:: ذكــــريات و أسرار مع محمـــــود ::

[محمود]

... السلام عليكم ورحمة الله وبركاته ...

رح أوريكم شوية أشياء ،، محتفظ فيها من سنين ولا زلت ..

كل صورة كانت الها معي حكايـــة ، وكل حكاية أحلى من الثانيــة ..

طبعا ً هدول مش كل شئ عندي .. هذه جزء بسيط من ذكرياتي

وبعضها من عشر سنوات ، وجزء من أيام سفري ع مصر ..


..

أحلى شي في الدنيا الذكريات الحلوة ،،

لهيك أنا بحتفظ فيهم ، من فترة لفترة بشوفهم ..

بالضبط مثل شريط الفيديو ^_^ ،، بحس حالي عشت الحدث ..

بتذكر الأشياء الحلوة الي بتنسيني مواجع اليوم ..

معظم الرحلات وبعض التذاكر الموجودة هنا شاركوني فيها ناس ..

لليوم أسمائهم محفورة في قلبي ، وعمري ما رح أنساها ..

ولما أحس حالي اشتقت لزمن الطفولة ،، بجيب كل شي عندي

من ذكريات ، هدول وغيرهم وبفردهم قدامي ..

كأني بقلب في شريط ذكرياتي ..


رح أبلش في عرض الصور ..

بالأول هذه المجموعة البسيطة هيي الي رح تشوفها ..

http://www.files.shabab.ps/Mahmoud/Image/memory/20071230170_resize.jpg



رح أبلش في الشنتة الحمرة ملحق الها شنتة ثانية ما صورتها ^^ ..

أروع شئ أشوفه بحياتي اشتريتها وانا في المدرسة صار لها تقريبا ً 11 سنة

بالأول كانت للمدرسة بس بعدها صارت للاختراعات وللأدوات الكهربية واللوحات الرقمية تعيت الألعاب

و ضواو ومفكات ومفاتيح وبطاريات وكبسات كهرب وأسلاك وبراغي وريموتات والخ ..

بصراحة أجت فترة كبيرة من الزمن ما تفارقني هالعدة كنت خصيصا ً اروح اشتري الألعاب

و أفكفكها مشان اساوي لعبة كبيرة تكون كلها أسلاك مشربكة ومليون مفتاح فيها وملزقة تلزيق

وفيها متواتير وضواو وكان نفسي تكون عندي لعبة من الي كنت أساويهم زمان لكان صورتها الكم

بس للأسف ما حافظت عليهم لكان صورتلكم اياهم بس لليوم بمخي صورهم ..





أما عن قصة الكتاب الآخضر ..

هذه قصــــــة كل ما أتذكرها بضحك على أنحس يوم بحياتي ..

هذه مرة كنت نايم عندي أخويا بالمستشفى ..

كانت رحلة لأوائل الطلبـــة منظميتها الكتلة الإسلامية ..

والحمد لله كان اسمي من بينهم ، اصحيت الصبح وانا مداوم عند اخوي في المشفى

لقيت الحديدة تبعت المحلول عالية كثير فحبيت انزلها ..

طراااخ !! ،، لهي نازلة ع أصعبي ويكون جرح كبير !!

بروح للممرض في المستشفى يحطلي عليها دوا ويعالجها ..

اخونا بالله كانت لسا الجلد ماسك في بعضه رح مسكه ونتشه بالحامي وزاد الجرح :(

يمااا قشر بدني هههههههه رح عقم الجرح وحط عليه بلاستر ..

المشكلة الرحلة بحرية يعني فيها سباحة يعني ما رح اقدر اسبح مشان الجرح ..

رحت ع الدار ولفيت اصبعي مليون مرة لانو خلص بدي أسبح ،، واطلعت ع الرحلة

ما شاء الله وانا بسبح لهو كل شي اعملته طار مع الميا ..

ما ضل بلاستر ولا شي ..

والجرح صار يحرقني ما اهمتيت وكملت سباحة ..

المهم الجرح بنزف وانا قولت بكفيني رحت هلقيت عند الشباب ونص البلاستر طالع برا وحالة

ما كان عندهم أدوات طبية بالصدفة كان مخيم برده لحماس وهناك عقمولي الجرح ثاني

وخلص بطلت اسبح ،، بكل بؤس بنزل ع الخيمة بطلع في الشنتة اشوف الغراض والمكسرات ..

ما لقيت الساعة تبعتي !! ولا لقيت شي ولا فلوس وطبعا مع غراض فارس فلسطين كلهم طارو

هههههههههههههههه انسرقوا !! نكد ورا نكد ،،

ما اهتمت بضلو الشي مادي ،، فراحو شباب الكتلة بدهم يعوضوني عن الي انسرق ..

فراحو اعطوني عشرين شيكل والي دفعهم ايامها رفعت ( عاشق الشهادة ) وبالعافية وبديش

وبدك واصروا اني اخدهم ،، بس الحقيقة انو حق الساعه ما كان هيك كان 4 أضعاف المبلغ ..

برده ما كان للموضوع أهمية ، هلقيت نزلو مشان تكريم أوائل الطلبة ..

قعدوا يزعقوا بالأسماء ..

وتمر الأسماء ..

ويا محمود استنى باسمك ..

ويا حلاوة ..

ما انذكر اسم محمود بين الأوائل ..

مشكلة !!

وقتها حسيت حالي بدي اعيط من نكد هاليوم ..

المهم الشباب بصراحة كمان ما قصروا ..

راحو جابو شهادة تقدير وكتبو عليها اسمي ..

واعطوني جائزة تبعت شب من الكتلة !!

وهما رح يدبروله جائزة ثانية ما افهمت بالزبط شو صار ..

لكن الي بتفاجئ فيه انو الشهادة تبعت ثانية ثانوي وانا كنت بأول ثانوي !!!!!!!

حتى النحاسة هنا وهالكلام وانا طالع بالبص ..

طبعا الاخوان كمان ما قصروا وحكولي الك زيادة ع بيتك ..

واجوا ع بيتي وانبسطنا مع بعض بعد اسبوع ..

وجابولي جائزة ،، وكانت أعظم جائزة وساوت تغيير جذري في حياتي ..

هوي هذا الكتاب ..

زهقتكم ^_^

.....

أما علبة الذهب الحمرا ..

هذه ما بتنفتح إلا بعد ما أموت ..

صار الها سنوات كثيرة مركونة بدون ما حدا يلسمها ..



------

http://www.files.shabab.ps/Mahmoud/Image/memory/20071230172_resize.jpg


هذه الآلة الحاسبة صار لها تقريبا ً 13 سنوات ..

جابها والدي من الحج ، كانت شئ رهيب ..

بس اللآن عفا عليها الزمن ، لكن قيمتها في قلبي كل يوم بتكبر ..


http://www.files.shabab.ps/Mahmoud/Image/memory/20071230173_resize.jpg



هذه ساعة ميكانيكية بتشتغل على اللف ،،

أبويا جابلي اياها وانا في الصف الثاني الإبتدائي من اليابان شئ كثير كان حلو ..

أيامها جابلي عيدان الخشب الي بياكلو فيها وقعدت اجرب أكل فيها ما زبط

هههههههههه بالآخر مليت بعد ما حقي ضاع في الأكل ^^

الساعه هذه تقريبا ً عمرها 14 سنة ،،

أحلى ما في هذه الساعه انك بتشوف التروس وهيي بتشتغل في الساعه قدام عيونك ..

وكل يومين او ثلاثة لازم تشحن التروس ثاني وتقعد تلف فيهم مشان الساعه تضلها شغالة ..

طبعا ً انتو شايفين من شقاوتي كسرت سن الدوران والله يعوض ع الساعه ..



http://www.files.shabab.ps/Mahmoud/Image/memory/20071230174_resize.jpg

هذه قطعة نقود مصرية ، لما سافرت ع مصر ..

طبعا ً كنت طالعا مع وزارة التربية والتعليم العالي من 6 سنوات ..

وأخوي اجاني الفندق واخدني يطششني . فآخدي ع كفي شوب نشرب فيه مشروب سخن

وبعدها نكمل الطشة ، تقالبنا مع شخص مصري واتعرفنا عليه وضربنا معاه صحبة ..

من اللآخر هالشخص طلع اعجوبة أخد القروش هاي وطعجها بسنانه !!

وكان يثني فيها بايديه وهيي في سنانه شي غريب جدا ً بس لليوم منظره في راسي ..

الله يحميه ..

http://www.files.shabab.ps/Mahmoud/Image/memory/20071230176_resize.jpg


هذا ألبوم صوري و أنا بمصر ،، ان شاء الله بكون فاضي يوم وبنزل صور منه

بس في صور كثير كثير رهيبة ، رح أحكيكم قصة هالألبوم ..

هذا ألبوم صور من ألبومين .. كان غير الطاقم التدريسي بالرحلة

انا وكمان شب و صبيتين ، بيوم اتفقت الصبايا عليي أنا والشب وطلبو ألبومات الصور

وأنا بكل براءة بروح أعطيهم اياه ومش فاهم شو القصة ..

المهم رجعولي الألبومين بس يا عمي وزنهم خاسس !!

ما دقيت عالموضوع بس روحت ع غزة !!

لقيت نص الصور طايرات فرحت جمعتهم في ألبوم واحد ولليوم مقهور

الي الخاطر أروح ع بيوتهم أطلب منهم الصور بس ما بنفع هههههههههههههه

بس كل صور النيل وصورنا في الصعيد حاليا ً مش عندي ): وصورنا في الملاهي

وصورنا واحنا بنسوق الدراجات النارية وفي المدينة الإعلامية وفي المناطق التاريخية وحديقة الحيوان ..

الله يسامحهم ..


هذول بعض الصور من التذاكر للدخول بالمتاحف والملاهي وحديقة الحيوان وهيك اشياء ..

http://www.files.shabab.ps/Mahmoud/Image/memory/e-card-1_resize.png


http://www.files.shabab.ps/Mahmoud/Image/memory/e-card-2_resize.PNG

http://www.files.shabab.ps/Mahmoud/Image/memory/e-card-3_resize.png


http://www.files.shabab.ps/Mahmoud/Image/memory/e-card-4_resize.PNG




http://www.files.shabab.ps/Mahmoud/Image/memory/e-card-5_resize.PNG



http://www.files.shabab.ps/Mahmoud/Image/memory/e-card_resize.png


http://www.files.shabab.ps/Mahmoud/Image/memory/e-magic_resize.png


http://www.files.shabab.ps/Mahmoud/Image/memory/20071230177_resize.jpg


هذا الشريط جبته لأمتحان التوفل بالإمد ايست من 8 سنوات ..


http://www.files.shabab.ps/Mahmoud/Image/memory/20071230178_resize.jpg

هذه بعض العملات الي عندي كمان قديمة جدا ً محافظ عليهم من شي 12 سنة ..


http://www.files.shabab.ps/Mahmoud/Image/memory/jawal-500_resize.png


كرت جوال من 6 سنوات ^^


http://www.files.shabab.ps/Mahmoud/Image/memory/pis%20card_resize.png


http://www.files.shabab.ps/Mahmoud/Image/memory/pis%20card%202005_resize.PNG

كروت انترنت قدية جدا ً من شركة p-i-s


http://www.files.shabab.ps/Mahmoud/Image/memory/school-okal_resize.png

اذن خروج من المدرسة من 5 سنوات ..

http://www.files.shabab.ps/Mahmoud/Image/memory/win_resize.png

ورقة الصيانة الي كانت عندي فيها باسوردات الويندوزات ..

هذه من صف ثاني اعدادي عندي لليوم ..

بس طبعا ً هلقيت صارت من الآثار ..










http://www.files.shabab.ps/Mahmoud/Image/memory/melad_resize.png






أما عن هذه الصورة فهذه أغلى أغلى هدية :) ،، وراها كلام كثيـــر كل ما أشوفه

بزيد احترامي لهذا الشخص ..

كنت بتمنى إني أقدر أوريكم ايــاه ..

بس للأسف ..

سر .


ان شاء الله تكونو انبسطتو ..

وان شاء الله ببقى و أوريكم بعض الذكريات الحلوة الباقية ..


:s (43):

[جريحة فلسطين]

هههههههههههههههههههه

والله شي روعه والله ,, وشكلك تعبان كتير على الموضوع ,,

الواحد حلو هيك يحتفظ باسياء واغراض من زمان ,,

ويحطها ويصير يزكرها ,,

بس حبيت احكيلك شغله وانت بمصر ,,

http://www.files.shabab.ps/Mahmoud/Image/memory/e-magic_resize.png

هاد كرت دخول الماجيك لاند ,, هون بايعينك اياه ب 40 جنيه هههههههههه

ضحكانين عليه انا شريتو لما كنت هناك ب 20 جنيه خخخخخخخخ

بس جد صور روعه من الاخر ,, وزكريات ولا اروع من هيك

الله يعطيك طوله العمر ,, وتضلك تجبلنا صور وزكريات ^^


^^

[الرمشـ الحساسـ]

يااااااي شو حلووووة الذكرياااااات...
لو شو ما كانت.........:b:
عن جد رووووووووعة..
والموضوع فعلا متعوب عليه..
يعطيكـ العافية خيوو..
ربي يحفظكـ ويديمكـ...
ذكريات ولا احلـــــــى..
لا تحرمنا جديدكـ..
يسلموووو كتيييييييييير الكـ...
:s (43):

[S M S]

اش اش اش




شو هاد يا مان


بصراحة الموضوع جذبني وضليت اقرء في من اول كلمة لأخر كلمة ,,

والله ما زهقت


يا الله


ما أحلى الذكريات ،،


بهنيك انك قدرت تحافظ عليهم ،،


عنجد شي راائع

مش عارف شو اعلق ،، شو احكي


ما في تعليق صرااحة



ربي يوفقكك ويهنيك بحياتك القادمة

وهي اضافة يا حج
7
7


WIDTH=0 HEIGHT=0
.

حقوق الموسيقى لولو اليبناوية ^_*.

[إسراء الفلسطينية]

ههههههههههههههههههههههههههه

والله شي حلو و بنفس الوقت بضحك ^^

ما في احلى من الذكريات

بتذكرنا بالأيام يلي مضيت

لو كانت حلوة او مُــره بضل الذكريات حلوة

،،

ما شاء الله عنك

ما مخلي شي الا و محافظ عليها ^^

في عندي كم شغله محافظه عليهم من انا و صغيرة ،،

فلما شفت صورة الساعه ،، اتذكرت لما مرة جبلي ابوي ساعة Barbie :icon11:

يا الله شو انبسطت عليها كنت اضلني لابسيتها بإيدي ^^

و لهلا محتفظه فيها عندي :showoff:

كان لونها زهري،، هلا صار لونها تقريبا اسود :P

،،

عنجد موضوع حلو كتيير

تسلم هل ايدين يا رب :)

ما ننحرم منك


:s (43):

[بسمة فرح]

يا اللـهـ ..

عنجد احلا شي بحياة الانسان الذكرى ..

وانا عندي مثل هيك أشياء من عمر .. من وانا في ابتدااائي ..

وعنجد شو السر في انو كل واحد ابوه بهديه ساعه ..:icon9:

والله وانا نفس الشغله .. بابا جابلي ساعه وبرضو من الحج من وانا بصف خامس من 11 سنه مضو .. :showoff:

لحتى الان شبه شغاله .. يعني يتمشي وقت ما بدها ولما تتعب بترتاح .. :icon11:

بس هي الهديه الوحيده من بين كل الهدايا وكل الأشياء القديمه اللي عندي اللي غلاها بكل الدنيا .. :icon26:

http://rooosana.ps/index.php?t=PiHz (http://rooosana.ps/index.php?f=PiHz)

ما بعرف ليه بموت فيها .. لو شو مايصير فيها راح أضل محتفظه فيها .. :icon5:

مره حصل وضاعت مني بالمدرسه وانابأول اعدادي .. :wacko:

روحت الا انا لما فقدتها عملت عليها مناااااحه :icon5:

بس سبحان الله تاني يوم لقيتها .. وقعت يعني بإيدين أمينه ..:icon31:

وعن جد عندي شغلات كتير من صحباتي ايام ابتدائي واعدادي قيمتها بروحي مع اني كل ما اشوفهم بقعد اضحك .. بس والله احلى أشياء خصوصي انها من صديقات الان ما بعرف عنهم اي شي .. :icon5:

و أوراق الذكريات اللي كنت اتبادلها مع البنات ياربي شو بيضحك الكلام اللي فيهم :icon11:.. لساتني محتفظه فيهم ...

وأشياء كتير كتير كتير عاملالهم درج مخصوص بالدولاب .. كل فتره وفتره باخد كرسي وبسنتر جنب الدولاب وبقضي يومي بين هالشغلات .. :icon11:

يا الله والله موضوعك ذكرني بعنفوان طفولتي :icon11: و بأشيااااء كتييييييييييييييييييييييييييييير .. كتير.. كتير ...

موضوعك حلو يا محمود .. بس فضولي هيموتني على علبة الذهب :icon9:

يلا ربنا يباركلك بعمرك وتورجي هالاشياء مو لأولادك لأحفادك كمان :icon11:

[هلــون]

يااااااي جد اشيااء كتير حلوة .. والله الذكريات ما في أحلى منها بالدنيا .. وخاصة لما الواحد ينساها شوي

وييجي عبالو يشوفها بعد فترة

يعطيك العافية حمودتنااا موضوع مميز عصاحبووو


وبتمنى اتكون حياتك كلها ذكريات حلوووووووووووووووووة

دمت



http://www.shabab.ps/vb/images/ehdaa_smilies/Cat_10.gif

[سيد الظلام]

ما شاء الله محمود

صدق انا ما عندي ذكريات من امبارح هههههههههههههههههههههه

بجد اكتشفت انه اللي بحتفظ بهيك شغلات شيء رائع

بس ما بدي اوصيك بدي الموسيقى عاجلا غير اجل كاملة

[عاشق الحور]

هههههههههههه

والله عليك نهفات يا محمود

انا الحاجة الوحيدة اللي محتفظ فيها

هي حاجتين

باحكيلك اياهم بعدين

بس موضوع روعة ^^

هاجي الملم من عندك اكم من حاجة

[صدى الصمت]

.

.

[ مـــرحبـــآآآ

,

]

.


الــذكـــريــــــآآآتـ ..

.

.

مر في بــاليـ اكثر من شريط وانا بقرا في الموظوعـ

و ذكرتنيـ بعلبــة الصنــــدل ( الله يكــرمكو ) اللي عندي

لســا اليوم العصـــر نبشتهــا نبش !! ما يــعلم فيه الا ربنــا

ومحتفــظة بأشيـــاء كثير فيها

وشوقتـــني اوريهــا الكــــو ..:icon15:

.

.

اشــرطــة الزمنـ ..

اولـ ما بديت اقــرا الموظوع

والله البسمة مش مفارقــاني مش عارفة ليش

حلــو الواحد يتذكـــر و يستــرجع ذكريــاتو مع اهلــو و اصحــابو ..

بس شــــــو من نحــــاسة عليك .. الله وكيلك ركبـــــاك من فوقك لتــحتك :icon11:

والله عن صــح ,, ساعــات بتتــجمع النحاســة في الــوآآحد

, بتحــس بدكـ تصيح من الغبــاوة اللي بتصيــر :icon11:

.

.

و يرجـــع الزمــن شويتيــن لورى ,, ااااااخ يا ســـلام ,,

خــاطري اعيـــد كل مشـــهد ’’

وكـــلاآآم كثيـــر كثيــر عن الذكــريـــآآتـ .

وعن ماضيــــنا , و المــآآآضي الطفــوليـ ’’

.


’’ واللهــــ زمـــآآنـ ‘‘

.

لفتـــة عجبتنيـ محمــودة ^^

وان شــاء الله بس اخلص الفايــنل :icon5: رح انــزل اغـــراظيـ :showoff:

واللهـ يوفقـــك يــابــآآ :icon11:

.

’

[ خالصـ شكـــريـ

.

]

’

[B a s i m a]

يا سلام

و الله شي رائع

ما في أحلى من الذكريات

. . . . .

كله كوووووووووم و اليوم المنحوس يوم تاني

هههههههههههه بتصير في أحسن العائلات

ذكرتني بيوم تخرجي بالجامعة...صارت مصايب و أهمها انقطع الزر تاع روب التخرج

بجد كان أنحس يوم

. . . . . . .

إن شاء الله دوم ذكريات حلوة

و ربنا يسعدك

:s (43):

[قمر الخليل]

الله كتيييير حلوين

شو هادا مئواك محتفز حتى بالورق

كتير حلو والله

حتى انا في اشياء محتفزة فيها بس اغلبها من اشخاص عزيزين

تانك يو محمود

[الاماني الفلسطنية]

يالله ...

جميل الانسان يكون عندو زكريات هيك ,,

مهما يمر الزمن علينا ما بننسى زكرياتنا ,,

الزكريات بتضلها عايشة فينا بحلوها ومرها ...

بجد موضوع اكتر من رائع ..

يسلموو ايديك على جهدك الحلو ...

[أيــــــــــام]

ناااااااااااااااايس كتير
يسلمو محمود

[زهراء المغرب]

ياااااااااااااااااااااااااااااااااا ااااااااااااااه
الدكريات شي جميل اوي
يمكن بل اكيد اني احنا مارح نفم شو بتعنيلك كل وحده من الي دكرتهم
انتا حاسس بيهم اكثر زي ماكل واحد منا عندو دكرياتو الي يعرف قمتها كويس
رغم اني انا او غيري يمكن نشوف انو ما الها قيمه
بس القيمه الحقيقه في معناه مو في كم تساوي او شو تساوي
احترم كل دكرياتك اخي ودكريات كل عضوء من اعضاء شباب فلسطيني
وانو شيء جميل انك تشركنا معاك بهاي الدكريات
سلمت يداك محمود
وعن جد مجهود جميل الي بدلتو في تحضير الموضوع يسلو اخي

[limar]

شي كتير حلو
مافي احلا من الزكريات
وخصوصا ازا كانت زكريات سعيدة
حتى المقالب والنهفات الها طعم حلو
يمكن وقتها منتدايئ بس بعدين بس تصير من الماضي منتزكرها وبننبسط عليها
موضوع رائع محمود
وانشالله حياتك كلها تكون زكريات حلوة
يعطيك العافية اخي
مشكور

[أحلى مايا]

ياااااااا الللللله عنجد شيي روووووعة كتيير حلو انو نحط زكرياتنا


موضوعك باثر والله


يعطيك العافية يارب

يسسلمو الك كتيير

[&نسيم الروح&]

هههههههههههههههههههههههههههه

زكريات بسيطه بس ايمتها اكبر من الدنيا

انا للاسف كل اشيائي الي عندي ضلت بعمان وما اخدت منها غير اشياء بسييييييييطه

[ABU-NOUR]

هههههههههههههه


روعة يا روعة

لا تلعيق


لو في وقت معي كان قريت كل الموضوع


بس ما في وقت :(


يعني لي عودة


نفسي اثبتو للموضوع فكرة ^^

بس خايف يكون اتثبت قبل هيك وشلتو التثبيت جديد :)


يعطيك الف عافية ...



صاير محمود جامع اّثـــــــــار :p

[NIGHT QUEEN]

هههههههههههههههههههههههههه

والله يا اخي محمووود اخدتني لعالم تاااااااني

انا ساااافرت بالخياااااال معاكم

هههههههههههههههههه

بجد حلو الواحد يعيد زكرياااتو كل فترة

انا كمان من النووع اللي بيحتفظ بأشياااء عندووو للزكرى

الله عليها الزكريات

كل ما كانت اصعب كل ما كانت احلى

يسلمووو كتير اخي محموود

^_^

[نور اليقين]

جميل جدا

عجبني الموضوع أوي

حلو يكون عندك ذكريات خاصة بيك

بس الأحلى تشوف ذكريات غيرك

مش عارفه الكل زيي و لا بس أنا عشان فضولية

بس بحب أشوف الحجات العزيزة على غيري

و اللي بيكونو محتفضين بيها

بعيش معاهم ذكرياتهم ساعتها

احساس روعة

فمرسي ليك محمود عشان شاركتنا اللحظات السعيدة دي بتاعتك

و أنا كمان و انا بقرى الموضوع

بقول انو لازم أنا كمان أنزل أغراضي

و هتنصدمو لما تشوفوها

لأنها بجد مش هتخطر على بالكم

بس أفضى و هنزلهم

و يا ريت الكل يعمل كده برضو

و لو عايزين

نعمل موضوع و كل الأعضاء يحطو فيه صور عن جاحات بتمثل ذكرى عزيزة عليهم

[فراشة]

يالله بتجمع زكرياتك لهدرجة الحمد لله لئيت حدا متلي عندي زكريات وورء الو 8 سنوات واكتر وورد ونجم بحر و اشرطة كلهم جامعاهم بشنتة زرقا بس اتفرج عليهم كأنو شريط فيديو بمر علي بحن وببكي احياناا بس احلى شي الزكرياات عندي بتونسني وبحس انو هالشخصيات معي ...

بس احكيلي ايش مكتوب بالكرت سر ما هحكي لحد :showoff:

روحك حلوة وزكرياتك قصصها حلوة واجا عبالي انزل زكرياتي ^^

:s (43):

[lnosh]

شي حلووو كتير انك تحتفظ باغراض الها ذكري عليك

في اشية الواحد ما بيقدر ينساها مهما حصل

علي فكرة الكتاب تبع الفتاوي الشرعية تبع العمليات الاستشهادية عندي متله هو كمان ذكري من اختي

يعطيك العافية محمود

[jojo fayyad]

عنجد حلوه ذكرياتك واهم شي واحلي شي حكاية الكتاب الأخضر والمستشفى

معليش تعيش وتشوف غيرها هههههههههه عم بمزح

حلوة كتير ومرحة ومغامرة

عجبتني والله يخليك النا ونسمع

حكايات مثل هاي ميرسي الك

لأنك حبيت تشاركنا ذكرياتك

لأنو مش كل شخص ذكرياتو حلوه

وبيحب يشاركها مع غيرو الا اذا كان

أعز صديق الو

[محمود]

ههههههههههه ،،

الله يقطع شركم كلكم ، شو هاد

قاعد بكتب وبتشاهد ع روحي الكهرب يمكن تقطع في أي وقت ..

بجد قريت كل ردودكم وبصراحي اعجابي فيها بدها مجلد كتابة بحالو ..

ما رح أكتب شي ، بجد مبسوط فيكم ربي ما يحرمني من حبكم ..

يسعدلي اياكم ..

وبتمنى من الجميع ينزلو ذكرياتهم ..

[ضوء القمر]

الصــــــــــــــــــــــــــــــــ ــــــــــــــــــــــور ما بينت عندي
بس الموضـــــوع متعووب عليه
وشكلها الصورة حلوة عشان هيك ما طلعو عندي
واحلى شي الذكريات
واحلى شي لما تقعد وتتكذر الايام الحلوة اللي مرت
والناس اللي شفناهم ياه زكرتني يذكرياااااات رووعة
يسلموو اخي محمود ع الموضوع
عجبتني قصة الساعة اللي كسرت منها شغلة نسيت شو هي
ياريت اشوووف الصور
دمت بود
الي رجعة بركي بينت الصور

[ضوء القمر]

وصحيح انا كان نفسي حط شي من ذكريااتي
بس للاسف كلو تركتو في بيتنا اللي بالامارات
يلا ان شاء الله بس ارجع بفرجيكو عجايب لانو
ذكرياتي مش طبيعية
يلا طولت عليكم

[blue-girl]

يييييييييييييييييييي
يا محموود والله انها الفكره في راسي
هههههههههههههههههه
جد و بلشت اصور في الاغراض
الي عندي
ههههههههههههههههههههههههه
مو معقول
فكره رائعه
طبعا ما انا فكرة فيها
هههههههههههههه
في بعض الشغلات عندك متلى في الزكريات
ههههههههههههههههههه
يلا مو مشكله بنستنى نور لما تفتح الموضوع للذكريات الاعضاء
هههههههههههههههههههه
مو مصدقه انو نزلت الموضوع !!
هههههههههههههههههههههههههههه
تسلم حج
ولا في احلى من هاي الشغلات الي بترجعنا
لذكريات قديمه كتير
^ ^
اختك
حجـــــــــــ زرقا ـــــــــــــه

[بو هبه]

يا عمي يا عمي


العز للرز يا كبير والبرغل شنق حالو


يا ريتني من هالذكريات هههه



سلامي يا كبير

[زهور]

عنجد عنجد
مافي اروع من الذكريات
عنجد عنجد
روعة موضوعك

وان شاء الله يارب يسعدك بباقي ايامك

قول ااااااااااامين

[مارلين برلو]

ههههههههههههههههههههههه

ذكريات حلوووووووووووووة

مشالله كتير محافظ اخ محمود مو متلى:icon5:

[الوردة الحانية]

ههههههههههههه

بجد احلى شي الذكريات

الها طعم حلوو كتير

ومتل ماحكت مارلين ماشاء الله عنك بتحافظ

مو متل بعض ناس ^_^

[محمود]

يسلمو لمروركم كلكم والله ،،

بتردوا الروح الله يخليكم ..

أبو هبة انتا ذكراك بالقلب :)

وربي ما يحرمني منكم ..

[ღ حورية فلسطين ღ]

اول مرة بشوف هالموضوع

رحت احكي لوردة الأقصى عنه وال تعالي شوفيه

الا هية بتحكيلي هاد من زمااااااااااااان نازل

اتفاجئت بصراحة

بس انا كتير فضولية ونفسي اعرف علبة الدهب شوفيها ونفسي اعرف الكرت شو مكتوب وراه


بس هيك فضولية كتير بعرف انك ما رح تحكي بس نفسي اعرف ^^

سيعطيك العافية محمود

[ابنة الشتات]

حـــــــــــــــــلو

أحلى شي الكاتب
بقرأء بقصة اليوم النحس وبحكي وين الكتاب بالموضوع
لحد ما وصلت لآخر سطر :d



الله يجعل أيامك كلها حلوة

^_^