مع أو ضد ... موضوع اكثر من رائع ( إن شاء الله ) [الأرشيف] - الصفحة 2

فتى مسلم

01-22-2008, 09:31 PM

السلام عليكم جميعا
اسئلة حلوة لكن الاجابة اعذروني هي
ان صح التعبير شفافة
بالنسبة للشات للبنات انا مش ضد زي ما قال الاخ تحدوهم
وبنفس الوقت مش مع . الاجابة ضلت نوعا ما شفافة
ليش انا بدي اشرح بس اول اشي بدي اسال الاخ تحدوهم
انت ضد . اذا انت ما بترضى اختك تقعد على النت
اذا انت كيف بترضى على حالك تقعد وتحكي مع بنات الناس
اسف ممكن اكون قاسي شوية
بس كيف ترضى لنفسك هيك اشي
فاعتقد انو واحد من اثنين انو في خلل في شخصيتك او انو ما بتثق باقربائك الي بستخدمو النت
لذا هيك انا مع بس لازم الزاحد يعرف مين هو اخته او البنت
وما شاء الله في بنات ما في عليهم كلام ولا بتقدر تتطلع في عيونهم من اصله
لذلك انا مع بس لو بعلم الي بدي يستعمله اصول استعماله
واكيد التربية الصحيحة ............. هي المفتاح لهيك اشي
نفس الاشي للموبايل
شو هدف الموبايل . وهل الفتاة واعية ليش هي بدها اياه
لابقاء الاهل على تواصل مع الفتاة واماكن تواجدها
ولا لغرض العولمة والدردش

القصة هي قصة وعي
مش قصة حصار على البنت
انا اعتقد خاصة في الظروف الي احنا فيها
فمش غلط انها تتعرف على المجتمع
اذا هي في مدرسة خاصة بكرة هي في جامعة
اذا بظل المنوال على ما بتفكر فيه اخي اعتقد انها راح تظل سوري كثير على الكلمة
بس غير واعية بالمجتمع
ورد فعلها اقرب للعشوائية
انا ما بهاجم المراة لكن ان في صفها لو فكرت في الي بقول فيه من ناحية ايجابية
لذا انا مع التربية الواعية والثقة ما بين افراد الاسرة
ذكور او اناث
وهيك ممكن انها الفتاة تتعامل مع المجتمع الي هي فيه بسهولة
وتقبلوا مني فائق الاحترام

واكرر اعتذاري اخي تحدوهم
انا مش ضدك لكن انا بختلف معك بالراي
و الانتقاد هو وعي بحد ذاته
مشكورين اخواني واخواتي

اخوكم
فتى مسلم

جرحٌ بملامح انسان

01-23-2008, 08:52 AM

عمـــو الفتى المسلم انت جبت آخر سؤال بالصفحة الاولى
وما حطيت سؤال كمان ^ ^

طيب أنا بحط ســؤال ^ ^

مع ولا ضـد تفجير معبر رفــح ^ ^

blue-girl

01-23-2008, 10:11 AM

امممم شوف انا بصراحه مع التفجير و كان من زمان يفجرو
بس لو كنت بدي افوت غزه ما بفوت هاي الطريقه
بس همه زودوها معهم يعني البلد بطل فيها اشي
وانا بعرف ناس في غزه عم يتعزبو

بس كمان ضضدو ليش؟؟
لانو ممكن هلاء اليهود و المصرين يتحمرنو
يعني يبسو راسهم و ممكن يسكرو المعبر و ما يفتح لفتره طويله
و يزيدو الحصار بسبب
او من وجهة نظرهم رح تكون هاي عمل من الاعمال الغير مسؤاله
بس الله بسهلها و بيسترها
لانو انا بدي انزال
:-(

اوك انت مع الهجره من غزه بسبب الاحداث الاخيره ؟؟

Twin

01-23-2008, 12:03 PM

مممممم سؤال محير بس

هادا بيرجع لشخصية الفرد .. والحاله المادية والنفسية الوو ..

ايهما تفضل الخبرة المكتسبة من تجارب الحياه ام التعليم ؟؟؟

أبو نضارة

01-23-2008, 12:47 PM

أنا أفضل الخبرة المكتسبة ..

وأيضاً العلم له أهمية ...

إللي بعدي ..

مع أو ضد المفاوضات مع اليهود ..؟؟!

احلا فوفو

01-23-2008, 04:09 PM

اكيد ضد
لانو ما حدن بيفاوض بجاهل ^^
ياللي بعدي نفس السؤال
عجبني :showoff:

ameera

01-23-2008, 04:16 PM

مع المفاوضـات
نفسوو ....

princess soso

01-25-2008, 01:18 PM

مع

مع او ضد تعلم البنات للكاراتيه ؟

سووما

01-25-2008, 03:37 PM

اول شي يسلمو عالموضوع الاكتر من رائع
جوابي ضد انو البنت تمتلك جوال بمرحلة المراهقه لانو بعرف كتير كتير بنات معهم جوالات مع ذلك ضاعو وخصوصي بعمر المراهقه وسؤالي مع او ضد ان يسير حب عن طريق النت

بنيمارو

01-25-2008, 04:40 PM

ضد

اللي بعدي نفس السؤال

خطّاب

01-25-2008, 04:51 PM

أنا أيضا ضد وبشدة سواء بالنسبة لجوال أو بالنسبة للحب عن طريق الانترنت

والله أعلى وأعلم

اللي بعدي أيضا نفس السؤال

بصراحة ياشباب الموضوع مهم جدا بارك الله فيكم

NIGHT QUEEN

01-25-2008, 10:41 PM

انا كمان ضد الحب على النت

لانو دايما بيكون مزيف

وخلينا على نفس السؤال كمان

^_^

جريحة فلسطين

01-26-2008, 05:32 PM

ممممممممم انا مع مش ضد ,, ^^

الي بعدي ,,, مع او ضد الرسوم المتحركه^^

فتى مسلم

01-26-2008, 06:36 PM

السلام عليكم
مع او ضد الرسوم المتحركة !!!!!!!!!
اكيد مع لانها رائعة وبتنمي قدرات الاطفال وتوجهاتهم
بس انا مع النوعية مش الكمية
لانه بعض الرسوم سلبية
وتاثيراها على الاطفال كبير لانهم بحاولوا يقلدوه
لذلك مش مع رسوم الخيال الكثير
او المخل او ....... الخ
يعني لازم اعرف ابني ولا اخوي شو نوع الرسوم الي هو بتابعها

مع فائق الاحترام
اخوكم فتى مسلم

فتى مسلم

01-26-2008, 06:38 PM

صحيح بالنسبة للسوال
هل انت مع ولا ضد .....

البنوك الاسلامية ؟؟؟؟؟؟؟؟؟
هل هي اسم ام فعل
سوال منطقي كثير
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع فائق الاحترام
اخوكم فتى مسلم

سووما

02-03-2008, 02:40 PM

اكييييييييييييييييييييييييييييييد ضد

جرحٌ بملامح انسان

02-03-2008, 04:05 PM

طيب وين السؤال ^ ^

أنا رح أحط سؤال

مع أو ضــد

شرب الشاي بكميات كبيرة ^ ^

Pink Rose

02-03-2008, 04:09 PM

هههههههه

لالا ضد ... انا يادوب اشرب الشاي اصلا ^^

فا كيف بكميات كبيرة اكيد لأ ^^

اللي بعدي ::

مع او ضد بينك روز :P

ابنة القسام

02-03-2008, 08:23 PM

لا اااااااااااا
طبعا مع بينك روز
شو ولووووووو
الله يحماكي ويخليكي في المنتدى على طووووووول
طيب انتا مع او ضد شرب الدخان والتنباك والمعسل وهادي الأشياء جميعها؟؟؟؟
انا لا لأنها مكروها ومحرمة
يمكن

Pink Rose

02-03-2008, 08:46 PM

تسلمي يا عسل ..

بالنسبة لسؤالك اكيد ضد ..

اللي بعدي ::

مع او ضد الدراسة الخاصة ؟

live ur life

02-03-2008, 10:13 PM

اكييد ضد الا ازا كان الشخص كتير مضطر

sharifnaim

02-03-2008, 11:12 PM

والله يا غالية لكل شي محاسن ومساويء
انا شخصيا بنتي كانت بمدرسة حكومية وكان مستواها ضعيف
وهلء بمدرسة خاصة وانقلبت انقلاب رهيب جدا ومستواها صار ممتاز جدا
بس الشيء الوحيد ان المدارس الخاصة غالية جدا ومش كل انسان بقدر يتحمل المصاريف الكتيرة

مع الحب من اول نظرة او لا؟؟

*ريحانة القلب*

02-03-2008, 11:19 PM

ممم لأ مو مع

مافي اشي اسمو حب من اول نظرة
في اعجاب من اول نظرة ...

نفسو

sharifnaim

02-03-2008, 11:27 PM

اهنيكي على الاجابة الرائعة

وردة بين الأشواك

02-04-2008, 12:23 AM

مع او ضد الحب من اول نظرة

انا اكيد ضد

وللي بعدي

مع او ضد صداقة الانترنت

بنيمارو

02-04-2008, 12:29 AM

مع ^^
كصداقة بس
اللي بعدي نفس السؤال

fidaa

02-04-2008, 12:33 AM

مع الصداقه
كتير في ناس محترمه ممكن تصادفه وهاد ما بعمم على الجميع في هيك وفي هيك
الي بعدي
السؤال
اش رائيك بالمدارس المختلطه

live ur life

02-04-2008, 12:13 PM

انا مع المدارس المختلطة فقط في المرحلة الابتدائية
وسؤالي : مع او ضد الحب عن طريق النت ؟

*ريحانة القلب*

02-04-2008, 04:56 PM

ضد
لأن الناس بكون عينك بعينهم وبيخدعوك

فما بالك من خلف الشاشات !

مع او ضد

زواج الاقارب ؟

sharifnaim

02-04-2008, 06:21 PM

ضد بسبب الامراض
والرسول صلعم فضل الزواج من خارج العائلة بقوله
غربوا النكاح

مع او ضد
عدم المصارحة بحبك لمن تحب خوفا من ان تفقده؟؟

live ur life

02-04-2008, 09:04 PM

اكيد ضد.. لازم تصارح الي بتحبو
وسؤالي : مع او ضد عمل المراة المتزوجة؟

ابنة الشتات

02-04-2008, 10:49 PM

مع.....
في حال ما بتقصر بزوجها وولادها ..... والحياة بطلت متل اول ......

مع أو ضد ...... المواقع الي بتكشف فين عاملك بلوك ودليت بالمسنجر ؟

Pink Rose

02-04-2008, 11:07 PM

امممم

عادي ما بتفرق ... لا مع ولا ضد ^^

اللي بعدي :: مع ولا ضد المراكز اللي بيسجلوا فيها الطلاب مع دراستهم بالمدرسة ؟

ابنة الشتات

02-05-2008, 01:14 AM

ع الأغلب ضد

بس ازا الواحد متطر ليش لأ

مع او ضد ...... حمل المبايل للي أقل من ال15 سنة ؟؟ او الثانوي؟؟

*ريحانة القلب*

02-05-2008, 02:18 AM

ضد ..

لأنو بهالعمر ممكن ينضحك عليهم

وطريق الفساد صار مفتوح .. فللبنت خاصة انا ضد

بس للشب حسب الضرورة فوق ال15 اما تحت ما الو داعي

غير انو مصاريف زيادة ( اسراف )

مع او ضد
الاشتراك باكتر من منتدى ؟

الوردة

02-05-2008, 07:52 AM

ضد.. لانو اشتراكاتك بمنتدى واحد بخليك تعطيه مجهود اكبر من ما تشترك فى عدة منتديات..

مع او ضد .. حب الانترنت

سووما

02-05-2008, 09:12 AM

مع وضد انو اذا كنت متاكد ن الشخص لبتحكي مع بتصور الامر عادي بس مش في كل الحالات بتزبط هالعلقه يعني ن بين 100 علاقه ا بتزبط غير وحد هيك بتوقع
مع او ضد الدردشة للبنات

احلا فوفو

02-07-2008, 02:07 AM

اكيد مع ^^
بس بحدود
وبدون مايصل الشي لتبادل بالايميلات والارقام وحكي طالع ومو نازل
خخخخخخخخخخخخ
ياللي بعدي
نفس السؤال:showoff:

جرحٌ بملامح انسان

02-08-2008, 09:14 AM

ضــــد
لأنه ممكن يوصل للشي اللي بتحكي عنه فوفو
وبشكل عام بضلها دردشة
وبعدين المواقع اللي بيدردشوا عليها كمان مش مضمــونة
يعني ضــد بكـل الاحــوال

مع أو ضــد الحــــب بشكــل عام ... طبعا الحب المعروف .. مش الحبب بالله وحب الوالدين وابصر شو ^ ^

احلا فوفو

02-08-2008, 11:50 AM

مع ^^
خخخخخخخخخخخخخخ
ياللي بعدي
مع او ضد الزواج بالاقارب !!
:showoff:

جرحٌ بملامح انسان

02-08-2008, 01:33 PM

خخخخ

مش مقياس

عادي
لا مع ولا ضــد

لكن ضــد انهم الناس ما يزوجوا اللي لقرايبهم
يعني عــادي

نفس السؤال ^ ^

*ريحانة القلب*

02-08-2008, 04:21 PM

مو مع ولا ضد

هو في الو مخاطر اكيد

بس لو حرام كان دينا حرمو

يعني شو ذنبهم اولاد العم لو حبو بعض .. !

الدين حلل .. يبقى خلص

الي بعدي

مع والا ضد

حذف الاهداءات بالمنتدى :)) ؟؟

جرحٌ بملامح انسان

02-08-2008, 08:51 PM

طبعا ضــد
نفس السؤال ^ ^

اسيرة النجوم

02-09-2008, 12:14 AM

ما يطلع من الجماعة غير شيطان

أكيد ضد حذف الاهداءات

صرت بحس المنتدى فاضي ونايم وجامد من غير اهداءات

طيب سؤالي انت مع او ضد طلوع اسيرة من المنتدى :showoff:

Pink Rose

02-09-2008, 12:20 AM

اكيــــد ضــــد يا عســل ..

اللي بعدي :: مــع او ضــد مشاركـة المرأة في الانتخابات :P

*ريحانة القلب*

02-09-2008, 12:29 AM

مــع ^ ^

نفسو :)

تحـ البشر ـدوهـ

02-09-2008, 11:07 AM

مع ^^

هل انت مع لبس النقاب للمراهقات او ضد

Pink Rose

02-09-2008, 11:09 AM

ضــــد ..

نفس السؤال للي بعدي

عاشقة ارض فلسطين

02-09-2008, 03:44 PM

ضد ...

نفس السؤال ......

تحـ البشر ـدوهـ

02-09-2008, 04:34 PM

عاشقة فلسطين او بينك روز يا ليت توضحوا السبب ههههاااي

انا مع

لانه الرسول ما حدد في لبس النقاب هل هو للمراهقات او للكبار

ولكن حدد انه مش شرط للعجايز بس

واعتقد اني حكيت المراهقات مش العجايز ههه

يلى بالتوفيق

نفس السؤال للي بعدي

جرحٌ بملامح انسان

02-09-2008, 07:13 PM

أنا بحددلك السبب .. هو مش للمراهقات .. بس للبنات اللي مش متزوجات

لأنه ممكن يؤدي هالشي لعدم زواج البنت الا ازا أخدها واحد من اقاربها

وبعدين ديننا دين يسر مش عسر

حرام تتقيد البنت من وهيي مراهقة بالنقاب ^ ^

نفس السؤال ^ ^

وردة بين الأشواك

02-09-2008, 07:29 PM

مع لو هي مقتنعة لبسته عن قناعة تامة وضد لو هي مو حابة

للي بعدي

هل انت مع او ضد استعمال المسكنات من غير الرجوع للطبيب ؟

Pink Rose

02-09-2008, 07:40 PM

مممممم

نرجع لسؤال النقاب :: انا ضد لانه بقيد الحرية

لما تكون ست كبيرة قول بتتحكم بتصرفاتها اكتر

المراهقات في كتير منهم لسه مش واعيين

بقدر كافي حتى يلبسوه ويتقيدوا فيه بالشكل المطلوب ..

سؤال وردة :: ضد .. لانه اله اثار سلبية الا ازا كان المسكن

معروف ومضمون ..

سؤالي انا :: مع ولا ضد العمل الليلي للشباب طبعا ؟

ابنة الشتات

02-09-2008, 07:44 PM

أنا بكره الأدوية سواء بدكتور او بدون دكتور

بس عموما >> ازا بكون مضرورة ليش لأ

الي بعدي>>> نفسه

Pink Rose

02-09-2008, 07:47 PM

^^

سؤال وردة :: ضد .. لانه اله اثار سلبية الا ازا كان المسكن

معروف ومضمون ..

سؤالي انا :: مع ولا ضد العمل الليلي للشباب طبعا ؟

احلا فوفو

02-09-2008, 08:49 PM

اكيد ضد
بس مع العمل الليلي للصبايا
خخخخخخخخخخخخخ
^^
ياللي بعدي نفس السؤال
لانو طنشتوه مرة
:showoff:

fidaa

02-09-2008, 09:48 PM

قد تضر الضروف الشاب انه يعمل في اليل
انا ضد هاي الفكره طبعا ولكن دائما يوجد استثناء لكل قاعده
الي بعدي نفس السؤال

اسيرة النجوم

02-10-2008, 12:47 AM

لا انا ضد فكرة العمل الليلي للرجل

لانو بالنهاية انسان وبيكون بدو يرتاح

واكيد نوم الليل مو متل نوم النهار

وكمان اذا كان هالرجل متزوج اكيد زوجتو ما راح تسمح بهالقصة

يعني ضدها انا مية المية

طيب سؤالي : انت مع او ضد زواج الصبية من الاكبر منها سنا ؟

جرحٌ بملامح انسان

02-10-2008, 07:05 AM

بالنسبة اللي مش مقياس
وبعصرنا هــاد أهم شي التوفيق الفكري والعقلي بينهم

هاد أهم من السن بنظري ^ ^

نفس السؤال ^ ^

fidaa

02-10-2008, 02:48 PM

انا برضوا بقول السن مش مهم ما دام في توافق في التفكير والرأي والعمر ما هو الا ارقام محسوبه على الانسان
الي بعدي نفس السؤال

Pink Rose

02-10-2008, 03:01 PM

مـع ازا كـان اكبـر منهـا بحـد المعقــول

بس مـش اكبـر منهـا بكتيــر :@

اللي بعــدي كمــان نفــس الســؤال ^^

جرحٌ بملامح انسان

02-10-2008, 03:45 PM

جاويت عليه ^ ^

اللي بعدي نفسه ^ ^

ameera

02-10-2008, 03:46 PM

مـع اذا كـان فرق السـن مو كتير يعني اربع خمس سنين مش عشرة او اكتر يعني يكون الاتنين مناسبين لبعض..

معـي انا ولا ضدي *_^

جرحٌ بملامح انسان

02-10-2008, 04:10 PM

ههههههههه

ليش أكـــون ضــدكــ ^ ^
ربنا يوفقكـ خيتو ^ ^

برضو نفس السؤال

معي أنا ولا ضدي *_^

Pink Rose

02-10-2008, 04:13 PM

ههههههههه

لالا مش ضــد :)

اللي بعدي :: مع ولا ضد الدراسة بالليل بس :p

أبو نضارة

02-10-2008, 04:32 PM

ضد ..

تحـ البشر ـدوهـ

02-10-2008, 06:41 PM

مع ^^

نفسه للي بعدي

وردة بين الأشواك

02-10-2008, 10:26 PM

انا ضد الدراسة بالصبح وبالليل وبالمغرب وبالعصر وبكل الاوقات هههههههههههههههههههههههه

للي بعدي

مع او ضد مدونات الانترنت

جرحٌ بملامح انسان

02-11-2008, 12:49 PM

مــع الى حــد ما ^ ^

اللي بعدي نفس السؤال ^ ^

تحـ البشر ـدوهـ

02-11-2008, 01:49 PM

مــع الى حــد ما ^ ^

اللي بعدي نفس السؤال ^ ^

Pink Rose

02-11-2008, 02:22 PM

الدراســة بالنهــار احســن

بس كــل واحــد وكيــف تعــود ^^

اللـي بعــدي :: مـع او ضـد الرحـلات المختلطـة بالجامعـة او بالمدرسـة

Amirat alahzan

02-11-2008, 03:13 PM

انا مع بس في كل المجتمعات
متل عنا بالسعوديه .بس نروح عالعمره مابنكون عوائل لحال وشباب لحال شباب ورجال لحال ونسوان لحال
‏ ‏ ......
نفس السؤال للي بعدي
أميرة الاحزان...

Amirat alahzan

02-11-2008, 03:13 PM

تحـ البشر ـدوهـ

02-11-2008, 03:28 PM

الدراســة بالنهــار احســن

بس كــل واحــد وكيــف تعــود ^^

اللـي بعــدي :: مـع او ضـد الرحـلات المختلطـة بالجامعـة او بالمدرسـة

انا مع

السؤال ^^^ للي بعدي

blue-girl

02-11-2008, 03:53 PM

انا من ناحيت مع لانو انا بطلع في هيك رحلات
للبعدي
نفسوووو

جفال 999

02-11-2008, 04:13 PM

ضد

الانه الاسلام حرم الاختلاط

والسموحه

مع او ضد مصاحبة (الغير مسلمين) ولماذا

تحـ البشر ـدوهـ

02-11-2008, 05:02 PM

انا مع

لانه ممكن ااثر عليه ... في اسلامي

للي بعدي نفسه ^^

أبو نضارة

02-11-2008, 06:36 PM

مع .. إذا كان نيته أن يدعوه إلى الإسلام ..

إلي بعدي ..

نفس السؤال ...

وردة بين الأشواك

02-12-2008, 07:48 PM

مع بس بحدوووود يعني مو علاقة صداقة قوية وعميقة الا فحالة الدعوة للاسلام

للي بعدي مع او ضد اجبار الفتيات على ارتداء الحجاب

*ريحانة القلب*

02-12-2008, 10:24 PM

ضد طبعاُ ..

كل شي بالاقناع بسير

نفسو ^ ^

تحـ البشر ـدوهـ

02-13-2008, 01:30 PM

انا عاد مع

إذا ما رضيت بالتفاهم لانه الرسول عهليه الصلاة والسلام امر بالضرب عند ترك الواجب في قوله ( اضربه عليها لعشر ) أو كما قال مش متأكد بالضبط لكن حولين هاد ... وأكيد كلنا بنعرف انه الحجاب واجب منشان هيك يجوز الضرب عليه اذا تنحت البنت هههههاااي مساكين حجاب وزرة في الدار وله له له بتعانوا يا بنات خخخ بمزح بمزح ... نفسه للي بعدي

princess soso

02-15-2008, 01:04 PM

وين السؤال؟؟

تيب

اللي بعدي مع او ضد انو البنت تطلع مع صحباتها ؟؟؟؟

لولو اليبناوية

02-15-2008, 01:21 PM

ممممممم انا بصراحة ضد

بسن معين...او ما بكون ضد...بس حسب كيف هية تربت عند بيت اهلها

يعني بنت ال14-15-16-17-...نو احسن لأ...

او انو انا مش مع ضد بس انو مش مع اي بنت تطلع..

وينتبهو الاهل مين هية صاحبيتها الي راح تطلع معها..

يعني انا بتزكر بهالسن..ما كنت اطلع مع اي حدا...

لانو بهالسن البنت ما بتكون ناضجة منيح وبتكون بسرعة

ممكن تتأثر بصحباتها

وشوي شوي خلص بعد هيك بتسير البنت عارفة الصح من الغلط..

واهلها واثقين بأختيارها لصاحباتها...وانو تطلع عادي...

مممم ما عندي سؤال ..:(

NIGHT QUEEN

02-15-2008, 09:23 PM

لووولووووووووو

ما عندك سؤال

هههههههههههه

طيب بسيطة

بجاوب على نفس السؤال

انا ما بشجع ان البنت دااااااااايما تطلع مع صاحبااتهااا

لانو البنات بيأثرووو سلبيا اكتر من ايجااابيا مع بعض هادة وهمي زغار مراهقين

اما بعد هيك

بتكون الطلعة بمناسبة شي كويس

واللي بعدي

هل بتشجع ان البنت تشتغل بشركة

؟؟؟

Abu Shadi

02-15-2008, 09:37 PM

ضد

لكن في مدارس ماشي

لانو طبعا الشركة مثل البيت

يعني انا قاعد بمكتبي

قبالي بنت بتشتغل في نفس المكتب

ودايما الاغلب بنلاقي بنت وشب قبال بعض

وما اجتمع رجلا واامرأة الا الشيطان كان ثالثهم

وانا بفضل بالحالة هاي الانفصال

او زيادة العدد داخل المكتب

لحتى ما يكون مجال للاختلاط في امور خارج العمل
وانتو فاهمين قصدي

ولذلك مع وضد وانا مع قوات عدم الانحياز

blue-girl

02-16-2008, 01:56 AM

طيب انا ع شو المفروض اجاوب
رح اجاوب ع نفس الي جوبت عليه
انا من ناحيتي مع
لانو ما رح يتسكر المكتب علينا
هاد اولا و الناس ريحين و جاين
بعدين الي بتحترم حالها عصب عنو الي معها بحترمها

للبعدي

مع حرية البنات ولا لاء ؟؟ وليش ؟؟
ملاحظة الحرية بحدود ^^

جرحٌ بملامح انسان

02-16-2008, 10:43 AM

ما دام حكيتي بحــدود
طبــعا معــها
أنا ضــد كبت الحريات ^ ^

الي بعدي نفس السؤال ^ ^

Pink Rose

02-16-2008, 10:49 AM

انـا كمـان مـع الحريـة ازا كـانت بحـدود :)

اللــي بعــدي كمــان نفســه ^^

blue-girl

02-16-2008, 12:20 PM

هههههههههه
سؤالي خخخخخخخخخ
طبعا مع
^^
يلا الي بعدي نفسو

الرمشـ الحساسـ

02-16-2008, 12:49 PM

خخخخخخخخ
مع أكيـــــــــد...

طيب الي بعدي مع أو ضد تروح البنت عالسينما مع صحباتها؟؟
:showoff:

blue-girl

02-16-2008, 02:22 PM

هههههههههههه
حلوه هاي طبعا مع
تروح ع السنما و ع السوق
هي و صحباتها و اصحبها
كشله طبعا
و ما يتاخرو ^^
الي بعدي نفسو

جرحٌ بملامح انسان

02-17-2008, 05:36 PM

مـع وضــد ^ ^

حســب قوة شخصية البنت وأخلاقهـا وطبعا تكون بحدود

نفس السؤال ^ ^

[ Islam ]

02-17-2008, 05:41 PM

ضددددددددددددددد

البنت يا بتطلع مع حدا من اهلها يا بضل بالبيت !!

@_@

مع أو ضد اختيار الأصدقاء حسب الاحزاب السياسية ؟!

blue-girl

02-17-2008, 11:12 PM

ضد الاحزاب السياسه انا اصلا

مع او ضد انو البنت تكون مسؤله عن حاله و مو مربطه في الاهل ؟؟

تحـ البشر ـدوهـ

02-18-2008, 08:54 AM

مـع

نفس السؤال للي بعدي

وردة بين الأشواك

02-18-2008, 10:26 AM

مع طبعا لانه الاهل ما حيبقولها ولازم تعتمد على نفسها وما تعتمد على الناس عشان تمشي امورها

للي بعدي نفسه

جرحٌ بملامح انسان

02-18-2008, 10:20 PM

مسؤولة عن حالها أوك بس مو باعتزال عن العائلة
يعني تكون مسؤولة عن نفسها بس بحدود

اللي بعدي نفسه ^ ^

blue-girl

02-19-2008, 08:36 AM

اكيد مع لانو البنت لو ما عتمد ع حالها
و كانت قويه في حياتها
من اول جرح رح تتحطم
و من اول كلمه بندحك عليها

الي بعدي
مع او ضد انو البنت تدرس في بلد لحالها ؟؟

تحـ البشر ـدوهـ

02-19-2008, 08:49 AM

مع يا حجة

اللي بعدي نفس سؤال الحجة

هو احنا بنأدر نزاود ههه

Pink Rose

02-19-2008, 01:09 PM

ضـد .. لانـه البنـت في بلدهـا مـع اهلهـا بهالزمـن يـادوب تقـدر تحافـظ علـى حالهـا

كيــف ازا سـافرت تـدرس ببلــد تـاني لحالهـا :@

اللــي بعــدي نفــس الســؤال ..

Princess of Sense

02-19-2008, 01:15 PM

ضد...نفس سبب pink rose
مع او ضد انو البنت تعيش في بيت لحالها...

بنيمارو

02-19-2008, 01:27 PM

اكيد ضد
^^
البنت لحالها ما بتدبر امورها
الا ميكون عالقليلة معها كمان بنت

...............
طيب مع او ضد انو الشب يعيش ببيت لحالو ؟؟

الرمشـ الحساسـ

02-19-2008, 01:27 PM

ما فهمت كيف يعني يعيش لحالو؟؟:icon9:
بس أتوقع انو الشب بئدر يدبر حالو ازا كان قصدكـ مثلا هو مغترب عن بلدو وبدرس مثلا وطبعا مع هالشي انا...

&نسيم الروح&

02-20-2008, 03:37 AM

وين السؤال؟؟؟

مع او ضد دخلول الشات للبنت والشب؟؟

روح الاقصى

02-20-2008, 01:52 PM

ضد دخول كل منهما

مع او ضد اغلاق هذا الموضوع؟؟؟؟

Pink Rose

02-20-2008, 01:57 PM

اكيد ضد .. ليه يغلقوه ..؟!

اللي بعدي :: مع او ضد حفلات الاعراس المختلطة ؟

Princess of Sense

02-20-2008, 02:05 PM

ضد ...
نفس السؤال : مع او ضد حفلات الاعراس المختلطة ؟

روح الاقصى

02-20-2008, 02:05 PM

ضد

اللي بعدي:جاوب سؤال اللي قبلي

جدوع عسكر

02-21-2008, 12:24 AM

مهي الاخت ويذ كات مش محدده الاعراس كيف يعني للاقارب للبعيدين عن العيله مش مهم مش موضوعنا انا ذد كل الاعراس الغير اسلاميه...... سؤالي للي بعدي ؟؟؟؟؟؟؟؟
مع او ضد حالة الفلتان الامني اللي بتسير بغزه الان؟؟؟؟

gaza1221

02-21-2008, 12:55 AM

جدوع عسكر اعلمك انه الآن لايوجد فلتان امني في غزه كما تفضلت وقلت ويبدوا انك أخطأت في السؤال وكنت تقصد الفلتان والفوضى في الضفة المحتله !!!!!!!!!!!!! فلذلك سؤالك خطأ والاجابة على السؤال الصحيح هو أنني ضد الفلتان الامني في الضفة المحتله . وارجو تصحيح السؤال .......................
وسؤالي الذي أطرحه هنا هل نحن مع او ضد ما يحدث في الضفة المحتلة من فوضى وخيانة وغدر من قبل ممن يدعون انهم فلسطينييييييين ؟؟؟؟!!! وتسلموا احبتي الكرام .

ameera

02-21-2008, 11:05 AM

مـعهم لانو مابصيـر اشي بالضفـة *_*

سـؤال الـي قبـلك صح عالعمـوم ..

معـي او ضـدي *_^

blue-girl

02-21-2008, 11:10 AM

معك

^^

للبعدي

مع او ضد بتحكم الرجل بالنساء او الشب بلبنت ؟؟

تحـ البشر ـدوهـ

02-21-2008, 11:19 AM

حجة

اولا منورة

تانيا

اذا البنت لازمها تحكم ... فأنا مع

بـٍس اذا الشاب هو من طبيعته انه بيحب يتحكم او البنت مثلا

فانا ضـد

وتحياتي يا حجة زماني ههه
...
..
.
ت
ح
د
و
هـ

blue-girl

02-21-2008, 11:29 AM

انا ضد
لانو البنت بتقدر هاي الايام تعيش و تكون قد المسؤليه
لانو في وعي و ازا كان في من يتحكم في فانا رح اعاند
الا بستثناء طبعا لو كان التحكم من بابا او my blue boy

^^

للبعدي نفسو

تحـ البشر ـدوهـ

02-21-2008, 12:06 PM

اول مره اشوف واحد بسأل سؤال وبجاوبة وااااع

جدوع عسكر

02-21-2008, 05:11 PM

اسمع اخوووووي غزه احنا هون بهاد الموضوع او اللعبه بدنا ننسى هم الدنيا وبنحاوي نبعد عن الاحزاااب فيا يا حبيبي بديش اقعد افتحلك بلمفات خيانة حماااس خلينا متسليين مع بعض حبيبي حياك الله

gaza1221

02-21-2008, 11:24 PM

الأخ جدوع عسكر احنا صح هون بهاد الموضوع او اللعبة بدناش ندخل في الأحزاب ، غريب أمرك بس انت قاعد تتناقض مع نفسك انت اللي فتحت موضوع الأحزاب وذلك بسؤالك انت مع او ضد الفوضى الأمنية في غزه فأنا من باب قول الحق رديت عليك والكل بيعرف شو قاعد بصير بالضفة المحتله ومش محتاجين لتوضيحك وكمان بذكر بملفات الفضايح اللي ضبطتها حماس على بعض العناصر الخائنه والفاسده في حركة فتح فضايح ما بعدها فضايح وكان آخرها قبل اسبوع تقريبا كما شاهدنا في قناة الجزيره وهو ضبط خلية خائنة حاولت اغتيال رئيس الوزراء الفلسطيني ابوالعبد اسماعيل هنية وكذلك الخلية التي حاولت تفجير حفل الحجاج وكل ذلك موثق وبأدلة وما خفي كان أعظم مع العلم بأني مش حمساوي ولا فتحاوي أنا انسان غير منتمي لأي حزب بس انا مع الحق والصح . خلينا ساكتين وخلينا نغير الموضوع أحسن لأنه مش هنا نفتح مواضيع زي هيك ونرجع لموضوعنا الرئيسي وهو انت مع او ضد . وسؤالي هنا انتم مع أو ضد أن يكون الانترنت مفتوح للأبناء دون رقابة فعلية عليهم من أولياء أمورهم خاصة في عالم الانفتاح وتسلموا أحبتي الكرام .

blue-girl

02-22-2008, 06:38 PM

طبعا مع لانو كل ممنوع مرغوب
و ازا الواحد ما كان عندو كنترول ع حالو في شغله متل هيك صغيره
كيف في الحياه
فكرمال هيك
انا مع للبعدي
انت مع او ضد اخذ جنسيه اخري عن طريق التخلي عن الجواز ؟؟
يعني مو جنسيتن

الورده البيضاء

02-22-2008, 07:01 PM

سلام يا جماعه هدوا اللعب لانه كلنا بالهوى سوى
فخلينا ننسى شوي الاحزان

مع او ضد لباس القصير للبنات طبعا ؟؟؟؟؟؟؟

جدوع عسكر

02-22-2008, 07:25 PM

اخي غزاوي اول شي انتا فتحت ملفات مش حلوه بحقك تاني شي مش ضروري تكشف امر الجزيره انها متعاونه مع حماس بشكل كتير كتير مش حلو تالت شي انا وانتا بنتحاور ع شغلات فاضيه بدال ما ندعي ربنا يصلح بينهم بنجم ع بعض قاعدين ................................... ................
اناااااااااااااااا ضد ضد ضد ضد ضد البنت تلبس قصير لانه حراااام واللي بخلي بنتوو تطلع بتنوره قصيره بكون مش عارف اربيها ع الدين الاسلامي ................................... ...
مع او ضد العمليات الاستشهاديه بالوضع الراهن؟؟؟؟؟
اخوكم منكم واليكم جدوع

agmal-e7sas

02-22-2008, 09:49 PM

اكيد ضد لانه عم بتسبب ضياع وموت الاف الفلسطينين
سواء عن طريق قصف او حصار او اجتياح

للي بعدي
هل انت/ي مع او ضد الاختلاط بالجامعات؟؟

Pink Rose

02-22-2008, 11:56 PM

قصدك الجامعات المتخلطة ... لا مو ضد

اللي بعدي نفس السؤال

جرحٌ بملامح انسان

02-23-2008, 06:57 AM

مـع وضـد بنفس الوقــت

بتحتاج لثقة بالفتاة أولا
وثانيا قوة شخصية /

/

/
عمو جدوع انت وغزة 1221
قرفنا كـلام متل هيكـ وما جابلنا شي
وبالاول وبالاخر انت ما رح تقنعه وهو ما رح يقنعكـ
بالضفة سلطة عباس ظالمة
وبغزة حماس ظالمة
واحنا ما بنقدر نحكي غير
حسبي الله على الظالم وبس

/

/

اللي بعدي
هــل أنت مــع أو ضــد اجبار الفتاة على الزواج من قبل أهلها بحجة أنهم أعرف بمصلحة ابنتهم أكثر منها ^_^

الرمشـ الحساسـ

02-23-2008, 10:22 AM

لا طبعـــــا ضد..!!
شو يعنـــي مصلحتها..!!
همي بقترحو عليها ازا هيي وافقت وافقت أما ازا رفضت خلص هاي المواضيع مافيها إجبار..!!
هاي حياتها والله مو حياة أهلها..!!
الله يهـــــــدي الجميـــع..
:s (43):
حلو سؤالكـ عمووو
الي بعدي نفس السؤال........

Pink Rose

02-23-2008, 10:34 AM

اكيــد ضــد .. الاجبــار كلــه انا ضــده اسـاساً

كيــف ازا كــان بهيــك موضــوع ,, هـي اللي حتعيــش معــه مـش اهلهـا ..

اللــي بعــدي كمــان نفــس الســؤال ..

جدوع عسكر

02-23-2008, 10:54 AM

ana m3 ajbaarha 3ala alzwaaj la.anhm adra bmsl7tha
alle ba3dee ?????????
m3 wla dd anoo n7tfl b3ed al_7b ) alvalntain)

الرمشـ الحساسـ

02-23-2008, 10:59 AM

ana m3 ajbaarha 3ala alzwaaj la.anhm adra bmsl7tha
alle ba3dee ?????????
m3 wla dd anoo n7tfl b3ed al_7b ) alvalntain)

طبعا هاد رأيك..
بس سؤالي الكـ خيوو
انت بترضى تاخد وحدة ما بتحبك أو وحدة أهلها جبروها عليك وتعيش حياتها معك بس عشان اهلها !!؟؟:icon9:

وبالنسبة لسؤالكـ::::::: بما انو عيد الحب حرام أو بلأحرى بدعة فأنا باختصار ضد الاحتفال بعيد الحب..
سلامي الكـ عموو..
:s (43)::s (43):

Pink Rose

02-23-2008, 11:03 AM

ممممم ما سألتي رموشة ^^

رح جاوب على سؤال جدوع ... انا كمان ضد

واللي بعدي نفس السؤال اللي هو :: مع او ضد الاحتفال بالفلنتاين

جرحٌ بملامح انسان

02-23-2008, 11:09 AM

طبعا هاد رأيك..
بس سؤالي الكـ خيوو
انت بترضى تاخد وحدة ما بتحبك أو وحدة أهلها جبروها عليك وتعيش حياتها معك بس عشان اهلها !!؟؟:icon9:

وبالنسبة لسؤالكـ::::::: بما انو عيد الحب حرام أو بلأحرى بدعة فأنا باختصار ضد الاحتفال بعيد الحب..
سلامي الكـ عموو..
:s (43)::s (43):

الله ينور عليكي ^_^
:s (43):

جرحٌ بملامح انسان

02-23-2008, 11:10 AM

سؤالكـ بينكـ روز
أنا كمان ضد الاحتفال فيه
لأنه الاسلام حدد عيدين النا . . . وبعدين بالفترة الاخيرة صار فقي تجاوزات كبيرة بعيد الحب

اللي بعدي نفس السؤال ^ ^

blue-girl

02-23-2008, 12:32 PM

ليك ضدو كاعتبارو عيد
بس مع كاعتبارو يوم مميز لكل العشاق
مع انو ما بأمن في الحب
بس حلو تحس انو في هاد اليوم كل العشاق مع بعض
فكرمال هيك احنا ما بنحتفل بس بكون يوم عالمي
متل يوم الشجره مثلا
هههههههههههههه

للبعدي
مع او ضد كبت الاهل للبنت و من دون اخد رائيها ؟؟

جرحٌ بملامح انسان

02-23-2008, 01:12 PM

ضـــــــــد

اللي بعدي نفس السؤال ^ ^

الرمشـ الحساسـ

02-23-2008, 04:52 PM

الله ينور عليكي ^_^
:s (43):

وينور عليكـ يارب..
:s (43):

الورده البيضاء

02-23-2008, 05:48 PM

مع او ضد كبت الاهل للبنت و من دون اخد رائيها ؟؟
انا ضد الكبت بعمره حدا انحصر عليه وما فلت صح ولا لع
حتى اهل غزه ما قدرو الحصار هاد ظلم اسمو زي ما الشب
بحب يعيش حياته فيجب على الفتاه انو تعيش زي العالم
نفس السوال للي بعدي

Princess of Sense

02-23-2008, 06:17 PM

طــبـــعا ضـــد...
لـــيــش يــعــنــي الــبــنــت ما الـــها راي....
اللي بعدي مع او ضد دخول الــبــنت الــمنــتديات...

Pink Rose

02-23-2008, 06:33 PM

ههههههههه

ولك اكيد مع ... لو ضد كنتي حتلاقيني هون ^^

اللي بعدي نفس السؤال :P

جدوع عسكر

02-23-2008, 07:40 PM

hhhhhhhhhhhhhhhhhhhhhhhhhhhhhhhhhhh hhhh
la la la moooooo heeek l3btnaaa klooo nfs als.oal moo 7looo
ana m3 al kaabt
aleee ba3de
m3 wla dd ma7mood 3abas
bdooon a7zaab ya3nee
jaaaaadooooooooo3 askaaar kamb

blue-girl

02-23-2008, 07:43 PM

مع
للبعدي نفسوو

جرحٌ بملامح انسان

02-23-2008, 08:58 PM

مع بشغلات وضـد بشغلات ^_^

اللي بعدي نفسه

جدوع عسكر

02-23-2008, 11:23 PM

محنااااااااااااااا حكينا نغير هالصيغه مش الكل ((( اللي بعدي متلو )) مش حلوه هيك ولما تجاوب بجوابك اللي هو ان كان مع او ضد رجائآ اذكر السبب اذا ممكن ................................... .....
انا مع لان محمود عباس هو رمز الشرعيه الفلسطينيه ورئيسنا جميعا غصب عن الجميع (_ واللي مش عاجبه يشرب من بحر غزه_)
مع او ضد النهوض بحركة فــــــــــــــــــــــــــــــــــ ــــــــــــتــــــــــــــــــــــ ــــــــــــــــــــــــــــــ ح

ابنة الشتات

02-23-2008, 11:34 PM

حسب كيفية النهوض...

يعني ازا بدها ترجع متل او ل ما انطلقت ياريييييييت :)

بس ازا بدها تنهض وحالها هيك و ونهوضها على هاد الحال :(

.......
بصراحة ما ببالي سؤال الي بعدي بيقدر يسأل^^

blue-girl

02-24-2008, 01:31 PM

اوك رح جاوب ع نفس السؤال
طبعا مع نهوض الحركة بس انا بتمنى انو كل فلسطين تصير حركة وحده
مو متعددة الحركات >> حسستكم نو بايسون هههه بمزح <<
مع او ضد التمسك في القناعات ؟؟

جدوع عسكر

02-24-2008, 01:53 PM

أكييييييييييييييييييييييييييييييييي ييييييييييييييييد مع التمسك بالقناعات لانو القناعه قناعه وما رح تتغير من بال الشخص
اللي بعدي ...........................
مع ولا ضد منتدى شباب فلسطين؟؟؟؟؟؟؟؟؟؟؟؟؟؟؟؟؟؟؟؟
بدي جوااب حلوووووووووووووووووووووووو ووووووصريح ازا ممكن ؟؟؟
جدوع عسكرااوي

ابنة الشتات

02-24-2008, 02:07 PM

طبعا مع منتديات شباب فلسطين ...
أحلى شي أصلا والله بتمنى كمان مو بس منتدى وموقع كمان اشاء ...
ربي يسعده مديرنا محمود المؤسس وراعي الفكرة ^^

الي بعدي ...

مع او ضد >> التوتر المصحوب بسنة التوجيهي @@

agmal-e7sas

02-24-2008, 02:09 PM

وااااااو سوالك حلو خيوو

طبعا مع لابعد الحدووووووود
صحيح انا مسجله جديد بمنتدي فلسطين بس هل المنتدي بخلي هل الشباب تتعرف وتكون قادره علي تفاهم بعضها البعض وانه نتقبل اكتر من رايي في الموضوع الواحد وهادا يلي حيخلي فلسطين تصير احسن بالتفاهم بين ناسها
واكيد مستقبلنا احلي لانه في تفاهم ياحج

وشكرا لسوالك

للي بعدي
مع او ضد الحب عن طريق النت ؟؟

agmal-e7sas

02-24-2008, 02:11 PM

سوري ابنه الشتات جاوبنا مع بعض

بس اسمحيلي اجاوب علي سوالك
طبعا انا ضد التوتو بتوجيهيهوا لازم يكون بعض التوتر لانه هل التوتر بخليكي تدرسي اكتر
بس ضده لما يكون بعكس سلبي عليكي انه سعتها مابتعرفي تركزي منيح

للي بعدو
مع او ضد الحب عن طريق النت؟

Pink Rose

02-24-2008, 02:25 PM

مممم مش مع ولا ضد !!

اللي بعدي نفس السؤال

ابنة الشتات

02-24-2008, 02:28 PM

ضد وبشدة^^

مع او ضد لبس الساعة بوجود الهاتف النقال؟

جرحٌ بملامح انسان

02-24-2008, 03:00 PM

عادي ^ ^

از يو لايكـ

مع او ضـــد اللي بيصير بغزة ^ ^

ابنة الشتات

02-24-2008, 03:48 PM

ضد^^
ربي يفرجها

جدوع عسكر

02-24-2008, 04:21 PM

ويييييييييييييييييييييييين سؤالك بنت الشتات كنو مشتت سؤاالك
مع ولا ضد التصوير في المحلات للبنات

جرحٌ بملامح انسان

02-24-2008, 05:09 PM

ضــــد

مع ولا ضــد محمود عباس .. مرة تانية السؤال ^ ^

*ريحانة القلب*

02-26-2008, 08:44 PM

ضد

مع والا ضد الدراسة بالخارج للبنات ؟

..

Pink Rose

02-26-2008, 08:46 PM

ضـــد ..

اللـي بعــدي :: نفـس السـؤال

NIGHT QUEEN

02-26-2008, 09:58 PM

حسب البنت

خخخخخخخخخخخ

مع او ضد العدساات اللاصقة؟؟

بعرف حالي بايخة

^_*

جدوع عسكر

02-27-2008, 11:43 AM

مع لاني دفعت دم قلبي عليهن
مع ولا ضد دلع لباس الخمار (((( الشاله )))

*ريحانة القلب*

02-29-2008, 07:16 PM

دلع لباس الخمار (((( الشاله )))

عفـــواً ..

وضح سؤالك اكتر ..

& قاهرة الاحزان &

03-01-2008, 01:32 PM

يعطيك العافيه وفكرتك جميله

انت مع شراء الجوال للابناء الصغار ولا ضد ؟؟

danilla

03-01-2008, 02:08 PM

لبعد سن 16 ممكن لكن أقل من هيك فأنا ضد لأنو لو جينا من الناحية الصحية فاشعاعات الجوال بتأثر عليهم بغض النظر عن شدة هاد التأثير ؟

ضد أو مع انو تقام دولة فلسطين مع دولة اسرائيل بدون أي مشاكل أو قتل أو اي شي من هالقبيل ؟

& قاهرة الاحزان &

03-01-2008, 05:26 PM

انا ضد قيام دوله اسرائيله بجانب دوله فلسطينيه

مع او ضد ضرب الابناء ؟

ameera

03-01-2008, 05:54 PM

ضد طبعـا

نفسو

سووما

03-01-2008, 06:39 PM

اكيييييييد ضد لانه حرام لازم يعيشو طفولتهم واي شي بيعملو بكون من غير ما يقصدو مع او ضد انو الاطفال ينحرمو من المدرسه

& قاهرة الاحزان &

03-01-2008, 08:04 PM

ضد
هل انت مع او ضد زواج الاقارب ؟؟

احلا فوفو

03-01-2008, 10:45 PM

ع حسب
ازا فيه رغبة من الطرفين >> مع
ازا بالضغط ضد وضد ياللي بيعارضو وعليه
خخخخخخخخخخخخخخخ
مع / ضد الحب عن طريق النت !!

جرحٌ بملامح انسان

03-01-2008, 11:19 PM

بشكــــل عـــام ضــد
ولكــــن لا شكـ انه نجحت أكثر من قصة حـــب على الانترنت ... بعدد لا يوازن 1% من اللي فشلت ^ ^

نفس السؤال ^ ^

تحـ البشر ـدوهـ

03-02-2008, 11:19 AM

انا مــع

ولكـن حسـب اللي بيحبوا بعض

نفسه للي بعدي

جرحٌ بملامح انسان

03-02-2008, 01:22 PM

جاوبت عليه أنا *_*

اللي بعدي يجاوب ^ ^

ameera

03-02-2008, 01:30 PM

انــــــــــــا مش ضد حـب الانتـرنت بس اكيـد النت عـالم كبير متل اي مجتمـع في الكويـس وفي الي مو منيـح ولازم الواحد يعرف بشطارتـو اذا كان الشخـص ال قدامك كزاب او لا

بس اكيـد انا سمعت بقصص كتيـر نجحت اذا كان كل من الطرفين صادقيـن ورايدين بعض والهدف الاسمى الزواج مو اللعب
انا بايـدوا

مـع او ضـدنروح عالبحر بالشتـا *_*

جورية القسام

03-02-2008, 01:50 PM

ضد طبعا ما تروحو علشان ما تزكمو
الي بعدي

جدوع عسكر

03-02-2008, 10:26 PM

شوووووووووو جووووووووري شو اللي يعدي شو هو سؤااالك وينوووووووووووو ؟؟؟؟؟؟؟؟؟؟؟؟؟؟

انا ؟؟؟
مع ولا ضد وضع الايميل في التوقيع اللي في المنتدى؟؟( ولماذا لا يوضع) ؟؟؟؟؟؟؟

تنوير الإسلآ’م

03-03-2008, 01:20 PM

سؤال جوري

اا بجاوب عليــهـ,,

لانو هون عنا دايما حر صيف الخليج يعني نااااار

فما بصدق متى الشتا بيجي لعنا

هوب هوب هوب

بتلاقوني برات البيت

ههههههههههههههه

عشان اعيش حياة البرد شوية,,

اما سؤال الاخد جدوع العسكر

الي بعدي يرد عليــهـ,,

احلا فوفو

03-04-2008, 02:26 AM

مع

والمشرفين هن ياللي رح يحكو ليش ممنوع ^^

ياللي بعدي نفس السؤال

جرحٌ بملامح انسان

03-04-2008, 11:20 AM

أنا كمـــان مـــع منع وضــع الايميل بالتوقيع
يعني أنا بستغرب من هالشغلة
دأنا عامل ايميلي لناس معينين وبحكي معهم
بدي أنشر ايميلي لمين
وبيصير كل احد ياخد ايميل التاني
وبيبطل منتدى
بيصير مركز تعارف وشات

اللي بعدي نفسه ^ ^

blue-girl

03-04-2008, 02:59 PM

طبعا ضد
للبعدي نفسو

جرحٌ بملامح انسان

03-04-2008, 07:27 PM

جاوبت عليه
شغلة هيي
ولا يمكن هالمرة صرت مــع ^ ^

اللي بعدي نفسه ^ ^

ameera

03-04-2008, 08:40 PM

طبعـا ممنـوع منعـا باتــــــــــــــا الايميل مو للتعارف اكيد ..

جرحٌ بملامح انسان

03-04-2008, 09:13 PM

ويــن الســؤال ^_^

طيب أنا رح أحــط ســؤال

مــع أو ضـــد الحـــــب بشكـــل عـــام

blue-girl

03-04-2008, 10:00 PM

طبعا مع و مع و مع بس لزم نلقي الشخص المناسب ^^
طيب للبعدي نفسووووووووو ؟؟

احلا فوفو

03-05-2008, 12:46 AM

مع ^^

مع / ضد .. السباحة للبنت بشكل عام

blue-girl

03-05-2008, 12:54 AM

ههههههههههه مع طبعا ههههههههههههههه
للبعدي نفسوووو ؟؟!!

ameera

03-05-2008, 09:40 AM

مع مافيهاش حاجـة طبعـا

نفسـو

جرحٌ بملامح انسان

03-05-2008, 11:06 AM

مـــع بأمــاكن مضمونة

يعني ما يكون الشط مختلط ^_^

نفســووو ^ ^

جدوع عسكر

03-05-2008, 12:28 PM

خليك ريلاكس وابعت للدنيا فاكس

مو عادي بدنا نوخدها من وجهة نظر الدين الاسلامي اللي كلنا متربيين عليه (( اختلاط مشين ))

اللي بعدي .............

مع ولا ضد حرية التعبير بشكل عام بشو ما كان الك حرية تعبير معها ولا ضددها

ABU YAZAN

03-05-2008, 12:35 PM

مع طبعا بس زي ما حكى الاخ جرح بملامح انسان انو يكون بأماكن مضمونة ومش مختلطة
وطبعا مع حرية التعبير بس من غير تجريح الاخرين وتكون طريقة التعبير محترمة
تحياتي
السؤال للي بعدي هو
مع أو ضد الزواج المبكر للشباب مع الشرح طبعا ^_^

RaWaNoOo

03-05-2008, 08:29 PM

ضد لانو اكيد ما بكون مستقر لا نفسيا ولا اجتماعيا ولا عاطفيا

مع او ضد خروج الفتاة دون الحجاب؟

ضوء الشمس

03-05-2008, 11:00 PM

ضد لأنوا مو وفق حدود الشرع ودينا الاسلامي

وثانيا: الوحدة لما تكون طالعة مابتشعر بالثقة في النفس

ثالثا : الحجاب مابدايق بالعكس الوحدة بتشعر بالراحة في

مع/ ضد خروج المرأة للعمل السياسي في مجتمع متل المجتمع الفلسطيني

ABU YAZAN

03-06-2008, 11:54 AM

مع بس ما يكون بايدها كل شي
يعني مش كل الصلاحيات
لانو الرجال قوامون على النساء

مع أو ضد ضرب المدنيين سواء كان من قبل الاسرائيليين او من قبل الفلسطينين
تحياتي لكم

جدوع عسكر

03-07-2008, 12:59 AM

مع/ ضد خروج المرأة للعمل السياسي في مجتمع متل المجتمع الفلسطيني؟؟؟؟؟؟؟
سؤالك رهيييييييييب بجد اتمنى انو يكون تفكيرك كمان زي فكرتك للسؤال هادا ... وانا بقلك مع وبشكل كبير كمان لانه بدنا نرجع لايام الرسول (ص)....
ع أو ضد ضرب المدنيين سواء كان من قبل الاسرائيليين او من قبل الفلسطينين؟؟؟؟؟؟؟؟؟؟؟
مع بحالة اذا اذنبو اما اذا كانو لم يذنبو فلهم الله لبأخذ لهم حقهم مشكووورين
جدوع.com

جرحٌ بملامح انسان

03-11-2008, 12:56 AM

ضـــد بشكــل كبيـــــر

مع أو ضـــد انه البنات 90% منهم بيقضوا حياتهم بتفاهات و10% منهم بيقضــوها بنصــب واحتيال ولعب على القلوب ^ ^

أنا طبعا ما حكيت مــع ^ ^ . . . بلاش البنات يهجموا علي ههههههه
يعني مجرد طرح فكـرة ^ ^

blue-girl

03-11-2008, 01:17 AM

هلاء ازا هاي نزتك للبنات
فياسلام عيكم يا شباب انا ما رح ارد لانو ممكن اخد مو مخالفه وحده رح خد ع القليله
شي 3 4 مخلفات
فرح اخلي الرد للبعدي

واشوف ارائكم

جرحٌ بملامح انسان

03-11-2008, 01:19 AM

هههههههههههههه

هاد مو رأئي أنا

بس في ناس بتحكي هيكـ وأنا طرحت الفكــرة ... وأنا حكيت اني مش مــع ^ ^

هههههههههه

معصبة الحجة والله ... هاتي رجال عيلتكـ وتعالي اضربيني
ههههههه

وبعدين احكي لشو المخالفة ^ ^

blue-girl

03-11-2008, 01:25 AM

اها عصبت ازا احنا هيك شو بتطلعو انتو يا ملائكه
ف انا طبعا ضد بس طرح الفكره برضو بعصب كمان
و من ناحيت رجال عائلتي بتفاهم معهم و بشوف
نضربك ولا لاء
و المخالفه خليها ع الله

للبعدي نفسوووو

جرحٌ بملامح انسان

03-11-2008, 01:27 AM

خخخخخخخخخخخخخ

طيب لما ترجعي قولي تفاحة ^ ^

Pink Rose

03-11-2008, 02:36 PM

بطاطا P:

شو السؤال من جديد P:

جرحٌ بملامح انسان

03-11-2008, 11:18 PM

هههههههه

طيب خوخة ^ ^

هاد هو السؤال ^ ^

مع أو ضـــد انه البنات 90% منهم بيقضوا حياتهم بتفاهات و10% منهم بيقضــوها بنصــب واحتيال ولعب على القلوب ^ ^

أنا طبعا ما حكيت مــع ^ ^ . . . بلاش البنات يهجموا علي ههههههه
يعني مجرد طرح فكـرة ^ ^

جدوع عسكر

03-12-2008, 10:33 PM

مع البناااااااات بجميع حالاتهم

بتعرفو ليش مش محبه بالبنات

لااااااااااااااااااااااااااااء

لانو هتولي شب لما بنت بتف عليه بحكيلهاش شكرا ويا عسل كماااااان

يعني انو الشب من الاخر دندكه للبنت

اتحملووني شباب والصبايا ما يكبرهش راسهم لاني بكره جنس حوا من ساسو لراسو

مع او ضد مسابقة مع او ضد

احلا فوفو

03-13-2008, 08:09 PM

مسابقة شو !!

انا ما فهمت سؤالك

بس ع كل >> مــ*ــع

مع / ضد .. الغش بالامتحان ^^

محمد_فلسطين

03-13-2008, 08:24 PM

انا بصراحة ضد الغش بالامتحان بس ممكن انه يلزم

احلا فوفو

03-14-2008, 02:45 PM

وين السؤال !!!

مع / ضد .. الجلوس لفترات طويلة ومتواصلة على النت

blue-girl

03-14-2008, 03:07 PM

ههههههههههه
عادي يعني ما بتفرق
ازا في حد احكي معا او اي شي الهي حالي في اها مع
بس انو اضيع طلعه او طشه لا ضد
ههههههههههههههههه
للبعدي
مع او ضد اعترف بلاسرار الشخصيه لاي حد ؟؟

تحـ البشر ـدوهـ

03-14-2008, 04:34 PM

ضد

نفسه للي بعدي

gold_quest

03-15-2008, 01:20 AM

ضد ....:icon6::icon6:

مع او ضد تكوين صداقات على النت ..؟؟:matrix:

جرحٌ بملامح انسان

03-15-2008, 10:33 AM

أنا ما بحب هالشي

لكــن أنا

مــع

نفسه للي بعدي ^ ^

smile_4_arwa

03-15-2008, 10:40 AM

انا بأيد صداقات عالنت....
بس بشرط ما تزيد عن حدها يعني ما اعتبر الصديق ياللي ع النت صديق مخلص او مقرب...
نفسه للي بعدي..(:

blue-girl

03-15-2008, 12:23 PM

ضد
ههههههههههههههه
لا جد ضد لانو شو ضمني هل بني ادم الي عم احكي معا
بس طبعا في استثنائات
لاشخاص بجد بترحلم
بس طبعن لزم اكون عرفتو منيح
^^
يعني بعد شي 50 سنه
هههههههههههههههههه
للبعدي نفسو

Twin

03-15-2008, 12:47 PM

مع .. عندما تكون صداقات الواحد بيستفيد منهم , يعني بيعلموه قيم .. بس طبعا تكون بحدود ... يعني الواحد يكو ن حريص قدر الامكان وازا كانت بنت تكون متأكدة انو الي بتحاكيها بنت متلها ...

وكمان برفض صداقات البنات والشباب سوا ع النت ... شكرا ع السؤال ...

الي بعدي مع او ضد طلعة البنت مع صديقاتها لوحدهم ع المراكز التجاريه والمولات ؟!!

بنيمارو

03-15-2008, 01:21 PM

امممممممممم
عادي ما في مشاكل طالما انهم طالعين لهدف معين
وبعدين ما يكون باجواء زحمة ومواسم يعني ^^
اللي بعدي نفس السؤال

limar

03-15-2008, 01:54 PM

عادي يعني بس انو يكونو البنات اد حالهم

يعني طالعين لشي معين يتسوئو يشمو هوا

مو طالعين لشي تاني

الي بعدي نفس السؤال

جرحٌ بملامح انسان

03-15-2008, 06:13 PM

امممممممممم
عادي ما في مشاكل طالما انهم طالعين لهدف معين
وبعدين ما يكون باجواء زحمة ومواسم يعني ^^
اللي بعدي نفس السؤال

^ ^

نفس السؤال ^ ^

عاشقة الاقصى الجريح

03-15-2008, 09:18 PM

انا رايي انو ما في مشكلة اذا كانو البنات عارفين قيمة حالهم ومحترمين نفسهم
لانو اذا البنت احترمت نفسها الكل بحترمها
اللي بعدي مع او ضد النقد للاخرين بكل انواعه ؟؟

http://files.shabab.ps/vb/images_cash/up5/080315191850xOP4.jpg

blue-girl

03-15-2008, 09:26 PM

امممم
مع ازا كان من ورى فايده بلعربي يعني نقد بنأ
بس ازا رح يكون بس لتحطيم طبعا ضد
بس
النقد متل كف بوعيكي كرمال تنبهي لطريقك

^^

للبعدي نفسو ؟

جرحٌ بملامح انسان

03-15-2008, 10:40 PM

مـع ازا كان في من وراه فايدة
وما يكون فيه تجريح ^ ^

نفسه للي بعدي

احلا فوفو

03-15-2008, 10:54 PM

مــ*ــع

بس يكون بحدود العئل

ياللي بعدي .. نفســـ*ـــو

سارة

03-16-2008, 12:19 AM

انا معاه بس بالوقت المناسب

gold_quest

03-16-2008, 12:26 AM

وين السؤال اخت ساره ؟؟؟

مع الانتقاد البناء ..

ضد او مع ......سفر البنت للخارج دون محرم ؟؟؟

سارة

03-16-2008, 12:32 AM

انا ضد السفر بدون محرم

انت مع او ضد الجامعات المختلطه؟؟؟؟

gold_quest

03-16-2008, 12:34 AM

طبع انا ضد الجامعات المختلطه

ياللي بعدي نفسه

سارة

03-16-2008, 12:37 AM

ما بعرف

انت مع او ضد الشغل للبنات؟؟؟؟؟؟؟؟

gold_quest

03-16-2008, 12:47 AM

انا ما بمانع اذا كان المكان مناسب مثل المدارس واماكن اكثير بتليق

بجنسها الناعم واللطيف ...

مع او ضد ...اهتمام المرأه ببيتها واولادها اذا كان الزوج اموفر كل لوازم البيت ؟؟؟

معنى اصح جلوس المرأه في البيت مع اولادها وبيتها ؟؟

سارة

03-16-2008, 12:54 AM

انا مع لانه هذا بيحفظلها بيتها و حياتها انا نفسي هيك اتكون حياتي .................الله كريم مع انه ما في متل هيك بهالايام

مع او ضد الهجره ؟؟؟؟؟

gold_quest

03-16-2008, 01:07 AM

ضد الهجره ...لاني عايش بره وعارف شو الحياه ضياع وتدمير للأسره

مع او ضد ....الحجاب للمرأه ؟؟

سارة

03-16-2008, 01:12 AM

انا مع الحجاب بس الحجاب مو بس منظر لازم ايكون معاه اللتزام بالعبادات

مع او ضد الحاب؟؟؟؟

gold_quest

03-16-2008, 01:27 AM

ما افهمت السؤال اكويس بس اعتقد قصدك الحب ؟؟

ضد ومع بنفس الوقت ...ضد اذا كان مشعار كذابه ودخول من الشباك مش من الباب ...

ومع اذا كان الانسان صادق ويدخل من الباب مثلا ممكن اعرف اخت او امه عليها ويعرف مشاعرها اتجاه

والحلال ما في حرج ...وهيك بكون دخل من الباب نفس ما بحكوا ...مش من الشباك ....

مع او ضد تعليم المرأه القرءان والسنه ودخولها مجال الدعوه ولكم في ام المؤمنين عائشه رضي الله عنها قدوه حسنه ؟؟؟

سارة

03-16-2008, 08:53 PM

انا مع تعليم القران والسنه وانه هنالك ايكون في داعيات بس ايكون عندها اسلوب مقنع

انت مع او ضد انه تاخذ جنسية دوله اجنبيه؟؟؟؟؟

blue-girl

03-16-2008, 09:06 PM

مع ازا كان دبل
يعني انو ما استغنى عن جنسيتي

للبعدي نفسو ^^

gold_quest

03-16-2008, 09:07 PM

ممممم....انا مع وضد ...المهم الجنسيه ما بتأثر على الشخص لان الجنسيه عباره عن اوراق اثباتيه

وممكن كمان الجنسيه اتسهل اشياء اكثير مثل التنقل و العمل ...والحريه الي اكثير من دولنا العربيه حرميتنا اياها

وعلى كل حال اهم شيء اني برجع وبحافظ على الاوراق الي بدخلني بلدي الام فلسطين..

بس انا ضد الزواج من اجنبيه على شان اخذ الجنسيه لان الموضوع كل حرام في حرام

وما ربي من حرام فالنار اولا فيه ...

مع او ضد التعليم في الخارج ؟

blue-girl

03-16-2008, 09:23 PM

مع ازا ما توفر في البلد الي هو فيها
او ما نفبل لاي سبب

للبعدي
مع او ضد الالاحزاب السياسيه ؟؟

gold_quest

03-16-2008, 09:29 PM

ضد طبعا لان ما في احزاب في الدين ...

كل شعب واحد ومافي فرق بنا ..والاحزاب والامور هذه دخله الغرب علينا ...

مع او ضد ...بناء مجتمع اسلامي ملتزم ..؟

blue-girl

03-16-2008, 09:40 PM

مع اكيد بس من دون الافكار الي احنا عم بنورثها من جيل لجيل
من معتقدات خاطئة ^^

للبعدي
مع او ضد
تحرر البنت و اعتمدها ع حالها بحدود طبعا ؟؟

gold_quest

03-16-2008, 09:48 PM

التحرر كلمه الها عدة معاني ...

انا مع اذا كانت تحت رقابة الاهل لان البنت او المرأة في معنى اصح جنس لطيف يتعامل مع الامور

بعاطفه اكثر من العقل ..ولهذا ممكن بسهوله خداعه...

مع او ضد عمل المرأة ؟؟

blue-girl

03-16-2008, 10:09 PM

طبعا مع
لانو البنت متلها متل الشب فيها تنجز و ممكن اكتر من الشب

مافي في بالي سؤال للبعدي يسأل ^^

ابنة الشتات

03-16-2008, 10:48 PM

مع او ضد
بهاي اللعبة العضو بدل ما يبتكر سؤال
يحكي الي بعدي نفسه

^^

gold_quest

03-16-2008, 11:28 PM

ضد ...بس يمكن عاوز يسأل الي بعده نفس السؤال ...مش مشكله

مع او ضد دخول البنت الى مناصب الحكم .؟؟؟

سارة

03-17-2008, 10:53 AM

انا ضد لانه بحس عقلها اصغير للحكم اذا بالشهاده بالمحكمه لازم امراتين بدل الرجل كيف بالحكم

مع او ضد ذهاب الفتيات او الشباب لبيوت اصدقائهم ؟؟؟؟؟؟؟

جرحٌ بملامح انسان

03-17-2008, 02:52 PM

اذا كان الأمر بحدود المعقول .. مــــع ... وبالنسبة للبنت يجب الوثوق من عائلة صديقتها .. لأننا كتير سمعنا عن بنات تعرضوا لاعتداء عليهم من قبل أهل صاحبتها أو اخوتها

اللي بعدي

مـع أو ضـــد ... الهـــدنة في فلسطين ^ ^

سارة

03-17-2008, 03:18 PM

انا ضد الهدنه لانها رح اتروح دم الشهداء

انت مع او ضد توطين اللاجئين

جرحٌ بملامح انسان

03-17-2008, 03:21 PM

طبعــا ضــد .. لأنه الاجئ مهما كان ما اله خير الا في بلــده

.. مع أو ضــد الهجرة خارج فلسطين بسبب الاوضاع الحالية ^ ^

عاشقة ارض فلسطين

03-17-2008, 05:53 PM

ضد ..

لأنه اللي بده يصيرله شي بصيرله لو كان في اي مكان .. يعني لما يطلع او يهاجر ما رح يطول عمره .. وفي الاول والآخر .. الواحد ما له غير بلده .. .. << ذاتس ماي ابونين . :matrix: :matrix:

نفسوووووو

hanady

03-17-2008, 06:11 PM

ضد
لانو هسة الاوضاع كلها زي بعضها يعنى فش دول احسن من الثانية و بعدين الموت بشرف بالبلاد احسن مية مرة من العيشة براتها

نفسو

blue-girl

03-17-2008, 07:24 PM

هههههههههههه
ليك انا مع لانو في حلات انا عيشتها كانت كتير صعبة
بس اكيد الكل في رجعة
للبلاد

للبعدي نفسو

gold_quest

03-17-2008, 08:54 PM

مع وضد

اولا ما ننسى هجرة الصحابه من مكه ولهذا ممكن الواحد اهاجر اذا كان مش قادر احافظ على دينو اما

اذا كان هارب وخايف من الموت فهذا اشي ثاني انا ضد لان الدفاع عن الوطن فرض علينا...

قال تعالى (وَمَنْ يُهَاجِرْ فِي سَبِيلِ اللهِ يَجِدْ فِي الأرْضِ مُرَاغَمًا كَثِيرًا وَسَعَة) (سورة النساء : 100)

اما سؤالي مع او ضد

القتال المسلح ضد الصهاينه ؟؟؟