لمـــاذا تلــزم الفتـــاة الصمــت عنــد التحــرش بهـــا؟! !

[أسيرة الجراح]

لمـــاذا تلــزم الفتـــاة الصمــت عنــد التحــرش بهـــا؟! !


موضوع للنقاش


نرى كثير من الفتيات عند التحرش بهن لا يبلغون آبائهــن أو أخوانهـــن بأنهن تعرضــن للتحــرش
يعني أن الفتاة تلزم الصمت ولا تخبر أهلها بذلك ترى لمـــاذا؟؟



هذه قصة حقيقية
فتاة تركب مع سائق الباص للذهاب للمدرســة
وفي يوم من الأيام حاول هذا السائق التحرش بها
فذهبــت الفتـــاة وأخبرت والدتهـــا بالأمــر
فقامت الأم بدورهـــا بإخبــار الأب بما حدث من السائق
فما كان من الأب إلا أن منـــع الفتـــاة من الذهــاب للمدرســـة؟




السبب الاول
إلقـــاء اللـــــوم على الفتـــاة دون أي تفاهــم. . .
يعني أن الفتــاة تخــاف من ردة فعــل الأب أو الأخ أو الزوج
الذي طبعا سيغضب عندما يعلم بأن أختــه أو زوجتــه أو إبنتــه تعرضت للتحرش
سواء بإعطائها الرقــم أو تحرش من نــوع آخر كيف تخــاف يعني أن الأب أو الأخ أو الزوج يحاول أن يلقي كل اللــوم على الفتــاة مثلا لو أنك غطيتي عيونــك لو أنك ما رحتي من هالطريــق ، لو أنك ما طلعتـــي لو لو لو إلــخ أنت أيها المحــرم تعرف طريقة ابنتك أو أختك أو زوجتك عند الخروج وراضي بهــا فلماذا تلقي اللوم عليها عندما تتعرض للتحرش من بعض الشباب القليلين مخافــة من اللـــه؟ المفروض أن تكون قريب من أختك أو زوجتك حتى تستطيع أن تتحدث معك بكل ما يجول بخاطرها
المفروض أن تكون الـــزوج و الأخ و الصديـــق و القريـــب لا أن تكون المرعــب المخيـــف التي تتجنبك أختك أو زوجتــك خوفــا منــك ليـــس إحترامـــا لــك



السبــب الثانـــي
- أن تكون الفتـــاة خجــولة ولا تستطيــع أن تصرخ على الشــاب وتوقفــه عنــد حــده يعني أن الفتــاة تلزم الصمت حتى ينصرف عنها من يتحرش بهــا أو يحاول معاكستهـــا أو أنهــا تحــس بالضعـــف وأنها مهما حاولت لإبعــاده فلن تستطيع
لأن قوة الرجــل أكبــر من قوة المــرأة وبنيتــه أقوى من بنيــة المــرأة




السبــب الثـالـــث
خــوف المــرأة من أنهــا اذا حاولت ايقــاف الشــاب عند حده أن تكثر الإشاعات عليها يعني أن الفتــاة تخاف من النــاس ومن الكلام الذي سيظهر عليها وأن النــاس لا يرحمون من إظهــار الإشاعات والظلــم وهذه النقطــة دااائما ما تحــدث

وهذا موقف
مرة من المرات حاولت إحدى الفتيات أن توقف شاب حاول معاكستها أكثر من مرة
فما كان من أحد الجالسات إلا وقالت
لا بد أنها هي من بدأت بإعطائه النظرات أو محاكاتــه




السبــب الرابـــع
خوف الفتــاة بأن يقوم أهلها بمنعهــا من الخروج
والفتاة لابد أن تنفــس عن نفسهــا بالخروج
طبعا لا أقصد الخروج الـدائــــم
لكنها تحتاج للخروج بيــن فتــرة وأخـــرى
وتخاف بعد إخبار أهلها بأن يمنعوها من الخــروج





هــل هنــاك أسبــاب أخرى من وجهــة نظركـــم!!!!؟

[Yαś]

بالنسبة التحرش الفتاة ..

فأنا مع الأسبابـ التي ذكرتها .. و خلاصة هذهـ الأسبابـ الخوفـ ..

يعني يا بتاخفـ من أهلها أو بتخافـ من كلام الناس ..

أنا في رأيي لازم البنتـ تعود نفسها على أنها ما تخافـ من حدا إلا من ربها ..


عندي تعليق على السببـ الثاني ..

أحنا في زمن ما عاد فيهـ الخجل ينفع ..

كمان هذا مش موقفـ .. يعني أذا تحرش فيها رجل تظل ساكتهـ .. لا و اللهـ بالكندرة على راسو


يسلموو أختي ..

يعطيكي العافية


أرقى تحياتي

[أبو يقين]

أنا باعتقادي

ضعف شخصية عندها

حقيت أول ما يقرب عليها

تعمله فضيحة

وبعدين ما تروح على أماكن غريبة لوحدها

لازم يكون في حدا برافقها

وتقوي شخصيتها

يعني ضعف الشخصية

سبب مباشر

[أسيرة الجراح]

ابو خالد ... ابو يقين
يسلمو ع مروركم .......
بس عجبني ابو خالد ههههههههه بالكندرة ع راسو خخخخخخخخخخ مستاهل
تحياتيــ

[الطالب المجتهد]

هههههههههه

حلوة منك ابو خالد هههههههههههههه

يسلمو اختي وانا كمان بحكي الفتاة شخصيتها ضعيفة

[فراشة]

لا مو ضعف في الشخصية ...


لازم نسكت اصلا لأن لو حكينا رح نفتح مجال للحكي وغيرو .. وهاد اللي هوة بدو ياه


وبعدين بسكت لأنو مو من مستوايا أرد عالأشكال هاي ....


بروح وبحكي لماما ...


لما أحس الموضوع زاد عن حده بحكي لبابا وبخليه يتصرف ...


يعطيكي العافية

[limar]

يعني الشب لما يضل ملاحئ بنت ويعاكسها اكتر من مرة شو بدو غير انو ترد عليه لو بمسبة او بعصبية

لا ما منعطيه هالفرصة

غير هيك مجتمعنا متخلف

يعني ازا بدها البنت تصرخ بنص الشارع على الشب راح العالم يحكو عنها ويئولو شوف كيف بتبهدل بنص الشارع ما بتستحي

اكيد بدنا نسكت

لانو مجتمعنا متخلف والناس روح ئلبها الحكي

[فلسطينيه!17]

موضوع حلو والله

بس متل ما حكتيتي ليمار مجتمعنا متخلف

بس والله مرتين صارت معي هالشغله

المره الاولى تفيت على الشب يعني مش عليه بس جهتو

والمره التانيه حكيت لاخوي عن واحد كان كل ما ارجع من المدرسه يصير يرمي حكي

ويضل يتفرج وانا بموووووووووووووووووووووت قهر من الي بضلو يتفرجو

فحكيت عنو لاخوي وطعماه قتله من الاخر ونبسطت كتييييييييير هههههه

[فلسطينيه!17]

اه وصحيح يسلمووو اسيره عالموضوع

[][ BLACK CAT ][]

ليه البنت من الاول تطلع لحالها

وبعدين لو فرضنا وطلعت لحالها مضطره تضل ساكته اه بس ازا زودها تعطيه كف يجيب اجلو ولما الناس يشوفو تصرفها هاد بعرفو انها محترمه وبوقفو معها اما انو كل كلمه ترد عليها فبرأيي هاد غلط

يسلمو عالطرح واكيد انا معك بكل الاسباب الي زكرتيها

تقبلي مروري