بوسة إيد الحماية والحماه << هل هي عادة سيئة ,, تقاليد ,, أم احترام ؟!

[فراشة]

[ .. السلام عليكم ورحمة الله وبركاتة ~]

سؤالي للجميع دون استثناء ~


بما أنا من المجتمع الفلسطيني والعربي ,, فلازم ألفتكو لـ هل عادة ..


تقبيل يد الحماه والحماية ... هل بتوافقو انكو تبوسو ايدهم مستقبلا ؟؟؟


ولشو لزومها هالعادة ؟؟


طيب لو ما كانو كبار كتير ... لازم برضو كل ما نشوفهم نبوس أيدهم






طيب ليش المفروض نحنا البنات نبوس ايدهم ؟؟ وليش الشب مثلا ما بيبوس ايد حماته وحماه ؟؟


وهل انتو متعودين تبوسو ايد أبوكو وأمكو من الصغر ?? ...

أبلش بنفسي أنا ,,,

طول عمري مو متعودة أبوس أيد أمي وابي ...


حتى لما يرجع من السفر مثلا بابا ..


بس انو بنسلم عليهم وعخدهم


ف


لما خطبت ,,, شفت أنو مرت أخو خطيبي ... لفة صح (سلفتي )


بتبوس أيد حماها وحماتها .... ف صرت أفكر ... والله بخجل منها هالعادة وما بحبها أبدا


المهم طنشت وصرت أسلم عليهم عادي ,,, لهوه خطيبي بيحكيلي ليش ما بتبوسي ايد امي وابي


فهمتو أنو مو متعودة وهالئصص ,,, بعدين أول ما شفتهم تاني وطيت وبست أيدهم ... لهوه صارت الابتسامة


من هووون لهوووناك ماكان متوقعها مني ...





كلكو رح تنحطوا بنفس هالموقف ,,, بتمنى انكو تتفاعلو معي



بأنتظار مشاركاتكو

[إسراء الفلسطينية]

تقبيل يد الحماه والحماية ... هل بتوافقو انكو تبوسو ايدهم مستقبلا ؟؟؟

ممممـ انا بالنسبة الي .. ما عندي أي مشكلة ..

لانو حيكونوا متل أهلي .. و واجب عليّ احترامهم .. ومعاملتهم متل أهلي

ولشو لزومها هالعادة ؟؟

إحتراماً الهم :)

ولحتى يحسوا اني فعلا متل بنتهم ^ــ^ <<< حاسة حالي عم بحكي كإنو عندي حما وحمايه

طيب لو ما كانو كبار كتير ... لازم برضو كل ما نشوفهم نبوس أيدهم

مممممـ

هاي ما فكرت فيها والله

بس حسب كيف طبعهم .. بركي ما طلعوا بحبوا بوس الإيدين

طيب ليش المفروض نحنا البنات نبوس ايدهم ؟؟ وليش الشب مثلا ما بيبوس ايد حماته وحماه ؟؟

هل شغلة بترجع لكل واحد وطبعه .. وطريقة تفكيره ..

يعني من اللي بشوفو ..

فبابا ببوس إيدين تيتا وجدو .. وما عندو أي مشكلة ..

وبعتقد في رجال كتير غيرو بيعملوها كمان :)

وهل انتو متعودين تبوسو ايد أبوكو وأمكو من الصغر ?? ...

يـــس

خصوصا ايد بابا ,, من لما كنا صغار تعودنا ع هل شي ..

ولحد هل لحظة .. لما يجي من برا .. او لما يجي من السفر

بكل الأوقات ,, وحتى من غير مناسابات

ماما .. ما بتحب حدا يبوس إيدها ههههههههههههههه >> يعني ما بتحب انو ع الطالعة والنازلة نروح نبوس إيدها زي بابا ..


//

موضوع كتيير حلووو حبيبتي فراشة

يسعدلي ياكي ..

ما ننحرم حبيبة قلبي

[فراشة]

والله يا اسرااء بعرف أنو احتراما ولينبسطوا فيه انو صرت متل بنتهم ...


بس أنا طبعي ما بحب ابوس ايد حدا ,,, بستحي ... يمكن لأني مو متعودة ..


ماما وبابا ما بحبو نبوس ايدهم ...


بس بعد خطبتي بيحكولي ليش تبوسي ايد حماتك وحماكي ونحنا لا


حليت هلاء ههه ...


تسلميلي ع الرد الفهمان ياعسل


ما ننحرم هـ الطلة

[limar]

صراحة بتعتمد نفسيتهم

ازا بستاهلة من الاحترام تبوسي ايدهم

اما ازا اخدين هالخطوة للازلال مافي داعي منها

انا ببوس ايد امي عطول على الطالعة والنازلة

حتى هي بتزهئ مني مرات

باخد الموضوع مزحة بضل احكيلها ارضي علي كل 5 دئايئ

بس بابا لا ولا مرة ما بزكر هيك شي

وما بعرف ليش كمان

وبالنسبة للحما والحماية رايي متل ما ذكرت حسب شخصيهم

ما راح نختلف انو الاحترام واجب كرامة لزوجك او خطيبك

حتى لو ما استاهلو مثلا الاحترام واجب بس في الف طريئة غير بوسة الايد

اما ازا بستاهلوها بالنسبة الي مافي مشكلة

[قسامي غزة]

عادي يا فراشة
انتي لما تبوسي ايد حماتك ما فيها شي احترام الها او حماكي
يعني انتي راح تعيشي عندهم او تختلطي بيهم بشكل مباشر
ويمكن هتشوفيهم اكثر من امك وابوكي
يعني هاد احترام الهم وتقدير الهم
بالنسبة لزوجات اخواني الثلاثة بالاضافة لزوجتي كلهم بيبوسوا ايد ابي
وطبعا امي متوفية رحمة الله عليها
يعني شي طبيعي وعادي
اما انا عمري ما بست ايد حماتي
ليش ابوس ايدها هوا ما فيها شي بيني وبينك
وهية مثل امي
بس ما عنا عادات انوا نبوس ايد حماتي
مشكورة فراشة علي الموضوع
وربنا يوفقك مع خطيبك واهلوا
وموفقة يارب

[limar]

قسامي اشمعنا زوجتك بتبوس ايد الوالد

وانتا لا

ما دام هي بتئوم بهالشي معناتو هالعادة موجودة عندكم

ازا مو شايف فيها شي ليش ما بتعملها !!

[قسامي غزة]

المشاركة الأصلية كتبت بواسطة limar قسامي اشمعنا زوجتك بتبوس ايد الوالد

وانتا لا

ما دام هي بتئوم بهالشي معناتو هالعادة موجودة عندكم

ازا مو شايف فيها شي ليش ما بتعملها !!

مين قلك انا ما ببوس ايد والدي
انا كل ما بروح عليه ببوس ايدوا
انا بحكي ما ببوس ايد حماتي
اما ايد ابي ببوسها دائما

[السيف عدي]

راي ليمار مزبوط .. ازا بستاهلو هالشي ممكن ..

بس انا راي انو الام هي الوحيدة اللي بتستاهل هالشي ..

[limar]

مين قلك انا ما ببوس ايد والدي
انا كل ما بروح عليه ببوس ايدوا
انا بحكي ما ببوس ايد حماتي
اما ايد ابي ببوسها دائما

ههههههههههههههه

فهمتني بالعكس

القصد

ما دام زوجتك بتبوس ايد والدك

ليش ما بتبوس ايد والدتها

انتا حكيت انو ماعندكم هاي العادة

لو ما عندكم ياها ما كان زوجتك بتبوس ايد والدك

حكيت كمان بتعتئد انو مافيها شي لو بست ايد حماتك

ومع هيك ما بتبوسها

هادا سؤالي اخي

[بنت فلسطين المجروحة]

بصراحة هاي اول مرة اسمع فيها !!

انو لازم البنت تبوس ايد حماتها :$

عن نفسي ماعندي مانع ،، لأنه راح يكون فيها تحبب الهم وبالتالي تحبب لخطيبي اللي هو زوجي مستقبلا :)

عن نفسي ببوس بابا من ايده لانه بحبش ابوسه من راسه


شكرا عالموضوع فراشة


الله يهنيكي حبيبتي