ما الفرق بين الغرور والثقة بالنفس

[امورة فلسطنية]

يقال بأن مابين الثقة بالنفس والغرور .. شعرة !!

وكلما ازدادت ثقة الإنسان بنفسه كلما اشتدت تلك الشعرة واقتربت من الانقطاع !!

ولا شك أن الثقة بالنفس تعتبر من العوامل الهامة التي تساعد على استقرار ورقي حياة الإنسان وتطورها ..

وكلما ازدادت ثقة الإنسان بنفسه .. كلما أصبح أكثر قدرة على مواجهة مصاعب الحياة ومتطلباتها وهمومها ..

ولكن إذا ما تجاوزت الثقة بالنفس الحد المطلوب والمعقول فإنها بذلك تصبح وبالا وخطرا على صاحبها !!

لأنها في هذه الحالة ستتحول إلى غرور ..

ولا يخفى عليكم مدى خطورة الغرور على الإنسان والمساوئ التي قد تنجم عنه !!

فهل من طريقة ياترى .. يمكننا التعرف من خلالها على مقياس ومقدار الثقة بالنفس لدينا ؟

وهل من طريقة نستطيع من خلالها أن نتجنب الوصول إلى مرحلة الغرور والوقوع في مهالكه ومداركه ؟


وأتوقف هنا لكي أتيح المجال لأقلامكم الرائعة وأفكاركم النيرة للإدلاء بآرائها ووجهات نظرها حول

السؤالين السابقين .. على أن أعود لاحقا بإذن الله للتعليق على مشاركاتكم حول هذه القضية ..


تقبلوا مني عذب التحيات

اموررررة

[الاماني الفلسطنية]

بالنسبه الي بعتبر الثقه بالنفس هي الداافع للشخص ,, يعني لو مارضيت عن نفسي واحسنت ظني


بنفسي ما رح ائدر اتقدم خطووه ,, رح اضل بمكاني وائفه لازم اقوي ثقتي بنفسي ^^


اما الغرور فهو الاعتزاز بالنفس واني اكتفي باللي حصلت عليه ودايما بتكبر وبزكر انجازاتي ,, وانا وانا واناا ..


ويمكن اكون ماعملت شي اصلا يذكر ,, بس انو غرتني الدنياا واعجبت بوضعي وحاالي ,,

....


بالنسبة الي .. ما بعرف ليش الاشخاص اللي بشوفوني للوهلة الاولى بياخدو انطباع عني اني مأنزحه


وماشية ائول يا ارض انهدي ما حدا ادي .. والله بالعكس ما بحس حالي هيك بالمرة ..


حتى خواتي ائرب الناس هيك ماخدين فكرة عني


سامحيني يا عسولة طولت بالحكي ^^


لعيونك

[حمساوي الحرية]

الثقة بالنفس اشي كبير بس هادا ما بعني انو يصير الواحد مغرور يعني في اختلاف واضح ولكن هادا بوقف على طبيعة الشخص ومدى حبه للغرور اي ان يصبح انسان مغرور فهي صفتان برأيي منفصلتان .

[قسامي غزة]

اكيد في فرق بين الغرور والثقة بالنفس
الشخص لا يسوي شي بدون ثقة في النفس
لازم نكون واثقين من نفسنا
وفي فرق كبير بين الثقة والغرور
الثقة لازم تكون في شخصية كل واحد منا
اصلا الي مش واثق من حالوا بكون ما الوا راي او قرار
لانوا مش واثق من حالوا
اما الغرور شي مختلف بيكون المغرور مبين من كلاموا انوا مغرور
وما بكون حدي طايل راسو
وبيتكلم بلهجة غريبة
يعني لهجة الغرور
مشكورة امورة موضوع حلو

[Twin]

لا شك بنتأثر جميعا بالظروف الي بتحيط فينا ... بالناس الي بنتعامل معهم ... بالأحداث الي بنتعرض الها ...


كل هاي التجارب بتضيف النا الكتير من الخبرات الي بنتعامل مع العالم من خلالها


لكن.. هل بتأثر هاي الظروف الخارجية في نظرتي لذاتي او نظرتك لذاتك ونفسك ؟


في كتير منا بيستمد هاي الثقة من الآخرين


لو ابتسم لك زميلك بالمدرسه او استاذك فهدا بيعني أنك شخص رائع ...


ولو وبخك فهاد يعني أنك في الحضيض و مافي داع لحياتك أساسا


لا اكيد

ما لازم تقديرك لذاتك انو يعتمد ( أساسا )على تقدير الي حواليك لك؟




****************


كل واحد فينا بينظر للعالم من حواليه طبقا لنظرته هوه ... مو متل ما يجب أنو يشوف العالم ...


الناس بيحكموا على الآخرين بالنسبه لخبراتهم همه ... مو طبقا لحقيقة الآخرين



وجهه نظري فقط بالنسبه للثقه بالنفس ,, اتمنى ان تتقبلوها ..


يعطيكِ الف عافيه اموره ..


كل التحيه // ..

[دموع الغربة واشواق العودة]

مشكلتي اني زمان كنت واثقة بحالي اكتر ممن ما تتصوري ..بس من بعد كلام الناس مش عارفة شو صارلي ..كلهم بيحكولي انتي متكبرة ..مع اني لما اسئل اهلي بيحكولي لا ..بس انا برأي لو زادت الثقة بالنفس رح تتحول لغرور ..ةكل واحد ونيتو مشكووووورة

[امورة فلسطنية]

يسلمو كتير على ردوركم ومروركم الرائع عنجد الموضوع صار احلى مع ردودكم