المساعد الشخصي الرقمي

مشاهدة النسخة كاملة : أم كرشة ولا إم كرشتين ...اللي مو ئد الموضوع ما يفووت


دمع المطر
06-07-2010, 12:38 PM
سافرت إلى السعوديه صغيرا



منذ كنت فى الصف الثالث الإبتدائى مع الوالد يرحمه الله

بدأنا فى الصف الأول الإعدادى دراسة اللغة الإنجليزية


كان الطلبة السعوديون يعتبرون اللغة الإنجليزية

شيئا شيطانيا لا يمكن فك طلاسم شره وسحره

وكان يدعم ذلك بعض الفتاوى التى ترى بحرمة دراسة هذه اللغة

باعتبارها لغة الكفر

تجاوزنا الصف الأول والثانى الإعدادى ومعظم الطلبة لا يعرفون نطق الحروف أساسا

كان الأمر مختلفا بالنسبة لى ببساطه لأن والدى يُدرس اللغة الإنجليزية

فى المعاهد العليا وهو خريج كلية الأداب قسم اللغة الإنجليزية


عندما وصلنا إلى الصف الثالث الإعدادى تولى تدريسنا أستاذ سعودى نراه لأول مرة

كان إسمه له وقع عجيب فقد كان إسمه الأستاذ (جربوع الجربوع)

والجربوع عائلة سعوديه معروفة

تخيلوا أستاذا للغة الإنجليزية إسمه (جربوع)

المهم أن استاذنا كان عائدا لتوه من بعثة فى الولايات المتحدة لدراسة أحدث أساليب تعليم الإنجليزية

دخل إلى الفصل قائلا
Good Morning every body

رد عليه أربعة طلاب فقط من أصل 28 طالبا

بينما فغر الباقون أفواههم دهشة

حاول المسكين أن يستمر فى مخاطبة الفصل بالإنجليزية

فلم تنقض خمس دقائق حتى صرخ بصوت كهزيم الرعد

(وراكم ماتردون يا الثيران)

فقال أحد الطلبة - وكان مشهودا له بشدة الغباء-

(حنا ماندرى وش تجول)

كانت هذه نقطة تحول فى فكر الأستاذ جربوع نحو تعليم الإنجليزية

فقد أخذ على نفسه عهدا أن يعلم الطلبة بأسلوب جديد

دخل الحصة التالية حاملا عصا تشبه عصى عساكر الأمن المركزى

وبدأ بتعليم الحروف فطلب منا أن نذاكر الحروف السته والعشرين خلال إسبوع

على أن يعقد لنا إختبارا بعد ذلك

فى يوم الإختبار صاح
( A)

كتب من شاء الله لهم ذلك الحرف الصعب فى أوراقهم

ثم قال
( B)

هنا خرجت عشرة أصوات فى نفس الوقت تسأل

أم كرش ولا أم كرشين ؟

هكذا علمهم الأسبقون أن

أم كرش P
و
أم كرشين B


هنا أصيب الأستاذ جربوع بلوثة مفاجئة

وأنهال بالعصا ضربا على رؤوس الجميع وهو يزعق بصوته الجهورى

(والله لأدبغكم دبغ)

بمعنى حيهرينا ضرب

أصر الأستاذ جربوع على تعليمنا تصريف الأفعال فى اللغة الإنجليزية

وكانت الطريقة أن يعطينا 10 أفعال وتصريفها فى حصة

ويتم (التسميع) فى الحصة التالية

وكانت الحصة التالية حصة تعذيب يشيب لهولها الولدان

فقد كان الأستاذ جربوع يدخل إلى الفصل مندفعا دون أى مقدمه

وعصاه مرفوعة لأقصى حد فوق رأسه

ويصرخ فى أول طالب من اليمين

( Break)

وهنا يصرخ الطالب مثل العساكر الذين يؤدوون التحية العسكرية

( Break Broke Broken )

فإن لم يقلها صرخ الأستاذ جربوع

Haaaands

فيفتح الطالب ذراعيه ويناولة الأستاذ ضربتين مهولتين

يتركان يديه قاعا صفصفا لاترى فيهما عوجا ولا أمتا

كان غالبية الطلبة يستعدون للحفلة (أقصد الحصة) ليس بالحفظ

ولكن بفرك أيديهم بشده لتكون ساخنة إستعدادا للضرب

لأنه من المستحيل ن يحفظوا كلمات لا يستطيعون قراءتها أصلا

وكان لا ينجو من الضرب سوى 5 أو 6 طلاب فقط على أحسن تقدير

فى صبيحة يوم لا ينسى دخل الأستاذ جربوع إلى الفصل

وصرخ فى وجهى

( Speake)

فقلت بأقصى قوتى

Speak ..Spoke..Spoken

فتركنى وتوجه للطالب التالى وكان طالبا سوريا

فما أن وقف حتى إرتعد وكاد أن يغمى عليه

فصرخ فيه الأستاذ لمعرفة ما به

إيش فيك ؟

فصاح الطالب بأقصى قوته

إيشفيك إشفوك إشفوكن



إحمر وجه الأستاذ جربوع وصمت للحظة مذهلة وخيل إلى أنه سينفجر


ولكنه ألقى بالعصا وإستدار خارجا من الفصل



ولم أشاهده أبدا بعد ذلك اليوم

[ عاشقة الرسول ]
06-07-2010, 01:40 PM
دمع المطر انتى روحتى عالسعوديه

§عاشقة غزة§
06-07-2010, 02:03 PM
ههههه
القصة ذكرتني بمعلمي بالصف السادس
لما كان يعلمنا بالعصا تصريف الافعال بالفرنسية
والله يا ويله الي ما كان حافظهم
يسلمو ع القصة غاليتي

PaLeSt!Ne SouL
06-07-2010, 05:24 PM
هههههههههه

و الله مو جكر فيكي

و لا حتى اغيزك


بس و الله قديمة هههه

بدك دورة تجديد

مش لانه الاستراحة مغلقة بدنا ننقلها هوون

الله يرضى عنك يا رب

.:.!دموع الرحيل!.:.
06-07-2010, 10:45 PM
.

.

انا أول مرة اسمعها ... :)

بالمناسبة ما أظن إنها نكتة ...

هي فعلا درس للأساتذة الي متل هيك ..

أظن طريقة التعليم ما بتجيب نتيجة بالإرهاب والتخويف ..

بقدر ما هو أسلوب التشجيع .. والتقرب من التلاميذ

هـو الطريق الأقصر والأسهل والأنفع !

مش العبرة انه يكونو بلبل بالحكي .. بينما هني مش عارفين

حالهم شو بيحكو !

الطالب اذا ما حب المادة .. والاستاذ ما عرف يحببوا فيها

مستحيل يفهمها ولو شقوا نصفين ! مش بس ضرب إيديه ..

بتذكر لما كنت بالرابع أظن ..

كنت ما اطيق العلوم science ..

عند كل امتحان اجيب علامة شي بيخزي هههههههه

وكل مرة اوقف مع صف الي بدهم ياكلوا قتلة على إيديهم ! هههههههههههههههه

ونفرك إيدينا مشان ما نتوجع ..

وهالاسلوب ما جاب نتيجة !

ولا اتحسنت بالمادة .. ولا استفادوا !

بالرياضيات كنت نفس الشي .. متل طبعي ما بحب المواد العلمية .. !

ما كنت احبه

جدول الضرب .. كعيوا وهني يحفظونا فيه ..

خلص مش راضي يفوت مخنا ..

إجت معلمة

تقربت لإلنا كتير .. حببتنا بحالا ..

وكانت حازمة بنفس الوقت !

بظرف كم يوم حفظنا الجدول بالحب والحزم

مشي الحال .. واستوعبنا الي بقيوا مدري قديش قبلها ما

قادرين يحفظونا ياه ..

الأسلوب .. أله الدور الأكبر ..

مش بزرع الخوف ..

ولا الاساليب الارهابية ..

مع تعلم المواد .. لازم هالاساتذو يتعلموا اساليب التعليم

وكمان التعليم بـــــــدو طولة بااااال ..

الي ما عنده بال طويل .. صعب يأدي دوره حقه :ShababSmile256:


..

الله يـكـون بالعـون ..

يسلمو دمـعه :)

شهيد
06-07-2010, 11:03 PM
في الوطن العربي المناهج تدحش حش في العقول !!
أنا في معظم امتحاناتي كنت احفظ حاجات والله العظيم نصاً ، و حرفياً ..

لكن شو هي ؟! الله اعلم .. :)

للأسف سيبقى التعليم في القاع طالما لم يوجد تصور صحيح لألية التعليم
بالقصة مش بالضرب ولا بالاهانة والتخويف .. القصة هل الضرب لربما حيدفع
الطلاب للمذاكرة ؟!
بلاش .. هل النقاش وتبادل وجهات النظر يقنع الطلاب المذاكرة ؟!

فالامر يتوقف على نوعية ومدى تقبل الطلاب للأسلوب ، حتى لو كان مجهد للمعلم ..

اسد 22
06-07-2010, 11:25 PM
أولاً اشكرك على الموضوع

وهذه ظاهرة موجودة

ولكن اسلوب الاستاز اسلوب عسكري وبالعكس في هذه الطريقة

الطالب يكون غير مرتاح فلا يتمكن من حفظها خاصة إذا كان يكرهها ويصيبه بحالات نفسية

مررت بمعلم عربي كان يستخدم غير العصى للضرب لمن لا يحفظ ولمن لا ينجح في الامتحنات

والطلاب يحسبون الف حساب ولكن ما الفائدة غير مقتنعين في التعليم فتأثيره سيكون ماقت

وليس دائماً ايجابي عليهم ان يشعروا بالطلاب ان لديهم مشاعر ويحدثنوهم ويفهمونهم

ويقنعوهم باسلوب جميل

ربما ان السعودية اسوء دولة في تعليم اللغة الانكليزية

وتعلمها ليس حراماً!


واغلبهم خاصة الأغنياء يأتوا إلى فلسطين لتعلمها

نسمة جزائرية
06-07-2010, 11:56 PM
ههههههههههههههه

التعليم بالعصا صارت قديمة

يا حسرة علينا في ايام البرد والضرب في الصباح

الحقيقة انو مزلنا متخلفين في طريقة التدريس

تلقى المناهج تع عامين

لا هم يدرسوها في ستة اشهر

كيف رح يكون الطالب عندو مستوى مليح؟

ربي يستر

لكن عجبتني ام كرش وام كرشين هههههههههه

يسلمووووووووووو

دمع المطر
06-08-2010, 11:04 AM
دمع المطر انتى روحتى عالسعوديه

انت أخبر والله

دمع المطر
06-08-2010, 11:06 AM
ههههه
القصة ذكرتني بمعلمي بالصف السادس
لما كان يعلمنا بالعصا تصريف الافعال بالفرنسية
والله يا ويله الي ما كان حافظهم
يسلمو ع القصة غاليتي


يعني مسكتك ما كاينة تحفظيهم منيح ،، منورة يا ئمر
الله يسلمك يا رب

دمع المطر
06-08-2010, 11:08 AM
هههههههههه

و الله مو جكر فيكي

و لا حتى اغيزك


بس و الله قديمة هههه

بدك دورة تجديد

مش لانه الاستراحة مغلقة بدنا ننقلها هوون

الله يرضى عنك يا رب

يؤ يؤ
طيب يا ستي أنا ئديمة والصدا طالع علي
يا فهمانة الموضوع للمناقشة وان كان يحمل طابع الضحك والتهكم
منورة انت يا قديمتي بس يا ريت تعطيني دورة التجديد انت
هههههههههههههههههه

دمع المطر
06-08-2010, 11:11 AM
.

.

انا أول مرة اسمعها ... :)

بالمناسبة ما أظن إنها نكتة ...

هي فعلا درس للأساتذة الي متل هيك ..

أظن طريقة التعليم ما بتجيب نتيجة بالإرهاب والتخويف ..

بقدر ما هو أسلوب التشجيع .. والتقرب من التلاميذ

هـو الطريق الأقصر والأسهل والأنفع !

مش العبرة انه يكونو بلبل بالحكي .. بينما هني مش عارفين

حالهم شو بيحكو !

الطالب اذا ما حب المادة .. والاستاذ ما عرف يحببوا فيها

مستحيل يفهمها ولو شقوا نصفين ! مش بس ضرب إيديه ..

بتذكر لما كنت بالرابع أظن ..

كنت ما اطيق العلوم science ..

عند كل امتحان اجيب علامة شي بيخزي هههههههه

وكل مرة اوقف مع صف الي بدهم ياكلوا قتلة على إيديهم ! هههههههههههههههه

ونفرك إيدينا مشان ما نتوجع ..

وهالاسلوب ما جاب نتيجة !

ولا اتحسنت بالمادة .. ولا استفادوا !

بالرياضيات كنت نفس الشي .. متل طبعي ما بحب المواد العلمية .. !

ما كنت احبه

جدول الضرب .. كعيوا وهني يحفظونا فيه ..

خلص مش راضي يفوت مخنا ..

إجت معلمة

تقربت لإلنا كتير .. حببتنا بحالا ..

وكانت حازمة بنفس الوقت !

بظرف كم يوم حفظنا الجدول بالحب والحزم

مشي الحال .. واستوعبنا الي بقيوا مدري قديش قبلها ما

قادرين يحفظونا ياه ..

الأسلوب .. أله الدور الأكبر ..

مش بزرع الخوف ..

ولا الاساليب الارهابية ..

مع تعلم المواد .. لازم هالاساتذو يتعلموا اساليب التعليم

وكمان التعليم بـــــــدو طولة بااااال ..

الي ما عنده بال طويل .. صعب يأدي دوره حقه :shababsmile256:


..

الله يـكـون بالعـون ..

يسلمو دمـعه :)

نانا عنا شو صار بالدنيا ،،،نورتيني بمرورك وهادي تصريحات خطيرة والله مع جدول الضرب
حكيك مزبوط التعليم بده نفس طويل واللي مو عندهم الحلم مش ضروري يكونو معلمين يكونو شي تاني
الله بالعون يا عسل

دمع المطر
06-08-2010, 11:13 AM
في الوطن العربي المناهج تدحش حش في العقول !!
أنا في معظم امتحاناتي كنت احفظ حاجات والله العظيم نصاً ، و حرفياً ..

لكن شو هي ؟! الله اعلم .. :)

للأسف سيبقى التعليم في القاع طالما لم يوجد تصور صحيح لألية التعليم
بالقصة مش بالضرب ولا بالاهانة والتخويف .. القصة هل الضرب لربما حيدفع
الطلاب للمذاكرة ؟!
بلاش .. هل النقاش وتبادل وجهات النظر يقنع الطلاب المذاكرة ؟!

فالامر يتوقف على نوعية ومدى تقبل الطلاب للأسلوب ، حتى لو كان مجهد للمعلم ..

اها ،هادي مساوىء المناهج العربية ،كتير بتكون أشياء مبهمة بس ذاكرين اسمها بس ،،بس كمان الاستاذ اله دور كبير كتير بالاضافة لنوعية الطلاب ومدى تقبلهم

دمع المطر
06-08-2010, 11:15 AM
أولاً اشكرك على الموضوع

وهذه ظاهرة موجودة

ولكن اسلوب الاستاز اسلوب عسكري وبالعكس في هذه الطريقة

الطالب يكون غير مرتاح فلا يتمكن من حفظها خاصة إذا كان يكرهها ويصيبه بحالات نفسية

مررت بمعلم عربي كان يستخدم غير العصى للضرب لمن لا يحفظ ولمن لا ينجح في الامتحنات

والطلاب يحسبون الف حساب ولكن ما الفائدة غير مقتنعين في التعليم فتأثيره سيكون ماقت

وليس دائماً ايجابي عليهم ان يشعروا بالطلاب ان لديهم مشاعر ويحدثنوهم ويفهمونهم

ويقنعوهم باسلوب جميل

ربما ان السعودية اسوء دولة في تعليم اللغة الانكليزية

وتعلمها ليس حراماً!


واغلبهم خاصة الأغنياء يأتوا إلى فلسطين لتعلمها

بالضبط الأسلووب الجميل هو أهم شي وعلينا نستخدمه في هيك مواقف بدل العصي وما بعرف شو
منور أخ أسد

دمع المطر
06-08-2010, 11:17 AM
ههههههههههههههه

التعليم بالعصا صارت قديمة

يا حسرة علينا في ايام البرد والضرب في الصباح

الحقيقة انو مزلنا متخلفين في طريقة التدريس

تلقى المناهج تع عامين

لا هم يدرسوها في ستة اشهر

كيف رح يكون الطالب عندو مستوى مليح؟

ربي يستر

لكن عجبتني ام كرش وام كرشين هههههههههه

يسلمووووووووووو

شو بدك احسن من الضرب بالشتا
دفا،هههههههههههههههه
اه نعم احنا ما زلنا متخلفين في التدريس بدون أي شك
ههههههههه،وأنا كمان عجبني وبضحك من دون شي
المهم عجبك
اللله يسلمك يا رب يا عسل

أنين
06-09-2010, 06:42 PM
ههههههه ., حيبت ام كرشه ولا كرشتين

نيجي للموضوع

التعليم بالوطن العربي أجمع .. دحش بدحش .. بيدخل الاستاز بصم معلومات وبيطلع

مافي ابدا أي نوع من التفاعل ولا من النشااطات الي بتخلي الطالب يفهم الماده .. ولو الاستاز عامل حاله شي ماصار ولا استوى

بيدخل وبأيده لوحه :)

أنا بالنسبه ئلي جربت التعليم هاد .. وبصراحه كان عباره عن ادخل معلومات واخر السنه يطلعوا

أما من سنتين انتئلت لمدرسه جديده .. وهي نظام جديد بقطر .. المدارس المستقله

بتخلي الطالب هو يعتمد ع حاله بجمع المعلومات .. وبغض النظر عن نوعيه والكميه .. بضلها بمخ الطالب لانو هو الي طلعها والي دور عليها والي ستهلك من طاقته لحتى يوصللها

لذلك بترسخ بمخه غصبن عنه .. وبعدين اسنتخدام التكنولوجيا بالدراسه شي مهم .. وشي مغيب عن الوطن العربي

الدنيا تغيرت بطلت لوحه خضرا وطباشير وبطلت تنفع العاصيه

لانو وببساطه هاد راح يطلع جيل فاشل غير قادر على مسايره التطور بالجامعات ولا حتى بسوق العمل مستقبلاً

دمع المطر
06-09-2010, 06:50 PM
ههههههه ., حيبت ام كرشه ولا كرشتين

نيجي للموضوع

التعليم بالوطن العربي أجمع .. دحش بدحش .. بيدخل الاستاز بصم معلومات وبيطلع

مافي ابدا أي نوع من التفاعل ولا من النشااطات الي بتخلي الطالب يفهم الماده .. ولو الاستاز عامل حاله شي ماصار ولا استوى

بيدخل وبأيده لوحه :)

أنا بالنسبه ئلي جربت التعليم هاد .. وبصراحه كان عباره عن ادخل معلومات واخر السنه يطلعوا

أما من سنتين انتئلت لمدرسه جديده .. وهي نظام جديد بقطر .. المدارس المستقله

بتخلي الطالب هو يعتمد ع حاله بجمع المعلومات .. وبغض النظر عن نوعيه والكميه .. بضلها بمخ الطالب لانو هو الي طلعها والي دور عليها والي ستهلك من طاقته لحتى يوصللها

لذلك بترسخ بمخه غصبن عنه .. وبعدين اسنتخدام التكنولوجيا بالدراسه شي مهم .. وشي مغيب عن الوطن العربي

الدنيا تغيرت بطلت لوحه خضرا وطباشير وبطلت تنفع العاصيه

لانو وببساطه هاد راح يطلع جيل فاشل غير قادر على مسايره التطور بالجامعات ولا حتى بسوق العمل مستقبلاً



المهم عجبك العنوان يا عسل
أها حكي مزبوط والله ،لأني من الناس اللي جربوا هالحكي ،كل آخر فصل بعمل ديليت للمعلومات حتى أعبي من جديد ،ههههههه،بحسها والله حمولة ،،هاي مشكلة الوطن العربي ،،والمدرسة والتكنولوجيا الهم دور كبير وفعال في اعطاء المعلومات سواء كانت تلقين أو تفهيم
نوتيني يا ئـــــــــــــمــــــــــــر

نور الهدى
06-09-2010, 06:52 PM
ما أظن الغلط من المعلم وحده بقدر ما هو على وزارات التعليم ..

يا ترى شو اللي بخلي المعلم يفوت الصبح للصف و هو مش طايق حاله ولا طايق مهنته ؟؟

شو يللي بخليه ما يشتغل منيح ولا يؤدي رسالته بأمانة عشان الطلاب يحتاجوا دروس خصوصية ؟

راتب المعلم في الوطن العربي دنيء جدا ..

و مهنته مش ماخدة حقها من التقدير و الاحترام .. صار الواحد ازا ما لقي شي بيشتغله يروح يشتغل معلم !

//

آلية التعليم مثل ما حكى شهيد مش منظمة

قطاع التعليم مش ماخد حقه من ميزانية الدولة ..

لو قارنا ميزانية التعليم في الوطين العربي كله مع ميزانية دولة واحدة متقدمة مش رح تعادل الثلث

//

الجهل مركب .. و اللوم مش بس على المعلم

لانه هو اساسا مظلوم ..

و حسبنا الله و نعم الوكيل

حزينة انا
06-09-2010, 07:38 PM
ههههههههههههههههههههههههههههههههههه ههههههههه

بصراحه قصة تموت ضحك...بس للاسف هالشي ما يضحك

لان التعليم بالواقع العربي متراجع وبشكل كبيييييييييييير..

.:.!دموع الرحيل!.:.
06-09-2010, 07:40 PM
ما أظن الغلط من المعلم وحده بقدر ما هو على وزارات التعليم ..

يا ترى شو اللي بخلي المعلم يفوت الصبح للصف و هو مش طايق حاله ولا طايق مهنته ؟؟

شو يللي بخليه ما يشتغل منيح ولا يؤدي رسالته بأمانة عشان الطلاب يحتاجوا دروس خصوصية ؟

راتب المعلم في الوطن العربي دنيء جدا ..

و مهنته مش ماخدة حقها من التقدير و الاحترام .. صار الواحد ازا ما لقي شي بيشتغله يروح يشتغل معلم !

//

آلية التعليم مثل ما حكى شهيد مش منظمة

قطاع التعليم مش ماخد حقه من ميزانية الدولة ..

لو قارنا ميزانية التعليم في الوطين العربي كله مع ميزانية دولة واحدة متقدمة مش رح تعادل الثلث

//

الجهل مركب .. و اللوم مش بس على المعلم

لانه هو اساسا مظلوم ..

و حسبنا الله و نعم الوكيل


الله وكيــــــل معك حــق !!!!!!

اسد 22
06-09-2010, 08:10 PM
وحتى إن كان المعلم مظلوم مش معنى أنه يظلم فليتقي دعوة المظلوم يعدين التعليم مسؤلية

وسيحاسب عليها يوم القيامة

واصلاً من منا لا يشعر بالظلم في هذا الزمن

شكراً مرة آخرى

والرزق على الله

نور الهدى
06-09-2010, 08:37 PM
وحتى إن كان المعلم مظلوم مش معنى أنه يظلم فليتقي دعوة المظلوم يعدين التعليم مسؤلية

وسيحاسب عليها يوم القيامة

واصلاً من منا لا يشعر بالظلم في هذا الزمن

شكراً مرة آخرى

والرزق على الله


طبعا الرزق على الله يا اسد ما اختلفنا

لكن ما فينا ننكر انه كل الناس تحت الضغوط اليومية بتطق ..

هالمعلم هادا عنده اولاد و اسرة بيعيلها

و بنفس الوقت الراتب المخزي اللي بياخده ما بكفيه لاسبوعين

طيب لما يدخل الصف بشو بده يفكر ؟؟

بمشاكله و همومه ولا بالطلاب اللي قدامه

التعليم امانة لكن الدول ما عملت اللي عليها عشان الناس يشتغلوا بذمة و ضمير

المشاكل في قطاع التعليم ما هي الا نتيجة للفساد المركب اللي موجود في اسس الدول العربية

نفس المشاكل موجودة في الادارات و القطاع العام ..

لذلك بحكيلك انه اللوم مش بس على المعلم اللي ما بيعمل شي غير انه يلقن المناهج لطلابه

المناهج اللي هي اصلا جاية من فوق .. من الوزارة

//

عشان يكون مردود الموظفين جيد لازم المقابل يكون جيد .. الراتب يعني

هاي المعادلة مش ممكن نتجاهلها ..

اسد 22
06-09-2010, 09:01 PM
طبعا الرزق على الله يا اسد ما اختلفنا

لكن ما فينا ننكر انه كل الناس تحت الضغوط اليومية بتطق ..

هالمعلم هادا عنده اولاد و اسرة بيعيلها

و بنفس الوقت الراتب المخزي اللي بياخده ما بكفيه لاسبوعين

طيب لما يدخل الصف بشو بده يفكر ؟؟

بمشاكله و همومه ولا بالطلاب اللي قدامه

التعليم امانة لكن الدول ما عملت اللي عليها عشان الناس يشتغلوا بذمة و ضمير

المشاكل في قطاع التعليم ما هي الا نتيجة للفساد المركب اللي موجود في اسس الدول العربية

نفس المشاكل موجودة في الادارات و القطاع العام ..

لذلك بحكيلك انه اللوم مش بس على المعلم اللي ما بيعمل شي غير انه يلقن المناهج لطلابه

المناهج اللي هي اصلا جاية من فوق .. من الوزارة

//

عشان يكون مردود الموظفين جيد لازم المقابل يكون جيد .. الراتب يعني

هاي المعادلة مش ممكن نتجاهلها ..
اللهم صلي على سيدنا محمد


طبعاً مية في المية راتب له دور

حدث ولا حرج وضع العالم العربي :ShababSmile239:


والسبب مادي وهذا هدفهم

شباب جاهلين وجعل جيبوبهم ممتلئى ولكنها لن تبقى


همسيحاسبوا طبعاً والمعلم ما يستهين في الظلم كمان


ويقول حسبنا الله ونعم الوكيل وإذا بقدر يشتغل شغلة تانية كمان ليش لأ

دمع المطر
06-10-2010, 02:57 PM
ما أظن الغلط من المعلم وحده بقدر ما هو على وزارات التعليم ..

يا ترى شو اللي بخلي المعلم يفوت الصبح للصف و هو مش طايق حاله ولا طايق مهنته ؟؟

شو يللي بخليه ما يشتغل منيح ولا يؤدي رسالته بأمانة عشان الطلاب يحتاجوا دروس خصوصية ؟

راتب المعلم في الوطن العربي دنيء جدا ..

و مهنته مش ماخدة حقها من التقدير و الاحترام .. صار الواحد ازا ما لقي شي بيشتغله يروح يشتغل معلم !

//

آلية التعليم مثل ما حكى شهيد مش منظمة

قطاع التعليم مش ماخد حقه من ميزانية الدولة ..

لو قارنا ميزانية التعليم في الوطين العربي كله مع ميزانية دولة واحدة متقدمة مش رح تعادل الثلث

//

الجهل مركب .. و اللوم مش بس على المعلم

لانه هو اساسا مظلوم ..

و حسبنا الله و نعم الوكيل

اها ،ميزانيات التعليم قليلة جدا وهذا اللي نلمسه بشكل كبير في فلسطين ،لو تم مقارنة هذه الميزانية مع ميزانيات الجند(السلطة ) ورغم اضرابات المعلمين بس الوضع ما تغير كتير ،منورة حبيبتي

دمع المطر
06-10-2010, 02:58 PM
ههههههههههههههههههههههههههههههههههه ههههههههه

بصراحه قصة تموت ضحك...بس للاسف هالشي ما يضحك

لان التعليم بالواقع العربي متراجع وبشكل كبيييييييييييير..

اه خصوصاً العنوان ،،متراجع بس ؟ احكي بموت
منورة حبيبتي

دمع المطر
06-10-2010, 03:03 PM
حبيبتي نور ما في حدا فينا بينكر أهمية الراتب حتى المعلم يأدي وظيفته بضمير ،بس حتى ولو وقع المعلم تحت كل الضغوط المادية وكان راتبه مو منيح فما بيحقله ولا بحال من الاحوال انه يقصر بوظيفته لانه متل ما حكا أسد سيحسب على كل هاد الحكي يوم القيامة ،ويا ستي أجره على ربه ،،المعلمين مظلومين بكل الوطن العربي والمعلم اللي بحس انه موضوع الراتب حيأثر على شغله وكفأته فما يروح معلم أصلاً
منورين

شهيد
06-10-2010, 03:07 PM
ع فكرة عنا بغزة

لما استلمنا الشهادات قبل يومين ، أعطونا منشور " بيان وزاري "

من وزارة التربية والتعليم

أنه ستمنع كل الدروس الخصوصية و ستلاحق كل منهجي هذا الطريق !!

في مقابل انها ستفتح مراكز مسائية بمدرسين أكفاء ليحلوا محل الدروس الخصوصية

:

طيب واللي خلقني ما عمرها حتمشي هالشغلة لأنه اساسا المبلغ يللي بياخده

المدرس من وراء الدروس الخصوصي بيخله يبني برج من بيت

مدرسين من يللي علموني سافروا على مصر ودرسوا دكتوراه من ورا الخصوصي !!

عاشقة فلسطين..
06-10-2010, 03:12 PM
ع فكرة عنا بغزة

لما استلمنا الشهادات قبل يومين ، أعطونا منشور " بيان وزاري "

من وزارة التربية والتعليم

أنه ستمنع كل الدروس الخصوصية و ستلاحق كل منهجي هذا الطريق !!

في مقابل انها ستفتح مراكز مسائية بمدرسين أكفاء ليحلوا محل الدروس الخصوصية

:

طيب واللي خلقني ما عمرها حتمشي هالشغلة لأنه اساسا المبلغ يللي بياخده

المدرس من وراء الدروس الخصوصي بيخله يبني برج من بيت

مدرسين من يللي علموني سافروا على مصر ودرسوا دكتوراه من ورا الخصوصي !!


غريبة بس...:ShababSmile248:

دمع المطر
06-10-2010, 03:18 PM
ع فكرة عنا بغزة

لما استلمنا الشهادات قبل يومين ، أعطونا منشور " بيان وزاري "

من وزارة التربية والتعليم

أنه ستمنع كل الدروس الخصوصية و ستلاحق كل منهجي هذا الطريق !!

في مقابل انها ستفتح مراكز مسائية بمدرسين أكفاء ليحلوا محل الدروس الخصوصية

:

طيب واللي خلقني ما عمرها حتمشي هالشغلة لأنه اساسا المبلغ يللي بياخده

المدرس من وراء الدروس الخصوصي بيخله يبني برج من بيت

مدرسين من يللي علموني سافروا على مصر ودرسوا دكتوراه من ورا الخصوصي !!

معقول ؟؟ عنجد أنا ما بعرف شو أحكي بهيك موضوع ،يعني ... في كتير مدرسين ما بيشرحوا بضمير حتى الطلاب يضطروا باخدوا دروس عندهم ،فبهيك بتكون الوزارة معها حق
بس كمان بنفس الوقت في طلاب ممكن ما قدروا يركزوا تمام التمام مع الاستاذ أو حابين يتقوا فهيك همي لازمهم دروس وبما انها الوزارة بالمقابل فتحت مراكز رح تحل المشكلة بالنسبة للطلاب ،بس كمان الأستاذ صفى عنده مشكلة تانية لأني متل ما فهمت منك انه المبلغ ضئيل ،فهاد مو مشجع اطلاقا للاستاذ ،لإنه شو جابروا حتى يعطي دروس ويغلب حاله وبالمقابل مو محرزة الشغلة
بس ان شاء الله ما يعملوها عنا بالضفة ،لاني مفكرة بهالصيفية آخد دروس
منور محمود

دمع المطر
06-10-2010, 03:19 PM
غريبة بس...:ShababSmile248:

غريبة بعقل :ShababSmile258:

شوق الحنين
07-01-2010, 03:25 PM
موضوع حلو ,,,, بس أنا نفسوا بزبط اجاني ايميل من رفيقتي .....

دموع الغربة واشواق العودة
07-01-2010, 07:11 PM
ههههه شايفة الي بعيش بالسعودية بشوف كتير
بس ام كرشة وام كرشتين هاي اول مرة اسمع فيها
هههههههههههههههههه
هادا هو غباء الطلاب الي هون
وكمان
هادا هو غباء الاساتذة والاستاذات الي هون
فالاسلوب الفاشل بيخرج جيل فاشل
لو انهم اتبعو اسلوب آخر في التعليم واسلوب آخر في المناهج الدراسية
لكانو خرجو افضل جيل ..بس شو بدو الواحد يحكي
اصلا هدول حرام ينجحو
ولا جربوع جاي وعامل حالو ابو عنتر عليهم
لا اسلوب الشدة بينفع ولا انو يطلعو ع الصف التالت وهما مابيعرفو يقرو الاحرف
هالطرق هاي رح تخرج جيل جااااااهل
شكرا الك كتييير
ياعسل
..^.^..

دمع المطر
07-16-2010, 09:33 PM
منورة يا عسولتي ،،بجد مرورك أسعدني