..{ طبخة ستي وستك ~ من مطبخ شباب فلسطين }..

[عين فلسطين]

مرحبا كيفكن صبايا
يمكن هاد اول موضوع انزلو بقسم المطبخ ويا ليت يعجبكو

انا كل المواضيع اللي بشوفها هان بتكون اكلات غريبة او اشيا جديدة
انا حبيبت اغير واخليها اكلة من عصر ستي وستك

اكلة قديمة يمكن في كتير ناس ما بيعرفوها او بيعرفوها وبطلو يعملوها

الخبيـــــــــــــزة



هي ما الها مقادير هي ع البركة متل ما بحكو

اول شي بتجيبي الخبيزة وبتغسليها منيح وبتخليها تتصفى






بعدين بتحطيها بالطنجرة وبتحطي عليها مي مغلية تقريبا لتر ما تغطيها لانها رح تنكمش وبتقلبيها وبتغطيها وبتتركها تغلي 10 دقايق



بعد هيك بتحطيها بالخلاط وبتخلطيها بتخلي شوي ما بتحطيها بالخلاط عشان ما تطلع الطبخة شوربة


بعدين بتعملي الدقة تبعتها عبارة عن عين جرادة او شبت ناشف بعض الناس بسموه وكزبرة ناشفة و وملح ع حسب الطبخة وثوم وفلفل احمر ناشف وبتدقيهم وبتحطيم ع الطبيخ وبتخليهم يغلو دقيقتين



بعدين بتجيبي معلقة برغل او مفتول ناشف وبتحطيها معهم ع النار


بقلاية تانية بتحطي زيت وبتجيبي بصلة مقطة وبتقليها وبعدين بتحطيها ع الطبخة وبتخليها دقيقتين وبتطفي عليه وبتقدميه اما بيتاكل بالمعلقة او بالخبز





وصحتين وهنا

[Maram .. ~]

يـآ عيـني ..,

نــآيس نـآيس

كنــت و أنـآ صغيــرة أحكيلــهآ ملوووخيــة

شطورة يـآ بطــة .. طلعتــي بتعرفي تطبخـي

المــرة الجــآية إعمليلــنآ سمــآقــيــة

يعطيكــي العـآفيــة عيــنتــي ,.

[rawaa]

مممممممم ماما كانت تحكيلي عنها بس انا مادئتها يسلمو حبيبتي

[Pink Rose]

قد ما بسمع عنها بس ما عمري دقتها !

بتشبه الملوخية كتييير ..

يسلمو هالايدين يا عسل ^^

شطورة ما شاء الله عليكي :)

[حنين04]

طيبه كتير بس أنا ماما وأنا بنعملها بدل البرغل بنحط رز بتوقع مش كتير بتفرق

[بنت فلسطين المجروحة]

نايس

معدلة ياعين


تسلم ايديكي

[PaLeStiNe FlOwEr]

عكس طريقتنا تماما

بس حلو خلينا نجربها

موفقة عين

[إسراء الفلسطينية]

نحنا كمان منعملها بطريقة غييير

بتكون جامدة !

بس ع الحالتين بضلها خبيزة .. وانا بحبها كتير ^ــ^

تسلم ايديكي يا قمر

يعطيكي الف عاافية :)

[عبير الورد]

يسلمو كتير خيتو بموت فيها هالاكله

[عين فلسطين]

نروتي صبايا :d