..{ طبخة ستي وستك ~ من مطبخ شباب فلسطين }..

[عين فلسطين]

مرحبا كيفكن صبايا
يمكن هاد اول موضوع انزلو بقسم المطبخ ويا ليت يعجبكو :ShababSmile229:

انا كل المواضيع اللي بشوفها هان بتكون اكلات غريبة او اشيا جديدة
انا حبيبت اغير واخليها اكلة من عصر ستي وستك:ShababSmile224:

اكلة قديمة يمكن في كتير ناس ما بيعرفوها او بيعرفوها وبطلو يعملوها

الخبيـــــــــــــزة

http://rooosana.ps/Down.php?d=iLU8

هي ما الها مقادير هي ع البركة متل ما بحكو

اول شي بتجيبي الخبيزة وبتغسليها منيح وبتخليها تتصفى

http://rooosana.ps/Down.php?d=ckrq




بعدين بتحطيها بالطنجرة وبتحطي عليها مي مغلية تقريبا لتر ما تغطيها لانها رح تنكمش وبتقلبيها وبتغطيها وبتتركها تغلي 10 دقايق

http://rooosana.ps/Down.php?d=AVfI

بعد هيك بتحطيها بالخلاط وبتخلطيها بتخلي شوي ما بتحطيها بالخلاط عشان ما تطلع الطبخة شوربة


بعدين بتعملي الدقة تبعتها عبارة عن عين جرادة او شبت ناشف بعض الناس بسموه وكزبرة ناشفة و وملح ع حسب الطبخة وثوم وفلفل احمر ناشف وبتدقيهم وبتحطيم ع الطبيخ وبتخليهم يغلو دقيقتين

http://rooosana.ps/Down.php?d=htqJ

بعدين بتجيبي معلقة برغل او مفتول ناشف وبتحطيها معهم ع النار
http://rooosana.ps/Down.php?d=VdkN

بقلاية تانية بتحطي زيت وبتجيبي بصلة مقطة وبتقليها وبعدين بتحطيها ع الطبخة وبتخليها دقيقتين وبتطفي عليه وبتقدميه اما بيتاكل بالمعلقة او بالخبز

http://rooosana.ps/Down.php?d=tls6



وصحتين وهنا :ShababSmile116:

http://rooosana.ps/Down.php?d=iLU8

[Maram .. ~]

يـآ عيـني ..,

نــآيس نـآيس :ShababSmile240:

كنــت و أنـآ صغيــرة أحكيلــهآ ملوووخيــة :ShababSmile221:

شطورة يـآ بطــة .. طلعتــي بتعرفي تطبخـي :ShababSmile222:

المــرة الجــآية إعمليلــنآ سمــآقــيــة :ShababSmile250:

يعطيكــي العـآفيــة عيــنتــي ,.

:ShababSmile229:

[rawaa]

مممممممم ماما كانت تحكيلي عنها بس انا مادئتها يسلمو حبيبتي

[Pink Rose]

قد ما بسمع عنها بس ما عمري دقتها !

بتشبه الملوخية كتييير ..

يسلمو هالايدين يا عسل ^^

شطورة ما شاء الله عليكي :)

[حنين04]

طيبه كتير بس أنا ماما وأنا بنعملها بدل البرغل بنحط رز بتوقع مش كتير بتفرق

[بنت فلسطين المجروحة]

نايس

معدلة ياعين


تسلم ايديكي

[PaLeStiNe FlOwEr]

عكس طريقتنا تماما

بس حلو خلينا نجربها

موفقة عين

[إسراء الفلسطينية]

نحنا كمان منعملها بطريقة غييير

بتكون جامدة !

بس ع الحالتين بضلها خبيزة .. وانا بحبها كتير ^ــ^

تسلم ايديكي يا قمر

يعطيكي الف عاافية :)

[عبير الورد]

يسلمو كتير خيتو بموت فيها هالاكله

[عين فلسطين]

نروتي صبايا :d

[هدهد أوربا]

ولا تنسي .. نص حبة ليمون على الخبيزة بصير الواحد زي السلطان فيها هههههههههههههههههه..بموت عليها الخبيزة وكمان فيه العلت والعكوب برضو زاكيات ومن التراث العريق..قبلاتي لاقدامك الطاهره سيدتي.


http://www.lemonlawattorneycalifornia.net/wp-content/uploads/2011/05/San-Diego-Lemon-Law-Attorney.jpg