زميلي وزميلتي

[مبروك ما اجاكم]

السلام عليكم


اكيد في كثير منا بيدرس فالجامعة حاليا اي جامعة كانت مش مهم
وفي كتير بيستنو تينجحو ويدخلو جامعات

بس والله فالجامعات منشوف شوفات غريبة وعجيبة
يعني بتلاكي الشب بيضحك مع البنت كانها اختو بيضربها اوكات عن مزح كال
بيركضو بيلعبو بيطلعو رحلات
وابصر شو كمان
ولما تيجي تسالو او تسالها بيحكو احنا زمايل
والله ومرحبا زمايل

فانتو شو الضوابط عندكم لعلاقة طلاب الجامعة مع بعض
هل عنجد انهم زمايل بتيح الهم المزح والفرفشة ومن هالحكي
او يعني اشي ومنو مزح عالخفيف بس

ويا ريت كل واحد يحيكي الي بقلبو

فشو رايكم بالموضوع

[مبروك ما اجاكم]

^^

[سيف العرب]

قلة حيا وذوق ... والاهم قلة دين

[موسيقى الصمت]

اسمك غريب نوعا ما " مبروك ما اجاكم " هههه مبرووك على أية حال
أنا معك اخي بكل كلمة ذكرتها
أنا ادرس في جامعة بيرزيت و وبغض النظر عن الجامعة فعلاً الاحظ كثير من هذه التصرفات .. لكن بالإضافة إلى وجود متل هذا النوع من الشباب " وأقصد بالشباب الجنسين من فتيات وشباب" هناك الفئة الملتزمة بلا شك ..
لا أحد ينكر وجود الزمالة في الدراسة لكن يجب ان تكون في حدود المعقول وفي نطاق ديننا الإسلامي .. لكن متل ماذكر أخ سيف العرب نابع عن قلة دين .. مع أن هناك مسيحيين لا يتصرفون تلك التصرفات التي يتصرف بها المسلمين أنفسهم .


عندما ننهي مرحلة المدرسة فعلى الجميع أن يعرف ماهو العالم الذي سيدخل عليه وهو عالم الجامعة وفي هذا المجتمع فإن الطالب يخالط اناس من فئات مختلفة وكل واحد على عادات وتقاليد مختلفة . فعلينا ان نتمسك بدييننا ولا نجري وراء الانسياق الاعمى لتلك العادات ومصاحبة الجنس الآخر وما يتبعه. ولا ننسى الهدف الرئيسي من دخولنا الجامعة وذلك السبب الذي يتناساه المعظم .

[مبروك ما اجاكم]

سيف شكرا الك كلامك سليم

خيتي موسيقى شكرا على المشاركة والله يبارك فيكي هههه
كلام صحيح لا ازيد عليه
لاكن لازم الواحد فينا شب كان او بنت يوعو الطلبة الجداد خاصة البنات من هيك اشيا
ولازم انعرفهم بحدود علاقة الزمالة
منورة

[بنت الجبل]

السلام عليكم اخي والله موضوعك مهم
انا بالنسبة الي الزمايل مو هيك الا ازا بحدود المعقول واهم شي البنت تكون تقيلة ومو سهله بلا ما يستغلوها الشباب والعلاقة بس الدراسة مش اكتر اما مياعة ومسخرة بلا منها لانه بتودي لاشيا خطيرة

تقبل مروري لك جزيل الشكر

[مبروك ما اجاكم]

وعليكم السلا خيتي
الثقل المطلوب والركازة مهمة
لانو والله الي منشوفو بخلي الواحد يحكي انو شرش الحيا طك
وما عاد في اخلاق
شكرا الك منورة الموضوع

[أنثـــى]

الضوابط قد حددها الله منذ زمن وأنزل فيها شرعا كاملا مكتملا يا أخي

لا تجوز أي مزحة أو لمسة تحت هذا المصطلح .. وكذلك أي كلمة خارج نطاق الدراسة والاستفادة
طبعا بدون خضوع أو لين من الجانب الأنثوي .
الضابط هنا شرعي ومنه نستمد كل فقه حياتنا .!

[.. ليآل ~]

الحمد لله انا درست بجامعه مافيها اختلاط

واجمالا والحمد لله السعوديه مافيها اي صرح تعليمي مختلط

لكن الاخلاق هي بترسم حدود لهالعلاقه بين الشب والصبيه

لو كل واحد حط مخافه ربنا ئدامه وتعاملمع هالبنت انها اختو والبنت كمان اتقت ربها وتركت الغنج والدلع والحركات الي بتلفت النظر بيمشي الحال

//

رغم اني من اشد المعارضين للاختلاط في الجامعات او المدارس

//

شكرا خيو مبروك ،،، وين هالغيبه ؟؟

[همسة العشاق~]

اكيد الا ما يكون في زمالة بين الشب والبنت بس مش هيك هاد بتسمى قلة ادب مو زمالة


والزمالة مهما كانت لازم تكون بحدود

يسلمو ع الموضوع الرائع