قلق وناااااار وصحن واولاده

[سلامــــ]

بسم الله الرحمن الرحيم
هالمره جايبه موضوع للنقاش مو للنئاش عشان ما حدا يعلق عليه مو يعلء اوكي .. اتصبرو شوي رح نبداا صبر صبر ..
بسم الله
كم سنه تفني حياتك بالدراسه من بدايات المراحله التمهيديه والتحضيريه والابتدائي وحتى الاعدادي ومن ثم الثانويه فالتوجيهي .. هنا واضعه نقطه وسطر جديد ..
طبعا سنين تعب وشقاوه وسهر وذهابا وايابا للمدارس و استنزاف موارد الوالدين من اموال وطعام ولباس صح الكلام لحد الان
وبالاخر تدق الطبول فرحا وزفافا و ابتهاجا لنجاح الفتاه او الشاب بالتوجيهي ويتوالا المهنئين واحد تلو الاخر ..وال جايبين هديه كاسات وابوهم .... و صحن وولاده .. بعشره شيكل .. وبتقول ام الناجح شفتو فلانه جبتلها هديه حلوه وجابتلي صحن واولاده .. ما علينا .. منكمل الموضوع
حتى يبدا الناجح باختيار التخصص الجامعي .. وبعد كل هالتعب والسنين بروح بدرسلي سنتين كليه تاريخ الوطن العربي .. او مدرس لغه عربيه .. او الاهبل بدرس مساحه جويه .. يعني بدو يمسح جو قلسطين هههههههه .. المهم هلا و المطروح للنقاش
بما انك انهيت التوجيهي ما هي العوامل الموثره لاختيارك للتخصص الدراسي وما هو طموحك الفردي لمستوى التعليم من دبلوم بكالوريوس ماجستير دكتوراه ... ؟؟؟؟

[Maram .. ~]

موضوع كتير حلو حبيبتي ..

ممـ السؤال مطروح للي أنهو التوجيهي .. و أنا لسآ المشوآآآر قدآمي طويييل

الله يستر بس ..

فـ بترك الإجآبهـ لغيري ^_^

يعطيكي الف عافيهـ سلآم ..

=)

[iwan]

^_^ ههههه سلام بغض النظر عن ألو وقولنا

مشان ما حد يتهزا عليكي

بجد الموضوع كتير كتير مفيد وحساس بنفس الوقت

وربي انك اصبتي لب الموضوع في حياتنا

راح انصح طلاب توجيهي , ويا ريت لقيت حد ينصحني اياها وانا بتوجيهي او لمن خلصت

يا شب ويا صبية

ما تفوتي التخصص يلي بتحبيه , هادا الكلام مو بفلسطين

راح تقلي انو التخصص يلي بتحبوا راح تنجز فيه

بقلك لا وقف عندك ,, عندك 100 حاجة اتوقف انجازاتك

حاول اتشوف اخر الطريق قبل ما تسلك هاد الطريق

شوف الفرصة

ازا ما في فرصة بالتخصص يلي بدك اتفوته بلا منه

خطط لحياتك منيح من الاول

مشان احلامك يلي بتحلم فيها تتحقق

الشب الفلاني احسن منك

الصبية الفلانية احسن منك

عندهم سيارة وحساب بالبنك

بتعرفوا ليش لانهم خططو واتعاملوا انو الحياة فرصة

قوي نفسك على حسب الفرصة المتاحة الك في مجتمعك

ونصيحتي ارجوا لمتخصص معين في الكلام يلي بحكيه

في شركة بغزة اسمها الشركة العالمية للتخطيط الاستراتيجي

الدكتور : يونس ابو ندى

دكتور بالتخطيط الاستراتيجي

هو يلي دربني على هل الكلام

الي بجد مش قادر يختار التخصص يلي بدوا يدرس فيه او مش عارف وين الفرصة قدامه

يروح على هاد الدكتور


يعطيكم العافية

ايــــــــــوان

[سلامــــ]

يا هلا جست مي .. مرورك و حضورك بين صفحات مواضيعي المتواضعه يجعل قلبي يرهج رهجا كلمع الذهب الغجري بقاروره ليل بوسط البحر تشع بصيص امل للصداقه ,,

يسلمو يا ايوان على مرورك السخي و اضافاتك الرائعه للموضوع فعلا انو النصيحه يمكن تجعل من الطالب صاحب خطه حكيمه وتخطيط استراتيجي
هههههههههههه تخطيط استراتيجي بعمل شعور حرب ههههههههه
تخيلي يا ايوان بدرس تاريخ الوطن وجغرافيه .. ومازا يحد الوطن العربي من الشرق هههههههههه

[iwan]

هههههههههههه تخطيط استراتيجي بعمل شعور حرب ههههههههه
تخيلي يا ايوان بدرس تاريخ الوطن وجغرافيه .. ومازا يحد الوطن العربي من الشرق هههههههههه

ههههههه ^_^

سلام

بصي في ورقتك ما تفقنا في غش

يعطيكي العافية

بحد الموضوع مهم حاولوا تهتموا فيه اكتر من هيك

[انتهينا]

الله يوفق الكل

بس انت بتكتبى بالفصحى يعنى طيب ما كان من الاول تريحى نفسك وتريحينا

هالسؤال موجه اللى كانوا بالتوجيهى

انا خلصته من 3 سنوات وبدرس فى الجامعه

اللى انا دخلتها مشان استخسار المجموع مش اكتر

بس بعدين صرت احبها كتير

فى الاخر

الخيره فيما اختاره الله

مش شرط التخصص اللى تحبه دا كلام بيكون براسنا بس واحنا لساتنا فى التوجيهى

بس بعدين بالعئل راح يفهم الكل انه اهم شىء تخصص يفيد الناس وبالتالى هتحب التخصص

[سلامــــ]

يا هلا ايوااان ... هههههههههههه فعلا ما تفئنا نغش يلا نشوف

اي انتهينا بكتب بالفصحى ومنيح كمان ومنوره الموضوع وما ئلتي شو تخصصك بالجامعه

[haya-jor]

موضوع جميل

يا اخي الكريم عملية اختيار المستقبل ورسمه مش شيئ سهل ولا شيئ بسيط ,, ولا شيئ يترك الطالب ابو 18 او 17 سنه يحددو لوحده دون توعيه او على الاقل معرفه مساوئ ومحاسن جميع الاختيارات
وبما انو احنا بنعيش بمجتمع غريب عجيب فلا تستبعد من طالب حصل على درجات عاليه جدا في الثانويه العامه ويدخل اخر شي بستنه ومحاصيل وطالب طلعت عليه مواد يدخل طب (( متل حالتي )) ... هون في دور لشخصية الطالب وطموحو وفكرو .. كثير بقابل طلباب شباب وبنات بكونو السنه الجاي توجيهي او خلصو توجيهي ولحد الان مو عارفين ايش هو ميولهم و شو التخصص إلي بلاقو حالهم فيه .. وفي طلاب بتكون امالهم واحالاهم اكبر من الواقع الي هما فيه واكبر من قدرة اهلم وهوون الاحباط بسبب الهم ردة فعل رهيبه بيث انو بقبل يكون حيالله شي مقابل هادي الضروف .. وفي اخرين طموحهم لا يتعدى اربع سنين دراسه ادب تاريخ طبخ فت تشكيلي اي شي بس بالاخر شهادة باليد ...
رح اتلكم عني انا شخصياً كانت تجربت التوجيهي اسوأ تجربه بحياتي طلعت علي ماده وتعطلت عن الجامعه فصل كامل
وما صحلي طب بالأردن فا اظطريت انو اقنع اهلي يغربوني وهادي بحد ذاته مو اي بنت بتقدر توصل لقرار انها تتغرب مقابل حلم او طموح ومن هاد الدافع والاصرار فعلا وصلت للي بدي ياه وبرغم من المأسي الي الواحد بعيشها لكن ما في احلى من انو الواحد يشعر انو بقترب من هدفو وحلمو ,, وهاد الشي والاصرار ما بيجي من وراى اهل ما بهتمو بمستقبل بنتهم او ابنهم وبقبلولهم بالقليل يعني بشكل مختصر متل ما الطالب الو دور الاهل الهم دور كبير جدا بي تحديد ارتفاع سقف الطموح للطالب وبي فتح المجال الو بأي طريقه كانت

وسلامتك وتعيش

[iwan]

haya-jor

good jop

بس بدي احكي مقولة كتير منيحة

انو ما في حاضر

لانو الحاضر بينتهي فحالة حدوثة

يعنى الحياة مقسمة ماضي ومستقبل

استفيد من تجارب غيرك بالماضي

واستقرأ المستقبل راح توصل لحلمك

عن طريق المعرفة

لازم تكون بتعرف

ما تكون ( دونت نو )

ازا حكيت انت انسان واقعي بتكون بتشتم نفسك

لازم يكون عندك جلم ومشان تحققه لازم تكون مش واقغي

الحلم لازم ينتعب عليه

بس لازم كمان تحلم على قدك

ويعطيكم العافية كمان مرة ^_^

ايوان

[سلامــــ]

هيا مرورك اتحفني واسرني واسعدني .. وردك الجميل المفعم بعبق احبار القلم النقي ..
نعم احيانا يكون صاحب شهادة التوجيهي لا يملك القرار و احيانا الضروف الماديه للتخصص باهظه الثمن .. واحيانا اخرى تدني المعدلات لا يسمح بتحديد الدراسه المختاره ..
ولكن بالاغلب يحتاج طالب التوجيهي للتوجية و النصيحه
والله الموفق