقرف هو اللي بيصعب انه نبطله
ادعيلنا يا عمو وخلص سكري على الموضوع فضحتينا *_*

ههههههههههههههههههههههههههه
كوووووووووووووووووول.....:showoff:
الله يهدي الجميـــــــــــــــع...
ههههههههههههه..
وخلص سكرنا عن الموضووووووع عموووو ولا يهمكـ..
:s (43):

الرمشـ الحساسـ

01-19-2008, 10:13 AM

بحسو ممل وما بعرف غير ارسم ورده

مع او ضد نانسي عجرم :b:

ممممممممم عادي بسمعلها..
يعني لا مع ولا ضد:wacko:.....
إلي بعدي:::::
مع أو ضد الغش؟؟:showoff:

ريما فاهوم

01-19-2008, 02:20 PM

طبعا ضد..عندي مقولي ازا ولا حدا شاف موضوع نقاش الغش وهي(الغشاش هوي فاشل)

طيب الي بعدي ضد او مع الناس الي بيحبو يتسلطو على غيرن

اهازيج الصمود

01-19-2008, 04:07 PM

السلام عليكم
ضد
وشكرا

للي بعدي
انت مع او ضد
الجهاد.......................
وشكرا

جرحٌ بملامح انسان

01-19-2008, 05:50 PM

طبعـــا مـع ^ ^
ليش في حدا ضده ؟؟!!

خليني اشوف اللي بعدي شو رايه
نفس السؤال ^ ^

suzana2007

01-20-2008, 06:14 AM

نحن فلسطينية ومسلمين معقول نكون ضد الجهاد عيييييييييييب أكيد مع

طيب ممممممممم شو بدنا نسأل :icon9:

مع أو ضد الأركيلة؟؟؟

جريحة فلسطين

01-20-2008, 08:22 AM

طبعااااااا مع ^^

الي بعدي نفس السؤال بس مع معسل تفاح ^^

Palestinian Girl

01-20-2008, 08:24 AM

مع
بس مين بسمحلي اجربها :icon5::icon5:

مع او ضد شغل البيت

suzana2007

01-20-2008, 08:31 AM

أكيد ضد لأني بكرهو جدا وخاصة الجلي

ضد أو مع الخادمة المقيمة؟؟؟

جريحة فلسطين

01-20-2008, 08:35 AM

ضد ...

مع او ضد العصبيه ^^

Palestinian Girl

01-20-2008, 08:36 AM

ممممممممم ضد
مع اني انا عصبيه

مع او ضد خفية الدم ؟
هههههههههه

جريحة فلسطين

01-20-2008, 08:39 AM

هههههههههه

معها يا عسل ^^

طيب مع او ضد عمليات التجميل ,, خخخخ شو هالسؤال ,, بس اجا بمخي هلاء :]

Palestinian Girl

01-20-2008, 08:40 AM

ههههههههههههه جد شو هالسؤال

مع اذا بحاجتها كتير كتير

بس ازا شغلة مزاج وهبل لا ضد

مع او ضد دكاترة عمليات التجميل ؟؟؟؟
هههههههه

suzana2007

01-20-2008, 08:42 AM

ههههههههههههه جد شو هالسؤال

مع اذا بحاجتها كتير كتير

بس ازا شغلة مزاج وهبل لا ضد

مع او ضد دكاترة عمليات التجميل ؟؟؟؟
هههههههه

هههههههههههههه شو يعني؟؟؟

طيب ممممممممممم مع يلا ليش لأ...

مع أو ضد موضوع مع أو ضد؟؟؟ خخخخخخخخخخخخخخ

جريحة فلسطين

01-20-2008, 08:45 AM

هههههههههههه

حولنا طب هلاء ,,,

مع وبنفس الوقت ضد ^^ افهميها انتي

ممممم مع او ضد الرقص ^^

Palestinian Girl

01-20-2008, 08:51 AM

ههههههههههههههههههههههههههههه ضحكه طويله كتير

مع بس مش رقص رقصات يعني رقص عادي بين بنات

ههههههههههه كمان ضحكه وطويله

مع او ضد الاغاني ؟

جريحة فلسطين

01-20-2008, 08:53 AM

طبعا مع ^^ هو في بعد الاغاني ^^

طيب ,, مع او ضد الافلام ^^

suzana2007

01-20-2008, 08:56 AM

شووووووووووووور مع وخاصة الأجنبي مع بوشار وكولا خخخخخخخخخخخخخخخخخخ

مع أو ضد السهر على منتدى شباب فلسطين هههههههههههههههه

Palestinian Girl

01-20-2008, 08:57 AM

هههههههههههههههه مع اه ونص

مع او ضد القهوة والشاي ؟؟؟؟؟؟؟

جريحة فلسطين

01-20-2008, 08:58 AM

ههههههههههههههههههههه

طبعا مع السهر والتصبيح والمسا وكل شي ,,

طيب ضد او مع ,, كاسه النسكافه ^^

جريحة فلسطين

01-20-2008, 08:59 AM

مع او ضد القهوة والشاي ؟؟؟؟؟؟؟

طيب ضد او مع ,, كاسه النسكافه ^^

تقريبا نفس فحوى السؤال ,,

بس النيسكافه اطيب ^^

مع او ضد الموبايل ^^

Palestinian Girl

01-20-2008, 09:10 AM

هههههههههههههه مع وبشده

مع او ضد الشتا ؟

suzana2007

01-20-2008, 09:13 AM

مع بس مو ٢٠ تحت الصفر :icon5:

نفس السؤال للي بعدي

Palestinian Girl

01-20-2008, 09:15 AM

ضد البرد بجميع اشكاله!!!!!!!

مع او ضد الصيف ؟؟؟

جريحة فلسطين

01-20-2008, 09:15 AM

ضد ضد ضد ضد ضد ضد ضد

اتعقدت من كلمه شتا :(:(:(:(:(

الي بعدي مع او ضد ,, افلام عادل امام ^^ اصلي هلاء بحضرلو فيلم ^^

Palestinian Girl

01-20-2008, 09:18 AM

ما بحضر افلام عربي
بس مع نهفه لأنو هو ... مع اني ما بحضرلو اشي

مع او ضد السباحه ؟

suzana2007

01-20-2008, 09:19 AM

يعني لا ضد ولا مع عادي

نفس السؤال ... مافي ببالي أي أسئلة

suzana2007

01-20-2008, 09:20 AM

ما بحضر افلام عربي
بس مع نهفه لأنو هو ... مع اني ما بحضرلو اشي

مع او ضد السباحه ؟

هههههههههههههههه رديتي قبلي يا قوية

أكيد مع السباحة

مع أو ضد الرياضة ؟؟؟ بعرف سؤال سخيف

Palestinian Girl

01-20-2008, 09:24 AM

هههههههههههههههه رديتي قبلي يا قوية

أكيد مع السباحة

مع أو ضد الرياضة ؟؟؟ بعرف سؤال سخيف

ههههههه هههههه هههههه

هههههه

قبلك يالا مش مشكله

مع الرياضه بس ع هوى المزاج

مع او ضد عدم لعب الرياضه ؟

هنـ القسام ـا

01-20-2008, 09:39 AM

مع

لاني ما بلعب

اللي بعدي مع او ضد الادمان عالنت ؟؟

جريحة فلسطين

01-20-2008, 09:42 AM

طبعا ضد ,,

الي بعدي نفس لبسؤال ^^

جرحٌ بملامح انسان

01-20-2008, 10:07 AM

مـع ؟^ ^
خخخ
اللي بعدي نفس السؤال *_^

جريحة فلسطين

01-20-2008, 10:13 AM

ههههههه كمان ضد ,,

نفس السؤال ^^

جرحٌ بملامح انسان

01-20-2008, 02:51 PM

مــع

نفس السؤال ^ ^

جروح الأيام

01-20-2008, 05:52 PM

ضد
الي بعدي

مع النوم الكتير ولا ضد

ريما فاهوم

01-20-2008, 05:53 PM

طبعا مع..في حياة بدون نت+ كمان لو بنكون مدمنين نت يعني بنعرف كتير اشياء عنو..(بنفع انا نوري نفسنا أشي أشي ئدام الي مابيعرفلو)

الي بعدي مع او ضد الناس الي بتسهر وبتشرب قهوي بنفس الوقت(بتعرفو النتيجي)

أبو نضارة

01-20-2008, 08:53 PM

ضـــــــــــــد ...

لسبب ديني ..
لأنه محرم أن يسهر المرء دون فائدة ...خصوصاً إذا كان يعلم أنه سيضيع صلاة الفجر ..

وسبب دنيوي ..

لأنه مفسدة للشباب ...الذين هم عقل الأمة ...

سؤالي ..

هل أنت مع دعاة العولمة(بني علمان) ... الذين يثيرون الشكوك والملابسات حول دين الإسلام ..؟؟!

جرحٌ بملامح انسان

01-20-2008, 11:16 PM

طبــعا ضــد
ما بدهـا سؤال هــاد

هـل أنت مع او ضــد ما يحصــل في غــزة ^ ^.. سخبف صح ^ ^

Palestinian Girl

01-20-2008, 11:23 PM

طبــعا ضــد
ما بدهـا سؤال هــاد

هـل أنت مع او ضــد ما يحصــل في غــزة ^ ^.. سخبف صح ^ ^

اه صح سخيف

ما بدي اجاوبك معروف الجواب

مع او ضد سكوت العرب عن اللي بصير في غزه

كمان سخيف... بس من القهر

جرحٌ بملامح انسان

01-21-2008, 09:07 AM

اه صح سخيف

ما بدي اجاوبك معروف الجواب

مع او ضد سكوت العرب عن اللي بصير في غزه

كمان سخيف... بس من القهر

^ ^
آه سخيف
معروفة الاجابة
طبعا ضـد
مـــع أو ضــد استمرار المقاومة في غزة ... وليش ؟

أبو نضارة

01-21-2008, 08:36 PM

طبعاً مع ... لأنها الطريقة الوحيدة ... لأن الدم لا يأتي إلا بالدم ...

فكيف لنا أن نستعيد فلسطين بالمفاوضات ؟؟! .. هل من المعقول أن يتنازل اليهود عنها بعد كل هذه الحروب ؟؟!

طبــعا ضــد
ما بدهـا سؤال هــاد

لا لأني شايف بعضهم هون بهالموضوع ..!

إللي بعدي ...

نفس السؤال الذي طرحه جرح بملامح إنسان ...

جروح الأيام

01-21-2008, 10:54 PM

مع استمرار المقاومه

والله ينصرهم

الي بعدي
ماعندي سؤال الك

للأسف مخي فاضي

احلا فوفو

01-22-2008, 04:07 PM

ولي جروح الايام
انتي دايما بتطلعي بوجي ولي!!
كرمالك ضد حتى لو مافي سؤال
خخخخخخخخخخخخخخخخخ
للي بعدي : مع او ضد طلعة البنت من البيت بدون اهلها
:showoff:

الورد الأحمر

01-22-2008, 04:21 PM

اول شي شكرا على الموضوع الحلو

تاني شي
مع او ضد طلعة البنت من البيت بدون اهلها
هالشي بيرجع لاخلاق البنت
ولوين رايحه:icon9:
يعني لو مع صديقاتها اكيد مافي مانع

الي بعدي
مع او ضد
خروج النساء لفتح المعبر المعبر؟؟؟؟؟؟