التفكك الاسري

[عين فلسطين]

التفكك الاسري

التفكك الاسري ظاهرة صارت منتشرة كتير هالايام

انت برايك شو هي اسبابه ؟؟؟؟؟؟؟؟
شو هي العواقب اللي ممكن تحدث من شانو؟؟؟؟؟؟؟؟؟؟؟
ومع مين تفضل/ي تكون/ي امك او ابوك؟؟؟؟؟؟؟؟؟؟

ترجو التفاعل
محبتكم/عين فلسطين

[شمعة الاحزان]

والله مابعرف شو بدي احكي
الي رجعة

[عين فلسطين]

والله مابعرف شو بدي احكي
الي رجعة

انا بستناكي حبيبيتي

[عين فلسطين]

لهدرجة هاد موضوع سخيف وتافه
اسفة اني طرحتو

[عيون حزينة]

انا بقول عدم التفاهم هو اكبر سبب

وانا ما بفضل بابا عالماما او العكس

[عين فلسطين]

هاد سبب وجيه
منورة حبيبتي

[**(girl of palestine )**]

التفكك الاسري يضر بالدرجه الاولى بالاولاد
او حتى هو ما يضر بالابوين
وانا بفضل اعيش عند ستي لا عند ابوي ولا عند امي .

[فلسطينيه والراس مرفوع]

عين فلسطين يا هبلــة ليش امعصبة

مش مستااهلة حبيبي

موضوعك حلو بس الأعضاء نايميــن وانا أولهم

انت برايك شو هي اسبابه ؟
التفكك الأسري دايما بكون سببه تجاهل الأب والأم لدورهم بالأسرة وهو التربية
تربية ولادهم يعني .. عشان هيك اكتر ما بنلاقي تفكك أسري بالمجتمعات الغربية الي كل واحد بكون فيها مش سائل غير بحالو .. يعني هناك ما بعرفو شو يعني أسرة ولا بهتموبولادهم .. فبتلاقي الولاد متلهم متل أهلهم ما عندهم انتماء لاشي اسمو اسرة بالمرة ...
كمان سبب هو المشاكل بين الوالـدين .. يعني لما طول اليوم الأب والأم يمضوها مشاكل وضرب وصياااح ومسبيااات :( وكل واحد بحالو الولاد شو رح يعملو .. بردو يقعدوا لحالهم كأنو ما في لا اسرة ولا بطيخ إالهــم

شو هي العواقب اللي ممكن تحدث من شانو؟؟
تفكك اسري = تفكك مجتمـــع = تفكك أمة بكاملهــآ
يعني لما الفرد مش نافع للمجتمع وما بهتم غير بحالو وما عندو اسس تربية صح .. المجتمع اكيد زفت رح ايسير وايبطل من الأمة كلها في أمل


ومع مين تفضل/ي تكون/ي امك او ابوك؟
يييي بعيد الشــر لا اتافولي ولي دبـــة ..
انشالله ماببعدو عن بعض
وان بعدوا وقتها بفكر مع مين ..

عين فلسطين

موضوع عنجد حلووو

بس وين الأعضاء عنوو

[نور الهدى]

مش دائما يكون التفكك نتيجة لاهمال الزوج و الزوجة لدورهم تجاه اولادهم

لكن بظني انه نتيجة لعدم التفاهم و انعدام الحوار بين الزوجين

او بالاحرى اهمال الزوج و الزوجة لحقوق شريك حياته

فالمسألة مش متعلقة دائما بالاولاد

//

عن نفسي انا عايشة بأسرة ما بمر عليها شهر الا و الوالد و الوالدة يتخانقوا .. هاي الحالة انا عايشة فيها من لما انولدت

والله بلا مبالغة

اسباب الخلاف احيانا بتكون تافهة .. و احيانا لا ..

لكن السبب الرئيسي هو الاختلاف الكامل بين اهداف كل من الزوج و الزوجة - اهلي يعني -

كل واحد فيهم اله نظرة خاصة و مختلفة تماما للحياة

زد على ذلك انه احيانا بنعدم الاحترام بينهم ..

لا تبكوا شفقة علي

المسألة عادية جدا .. و هالشي بصير في اسر كتيرة

لذلك من الاساس لازم الواحد يختار الشخص الانسب و اللي بكون الاقرب اله في التفكير و في النظرة العامة للحياة

مش انه يكون في واد و شريكه في واد تاني


//

شو هي العواقب اللي ممكن تحدث من شانو؟؟

الاسرة نواة المجتمع .. فدمارها يعني دمار المجتمع بأكمله ..

يمكن الاولاد في المستقبل يتعقدوا من مسألة الزواج .. و ما يتزوجوا تجنبا للمشاكل اللي عاشوها

فيكثر الفساد .. و يتدمر المجتمع

فالمسألة معقدة ..

الله يصلح الحال

//

موضوع رائع :)

يسلموا ايديكي

[عين فلسطين]

التفكك الاسري يضر بالدرجه الاولى بالاولاد
او حتى هو ما يضر بالابوين
وانا بفضل اعيش عند ستي لا عند ابوي ولا عند امي .

خيار سليم بس اي ست فيهم
وهو رح يضر بالك حتى الابوين