:. ما الذي يجبر الفتاة على هذا .. ؟!! دعوة للنقاش .:

[القلب الطيب]

بسم الله الرحمن الرحيم

السلام عليكم ورحمة الله

ما دفعني لكتابة هذا الموضوع هي تلك الاخبار التي سمعتها عن العائلة

نبدأ بأول خبر

احد اقاربي الذي بترت قدمه في الحرب الاخيرة على غزة .. تقدم لفتاة للزواج منها

ووافقت الفتاة على الرغم من ان العريس قدمه مبتورة

والفتاة لا ينقصها شيء من جمال وعلم وكل شيء و الكمال لله
طبعا

ثاني خبر

شاب يده مبتورة ايضا تقدم للزواج من احدى قريباتي خريجة الجامعة الاسلامية بتقدير امتياز

وجمع الله بينهما على خير


ثالث خبر

جارنا مشلول تزوج من فتاة معافاة تماما


وانا على علم هناك الكثير من هذه الحالات


والان /

ما الذي يجبر الفتاة على ان تتزوج شاب ينقصه احد الاعضاء


سؤال آخر

هل تقبلين بزوج دون قدم او يد اذا كان لك حرية الاختيار تماما


في انتظاركم

[Twin]

والله يا طيب فكرت كتير وانا بقرأ بالموضوع


لانو كتير مرت عليي حالات هيك .. واجا ع بالي الموضوع هاد ,,


بس يمكن من منظور اخر ,, انو لو البنت الي فاقده احد اعضاءها .. هل ياترى الشب بيوافق


انو يتزوجها ؟؟


لكن لو انا ما بوافق ...


لو كان قدري اكيد ربنا رح يزوجني ياه غصب عني ..


يسلمووو القلب الطيب ... يعطيك العافيه

[أمل]

كل وحدة طبعا بتتمنى انو يكون شريك الحياة في شكل مقبول

و يمكن ما تقبل الي بدو يخطبها يكون مشلول او مبتور احد الاطراف
//
برأيي الشخصي و الحمد لله بما إنو حرية الاختيار ما عندي فيها مشكلة بقول:

لو كان هالشخص على دين و خلق و تعليم يوافق مستوى تعليمي ..

يعني انسان مثقف و ذو شخصية..

ما بعترض و اهم شي انو هاي الايد او الرجل الي بثرت كانت من اجل بلادو و في سبيل تحرير ارضو و إرضاء ربو..

فالبعكس هاي بتكون وسام شرف الي و بعتز وافتخر فيها قدام الكل..

وكونو عندو هالعذر ما بيلغي حقو فأنو يتزوج من فتاة ذات جمال او منصب..

وكام من واحد سوي الاطراف بس ما بيرقى للمطلوب..

يعني هاد رأي شخصي يعني بدون ما أحكي عن مسألة الي كتبو النا ربنا هاي مسألة مفروغ منها..


//

يسلمو ع الطرح المميز

[إيمـان]

ما الذي يجبر الفتاة على ان تتزوج شاب ينقصه احد الاعضاء ؟؟ لاحد اكيد هي راضيه بنصيبهاااا اكيد اما اذ احد جبرهااا هاد اشي تاني


سؤال آخر

هل تقبلين بزوج دون قدم او يد اذا كان لك حرية الاختيار تماما ؟؟ نعم بدي احكي بصراحه لانو ممكن اتزوج واحد كامل مكمل والله له الكمال وحده .. بس يسيرو حادث ام اصابه وينشل ويصير عاجز سبحان الله الله قادر على كل اشي

[إيمـان]

مموضوع مميز ياريت كل البنات والشباب يجابوووووووووووووو

[جرحٌ بملامح انسان]

بعتقــد انـه بنـت هيـكـ بيكـون هـدفهـآ الأجـر وابتغـآء مرضـآهـ اللـه ..

وهـي بـرآيي بتكـون حيـآتهـآ معـه بحــد ذآتهـآ جهـآد ..

..

أنـآ كشـآب ..

لـو توجـه الســؤآل الـي ..

عشـآن أكـون صريـح ودون مبـآلغـة كمـآن :)

لـو كـآنـت هـآد البـنـت بعرفهـآ وبـدي ايـآهـآ مـن قبـل الحـآدثـة الي صـآرت معهـآ .. مـآ رح أتخلـى عنهـآ


لكـن لـو قــررت انـي أتزوج وعرضـوا علـي بنـت بهـآد الحـآلـة .. مـآ بـوآفـق ..

هـآد رأيي بكـل صـرآحـة ..

:)

[CoOl GiRl..~]

شكرا لك ع الطرح الجميل أخي القلب الطيب ..



وبالنسبة لأسئلتك ::
ما الذي يجبر الفتاة على ان تتزوج شاب ينقصه احد الاعضاء

والله أنا بشوف إنو السبب هو طيبة قلبنا وحبنا لمساعدة الناس والحنان الزايد يلي عنا ، بس أتوقع إنو لو رجال إجى يتقدم لوحدة وعرف إنو ناقصها إيد ولا رجل ببطل لأنو بفكر إنو ما فيو يعيش معها .. بس إحنا غير ..^^

هل تقبلين بزوج دون قدم او يد اذا كان لك حرية الاختيار تماما

نعم . ممكن..

[Hinata]

ما الذي يجبر الفتاة على ان تتزوج شاب ينقصه احد الاعضاء ؟؟ لاحد اكيد هي راضيه بنصيبهاااا اكيد اما اذ احد جبرهااا هاد



مستحيــل ما حد بيجبــرني أنا ع شــي .. ومستحيل أعمل هيك

سؤال آخر

هل تقبلين بزوج دون قدم او يد اذا كان لك حرية الاختيار تماما ؟؟ نعم بدي احكي بصراحه لانو ممكن اتزوج واحد كامل مكمل والله له الكمال وحده .. بس يسيرو حادث ام اصابه وينشل ويصير عاجز سبحان الله الله قادر على كل اشي


مستــحيل ما بــرضـى لو بــدى أمــووت .. هاد إلي كان نقصني

[فلسطينيه والراس مرفوع]

ممممممم

للأســف لأ =(

بصــرآحـة !

ما برضــى ..

[أسيرة الجراح]

القلب الطيب ... موضوع جد مهم رح جاوب

ما الذي يجبر الفتاة على ان تتزوج شاب ينقصه احد الاعضاء ؟؟

أعتقد إنو بكون هدفها الأجر ورضا الله ... وفعلا متل ما حكو انو العيش معاه بحد ذاته جهاد

هل تقبلين بزوج دون قدم او يد اذا كان لك حرية الاختيار تماما ؟؟

صراحة وبدن اي تعذرات ما بوافئ ...

شكرا عالطرح المميز
وياريت كل البنات يشاركو في