الزواج ام الدراسه.. ايهما في صالح الفتاة.. ؟؟؟

[بنوتة لبنان]

الزواج ام الدراسه.. ايهما في صالح الفتاة.. ؟؟؟

السلام عليكم ورحمة الله وبركاته


(( الزواج ام الدراسة ايهما في صالح الفتاة ؟؟؟ ))

اخي الكريم اختي الكريمة...


الكثير من العوائل ترفض تزويج بناتها فى مرحلة الدراسه
فالدراسه أولا ومن ثم الزواج ..هل وجهة نظرهم صحيحه ؟؟


أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟


هل الشهاده الدراسيه اكثر ضمانا لمستقبل الفتاه من الزواج ؟؟


هل الزواج فى سن مبكره السبب لحالات الطلاق حيث يكون الزوجان
غير مهيئين لتحمل المسؤليه وحل المشاكل ، كذلك إنشغال الفتاه فى الدراسه قد يلهيها عن واجباتها تجاه زوجها وبيتها
فيحدث الإنفصال من أول مشكله أو خلاف..؟؟


فما هى وجهة نظركم ؟

اتمنى ان ارى مداخلات من ***** حول هذا الموضوع المهم في المجتمع .

لكم مني كل الود

__________________

[الطالب المجتهد]

والله انا برأيي الدراسة

سألتيني ليش

لأنو بس تدرس وييجيها النصيب

وتخلص جامعة بتساعد جوزها بهل الحياة بتشتغل مدرسة مديرة


هيك يعني

يسلمو اختي

[*ريحانة القلب*]

النصيب هو الي بقرر

بصراحة نحنا بزمن الدراسة فيه مهمة وسلاح للبنت

بنفس الوقت العنوسة نسبتها كبييييرة

يعني ازا اجاها المناسب من كل النواحي ليش تضيع ع حالها

الفرصة .. وبكرا تصير تقول ياريت الي جرا ما كان

لأنو - نكون صريحين- ما رح تفيدها الدراسة شي وقتها !!!

وممكن تطلب من العريس انها تكمل تعليمها وفيه كتير هيك بعملو

وازا الاب خايف ع بنتو يكمللها تعليمها وهي عند زوجها ..


يعني حسب الحالة مافي نظرية بتمشي ع الكل



يعطيك العافية

[Arabian girl]

برايي اكيد اكيد الدراسة اهم
يعني الزواج الوحده لاحئة
اما الدراسة مهمة كتير وفيها الفتاه بتضمن حئها بالحياه وبتسير تمثل شي بالمجتمع
مشكورة ^^

[الإمبراطور الساهري]

بإمكان البنت التوفيق بين الأمرين

يعني في أول حياتها ممكن

لأنـو متفرغـه مــا عندها اولاد

وكمــان يعني شغل البيت

لأنو رح يكـون هي وزوجها يعني ما في شي

يشغلها

شكرا بنوتة لبنان على الطرح الجميل

دمتـــي مبــدعـــه ،،،،

تـحـيــــ،،،تــ،،،ـاـــي ؛؛ .. ؛؛ .. ؛؛

[سُكون !]

برآيي الدرآسة الآول والآهم ..
لآنة بعد الزوآج صعب تدرس ..
بعدين البنت معهآ طول حيآتهآ آتكون متزوجة ..
فَ على شو العجَلَة .. ؟
تِسلمين بنوتة لبنآن ..

[ابو مرعي]

انا برأيي ان التنين مهمات للبنت

لكن الزواج قد يكون افضل للفتاه من ناحية ستره لها

من كل العوامل الخارجيه المؤثره هاي الايام

لان مستحيل اتزوج وحده في المستقبل واخليها تشتغل

بعد الزواج يصبح لكل زوج مسؤوليته

الرجل عليه العمل وكسب المال لتأمين مستقبل جيد لاسرته

والمرأه عليها تنظيم هذه الاسره ورعايتها وتربيتها

فبرأيي شهادة المرأه لا لزوم لها الا في ضروف معينه قد تكون قاسيه الله يبعدها عنا

[haboosh]

اول شي هاي شغلة نصيب بس انا بحكي انو الدراسة مهمة كتيير بحياة البنت يعني لو تزوجت و هي مو دارسة او مو مكلملة دراستها و صار مع زوجها شي..وقتها رح تندم كتيير لانها ما تابعت دراستها وما حتقدر تساعده فالدراسة اهم لانها لمصلحتهم التنين.....

[صانع القادة]

انا برأيي انو اذا اجاها نصيبها وهي بتدرس تتزوج وتكمل دراستها

موضوع هااااام وحلو

..

[ضوء الشمس]

ممممممممم

التوفيق بين الدراسة والزواج للفتاة الطموحة أفضل


لأنوا الدين حث على السترة والعفاف

والدراسة مهمة يعني كتير للبنت


يعني الي بدها تتزوج وهيا صغيرة تكنو حاطة شرط تكميل الدراسة


مشكورة